| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਚਾਰਿਤ੍ਤਸਿਕ੍ਖਾਪਦવਣ੍ਣਨਾ
6. Cārittasikkhāpadavaṇṇanā
੨੯੪. ਛਟ੍ਠਸਿਕ੍ਖਾਪਦੇ – ਦੇਥਾવੁਸੋ ਭਤ੍ਤਨ੍ਤਿ ਏਤ੍ਥ ਤਂ ਕਿਰ ਭਤ੍ਤਂ ਅਭਿਹਟਂ ਅਹੋਸਿ, ਤਸ੍ਮਾ ਏવਮਾਹਂਸੁ। ਅਨਭਿਹਟੇ ਪਨ ਏવਂ વਤ੍ਤੁਂ ਨ ਲਬ੍ਭਤਿ, ਪਯੁਤ੍ਤવਾਚਾ ਹੋਤਿ।
294. Chaṭṭhasikkhāpade – dethāvuso bhattanti ettha taṃ kira bhattaṃ abhihaṭaṃ ahosi, tasmā evamāhaṃsu. Anabhihaṭe pana evaṃ vattuṃ na labbhati, payuttavācā hoti.
੨੯੫. ਤੇਨ ਹਿ ਭਿਕ੍ਖવੇ ਪਟਿਗ੍ਗਹੇਤ੍વਾ ਨਿਕ੍ਖਿਪਥਾਤਿ ਇਦਂ ਪਨ ਭਗવਾ ਕੁਲਸ੍ਸ ਸਦ੍ਧਾਨੁਰਕ੍ਖਣਤ੍ਥਾਯ ਆਹ। ਯਦਿ ‘‘ਭਾਜੇਤ੍વਾ ਖਾਦਥਾ’’ਤਿ વਦੇਯ੍ਯ, ਮਨੁਸ੍ਸਾਨਂ ਪਸਾਦਞ੍ਞਥਤ੍ਤਂ ਸਿਯਾ। ਉਸ੍ਸਾਰਿਯਿਤ੍ਥਾਤਿ ਪਟਿਹਰਿਯਿਤ੍ਥ; ਘਰਂਯੇવ ਨਂ ਗਹੇਤ੍વਾ ਅਗਮਂਸੂਤਿ વੁਤ੍ਤਂ ਹੋਤਿ।
295.Tena hi bhikkhave paṭiggahetvā nikkhipathāti idaṃ pana bhagavā kulassa saddhānurakkhaṇatthāya āha. Yadi ‘‘bhājetvā khādathā’’ti vadeyya, manussānaṃ pasādaññathattaṃ siyā. Ussāriyitthāti paṭihariyittha; gharaṃyeva naṃ gahetvā agamaṃsūti vuttaṃ hoti.
੨੯੮. ਸਨ੍ਤਂ ਭਿਕ੍ਖੁਨ੍ਤਿ ਏਤ੍ਥ ਕਿਤ੍ਤਾવਤਾ ਸਨ੍ਤੋ ਹੋਤਿ, ਕਿਤ੍ਤਾવਤਾ ਅਸਨ੍ਤੋਤਿ? ਅਨ੍ਤੋવਿਹਾਰੇ ਯਤ੍ਥ ਠਿਤਸ੍ਸ ਕੁਲਾਨਿ ਪਯਿਰੁਪਾਸਨਚਿਤ੍ਤਂ ਉਪ੍ਪਨ੍ਨਂ, ਤਤੋ ਪਟ੍ਠਾਯ ਯਂ ਪਸ੍ਸੇ વਾ ਅਭਿਮੁਖੇ વਾ ਪਸ੍ਸਤਿ, ਯਸ੍ਸ ਸਕ੍ਕਾ ਹੋਤਿ ਪਕਤਿવਚਨੇਨ ਆਰੋਚੇਤੁਂ, ਅਯਂ ਸਨ੍ਤੋ ਨਾਮ। ਇਤੋ ਚਿਤੋ ਚ ਪਰਿਯੇਸਿਤ੍વਾ ਆਰੋਚਨਕਿਚ੍ਚਂ ਨਾਮ ਨਤ੍ਥਿ। ਯੋ ਹਿ ਏવਂ ਪਰਿਯੇਸਿਤਬ੍ਬੋ, ਸੋ ਅਸਨ੍ਤੋਯੇવ। ਅਪਿਚ ਅਨ੍ਤੋਉਪਚਾਰਸੀਮਾਯ ਭਿਕ੍ਖੁਂ ਦਿਸ੍વਾ ਆਪੁਚ੍ਛਿਸ੍ਸਾਮੀਤਿ ਗਨ੍ਤ੍વਾ ਤਤ੍ਥ ਯਂ ਪਸ੍ਸਤਿ, ਸੋ ਆਪੁਚ੍ਛਿਤਬ੍ਬੋ। ਨੋ ਚੇ ਪਸ੍ਸਤਿ, ਅਸਨ੍ਤਂ ਭਿਕ੍ਖੁਂ ਅਨਾਪੁਚ੍ਛਾ ਪવਿਟ੍ਠੋ ਨਾਮ ਹੋਤਿ।
298.Santaṃ bhikkhunti ettha kittāvatā santo hoti, kittāvatā asantoti? Antovihāre yattha ṭhitassa kulāni payirupāsanacittaṃ uppannaṃ, tato paṭṭhāya yaṃ passe vā abhimukhe vā passati, yassa sakkā hoti pakativacanena ārocetuṃ, ayaṃ santo nāma. Ito cito ca pariyesitvā ārocanakiccaṃ nāma natthi. Yo hi evaṃ pariyesitabbo, so asantoyeva. Apica antoupacārasīmāya bhikkhuṃ disvā āpucchissāmīti gantvā tattha yaṃ passati, so āpucchitabbo. No ce passati, asantaṃ bhikkhuṃ anāpucchā paviṭṭho nāma hoti.
੩੦੨. ਅਨ੍ਤਰਾਰਾਮਨ੍ਤਿ ਅਨ੍ਤੋਗਾਮੇ વਿਹਾਰੋ ਹੋਤਿ, ਤਂ ਗਚ੍ਛਤਿ। ਭਤ੍ਤਿਯਘਰਨ੍ਤਿ ਨਿਮਨ੍ਤਿਤਘਰਂ વਾ ਸਲਾਕਭਤ੍ਤਾਦਿਦਾਯਕਾਨਂ વਾ ਘਰਂ। ਆਪਦਾਸੂਤਿ ਜੀવਿਤਬ੍ਰਹ੍ਮਚਰਿਯਨ੍ਤਰਾਯੇਸੁ ਸਤਿ ਗਨ੍ਤੁਂ વਟ੍ਟਤਿ। ਸੇਸਮੇਤ੍ਥ ਉਤ੍ਤਾਨਮੇવ।
302.Antarārāmanti antogāme vihāro hoti, taṃ gacchati. Bhattiyagharanti nimantitagharaṃ vā salākabhattādidāyakānaṃ vā gharaṃ. Āpadāsūti jīvitabrahmacariyantarāyesu sati gantuṃ vaṭṭati. Sesamettha uttānameva.
ਕਥਿਨਸਮੁਟ੍ਠਾਨਂ – ਕਾਯવਾਚਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਾਕਿਰਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākirayaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਚਾਰਿਤ੍ਤਸਿਕ੍ਖਾਪਦਂ ਛਟ੍ਠਂ।
Cārittasikkhāpadaṃ chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਚਾਰਿਤ੍ਤਸਿਕ੍ਖਾਪਦવਣ੍ਣਨਾ • 6. Cārittasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਚਾਰਿਤ੍ਤਸਿਕ੍ਖਾਪਦવਣ੍ਣਨਾ • 6. Cārittasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਚਾਰਿਤ੍ਤਸਿਕ੍ਖਾਪਦવਣ੍ਣਨਾ • 6. Cārittasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਚਾਰਿਤ੍ਤਸਿਕ੍ਖਾਪਦਂ • 6. Cārittasikkhāpadaṃ
