| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༦. ཙཱརིཏྟསིཀྑཱཔདཝཎྞནཱ
6. Cārittasikkhāpadavaṇṇanā
ཨནྟོཨུཔཙཱརསཱིམཱཡ དསྶནཱུཔཙཱརེ བྷིཀྑུཾ དིསྭཱཏི ཡཏྠ ཋིཏསྶ ཀུལཱནི པཡིརུཔཱསནཙིཏྟཾ ཨུཔྤནྣཾ, ཏཏོ པཊྛཱཡ གཙྪནྟོ ཨནྟོཨུཔཙཱརསཱིམཱཡ དསྶནཱུཔཙཱརེ བྷིཀྑུཾ པསྶེ ཝཱ ཨབྷིམུཁེ ཝཱ དིསྭཱ། པཀཏིཝཙནེནཱཏི ཡཾ དྭཱདསཧཏྠབྦྷནྟརེ ཋིཏེན སོཏུཾ སཀྐཱ, ཏཱདིསེན ཝཙནེན, ཨིཏོ ཙིཏོ ཙ པརིཡེསིཏྭཱ ཨཱརོཙནཀིཙྩཾ པན ནཏྠི། ཡོ ཧི ཨེཝཾ པརིཡེསིཏབྦོ, སོ ཨསནྟོཡེཝ། ཏེནཱཧ ‘‘ཏཱདིས’’ནྟིཨཱདི། ཨནཱཔུཙྪིཏྭཱཏི ཨནཱརོཙེཏྭཱ།
Antoupacārasīmāya dassanūpacāre bhikkhuṃ disvāti yattha ṭhitassa kulāni payirupāsanacittaṃ uppannaṃ, tato paṭṭhāya gacchanto antoupacārasīmāya dassanūpacāre bhikkhuṃ passe vā abhimukhe vā disvā. Pakativacanenāti yaṃ dvādasahatthabbhantare ṭhitena sotuṃ sakkā, tādisena vacanena, ito cito ca pariyesitvā ārocanakiccaṃ pana natthi. Yo hi evaṃ pariyesitabbo, so asantoyeva. Tenāha ‘‘tādisa’’ntiādi. Anāpucchitvāti anārocetvā.
ཨནྟརཱརཱམབྷིཀྑུནུཔསྶཡཏིཏྠིཡསེཡྻཔཊིཀྐམནབྷཏྟིཡགྷརཱནཱིཏི ཨེཏྠ ཨནྟརཱརཱམནྟི ཨནྟོགཱམེ ཝིཧཱརོ། པཊིཀྐམནནྟི ཨཱསནསཱལཱ། བྷཏྟིཡགྷརནྟི ནིམནྟིཏགྷརཾ ཝཱ སལཱཀབྷཏྟཱདིདཱཡཀཱནཾ ཝཱ གྷརཾ། ཨཱཔདཱསཱུཏི ཛཱིཝིཏབྲཧྨཙརིཡནྟརཱཡེསུ། ཀིརིཡཱཀིརིཡནྟི ཨེཏྠ ཀུལེསུ ཙཱརིཏྟཱཔཛྫནཾ ཀིརིཡཾ, ཨནཱཔུཙྪནཾ ཨཀིརིཡནྟི ཝེདིཏབྦཾ།
Antarārāmabhikkhunupassayatitthiyaseyyapaṭikkamanabhattiyagharānīti ettha antarārāmanti antogāme vihāro. Paṭikkamananti āsanasālā. Bhattiyagharanti nimantitagharaṃ vā salākabhattādidāyakānaṃ vā gharaṃ. Āpadāsūti jīvitabrahmacariyantarāyesu. Kiriyākiriyanti ettha kulesu cārittāpajjanaṃ kiriyaṃ, anāpucchanaṃ akiriyanti veditabbaṃ.
ཙཱརིཏྟསིཀྑཱཔདཝཎྞནཱ ནིཊྛིཏཱ།
Cārittasikkhāpadavaṇṇanā niṭṭhitā.
