| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
6. චාරිත්‌තසික්‌ඛාපදවණ්‌ණනා
6. Cārittasikkhāpadavaṇṇanā
සභත්‌තො සමානොති නිමන්‌තනභත්‌තොති පොරාණා. සන්‌තං භික්‌ඛුං, අනාපුච්‌ඡා, පුරෙභත්‌තං පච්‌ඡාභත්‌තං, අඤ්‌ඤත්‍ර සමයාති අයමෙත්‌ථ චතුබ්‌බිධා අනුපඤ්‌ඤත්‌ති. තත්‌ථ සමයා ද්‌වෙ සමයා. භත්‌තියඝරන්‌ති නිමන්‌තිතස්‌ස ඝරං වා සලාකාභත්‌තාදිදායකානං වා ඝරං. ‘‘සමුට්‌ඨානාදීනි පඨමකථිනසදිසානි, ඉදං පන කිරියාකිරිය’’න්‌ති පාඨො, ‘‘ඉධ නිමන්‌තනා අකප්‌පියනිමන්‌තනා’’ති එකෙ.
Sabhattosamānoti nimantanabhattoti porāṇā. Santaṃ bhikkhuṃ, anāpucchā, purebhattaṃ pacchābhattaṃ, aññatra samayāti ayamettha catubbidhā anupaññatti. Tattha samayā dve samayā. Bhattiyagharanti nimantitassa gharaṃ vā salākābhattādidāyakānaṃ vā gharaṃ. ‘‘Samuṭṭhānādīni paṭhamakathinasadisāni, idaṃ pana kiriyākiriya’’nti pāṭho, ‘‘idha nimantanā akappiyanimantanā’’ti eke.
පුරෙභත්‌තඤ්‌ච පිණ්‌ඩාය, චරිත්‌වා යදි භුඤ්‌ජති;
Purebhattañca piṇḍāya, caritvā yadi bhuñjati;
සියා පරම්‌පරාපත්‌ති, පච්‌ඡාභත්‌තං න සා සියා.
Siyā paramparāpatti, pacchābhattaṃ na sā siyā.
පච්‌ඡාභත්‌තඤ්‌ච ගමිකො, පුබ්‌බගෙහං යදි ගච්‌ඡෙ;
Pacchābhattañca gamiko, pubbagehaṃ yadi gacche;
එකෙ ආපත්‌තියෙවාති, අනාපත්‌තීති එකච්‌චෙ.
Eke āpattiyevāti, anāpattīti ekacce.
කුලන්‌තරස්‌සොක්‌කමනෙ, ආපත්‌තිමතයො හි තෙ;
Kulantarassokkamane, āpattimatayo hi te;
සමානභත්‌තපච්‌චාසා, ඉති ආහු ඉධාපරෙ.
Samānabhattapaccāsā, iti āhu idhāpare.
මතා ගණිකභත්‌තෙන, සමෙන්‌ති නං නිමන්‌තනෙ;
Matā gaṇikabhattena, samenti naṃ nimantane;
විස්‌සජ්‌ජනං සමානන්‌ති, එකෙ සම්‌මුඛතාපරෙ.
Vissajjanaṃ samānanti, eke sammukhatāpare.
සන්‌නිට්‌ඨානත්‌ථිකෙහෙව, විචාරෙතබ්‌බභෙදතො;
Sanniṭṭhānatthikeheva, vicāretabbabhedato;
විඤ්‌ඤූ චාරිත්‌තමිච්‌චෙව, සික්‌ඛාපදමිදං විදූ. (වජිර. ටී. පාචිත්‌තිය 294);
Viññū cārittamicceva, sikkhāpadamidaṃ vidū. (vajira. ṭī. pācittiya 294);
චාරිත්‌තසික්‌ඛාපදවණ්‌ණනා නිට්‌ඨිතා.
Cārittasikkhāpadavaṇṇanā niṭṭhitā.
