| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
6. жаарид̇д̇асигкаабад̣̇аван̣н̣анаа
6. Cārittasikkhāpadavaṇṇanā
анд̇оубажаарасиймааяа д̣̇ассануубажаарз бхигкум̣ д̣̇исваад̇и яад̇т̇а тид̇асса гулаани баяирубаасанажид̇д̇ам̣ уббаннам̣, д̇ад̇о бадтааяа г̇ажчанд̇о анд̇оубажаарасиймааяа д̣̇ассануубажаарз бхигкум̣ бассз ваа абхимукз ваа д̣̇исваа. багад̇иважанзнаад̇и яам̣ д̣̇ваад̣̇асахад̇т̇аб̣бханд̇арз тид̇зна сод̇ум̣ саггаа, д̇аад̣̇исзна важанзна, ид̇о жид̇о жа бариязсид̇ваа аарожанагижжам̣ бана над̇т̇и. яо хи звам̣ бариязсид̇аб̣б̣о, со асанд̇оязва. д̇знааха ‘‘д̇аад̣̇иса’’нд̇иаад̣̇и. анаабужчид̇ваад̇и анаарожзд̇ваа.
Antoupacārasīmāya dassanūpacāre bhikkhuṃ disvāti yattha ṭhitassa kulāni payirupāsanacittaṃ uppannaṃ, tato paṭṭhāya gacchanto antoupacārasīmāya dassanūpacāre bhikkhuṃ passe vā abhimukhe vā disvā. Pakativacanenāti yaṃ dvādasahatthabbhantare ṭhitena sotuṃ sakkā, tādisena vacanena, ito cito ca pariyesitvā ārocanakiccaṃ pana natthi. Yo hi evaṃ pariyesitabbo, so asantoyeva. Tenāha ‘‘tādisa’’ntiādi. Anāpucchitvāti anārocetvā.
анд̇араараамабхигкунубассаяад̇ид̇т̇ияасзяяабадиггаманабхад̇д̇ияагхараанийд̇и зд̇т̇а анд̇араарааманд̇и анд̇ог̇аамз вихааро. бадиггамананд̇и аасанасаалаа. бхад̇д̇ияагхаранд̇и ниманд̇ид̇агхарам̣ ваа салаагабхад̇д̇аад̣̇ид̣̇ааяагаанам̣ ваа гхарам̣. аабад̣̇аасууд̇и ж̇ийвид̇аб̣рахмажарияанд̇арааязсу. гирияаагирияанд̇и зд̇т̇а гулзсу жаарид̇д̇аабаж̇ж̇анам̣ гирияам̣, анаабужчанам̣ агирияанд̇и взд̣̇ид̇аб̣б̣ам̣.
Antarārāmabhikkhunupassayatitthiyaseyyapaṭikkamanabhattiyagharānīti ettha antarārāmanti antogāme vihāro. Paṭikkamananti āsanasālā. Bhattiyagharanti nimantitagharaṃ vā salākabhattādidāyakānaṃ vā gharaṃ. Āpadāsūti jīvitabrahmacariyantarāyesu. Kiriyākiriyanti ettha kulesu cārittāpajjanaṃ kiriyaṃ, anāpucchanaṃ akiriyanti veditabbaṃ.
жаарид̇д̇асигкаабад̣̇аван̣н̣анаа нидтид̇аа.
Cārittasikkhāpadavaṇṇanā niṭṭhitā.
