| Library / Tipiṭaka / ติปิฎก • Tipiṭaka / กงฺขาวิตรณี-ปุราณ-ฎีกา • Kaṅkhāvitaraṇī-purāṇa-ṭīkā |
๖. จาริตฺตสิกฺขาปทวณฺณนา
6. Cārittasikkhāpadavaṇṇanā
สภโตฺต สมาโนติ นิมนฺตนภโตฺตติ โปราณาฯ สนฺตํ ภิกฺขุํ, อนาปุจฺฉา, ปุเรภตฺตํ ปจฺฉาภตฺตํ, อญฺญตฺร สมยาติ อยเมตฺถ จตุพฺพิธา อนุปญฺญตฺติฯ ตตฺถ สมยา เทฺว สมยาฯ ภตฺติยฆรนฺติ นิมนฺติตสฺส ฆรํ วา สลากาภตฺตาทิทายกานํ วา ฆรํฯ ‘‘สมุฎฺฐานาทีนิ ปฐมกถินสทิสานิ, อิทํ ปน กิริยากิริย’’นฺติ ปาโฐ, ‘‘อิธ นิมนฺตนา อกปฺปิยนิมนฺตนา’’ติ เอเกฯ
Sabhattosamānoti nimantanabhattoti porāṇā. Santaṃ bhikkhuṃ, anāpucchā, purebhattaṃ pacchābhattaṃ, aññatra samayāti ayamettha catubbidhā anupaññatti. Tattha samayā dve samayā. Bhattiyagharanti nimantitassa gharaṃ vā salākābhattādidāyakānaṃ vā gharaṃ. ‘‘Samuṭṭhānādīni paṭhamakathinasadisāni, idaṃ pana kiriyākiriya’’nti pāṭho, ‘‘idha nimantanā akappiyanimantanā’’ti eke.
ปุเรภตฺตญฺจ ปิณฺฑาย, จริตฺวา ยทิ ภุญฺชติ;
Purebhattañca piṇḍāya, caritvā yadi bhuñjati;
สิยา ปรมฺปราปตฺติ, ปจฺฉาภตฺตํ น สา สิยาฯ
Siyā paramparāpatti, pacchābhattaṃ na sā siyā.
ปจฺฉาภตฺตญฺจ คมิโก, ปุพฺพเคหํ ยทิ คเจฺฉ;
Pacchābhattañca gamiko, pubbagehaṃ yadi gacche;
เอเก อาปตฺติเยวาติ, อนาปตฺตีติ เอกเจฺจฯ
Eke āpattiyevāti, anāpattīti ekacce.
กุลนฺตรโสฺสกฺกมเน, อาปตฺติมตโย หิ เต;
Kulantarassokkamane, āpattimatayo hi te;
สมานภตฺตปจฺจาสา, อิติ อาหุ อิธาปเรฯ
Samānabhattapaccāsā, iti āhu idhāpare.
มตา คณิกภเตฺตน, สเมนฺติ นํ นิมนฺตเน;
Matā gaṇikabhattena, samenti naṃ nimantane;
วิสฺสชฺชนํ สมานนฺติ, เอเก สมฺมุขตาปเรฯ
Vissajjanaṃ samānanti, eke sammukhatāpare.
สนฺนิฎฺฐานตฺถิเกเหว, วิจาเรตพฺพเภทโต;
Sanniṭṭhānatthikeheva, vicāretabbabhedato;
วิญฺญู จาริตฺตมิเจฺจว, สิกฺขาปทมิทํ วิทูฯ (วชิร. ฎี. ปาจิตฺติย ๒๙๔);
Viññū cārittamicceva, sikkhāpadamidaṃ vidū. (vajira. ṭī. pācittiya 294);
จาริตฺตสิกฺขาปทวณฺณนา นิฎฺฐิตาฯ
Cārittasikkhāpadavaṇṇanā niṭṭhitā.
