| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৬. চারিত্তসিক্খাপদং
6. Cārittasikkhāpadaṃ
২৯৪. ছট্ঠে কস্মা তেহি ‘‘দেথাৰুসো ভত্ত’’ন্তি ৰুত্তং, ননু ভিক্খূনং এৰং ৰত্তুং ন ৰট্টতীতি আহ ‘‘এত্থ তং কিরা’’তিআদি। তস্মাতি যস্মা অভিহটং অহোসি, তস্মা।
294. Chaṭṭhe kasmā tehi ‘‘dethāvuso bhatta’’nti vuttaṃ, nanu bhikkhūnaṃ evaṃ vattuṃ na vaṭṭatīti āha ‘‘ettha taṃ kirā’’tiādi. Tasmāti yasmā abhihaṭaṃ ahosi, tasmā.
২৯৫. ইদং পন ৰচনং আহাতি সম্বন্ধো। পসাদঞ্ঞথত্তন্তি পসাদস্স অঞ্ঞেনাকারেন ভাৰো। নন্তি খাদনীযং। ‘‘গহেত্ৰা আগমংসূ’’তিইমিনা ‘‘উস্সারিযিত্থা’’তি এত্থ উকারস্স উগ্গহত্থতঞ্চ সরধাতুস্স গত্যত্থতঞ্চ অজ্জতনিঞুংৰিভত্তিযা ত্থত্তঞ্চ দস্সেতি, উগ্গহেত্ৰা সারিংসু অগমংসূতি অত্থো।
295. Idaṃ pana vacanaṃ āhāti sambandho. Pasādaññathattanti pasādassa aññenākārena bhāvo. Nanti khādanīyaṃ. ‘‘Gahetvā āgamaṃsū’’tiiminā ‘‘ussāriyitthā’’ti ettha ukārassa uggahatthatañca saradhātussa gatyatthatañca ajjataniñuṃvibhattiyā tthattañca dasseti, uggahetvā sāriṃsu agamaṃsūti attho.
২৯৮. যত্থাতি যস্মিং ঠানে। ঠিতস্স ভিক্খুনো চিত্তং উপ্পন্নন্তি যোজনা। ততোতি চিত্তুপ্পন্নতো। যন্তি ভিক্খুং। পকতিৰচনেনাতি উচ্চাসদ্দমকত্ৰা পৰত্তেন সভাৰৰচনেন। অন্তোৰিহারেতি ৰচনস্স অতিসম্বাধত্তা অযুত্তভাৰং মঞ্ঞমানো আহ ‘‘অপি চ অন্তোউপচারসীমাযা’’তি।
298.Yatthāti yasmiṃ ṭhāne. Ṭhitassa bhikkhuno cittaṃ uppannanti yojanā. Tatoti cittuppannato. Yanti bhikkhuṃ. Pakativacanenāti uccāsaddamakatvā pavattena sabhāvavacanena. Antovihāreti vacanassa atisambādhattā ayuttabhāvaṃ maññamāno āha ‘‘api ca antoupacārasīmāyā’’ti.
৩০২. গামস্স অন্তরে আরামো তিট্ঠতীতি অন্তরারামো ৰিহারো, তং গচ্ছতীতি দস্সেন্তো আহ ‘‘অন্তোগামে’’তিআদীতি। ছট্ঠং।
302. Gāmassa antare ārāmo tiṭṭhatīti antarārāmo vihāro, taṃ gacchatīti dassento āha ‘‘antogāme’’tiādīti. Chaṭṭhaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৫. অচেলকৰগ্গো • 5. Acelakavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৬. চারিত্তসিক্খাপদৰণ্ণনা • 6. Cārittasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৬. চারিত্তসিক্খাপদৰণ্ণনা • 6. Cārittasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৬. চারিত্তসিক্খাপদৰণ্ণনা • 6. Cārittasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৬. চারিত্তসিক্খাপদৰণ্ণনা • 6. Cārittasikkhāpadavaṇṇanā
