| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਪੁਰਾਣ-ਟੀਕਾ • Kaṅkhāvitaraṇī-purāṇa-ṭīkā |
੬. ਚਾਰਿਤ੍ਤਸਿਕ੍ਖਾਪਦવਣ੍ਣਨਾ
6. Cārittasikkhāpadavaṇṇanā
ਸਭਤ੍ਤੋ ਸਮਾਨੋਤਿ ਨਿਮਨ੍ਤਨਭਤ੍ਤੋਤਿ ਪੋਰਾਣਾ। ਸਨ੍ਤਂ ਭਿਕ੍ਖੁਂ, ਅਨਾਪੁਚ੍ਛਾ, ਪੁਰੇਭਤ੍ਤਂ ਪਚ੍ਛਾਭਤ੍ਤਂ, ਅਞ੍ਞਤ੍ਰ ਸਮਯਾਤਿ ਅਯਮੇਤ੍ਥ ਚਤੁਬ੍ਬਿਧਾ ਅਨੁਪਞ੍ਞਤ੍ਤਿ। ਤਤ੍ਥ ਸਮਯਾ ਦ੍વੇ ਸਮਯਾ। ਭਤ੍ਤਿਯਘਰਨ੍ਤਿ ਨਿਮਨ੍ਤਿਤਸ੍ਸ ਘਰਂ વਾ ਸਲਾਕਾਭਤ੍ਤਾਦਿਦਾਯਕਾਨਂ વਾ ਘਰਂ। ‘‘ਸਮੁਟ੍ਠਾਨਾਦੀਨਿ ਪਠਮਕਥਿਨਸਦਿਸਾਨਿ, ਇਦਂ ਪਨ ਕਿਰਿਯਾਕਿਰਿਯ’’ਨ੍ਤਿ ਪਾਠੋ, ‘‘ਇਧ ਨਿਮਨ੍ਤਨਾ ਅਕਪ੍ਪਿਯਨਿਮਨ੍ਤਨਾ’’ਤਿ ਏਕੇ।
Sabhattosamānoti nimantanabhattoti porāṇā. Santaṃ bhikkhuṃ, anāpucchā, purebhattaṃ pacchābhattaṃ, aññatra samayāti ayamettha catubbidhā anupaññatti. Tattha samayā dve samayā. Bhattiyagharanti nimantitassa gharaṃ vā salākābhattādidāyakānaṃ vā gharaṃ. ‘‘Samuṭṭhānādīni paṭhamakathinasadisāni, idaṃ pana kiriyākiriya’’nti pāṭho, ‘‘idha nimantanā akappiyanimantanā’’ti eke.
ਪੁਰੇਭਤ੍ਤਞ੍ਚ ਪਿਣ੍ਡਾਯ, ਚਰਿਤ੍વਾ ਯਦਿ ਭੁਞ੍ਜਤਿ।
Purebhattañca piṇḍāya, caritvā yadi bhuñjati;
ਸਿਯਾ ਪਰਮ੍ਪਰਾਪਤ੍ਤਿ, ਪਚ੍ਛਾਭਤ੍ਤਂ ਨ ਸਾ ਸਿਯਾ॥
Siyā paramparāpatti, pacchābhattaṃ na sā siyā.
ਪਚ੍ਛਾਭਤ੍ਤਞ੍ਚ ਗਮਿਕੋ, ਪੁਬ੍ਬਗੇਹਂ ਯਦਿ ਗਚ੍ਛੇ।
Pacchābhattañca gamiko, pubbagehaṃ yadi gacche;
ਏਕੇ ਆਪਤ੍ਤਿਯੇવਾਤਿ, ਅਨਾਪਤ੍ਤੀਤਿ ਏਕਚ੍ਚੇ॥
Eke āpattiyevāti, anāpattīti ekacce.
ਕੁਲਨ੍ਤਰਸ੍ਸੋਕ੍ਕਮਨੇ, ਆਪਤ੍ਤਿਮਤਯੋ ਹਿ ਤੇ।
Kulantarassokkamane, āpattimatayo hi te;
ਸਮਾਨਭਤ੍ਤਪਚ੍ਚਾਸਾ, ਇਤਿ ਆਹੁ ਇਧਾਪਰੇ॥
Samānabhattapaccāsā, iti āhu idhāpare.
ਮਤਾ ਗਣਿਕਭਤ੍ਤੇਨ, ਸਮੇਨ੍ਤਿ ਨਂ ਨਿਮਨ੍ਤਨੇ।
Matā gaṇikabhattena, samenti naṃ nimantane;
વਿਸ੍ਸਜ੍ਜਨਂ ਸਮਾਨਨ੍ਤਿ, ਏਕੇ ਸਮ੍ਮੁਖਤਾਪਰੇ॥
Vissajjanaṃ samānanti, eke sammukhatāpare.
ਸਨ੍ਨਿਟ੍ਠਾਨਤ੍ਥਿਕੇਹੇવ, વਿਚਾਰੇਤਬ੍ਬਭੇਦਤੋ।
Sanniṭṭhānatthikeheva, vicāretabbabhedato;
વਿਞ੍ਞੂ ਚਾਰਿਤ੍ਤਮਿਚ੍ਚੇવ, ਸਿਕ੍ਖਾਪਦਮਿਦਂ વਿਦੂ॥ (વਜਿਰ॰ ਟੀ॰ ਪਾਚਿਤ੍ਤਿਯ ੨੯੪)।
Viññū cārittamicceva, sikkhāpadamidaṃ vidū. (vajira. ṭī. pācittiya 294);
ਚਾਰਿਤ੍ਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Cārittasikkhāpadavaṇṇanā niṭṭhitā.
