| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๖. จาริตฺตสิกฺขาปทํ
6. Cārittasikkhāpadaṃ
๒๙๔. ฉเฎฺฐ กสฺมา เตหิ ‘‘เทถาวุโส ภตฺต’’นฺติ วุตฺตํ, นนุ ภิกฺขูนํ เอวํ วตฺตุํ น วฎฺฎตีติ อาห ‘‘เอตฺถ ตํ กิรา’’ติอาทิฯ ตสฺมาติ ยสฺมา อภิหฎํ อโหสิ, ตสฺมาฯ
294. Chaṭṭhe kasmā tehi ‘‘dethāvuso bhatta’’nti vuttaṃ, nanu bhikkhūnaṃ evaṃ vattuṃ na vaṭṭatīti āha ‘‘ettha taṃ kirā’’tiādi. Tasmāti yasmā abhihaṭaṃ ahosi, tasmā.
๒๙๕. อิทํ ปน วจนํ อาหาติ สมฺพโนฺธฯ ปสาทญฺญถตฺตนฺติ ปสาทสฺส อเญฺญนากาเรน ภาโวฯ นนฺติ ขาทนียํฯ ‘‘คเหตฺวา อาคมํสู’’ติอิมินา ‘‘อุสฺสาริยิตฺถา’’ติ เอตฺถ อุการสฺส อุคฺคหตฺถตญฺจ สรธาตุสฺส คตฺยตฺถตญฺจ อชฺชตนิญุํวิภตฺติยา ตฺถตฺตญฺจ ทเสฺสติ, อุคฺคเหตฺวา สาริํสุ อคมํสูติ อโตฺถฯ
295. Idaṃ pana vacanaṃ āhāti sambandho. Pasādaññathattanti pasādassa aññenākārena bhāvo. Nanti khādanīyaṃ. ‘‘Gahetvā āgamaṃsū’’tiiminā ‘‘ussāriyitthā’’ti ettha ukārassa uggahatthatañca saradhātussa gatyatthatañca ajjataniñuṃvibhattiyā tthattañca dasseti, uggahetvā sāriṃsu agamaṃsūti attho.
๒๙๘. ยตฺถาติ ยสฺมิํ ฐาเนฯ ฐิตสฺส ภิกฺขุโน จิตฺตํ อุปฺปนฺนนฺติ โยชนาฯ ตโตติ จิตฺตุปฺปนฺนโตฯ ยนฺติ ภิกฺขุํฯ ปกติวจเนนาติ อุจฺจาสทฺทมกตฺวา ปวเตฺตน สภาววจเนนฯ อโนฺตวิหาเรติ วจนสฺส อติสมฺพาธตฺตา อยุตฺตภาวํ มญฺญมาโน อาห ‘‘อปิ จ อโนฺตอุปจารสีมายา’’ติฯ
298.Yatthāti yasmiṃ ṭhāne. Ṭhitassa bhikkhuno cittaṃ uppannanti yojanā. Tatoti cittuppannato. Yanti bhikkhuṃ. Pakativacanenāti uccāsaddamakatvā pavattena sabhāvavacanena. Antovihāreti vacanassa atisambādhattā ayuttabhāvaṃ maññamāno āha ‘‘api ca antoupacārasīmāyā’’ti.
๓๐๒. คามสฺส อนฺตเร อาราโม ติฎฺฐตีติ อนฺตราราโม วิหาโร, ตํ คจฺฉตีติ ทเสฺสโนฺต อาห ‘‘อโนฺตคาเม’’ติอาทีติฯ ฉฎฺฐํฯ
302. Gāmassa antare ārāmo tiṭṭhatīti antarārāmo vihāro, taṃ gacchatīti dassento āha ‘‘antogāme’’tiādīti. Chaṭṭhaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๕. อเจลกวโคฺค • 5. Acelakavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๖. จาริตฺตสิกฺขาปทวณฺณนา • 6. Cārittasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๖. จาริตฺตสิกฺขาปทวณฺณนา • 6. Cārittasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๖. จาริตฺตสิกฺขาปทวณฺณนา • 6. Cārittasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๖. จาริตฺตสิกฺขาปทวณฺณนา • 6. Cārittasikkhāpadavaṇṇanā
