| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
6. சாரித்தஸிக்கா²பத³வண்ணனா
6. Cārittasikkhāpadavaṇṇanā
அந்தோஉபசாரஸீமாய த³ஸ்ஸனூபசாரே பி⁴க்கு²ங் தி³ஸ்வாதி யத்த² டி²தஸ்ஸ குலானி பயிருபாஸனசித்தங் உப்பன்னங், ததோ பட்டா²ய க³ச்ச²ந்தோ அந்தோஉபசாரஸீமாய த³ஸ்ஸனூபசாரே பி⁴க்கு²ங் பஸ்ஸே வா அபி⁴முகே² வா தி³ஸ்வா. பகதிவசனேனாதி யங் த்³வாத³ஸஹத்த²ப்³ப⁴ந்தரே டி²தேன ஸோதுங் ஸக்கா, தாதி³ஸேன வசனேன, இதோ சிதோ ச பரியேஸித்வா ஆரோசனகிச்சங் பன நத்தி². யோ ஹி ஏவங் பரியேஸிதப்³போ³, ஸோ அஸந்தோயேவ. தேனாஹ ‘‘தாதி³ஸ’’ந்திஆதி³. அனாபுச்சி²த்வாதி அனாரோசெத்வா.
Antoupacārasīmāya dassanūpacāre bhikkhuṃ disvāti yattha ṭhitassa kulāni payirupāsanacittaṃ uppannaṃ, tato paṭṭhāya gacchanto antoupacārasīmāya dassanūpacāre bhikkhuṃ passe vā abhimukhe vā disvā. Pakativacanenāti yaṃ dvādasahatthabbhantare ṭhitena sotuṃ sakkā, tādisena vacanena, ito cito ca pariyesitvā ārocanakiccaṃ pana natthi. Yo hi evaṃ pariyesitabbo, so asantoyeva. Tenāha ‘‘tādisa’’ntiādi. Anāpucchitvāti anārocetvā.
அந்தராராமபி⁴க்கு²னுபஸ்ஸயதித்தி²யஸெய்யபடிக்கமனப⁴த்தியக⁴ரானீதி எத்த² அந்தராராமந்தி அந்தோகா³மே விஹாரோ. படிக்கமனந்தி ஆஸனஸாலா. ப⁴த்தியக⁴ரந்தி நிமந்திதக⁴ரங் வா ஸலாகப⁴த்தாதி³தா³யகானங் வா க⁴ரங். ஆபதா³ஸூதி ஜீவிதப்³ரஹ்மசரியந்தராயேஸு. கிரியாகிரியந்தி எத்த² குலேஸு சாரித்தாபஜ்ஜனங் கிரியங், அனாபுச்ச²னங் அகிரியந்தி வேதி³தப்³ப³ங்.
Antarārāmabhikkhunupassayatitthiyaseyyapaṭikkamanabhattiyagharānīti ettha antarārāmanti antogāme vihāro. Paṭikkamananti āsanasālā. Bhattiyagharanti nimantitagharaṃ vā salākabhattādidāyakānaṃ vā gharaṃ. Āpadāsūti jīvitabrahmacariyantarāyesu. Kiriyākiriyanti ettha kulesu cārittāpajjanaṃ kiriyaṃ, anāpucchanaṃ akiriyanti veditabbaṃ.
சாரித்தஸிக்கா²பத³வண்ணனா நிட்டி²தா.
Cārittasikkhāpadavaṇṇanā niṭṭhitā.
