| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
6. жаарид̇д̇асигкаабад̣̇аван̣н̣анаа
6. Cārittasikkhāpadavaṇṇanā
298. чадтз ‘‘бариязсид̇ваа аарожанагижжам̣ наама над̇т̇ий’’д̇и вуд̇д̇ад̇д̇аа яо абариязсид̇аб̣б̣о убасан̇гамид̇ум̣ яуд̇д̇адтаанз д̣̇иссад̇и, со сажзби багад̇иважанасса савануубажаарам̣ ад̇иггамма тид̇о убаг̇анд̇ваа аабужчид̇аб̣б̣о. д̇знааха ‘‘аби жа…бз… яам̣ бассад̇и, со аабужчид̇аб̣б̣о’’д̇иаад̣̇и.
298. Chaṭṭhe ‘‘pariyesitvā ārocanakiccaṃ nāma natthī’’ti vuttattā yo apariyesitabbo upasaṅkamituṃ yuttaṭṭhāne dissati, so sacepi pakativacanassa savanūpacāraṃ atikkamma ṭhito upagantvā āpucchitabbo. Tenāha ‘‘api ca…pe… yaṃ passati, so āpucchitabbo’’tiādi.
302. анаабад̇д̇иваарз жзд̇т̇а анд̇араараамаад̣̇ийнан̃н̃зва вуд̇д̇ад̇д̇аа вихаарад̇о г̇аамавийт̇им̣ анун̃н̃аад̇агааран̣ам̣ винаа ад̇иггаманд̇ассааби аабад̇д̇и ход̇и, на бана гхаруубажаарам̣ ад̇иггаманд̇ассзва.
302. Anāpattivāre cettha antarārāmādīnaññeva vuttattā vihārato gāmavīthiṃ anuññātakāraṇaṃ vinā atikkamantassāpi āpatti hoti, na pana gharūpacāraṃ atikkamantasseva.
яам̣ бана баал̣ияам̣ ‘‘ан̃н̃асса гхаруубажаарам̣ оггаманд̇асса…бз… батамам̣ баад̣̇ам̣ уммаарам̣ ад̇иггаамзд̇ий’’д̇иаад̣̇и вуд̇д̇ам̣. д̇ам̣ г̇аамз бавидтам̣ санд̇хааяа вуд̇д̇ам̣, д̇ат̇ааби ан̃н̃асса гхаруубажаарам̣ аноггамид̇ваа вийт̇имаж̇жхзнзва г̇анд̇ваа ижчид̇ижчид̇агхарад̣̇ваараабхимукз тад̇ваа мануссз ологзд̇ваа г̇ажчанд̇ассааби баажид̇д̇ияамзва. д̇ад̇т̇а гзжи ‘‘вийт̇ияам̣ ад̇иггаманд̇асса гхаруубажаараг̇ан̣анааяа аабад̇д̇ияо’’д̇и вад̣̇анд̇и. ан̃н̃з бана ‘‘яаани гулаани уд̣̇д̣̇исса г̇ад̇о, д̇зсам̣ г̇ан̣анааяаа’’д̇и. бан̃жаннам̣ бхож̇анаанам̣ ан̃н̃ад̇арзна ниманд̇анасаад̣̇ияанам̣, санд̇ам̣ бхигкум̣ анаабужчанаа, бхад̇д̇ияагхарад̇о ан̃н̃агхаруубасан̇гаманам̣, маж̇жханхигаанад̇иггамо, самаяаабад̣̇аанам̣ абхаавод̇и имаанзд̇т̇а бан̃жа ан̇г̇аани.
Yaṃ pana pāḷiyaṃ ‘‘aññassa gharūpacāraṃ okkamantassa…pe… paṭhamaṃ pādaṃ ummāraṃ atikkāmetī’’tiādi vuttaṃ. Taṃ gāme paviṭṭhaṃ sandhāya vuttaṃ, tathāpi aññassa gharūpacāraṃ anokkamitvā vīthimajjheneva gantvā icchiticchitagharadvārābhimukhe ṭhatvā manusse oloketvā gacchantassāpi pācittiyameva. Tattha keci ‘‘vīthiyaṃ atikkamantassa gharūpacāragaṇanāya āpattiyo’’ti vadanti. Aññe pana ‘‘yāni kulāni uddissa gato, tesaṃ gaṇanāyā’’ti. Pañcannaṃ bhojanānaṃ aññatarena nimantanasādiyanaṃ, santaṃ bhikkhuṃ anāpucchanā, bhattiyagharato aññagharūpasaṅkamanaṃ, majjhanhikānatikkamo, samayāpadānaṃ abhāvoti imānettha pañca aṅgāni.
жаарид̇д̇асигкаабад̣̇аван̣н̣анаа нидтид̇аа.
Cārittasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. ажзлагаваг̇г̇о • 5. Acelakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. жаарид̇д̇асигкаабад̣̇аван̣н̣анаа • 6. Cārittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. жаарид̇д̇асигкаабад̣̇аван̣н̣анаа • 6. Cārittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. жаарид̇д̇асигкаабад̣̇ам̣ • 6. Cārittasikkhāpadaṃ
