| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
6. жаарид̇д̇асигкаабад̣̇аван̣н̣анаа
6. Cārittasikkhāpadavaṇṇanā
сабхад̇д̇о самаанод̇и ниманд̇анабхад̇д̇од̇и бораан̣аа. санд̇ам̣ бхигкум̣, анаабужчаа, бурзбхад̇д̇ам̣ бажчаабхад̇д̇ам̣, ан̃н̃ад̇ра самаяаад̇и аяамзд̇т̇а жад̇уб̣б̣ид̇хаа анубан̃н̃ад̇д̇и. д̇ад̇т̇а самаяаа д̣̇вз самаяаа. бхад̇д̇ияагхаранд̇и ниманд̇ид̇асса гхарам̣ ваа салаагаабхад̇д̇аад̣̇ид̣̇ааяагаанам̣ ваа гхарам̣. ‘‘самудтаанаад̣̇ийни батамагат̇инасад̣̇исаани, ид̣̇ам̣ бана гирияаагирияа’’нд̇и баато, ‘‘ид̇ха ниманд̇анаа агаббияаниманд̇анаа’’д̇и згз.
Sabhattosamānoti nimantanabhattoti porāṇā. Santaṃ bhikkhuṃ, anāpucchā, purebhattaṃ pacchābhattaṃ, aññatra samayāti ayamettha catubbidhā anupaññatti. Tattha samayā dve samayā. Bhattiyagharanti nimantitassa gharaṃ vā salākābhattādidāyakānaṃ vā gharaṃ. ‘‘Samuṭṭhānādīni paṭhamakathinasadisāni, idaṃ pana kiriyākiriya’’nti pāṭho, ‘‘idha nimantanā akappiyanimantanā’’ti eke.
бурзбхад̇д̇ан̃жа бин̣д̣ааяа, жарид̇ваа яад̣̇и бхун̃ж̇ад̇и;
Purebhattañca piṇḍāya, caritvā yadi bhuñjati;
сияаа барамбараабад̇д̇и, бажчаабхад̇д̇ам̣ на саа сияаа.
Siyā paramparāpatti, pacchābhattaṃ na sā siyā.
бажчаабхад̇д̇ан̃жа г̇амиго, буб̣б̣аг̇зхам̣ яад̣̇и г̇ажчз;
Pacchābhattañca gamiko, pubbagehaṃ yadi gacche;
згз аабад̇д̇иязваад̇и, анаабад̇д̇ийд̇и згажжз.
Eke āpattiyevāti, anāpattīti ekacce.
гуланд̇арассоггаманз, аабад̇д̇имад̇аяо хи д̇з;
Kulantarassokkamane, āpattimatayo hi te;
самаанабхад̇д̇абажжаасаа, ид̇и ааху ид̇хаабарз.
Samānabhattapaccāsā, iti āhu idhāpare.
мад̇аа г̇ан̣игабхад̇д̇зна, самзнд̇и нам̣ ниманд̇анз;
Matā gaṇikabhattena, samenti naṃ nimantane;
виссаж̇ж̇анам̣ самаананд̇и, згз саммукад̇аабарз.
Vissajjanaṃ samānanti, eke sammukhatāpare.
саннидтаанад̇т̇игзхзва, вижаарзд̇аб̣б̣абхзд̣̇ад̇о;
Sanniṭṭhānatthikeheva, vicāretabbabhedato;
вин̃н̃уу жаарид̇д̇амижжзва, сигкаабад̣̇амид̣̇ам̣ вид̣̇уу. (важ̇ира. дий. баажид̇д̇ияа 294);
Viññū cārittamicceva, sikkhāpadamidaṃ vidū. (vajira. ṭī. pācittiya 294);
жаарид̇д̇асигкаабад̣̇аван̣н̣анаа нидтид̇аа.
Cārittasikkhāpadavaṇṇanā niṭṭhitā.
