| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
5. жарияаагат̇аа
5. Cariyākathā
28. жарияаад̇и , адта жарияааяо – ирияаабат̇ажарияаа, ааяад̇анажарияаа, сад̇ижарияаа, самаад̇хижарияаа, н̃аан̣ажарияаа, маг̇г̇ажарияаа, бад̇д̇ижарияаа, логад̇т̇ажарияаад̇и.
28.Cariyāti , aṭṭha cariyāyo – iriyāpathacariyā, āyatanacariyā, saticariyā, samādhicariyā, ñāṇacariyā, maggacariyā, patticariyā, lokatthacariyāti.
ирияаабат̇ажарияаад̇и жад̇уусу ирияаабат̇зсу. ааяад̇анажарияаад̇и часу аж̇жхад̇д̇игаб̣аахирзсу ааяад̇анзсу. сад̇ижарияаад̇и жад̇уусу сад̇ибадтаанзсу. самаад̇хижарияаад̇и жад̇уусу жхаанзсу. н̃аан̣ажарияаад̇и жад̇уусу арияасажжзсу. маг̇г̇ажарияаад̇и жад̇уусу арияамаг̇г̇зсу. бад̇д̇ижарияаад̇и жад̇уусу сааман̃н̃апалзсу. логад̇т̇ажарияаад̇и д̇ат̇ааг̇ад̇зсу араханд̇зсу саммаасамб̣уд̣̇д̇хзсу бад̣̇зсз 1 бажжзгаб̣уд̣̇д̇хзсу бад̣̇зсз саавагзсу.
Iriyāpathacariyāti catūsu iriyāpathesu. Āyatanacariyāti chasu ajjhattikabāhiresu āyatanesu. Saticariyāti catūsu satipaṭṭhānesu. Samādhicariyāti catūsu jhānesu. Ñāṇacariyāti catūsu ariyasaccesu. Maggacariyāti catūsu ariyamaggesu. Patticariyāti catūsu sāmaññaphalesu. Lokatthacariyāti tathāgatesu arahantesu sammāsambuddhesu padese 2 paccekabuddhesu padese sāvakesu.
ирияаабат̇ажарияаа жа бан̣ид̇хисамбаннаанам̣. ааяад̇анажарияаа жа инд̣̇риязсу г̇уд̇д̇ад̣̇ваараанам̣. сад̇ижарияаа жа аббамаад̣̇авихаарийнам̣. самаад̇хижарияаа жа ад̇хижид̇д̇амануяуд̇д̇аанам̣. н̃аан̣ажарияаа жа б̣уд̣̇д̇хисамбаннаанам̣. маг̇г̇ажарияаа жа саммаабадибаннаанам̣. бад̇д̇ижарияаа жа ад̇хиг̇ад̇апалаанам̣. логад̇т̇ажарияаа жа д̇ат̇ааг̇ад̇аанам̣ араханд̇аанам̣ саммаасамб̣уд̣̇д̇хаанам̣ бад̣̇зсз бажжзгаб̣уд̣̇д̇хаанам̣ бад̣̇зсз саавагаанам̣. имаа адта жарияааяо.
Iriyāpathacariyā ca paṇidhisampannānaṃ. Āyatanacariyā ca indriyesu guttadvārānaṃ. Saticariyā ca appamādavihārīnaṃ. Samādhicariyā ca adhicittamanuyuttānaṃ. Ñāṇacariyā ca buddhisampannānaṃ. Maggacariyā ca sammāpaṭipannānaṃ. Patticariyā ca adhigataphalānaṃ. Lokatthacariyā ca tathāgatānaṃ arahantānaṃ sammāsambuddhānaṃ padese paccekabuddhānaṃ padese sāvakānaṃ. Imā aṭṭha cariyāyo.
29. абарааби адта жарияааяо. ад̇химужжанд̇о сад̣̇д̇хааяа жарад̇и, баг̇г̇ан̣ханд̇о вийриязна жарад̇и, убадтаабзнд̇о сад̇ияаа жарад̇и, авигкзбам̣ гаронд̇о самаад̇хинаа жарад̇и, баж̇аананд̇о бан̃н̃ааяа жарад̇и, виж̇аананд̇о вин̃н̃аан̣ажарияааяа жарад̇и, звам̣ бадибаннасса гусалаа д̇хаммаа ааяаабзнд̇ийд̇и ааяад̇анажарияааяа жарад̇и, звам̣ бадибанно висзсамад̇хиг̇ажчад̇ийд̇и висзсажарияааяа жарад̇и. имаа адта жарияааяо.
29. Aparāpi aṭṭha cariyāyo. Adhimuccanto saddhāya carati, paggaṇhanto vīriyena carati, upaṭṭhāpento satiyā carati, avikkhepaṃ karonto samādhinā carati, pajānanto paññāya carati, vijānanto viññāṇacariyāya carati, evaṃ paṭipannassa kusalā dhammā āyāpentīti āyatanacariyāya carati, evaṃ paṭipanno visesamadhigacchatīti visesacariyāya carati. Imā aṭṭha cariyāyo.
абарааби адта жарияааяо. д̣̇ассанажарияаа жа саммаад̣̇идтияаа, абхиниробанажарияаа жа саммаасан̇габбасса, бариг̇г̇ахажарияаа жа саммааваажааяа, самудтаанажарияаа жа саммаагамманд̇асса, вод̣̇аанажарияаа жа саммааааж̇ийвасса, баг̇г̇ахажарияаа жа саммаавааяаамасса, убадтаанажарияаа жа саммаасад̇ияаа, авигкзбажарияаа жа саммаасамаад̇хисса. имаа адта жарияааяод̇и.
Aparāpi aṭṭha cariyāyo. Dassanacariyā ca sammādiṭṭhiyā, abhiniropanacariyā ca sammāsaṅkappassa, pariggahacariyā ca sammāvācāya, samuṭṭhānacariyā ca sammākammantassa, vodānacariyā ca sammāājīvassa, paggahacariyā ca sammāvāyāmassa, upaṭṭhānacariyā ca sammāsatiyā, avikkhepacariyā ca sammāsamādhissa. Imā aṭṭha cariyāyoti.
жарияаагат̇аа нидтид̇аа.
Cariyākathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / жарияаагат̇ааван̣н̣анаа • Cariyākathāvaṇṇanā
