| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੬. ਚਾਰਿਤ੍ਤਸਿਕ੍ਖਾਪਦવਣ੍ਣਨਾ
6. Cārittasikkhāpadavaṇṇanā
ਅਨ੍ਤੋਉਪਚਾਰਸੀਮਾਯ ਦਸ੍ਸਨੂਪਚਾਰੇ ਭਿਕ੍ਖੁਂ ਦਿਸ੍વਾਤਿ ਯਤ੍ਥ ਠਿਤਸ੍ਸ ਕੁਲਾਨਿ ਪਯਿਰੁਪਾਸਨਚਿਤ੍ਤਂ ਉਪ੍ਪਨ੍ਨਂ, ਤਤੋ ਪਟ੍ਠਾਯ ਗਚ੍ਛਨ੍ਤੋ ਅਨ੍ਤੋਉਪਚਾਰਸੀਮਾਯ ਦਸ੍ਸਨੂਪਚਾਰੇ ਭਿਕ੍ਖੁਂ ਪਸ੍ਸੇ વਾ ਅਭਿਮੁਖੇ વਾ ਦਿਸ੍વਾ। ਪਕਤਿવਚਨੇਨਾਤਿ ਯਂ ਦ੍વਾਦਸਹਤ੍ਥਬ੍ਭਨ੍ਤਰੇ ਠਿਤੇਨ ਸੋਤੁਂ ਸਕ੍ਕਾ, ਤਾਦਿਸੇਨ વਚਨੇਨ, ਇਤੋ ਚਿਤੋ ਚ ਪਰਿਯੇਸਿਤ੍વਾ ਆਰੋਚਨਕਿਚ੍ਚਂ ਪਨ ਨਤ੍ਥਿ। ਯੋ ਹਿ ਏવਂ ਪਰਿਯੇਸਿਤਬ੍ਬੋ, ਸੋ ਅਸਨ੍ਤੋਯੇવ। ਤੇਨਾਹ ‘‘ਤਾਦਿਸ’’ਨ੍ਤਿਆਦਿ। ਅਨਾਪੁਚ੍ਛਿਤ੍વਾਤਿ ਅਨਾਰੋਚੇਤ੍વਾ।
Antoupacārasīmāya dassanūpacāre bhikkhuṃ disvāti yattha ṭhitassa kulāni payirupāsanacittaṃ uppannaṃ, tato paṭṭhāya gacchanto antoupacārasīmāya dassanūpacāre bhikkhuṃ passe vā abhimukhe vā disvā. Pakativacanenāti yaṃ dvādasahatthabbhantare ṭhitena sotuṃ sakkā, tādisena vacanena, ito cito ca pariyesitvā ārocanakiccaṃ pana natthi. Yo hi evaṃ pariyesitabbo, so asantoyeva. Tenāha ‘‘tādisa’’ntiādi. Anāpucchitvāti anārocetvā.
ਅਨ੍ਤਰਾਰਾਮਭਿਕ੍ਖੁਨੁਪਸ੍ਸਯਤਿਤ੍ਥਿਯਸੇਯ੍ਯਪਟਿਕ੍ਕਮਨਭਤ੍ਤਿਯਘਰਾਨੀਤਿ ਏਤ੍ਥ ਅਨ੍ਤਰਾਰਾਮਨ੍ਤਿ ਅਨ੍ਤੋਗਾਮੇ વਿਹਾਰੋ। ਪਟਿਕ੍ਕਮਨਨ੍ਤਿ ਆਸਨਸਾਲਾ। ਭਤ੍ਤਿਯਘਰਨ੍ਤਿ ਨਿਮਨ੍ਤਿਤਘਰਂ વਾ ਸਲਾਕਭਤ੍ਤਾਦਿਦਾਯਕਾਨਂ વਾ ਘਰਂ। ਆਪਦਾਸੂਤਿ ਜੀવਿਤਬ੍ਰਹ੍ਮਚਰਿਯਨ੍ਤਰਾਯੇਸੁ। ਕਿਰਿਯਾਕਿਰਿਯਨ੍ਤਿ ਏਤ੍ਥ ਕੁਲੇਸੁ ਚਾਰਿਤ੍ਤਾਪਜ੍ਜਨਂ ਕਿਰਿਯਂ, ਅਨਾਪੁਚ੍ਛਨਂ ਅਕਿਰਿਯਨ੍ਤਿ વੇਦਿਤਬ੍ਬਂ।
Antarārāmabhikkhunupassayatitthiyaseyyapaṭikkamanabhattiyagharānīti ettha antarārāmanti antogāme vihāro. Paṭikkamananti āsanasālā. Bhattiyagharanti nimantitagharaṃ vā salākabhattādidāyakānaṃ vā gharaṃ. Āpadāsūti jīvitabrahmacariyantarāyesu. Kiriyākiriyanti ettha kulesu cārittāpajjanaṃ kiriyaṃ, anāpucchanaṃ akiriyanti veditabbaṃ.
ਚਾਰਿਤ੍ਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Cārittasikkhāpadavaṇṇanā niṭṭhitā.
