| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
৬. চারিত্তসিক্খাপদৰণ্ণনা
6. Cārittasikkhāpadavaṇṇanā
২৯৮. ছট্ঠে ‘‘পরিযেসিত্ৰা আরোচনকিচ্চং নাম নত্থী’’তি ৰুত্তত্তা যো অপরিযেসিতব্বো উপসঙ্কমিতুং যুত্তট্ঠানে দিস্সতি, সো সচেপি পকতিৰচনস্স সৰনূপচারং অতিক্কম্ম ঠিতো উপগন্ত্ৰা আপুচ্ছিতব্বো। তেনাহ ‘‘অপি চ…পে॰… যং পস্সতি, সো আপুচ্ছিতব্বো’’তিআদি।
298. Chaṭṭhe ‘‘pariyesitvā ārocanakiccaṃ nāma natthī’’ti vuttattā yo apariyesitabbo upasaṅkamituṃ yuttaṭṭhāne dissati, so sacepi pakativacanassa savanūpacāraṃ atikkamma ṭhito upagantvā āpucchitabbo. Tenāha ‘‘api ca…pe… yaṃ passati, so āpucchitabbo’’tiādi.
৩০২. অনাপত্তিৰারে চেত্থ অন্তরারামাদীনঞ্ঞেৰ ৰুত্তত্তা ৰিহারতো গামৰীথিং অনুঞ্ঞাতকারণং ৰিনা অতিক্কমন্তস্সাপি আপত্তি হোতি, ন পন ঘরূপচারং অতিক্কমন্তস্সেৰ।
302. Anāpattivāre cettha antarārāmādīnaññeva vuttattā vihārato gāmavīthiṃ anuññātakāraṇaṃ vinā atikkamantassāpi āpatti hoti, na pana gharūpacāraṃ atikkamantasseva.
যং পন পাল়িযং ‘‘অঞ্ঞস্স ঘরূপচারং ওক্কমন্তস্স…পে॰… পঠমং পাদং উম্মারং অতিক্কামেতী’’তিআদি ৰুত্তং। তং গামে পৰিট্ঠং সন্ধায ৰুত্তং, তথাপি অঞ্ঞস্স ঘরূপচারং অনোক্কমিত্ৰা ৰীথিমজ্ঝেনেৰ গন্ত্ৰা ইচ্ছিতিচ্ছিতঘরদ্ৰারাভিমুখে ঠত্ৰা মনুস্সে ওলোকেত্ৰা গচ্ছন্তস্সাপি পাচিত্তিযমেৰ। তত্থ কেচি ‘‘ৰীথিযং অতিক্কমন্তস্স ঘরূপচারগণনায আপত্তিযো’’তি ৰদন্তি। অঞ্ঞে পন ‘‘যানি কুলানি উদ্দিস্স গতো, তেসং গণনাযা’’তি। পঞ্চন্নং ভোজনানং অঞ্ঞতরেন নিমন্তনসাদিযনং, সন্তং ভিক্খুং অনাপুচ্ছনা, ভত্তিযঘরতো অঞ্ঞঘরূপসঙ্কমনং, মজ্ঝন্হিকানতিক্কমো, সমযাপদানং অভাৰোতি ইমানেত্থ পঞ্চ অঙ্গানি।
Yaṃ pana pāḷiyaṃ ‘‘aññassa gharūpacāraṃ okkamantassa…pe… paṭhamaṃ pādaṃ ummāraṃ atikkāmetī’’tiādi vuttaṃ. Taṃ gāme paviṭṭhaṃ sandhāya vuttaṃ, tathāpi aññassa gharūpacāraṃ anokkamitvā vīthimajjheneva gantvā icchiticchitagharadvārābhimukhe ṭhatvā manusse oloketvā gacchantassāpi pācittiyameva. Tattha keci ‘‘vīthiyaṃ atikkamantassa gharūpacāragaṇanāya āpattiyo’’ti vadanti. Aññe pana ‘‘yāni kulāni uddissa gato, tesaṃ gaṇanāyā’’ti. Pañcannaṃ bhojanānaṃ aññatarena nimantanasādiyanaṃ, santaṃ bhikkhuṃ anāpucchanā, bhattiyagharato aññagharūpasaṅkamanaṃ, majjhanhikānatikkamo, samayāpadānaṃ abhāvoti imānettha pañca aṅgāni.
চারিত্তসিক্খাপদৰণ্ণনা নিট্ঠিতা।
Cārittasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৫. অচেলকৰগ্গো • 5. Acelakavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৬. চারিত্তসিক্খাপদৰণ্ণনা • 6. Cārittasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৬. চারিত্তসিক্খাপদৰণ্ণনা • 6. Cārittasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৬. চারিত্তসিক্খাপদং • 6. Cārittasikkhāpadaṃ
