| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៦. ចារិត្តសិក្ខាបទវណ្ណនា
6. Cārittasikkhāpadavaṇṇanā
អន្តោឧបចារសីមាយ ទស្សនូបចារេ ភិក្ខុំ ទិស្វាតិ យត្ថ ឋិតស្ស កុលានិ បយិរុបាសនចិត្តំ ឧប្បន្នំ, តតោ បដ្ឋាយ គច្ឆន្តោ អន្តោឧបចារសីមាយ ទស្សនូបចារេ ភិក្ខុំ បស្សេ វា អភិមុខេ វា ទិស្វា។ បកតិវចនេនាតិ យំ ទ្វាទសហត្ថព្ភន្តរេ ឋិតេន សោតុំ សក្កា, តាទិសេន វចនេន, ឥតោ ចិតោ ច បរិយេសិត្វា អារោចនកិច្ចំ បន នត្ថិ។ យោ ហិ ឯវំ បរិយេសិតព្ពោ, សោ អសន្តោយេវ។ តេនាហ ‘‘តាទិស’’ន្តិអាទិ។ អនាបុច្ឆិត្វាតិ អនារោចេត្វា។
Antoupacārasīmāya dassanūpacāre bhikkhuṃ disvāti yattha ṭhitassa kulāni payirupāsanacittaṃ uppannaṃ, tato paṭṭhāya gacchanto antoupacārasīmāya dassanūpacāre bhikkhuṃ passe vā abhimukhe vā disvā. Pakativacanenāti yaṃ dvādasahatthabbhantare ṭhitena sotuṃ sakkā, tādisena vacanena, ito cito ca pariyesitvā ārocanakiccaṃ pana natthi. Yo hi evaṃ pariyesitabbo, so asantoyeva. Tenāha ‘‘tādisa’’ntiādi. Anāpucchitvāti anārocetvā.
អន្តរារាមភិក្ខុនុបស្សយតិត្ថិយសេយ្យបដិក្កមនភត្តិយឃរានីតិ ឯត្ថ អន្តរារាមន្តិ អន្តោគាមេ វិហារោ។ បដិក្កមនន្តិ អាសនសាលា។ ភត្តិយឃរន្តិ និមន្តិតឃរំ វា សលាកភត្តាទិទាយកានំ វា ឃរំ។ អាបទាសូតិ ជីវិតព្រហ្មចរិយន្តរាយេសុ។ កិរិយាកិរិយន្តិ ឯត្ថ កុលេសុ ចារិត្តាបជ្ជនំ កិរិយំ, អនាបុច្ឆនំ អកិរិយន្តិ វេទិតព្ពំ។
Antarārāmabhikkhunupassayatitthiyaseyyapaṭikkamanabhattiyagharānīti ettha antarārāmanti antogāme vihāro. Paṭikkamananti āsanasālā. Bhattiyagharanti nimantitagharaṃ vā salākabhattādidāyakānaṃ vā gharaṃ. Āpadāsūti jīvitabrahmacariyantarāyesu. Kiriyākiriyanti ettha kulesu cārittāpajjanaṃ kiriyaṃ, anāpucchanaṃ akiriyanti veditabbaṃ.
ចារិត្តសិក្ខាបទវណ្ណនា និដ្ឋិតា។
Cārittasikkhāpadavaṇṇanā niṭṭhitā.
