| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၆. စာရိတ္တသိက္ခာပဒံ
6. Cārittasikkhāpadaṃ
၂၉၄. ဆဋ္ဌေ ကသ္မာ တေဟိ ‘‘ဒေထာဝုသော ဘတ္တ’’န္တိ ဝုတ္တံ, နနု ဘိက္ခူနံ ဧဝံ ဝတ္တုံ န ဝဋ္ဋတီတိ အာဟ ‘‘ဧတ္ထ တံ ကိရာ’’တိအာဒိ။ တသ္မာတိ ယသ္မာ အဘိဟဋံ အဟောသိ, တသ္မာ။
294. Chaṭṭhe kasmā tehi ‘‘dethāvuso bhatta’’nti vuttaṃ, nanu bhikkhūnaṃ evaṃ vattuṃ na vaṭṭatīti āha ‘‘ettha taṃ kirā’’tiādi. Tasmāti yasmā abhihaṭaṃ ahosi, tasmā.
၂၉၅. ဣဒံ ပန ဝစနံ အာဟာတိ သမ္ဗန္ဓော။ ပသာဒညထတ္တန္တိ ပသာဒသ္သ အညေနာကာရေန ဘာဝော။ နန္တိ ခာဒနီယံ။ ‘‘ဂဟေတ္ဝာ အာဂမံသူ’’တိဣမိနာ ‘‘ဥသ္သာရိယိတ္ထာ’’တိ ဧတ္ထ ဥကာရသ္သ ဥဂ္ဂဟတ္ထတဉ္စ သရဓာတုသ္သ ဂတ္ယတ္ထတဉ္စ အဇ္ဇတနိဉုံဝိဘတ္တိယာ တ္ထတ္တဉ္စ ဒသ္သေတိ, ဥဂ္ဂဟေတ္ဝာ သာရိံသု အဂမံသူတိ အတ္ထော။
295. Idaṃ pana vacanaṃ āhāti sambandho. Pasādaññathattanti pasādassa aññenākārena bhāvo. Nanti khādanīyaṃ. ‘‘Gahetvā āgamaṃsū’’tiiminā ‘‘ussāriyitthā’’ti ettha ukārassa uggahatthatañca saradhātussa gatyatthatañca ajjataniñuṃvibhattiyā tthattañca dasseti, uggahetvā sāriṃsu agamaṃsūti attho.
၂၉၈. ယတ္ထာတိ ယသ္မိံ ဌာနေ။ ဌိတသ္သ ဘိက္ခုနော စိတ္တံ ဥပ္ပန္နန္တိ ယောဇနာ။ တတောတိ စိတ္တုပ္ပန္နတော။ ယန္တိ ဘိက္ခုံ။ ပကတိဝစနေနာတိ ဥစ္စာသဒ္ဒမကတ္ဝာ ပဝတ္တေန သဘာဝဝစနေန။ အန္တောဝိဟာရေတိ ဝစနသ္သ အတိသမ္ဗာဓတ္တာ အယုတ္တဘာဝံ မညမာနော အာဟ ‘‘အပိ စ အန္တောဥပစာရသီမာယာ’’တိ။
298.Yatthāti yasmiṃ ṭhāne. Ṭhitassa bhikkhuno cittaṃ uppannanti yojanā. Tatoti cittuppannato. Yanti bhikkhuṃ. Pakativacanenāti uccāsaddamakatvā pavattena sabhāvavacanena. Antovihāreti vacanassa atisambādhattā ayuttabhāvaṃ maññamāno āha ‘‘api ca antoupacārasīmāyā’’ti.
၃၀၂. ဂာမသ္သ အန္တရေ အာရာမော တိဋ္ဌတီတိ အန္တရာရာမော ဝိဟာရော, တံ ဂစ္ဆတီတိ ဒသ္သေန္တော အာဟ ‘‘အန္တောဂာမေ’’တိအာဒီတိ။ ဆဋ္ဌံ။
302. Gāmassa antare ārāmo tiṭṭhatīti antarārāmo vihāro, taṃ gacchatīti dassento āha ‘‘antogāme’’tiādīti. Chaṭṭhaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၅. အစေလကဝဂ္ဂော • 5. Acelakavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၆. စာရိတ္တသိက္ခာပဒဝဏ္ဏနာ • 6. Cārittasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၆. စာရိတ္တသိက္ခာပဒဝဏ္ဏနာ • 6. Cārittasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. စာရိတ္တသိက္ခာပဒဝဏ္ဏနာ • 6. Cārittasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၆. စာရိတ္တသိက္ခာပဒဝဏ္ဏနာ • 6. Cārittasikkhāpadavaṇṇanā
