| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
6. சாரித்தஸிக்கா²பத³வண்ணனா
6. Cārittasikkhāpadavaṇṇanā
294. ச²ட்ட²ஸிக்கா²பதே³ – தே³தா²வுஸோ ப⁴த்தந்தி எத்த² தங் கிர ப⁴த்தங் அபி⁴ஹடங் அஹோஸி, தஸ்மா ஏவமாஹங்ஸு. அனபி⁴ஹடே பன ஏவங் வத்துங் ந லப்³ப⁴தி, பயுத்தவாசா ஹோதி.
294. Chaṭṭhasikkhāpade – dethāvuso bhattanti ettha taṃ kira bhattaṃ abhihaṭaṃ ahosi, tasmā evamāhaṃsu. Anabhihaṭe pana evaṃ vattuṃ na labbhati, payuttavācā hoti.
295. தேன ஹி பி⁴க்க²வே படிக்³க³ஹெத்வா நிக்கி²பதா²தி இத³ங் பன ப⁴க³வா குலஸ்ஸ ஸத்³தா⁴னுரக்க²ணத்தா²ய ஆஹ. யதி³ ‘‘பா⁴ஜெத்வா கா²த³தா²’’தி வதெ³ய்ய, மனுஸ்ஸானங் பஸாத³ஞ்ஞத²த்தங் ஸியா. உஸ்ஸாரியித்தா²தி படிஹரியித்த²; க⁴ரங்யேவ நங் க³ஹெத்வா அக³மங்ஸூதி வுத்தங் ஹோதி.
295.Tena hi bhikkhave paṭiggahetvā nikkhipathāti idaṃ pana bhagavā kulassa saddhānurakkhaṇatthāya āha. Yadi ‘‘bhājetvā khādathā’’ti vadeyya, manussānaṃ pasādaññathattaṃ siyā. Ussāriyitthāti paṭihariyittha; gharaṃyeva naṃ gahetvā agamaṃsūti vuttaṃ hoti.
298. ஸந்தங் பி⁴க்கு²ந்தி எத்த² கித்தாவதா ஸந்தோ ஹோதி, கித்தாவதா அஸந்தோதி? அந்தோவிஹாரே யத்த² டி²தஸ்ஸ குலானி பயிருபாஸனசித்தங் உப்பன்னங், ததோ பட்டா²ய யங் பஸ்ஸே வா அபி⁴முகே² வா பஸ்ஸதி, யஸ்ஸ ஸக்கா ஹோதி பகதிவசனேன ஆரோசேதுங், அயங் ஸந்தோ நாம. இதோ சிதோ ச பரியேஸித்வா ஆரோசனகிச்சங் நாம நத்தி². யோ ஹி ஏவங் பரியேஸிதப்³போ³, ஸோ அஸந்தோயேவ. அபிச அந்தோஉபசாரஸீமாய பி⁴க்கு²ங் தி³ஸ்வா ஆபுச்சி²ஸ்ஸாமீதி க³ந்த்வா தத்த² யங் பஸ்ஸதி, ஸோ ஆபுச்சி²தப்³போ³. நோ சே பஸ்ஸதி, அஸந்தங் பி⁴க்கு²ங் அனாபுச்சா² பவிட்டோ² நாம ஹோதி.
298.Santaṃ bhikkhunti ettha kittāvatā santo hoti, kittāvatā asantoti? Antovihāre yattha ṭhitassa kulāni payirupāsanacittaṃ uppannaṃ, tato paṭṭhāya yaṃ passe vā abhimukhe vā passati, yassa sakkā hoti pakativacanena ārocetuṃ, ayaṃ santo nāma. Ito cito ca pariyesitvā ārocanakiccaṃ nāma natthi. Yo hi evaṃ pariyesitabbo, so asantoyeva. Apica antoupacārasīmāya bhikkhuṃ disvā āpucchissāmīti gantvā tattha yaṃ passati, so āpucchitabbo. No ce passati, asantaṃ bhikkhuṃ anāpucchā paviṭṭho nāma hoti.
302. அந்தராராமந்தி அந்தோகா³மே விஹாரோ ஹோதி, தங் க³ச்ச²தி. ப⁴த்தியக⁴ரந்தி நிமந்திதக⁴ரங் வா ஸலாகப⁴த்தாதி³தா³யகானங் வா க⁴ரங். ஆபதா³ஸூதி ஜீவிதப்³ரஹ்மசரியந்தராயேஸு ஸதி க³ந்துங் வட்டதி. ஸேஸமெத்த² உத்தானமேவ.
302.Antarārāmanti antogāme vihāro hoti, taṃ gacchati. Bhattiyagharanti nimantitagharaṃ vā salākabhattādidāyakānaṃ vā gharaṃ. Āpadāsūti jīvitabrahmacariyantarāyesu sati gantuṃ vaṭṭati. Sesamettha uttānameva.
கதி²னஸமுட்டா²னங் – காயவாசதோ காயவாசாசித்ததோ ச ஸமுட்டா²தி, கிரியாகிரயங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākirayaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
சாரித்தஸிக்கா²பத³ங் ச²ட்ட²ங்.
Cārittasikkhāpadaṃ chaṭṭhaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. சாரித்தஸிக்கா²பத³வண்ணனா • 6. Cārittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. சாரித்தஸிக்கா²பத³வண்ணனா • 6. Cārittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. சாரித்தஸிக்கா²பத³வண்ணனா • 6. Cārittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. சாரித்தஸிக்கா²பத³ங் • 6. Cārittasikkhāpadaṃ
