| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
17. жарияаанаанад̇д̇ан̃аан̣анид̣̇д̣̇зсаван̣н̣анаа
17. Cariyānānattañāṇaniddesavaṇṇanā
68. жарияаанаанад̇д̇ан̃аан̣анид̣̇д̣̇зсз вин̃н̃аан̣ажарияаад̇иаад̣̇ийсу аарамман̣з жарад̇ийд̇и жарияаа, вин̃н̃аан̣амзва жарияаа вин̃н̃аан̣ажарияаа. ан̃н̃аан̣зна жаран̣ам̣ , ан̃н̃аан̣зна ваа жарад̇и, ан̃н̃аад̇з ваа жарад̇и, ан̃н̃аан̣асса ваа жаран̣анд̇и ан̃н̃аан̣ажарияаа. н̃аан̣амзва жарияаа, н̃аан̣зна ваа жарияаа, н̃аан̣зна ваа жарад̇и, н̃аад̇з ваа жарад̇и, н̃аан̣асса ваа жаран̣анд̇и н̃аан̣ажарияаа. д̣̇ассанад̇т̇ааяаад̇и руубад̣̇ассанад̇т̇ааяа бавад̇д̇аа. ааваж̇ж̇анагирияааб̣яаагад̇аад̇и бхаван̇г̇асанд̇аанад̇о абанзд̇ваа руубаарамман̣з жид̇д̇асанд̇аанам̣ ааваж̇ж̇зд̇и наамзд̇ийд̇и ааваж̇ж̇анам̣, вибаагаабхаавад̇о гаран̣амад̇д̇анд̇и гирияаа, гусалаагусалавасзна на б̣яаагад̇аад̇и аб̣яаагад̇аа. д̣̇ассанадтод̇и бассанд̇и д̇зна, саяам̣ ваа бассад̇и, д̣̇ассанамад̇д̇амзва ваа д̇анд̇и д̣̇ассанам̣, д̣̇ассанамзва ад̇т̇о д̣̇ассанадто. жагкувин̃н̃аан̣анд̇и гусалавибаагам̣ ваа агусалавибаагам̣ ваа. д̣̇идтад̇д̇аад̇и ад̣̇идтз самбадижчанасса абхаавад̇о жагкувин̃н̃аан̣зна руубаарамман̣асса д̣̇идтад̇д̇аа. абхиниробанаа вибаагаманод̇хаад̇ууд̇и д̣̇идтаарамман̣амзва аарохад̇ийд̇и ад̇иниробанаа, убхаяавибаагаа самбадижчанаманод̇хаад̇у. абхиниробид̇ад̇д̇аад̇и руубаарамман̣ам̣ абхирул̣хад̇д̇аа. вибаагамановин̃н̃аан̣ад̇хаад̇ууд̇и убхаяавибаагаа санд̇ийран̣амановин̃н̃аан̣ад̇хаад̇у. зса наяо сод̇ад̣̇ваараад̣̇ийсуби. санд̇ийран̣аананд̇арам̣ водтаб̣б̣анз авуд̇д̇зби адтагат̇аажариязхи вуд̇д̇ад̇д̇аа лаб̣бхад̇ийд̇и г̇ахзд̇аб̣б̣ам̣. виж̇аананад̇т̇ааяаад̇и д̇хаммаарамман̣асса жзва руубаад̣̇иаарамман̣асса жа виж̇аананад̇т̇ааяа. ааваж̇ж̇анагирияааб̣яаагад̇аад̇и манод̣̇ваарааваж̇ж̇анажид̇д̇ам̣. виж̇аананадтод̇и д̇ад̣̇ананд̇араж̇аванавасзна аарамман̣асса виж̇аананамзва ад̇т̇о, на ан̃н̃о. убари агусалаж̇аванаанам̣ вибассанаамаг̇г̇апалаж̇аванаанан̃жа висум̣ вуд̇д̇ад̇д̇аа сзсаж̇аванаани ид̇ха г̇ахзд̇аб̣б̣аани сияум̣. ‘‘гусалзхи гаммзхи виббаяуд̇д̇аа жарад̇ийд̇и вин̃н̃аан̣ажарияаа’’д̇иаад̣̇иважанад̇о (бади. ма. 1.70) бана хасид̇уббаад̣̇ажид̇д̇аж̇аванамзва г̇ахзд̇аб̣б̣ам̣. часу д̣̇ваарзсу ахзд̇угаанам̣язва жид̇д̇аанам̣ вуд̇д̇ад̇д̇аа д̣̇вз ааваж̇ж̇анаани д̣̇вз бан̃жавин̃н̃аан̣аани д̣̇вз самбадижчанаани д̇ийн̣и санд̇ийран̣аани згам̣ хасид̇уббаад̣̇ажид̇д̇анд̇и адтаараса ахзд̇угажид̇д̇ааниязва вин̃н̃аан̣ажарияаад̇и взд̣̇ид̇аб̣б̣аани.
68. Cariyānānattañāṇaniddese viññāṇacariyātiādīsu ārammaṇe caratīti cariyā, viññāṇameva cariyā viññāṇacariyā. Aññāṇena caraṇaṃ , aññāṇena vā carati, aññāte vā carati, aññāṇassa vā caraṇanti aññāṇacariyā. Ñāṇameva cariyā, ñāṇena vā cariyā, ñāṇena vā carati, ñāte vā carati, ñāṇassa vā caraṇanti ñāṇacariyā. Dassanatthāyāti rūpadassanatthāya pavattā. Āvajjanakiriyābyākatāti bhavaṅgasantānato apanetvā rūpārammaṇe cittasantānaṃ āvajjeti nāmetīti āvajjanaṃ, vipākābhāvato karaṇamattanti kiriyā, kusalākusalavasena na byākatāti abyākatā. Dassanaṭṭhoti passanti tena, sayaṃ vā passati, dassanamattameva vā tanti dassanaṃ, dassanameva attho dassanaṭṭho. Cakkhuviññāṇanti kusalavipākaṃ vā akusalavipākaṃ vā. Diṭṭhattāti adiṭṭhe sampaṭicchanassa abhāvato cakkhuviññāṇena rūpārammaṇassa diṭṭhattā. Abhiniropanā vipākamanodhātūti diṭṭhārammaṇameva ārohatīti atiniropanā, ubhayavipākā sampaṭicchanamanodhātu. Abhiniropitattāti rūpārammaṇaṃ abhiruḷhattā. Vipākamanoviññāṇadhātūti ubhayavipākā santīraṇamanoviññāṇadhātu. Esa nayo sotadvārādīsupi. Santīraṇānantaraṃ voṭṭhabbane avuttepi aṭṭhakathācariyehi vuttattā labbhatīti gahetabbaṃ. Vijānanatthāyāti dhammārammaṇassa ceva rūpādiārammaṇassa ca vijānanatthāya. Āvajjanakiriyābyākatāti manodvārāvajjanacittaṃ. Vijānanaṭṭhoti tadanantarajavanavasena ārammaṇassa vijānanameva attho, na añño. Upari akusalajavanānaṃ vipassanāmaggaphalajavanānañca visuṃ vuttattā sesajavanāni idha gahetabbāni siyuṃ. ‘‘Kusalehi kammehi vippayuttā caratīti viññāṇacariyā’’tiādivacanato (paṭi. ma. 1.70) pana hasituppādacittajavanameva gahetabbaṃ. Chasu dvāresu ahetukānaṃyeva cittānaṃ vuttattā dve āvajjanāni dve pañcaviññāṇāni dve sampaṭicchanāni tīṇi santīraṇāni ekaṃ hasituppādacittanti aṭṭhārasa ahetukacittāniyeva viññāṇacariyāti veditabbāni.
69. ид̣̇аани висаяавиж̇аананамад̇д̇адтзна вин̃н̃аан̣ажарияаад̇и д̣̇ассзд̇ум̣ нийрааг̇аа жарад̇ийд̇иаад̣̇имааха, вин̃н̃аан̣ан̃хи рааг̇аад̣̇исамбаяог̇з сад̣̇д̇хаад̣̇исамбаяог̇з жа авад̇т̇анд̇арам̣ баабун̣аад̇и, д̇зсу асад̇и сагаавад̇т̇ааяамзва д̇идтад̇и. д̇асмаа нийрааг̇аад̣̇иважанзна д̇зсам̣ вуд̇д̇авин̃н̃аан̣аанам̣ вин̃н̃аан̣агижжамад̇д̇ам̣ д̣̇ассзд̇и. над̇т̇и зд̇иссаа рааг̇од̇и нийрааг̇аа. нирааг̇аад̇и рассам̣ гад̇вааби батанд̇и . со бана раж̇ж̇анавасзна рааг̇о. ид̇арзсу д̣̇уссанавасзна д̣̇осо. муяханавасзна мохо. ман̃н̃анавасзна маано. вибарийд̇ад̣̇ассанавасзна д̣̇идти. уд̣̇д̇хад̇абхааво, авуубасанд̇абхааво ваа уд̣̇д̇хажжам̣. вижигижчаа вуд̇д̇ад̇т̇аа. анусзнд̇ийд̇и анусаяаа. ‘‘ниранусаяаа’’д̇и вад̇д̇аб̣б̣з наанусаяаад̇и вуд̇д̇ам̣, соязвад̇т̇о. барияудтаанаббад̇д̇аанамзвзд̇т̇а абхааво взд̣̇ид̇аб̣б̣о. на хи вин̃н̃аан̣ажарияаа бахийнаанусаяаанам̣язва вуд̇д̇аа. яаа жа нийрааг̇аад̣̇инаамаа, саа рааг̇аад̣̇ийхи виббаяуд̇д̇аава наама ход̇ийд̇и барияааяанд̇арад̣̇ассанад̇т̇ам̣ рааг̇авиббаяуд̇д̇аад̇иаад̣̇имааха. буна ан̃н̃зхи жа виббаяуд̇д̇ад̇ам̣ д̣̇ассзд̇ум̣ гусалзхи гаммзхийд̇иаад̣̇имааха. гусалааниязва рааг̇аад̣̇иваж̇ж̇аабхааваа анаваж̇ж̇аани. барисуд̣̇д̇хабхаавагарзхи хириод̇д̇аббзхи яуд̇д̇ад̇д̇аа суггаани. бавад̇д̇исукад̇д̇аа суко уд̣̇аяо уббад̇д̇и зд̇зсанд̇и сукуд̣̇раяаани, сукавибаагад̇д̇аа ваа суко уд̣̇аяо вад̣дхи зд̇зсанд̇и сукуд̣̇раяаани. вуд̇д̇авибагкзна агусалаани яож̇зд̇аб̣б̣аани. вин̃н̃аад̇з жарад̇ийд̇и вин̃н̃аан̣зна вин̃н̃ааяамаанам̣ аарамман̣ам̣ вин̃н̃аад̇ам̣ наама, д̇асмим̣ вин̃н̃аад̇з аарамман̣з. гим̣ вуд̇д̇ам̣ ход̇и? нийлаван̣н̣аяог̇ад̇о нийлавад̇т̇ам̣ вияа вин̃н̃аан̣аяог̇ад̇о вин̃н̃аад̇ам̣ вин̃н̃аан̣ам̣ наама ход̇и, д̇асмим̣ вин̃н̃аан̣з жарад̇ийд̇и вин̃н̃аан̣ажарияаад̇и вуд̇д̇ам̣ ход̇и. вин̃н̃аан̣асса зваруубаа жарияаа ход̇ийд̇и вуд̇д̇аббагаарасса вин̃н̃аан̣асса вуд̇д̇аббагаараа жарияаа ход̇ийд̇и ад̇т̇о. ‘‘вин̃н̃аан̣асса жарияаа’’д̇и жа вохааравасзна вужжад̇и, вин̃н̃аан̣ад̇о бана висум̣ жарияаа над̇т̇и. багад̇ибарисуд̣̇д̇хамид̣̇ам̣ жид̇д̇ам̣ ниггилзсадтзнаад̇и ид̣̇ам̣ вуд̇д̇аббагаарам̣ жид̇д̇ам̣ рааг̇аад̣̇игилзсаабхаавзна багад̇ияаа зва барисуд̣̇д̇хам̣. д̇асмаа виж̇аананамад̇д̇амзва жарияаад̇и вин̃н̃аан̣ажарияаад̇и вуд̇д̇ам̣ ход̇и. ниглзсадтзнаад̇иби баато.
69. Idāni visayavijānanamattaṭṭhena viññāṇacariyāti dassetuṃ nīrāgā caratītiādimāha, viññāṇañhi rāgādisampayoge saddhādisampayoge ca avatthantaraṃ pāpuṇāti, tesu asati sakāvatthāyameva tiṭṭhati. Tasmā nīrāgādivacanena tesaṃ vuttaviññāṇānaṃ viññāṇakiccamattaṃ dasseti. Natthi etissā rāgoti nīrāgā. Nirāgāti rassaṃ katvāpi paṭhanti . So pana rajjanavasena rāgo. Itaresu dussanavasena doso. Muyhanavasena moho. Maññanavasena māno. Viparītadassanavasena diṭṭhi. Uddhatabhāvo, avūpasantabhāvo vā uddhaccaṃ. Vicikicchā vuttatthā. Anusentīti anusayā. ‘‘Niranusayā’’ti vattabbe nānusayāti vuttaṃ, soyevattho. Pariyuṭṭhānappattānamevettha abhāvo veditabbo. Na hi viññāṇacariyā pahīnānusayānaṃyeva vuttā. Yā ca nīrāgādināmā, sā rāgādīhi vippayuttāva nāma hotīti pariyāyantaradassanatthaṃ rāgavippayuttātiādimāha. Puna aññehi ca vippayuttataṃ dassetuṃ kusalehi kammehītiādimāha. Kusalāniyeva rāgādivajjābhāvā anavajjāni. Parisuddhabhāvakarehi hiriottappehi yuttattā sukkāni. Pavattisukhattā sukho udayo uppatti etesanti sukhudrayāni, sukhavipākattā vā sukho udayo vaḍḍhi etesanti sukhudrayāni. Vuttavipakkhena akusalāni yojetabbāni. Viññāte caratīti viññāṇena viññāyamānaṃ ārammaṇaṃ viññātaṃ nāma, tasmiṃ viññāte ārammaṇe. Kiṃ vuttaṃ hoti? Nīlavaṇṇayogato nīlavatthaṃ viya viññāṇayogato viññātaṃ viññāṇaṃ nāma hoti, tasmiṃ viññāṇe caratīti viññāṇacariyāti vuttaṃ hoti. Viññāṇassaevarūpā cariyā hotīti vuttappakārassa viññāṇassa vuttappakārā cariyā hotīti attho. ‘‘Viññāṇassa cariyā’’ti ca vohāravasena vuccati, viññāṇato pana visuṃ cariyā natthi. Pakatiparisuddhamidaṃ cittaṃ nikkilesaṭṭhenāti idaṃ vuttappakāraṃ cittaṃ rāgādikilesābhāvena pakatiyā eva parisuddhaṃ. Tasmā vijānanamattameva cariyāti viññāṇacariyāti vuttaṃ hoti. Niklesaṭṭhenātipi pāṭho.
ан̃н̃аан̣ажарияааяа манаабиязсууд̇и манаси аббзнд̇и басийд̣̇анд̇и, манам̣ ваа аббааяанд̇и вад̣дхзнд̇ийд̇и манаабаани, манаабааниязва манаабияаани. д̇зсу манаабиязсу. д̇аани бана идтаани ваа хонд̇у анидтаани ваа, г̇ахан̣авасзна манаабияаани. на хи идтасмим̣язва рааг̇о анидтасмим̣язва д̣̇осо уббаж̇ж̇ад̇и. рааг̇асса ж̇аванад̇т̇ааяаад̇и санд̇ад̇ивасзна рааг̇асса ж̇аванад̇т̇ааяа бавад̇д̇аа. ааваж̇ж̇анагирияааб̣яаагад̇аад̇и жагкуд̣̇ваарз аяонисо манасигаарабхууд̇аа ааваж̇ж̇анагирияааб̣яаагад̇аа манод̇хаад̇у. рааг̇асса ж̇аванаад̇и язбхуяязна сад̇д̇агкад̇д̇ум̣ рааг̇асса бавад̇д̇и, бунаббунам̣ бавад̇д̇о рааг̇оязва. ан̃н̃аан̣ажарияаад̇и ан̃н̃аан̣зна рааг̇асса самбхавад̇о ан̃н̃аан̣зна рааг̇асса жарияаад̇и вуд̇д̇ам̣ ход̇и. сзсзсуби зсзва наяо. д̇ад̣̇убхаязна асамабзгканасмим̣ вад̇т̇усминд̇и рааг̇ад̣̇осавасзна самабзгканавирахид̇з руубаарамман̣асан̇каад̇з вад̇т̇усмим̣. мохасса ж̇аванад̇т̇ааяаад̇и вижигижчаауд̣̇д̇хажжавасзна мохасса ж̇аванад̇т̇ааяа. ан̃н̃аан̣ажарияаад̇и ан̃н̃аан̣ассзва жарияаа, на ан̃н̃асса. виниб̣анд̇хассаад̇иаад̣̇ийни маанаад̣̇ийнам̣ сабхаававажанаани. д̇ад̇т̇а виниб̣анд̇хассаад̇и уннад̇ивасзна виниб̣анд̇хид̇ваа тид̇асса. бараамадтааяаад̇и руубасса анижжабхааваад̣̇им̣ ад̇иггамид̇ваа барад̇о нижжабхааваад̣̇им̣ аамадтааяа г̇ахид̇ааяа. вигкзбаг̇ад̇ассаад̇и руубаарамман̣з вигкид̇д̇абхаавам̣ г̇ад̇асса. анидтан̇г̇ад̇ааяаад̇и асаннидтаанабхаавам̣ г̇ад̇ааяа. т̇аамаг̇ад̇ассаад̇и б̣алаббад̇д̇асса. д̇хаммзсууд̇и руубаад̣̇ийсу ваа д̇хаммаарамман̣абхууд̇зсу ваа д̇хаммзсу.
Aññāṇacariyāya manāpiyesūti manasi appenti pasīdanti, manaṃ vā appāyanti vaḍḍhentīti manāpāni, manāpāniyeva manāpiyāni. Tesu manāpiyesu. Tāni pana iṭṭhāni vā hontu aniṭṭhāni vā, gahaṇavasena manāpiyāni. Na hi iṭṭhasmiṃyeva rāgo aniṭṭhasmiṃyeva doso uppajjati. Rāgassa javanatthāyāti santativasena rāgassa javanatthāya pavattā. Āvajjanakiriyābyākatāti cakkhudvāre ayoniso manasikārabhūtā āvajjanakiriyābyākatā manodhātu. Rāgassa javanāti yebhuyyena sattakkhattuṃ rāgassa pavatti, punappunaṃ pavatto rāgoyeva. Aññāṇacariyāti aññāṇena rāgassa sambhavato aññāṇena rāgassa cariyāti vuttaṃ hoti. Sesesupi eseva nayo. Tadubhayena asamapekkhanasmiṃ vatthusminti rāgadosavasena samapekkhanavirahite rūpārammaṇasaṅkhāte vatthusmiṃ. Mohassa javanatthāyāti vicikicchāuddhaccavasena mohassa javanatthāya. Aññāṇacariyāti aññāṇasseva cariyā, na aññassa. Vinibandhassātiādīni mānādīnaṃ sabhāvavacanāni. Tattha vinibandhassāti unnativasena vinibandhitvā ṭhitassa. Parāmaṭṭhāyāti rūpassa aniccabhāvādiṃ atikkamitvā parato niccabhāvādiṃ āmaṭṭhāya gahitāya. Vikkhepagatassāti rūpārammaṇe vikkhittabhāvaṃ gatassa. Aniṭṭhaṅgatāyāti asanniṭṭhānabhāvaṃ gatāya. Thāmagatassāti balappattassa. Dhammesūti rūpādīsu vā dhammārammaṇabhūtesu vā dhammesu.
70. яасмаа рааг̇аад̣̇аяо ан̃н̃аан̣зна хонд̇и, д̇асмаа рааг̇аад̣̇исамбаяог̇зна ан̃н̃аан̣ам̣ висзсзнд̇о сарааг̇аа жарад̇ийд̇иаад̣̇имааха. д̇ад̇т̇а сарааг̇аа жарад̇ийд̇и мохамаанад̣̇идтимаанаанусаяад̣̇идтаанусаяаавиж̇ж̇аанусаяаж̇аванавасзна жарияаа взд̣̇ид̇аб̣б̣аа. сад̣̇осаа жарад̇ийд̇и мохаавиж̇ж̇аанусаяаж̇аванавасзна. самохаа жарад̇ийд̇и рааг̇ад̣̇осамаанад̣̇идтиуд̣̇д̇хажжавижигижчаанусаяаж̇аванавасзна. самаанаа жарад̇ийд̇и рааг̇амохагаамарааг̇абхаварааг̇аавиж̇ж̇аанусаяаж̇аванавасзна. сад̣̇идти жарад̇ийд̇и рааг̇амохагаамарааг̇аавиж̇ж̇аанусаяаж̇аванавасзна. сауд̣̇д̇хажжаа жарад̇и савижигижчаа жарад̇ийд̇и мохаавиж̇ж̇аанусаяаж̇аванавасзна. саанусаяаа жарад̇ийд̇и зд̇т̇ааби вуд̇д̇анаязнзва згзгам̣ анусаяам̣ муулам̣ гад̇ваа д̇асмим̣ жид̇д̇з лаб̣бхамаанагасзсаанусаяавасзна саанусаяад̇аа яож̇зд̇аб̣б̣аа. рааг̇асамбаяуд̇д̇аад̇иаад̣̇и сарааг̇аад̣̇ивзважанамзва. саа зва хи жарияаа самбаяог̇авасзна саха рааг̇аад̣̇ийхи вад̇д̇ад̇ийд̇и сарааг̇аад̣̇иаад̣̇ийни наамаани лабхад̇и. рааг̇аад̣̇ийхи самам̣ згуббаад̣̇зганирод̇хзгавад̇т̇згаарамман̣аад̣̇ийхи багаарзхи яуд̇д̇аад̇и рааг̇асамбаяуд̇д̇аанийд̇иаад̣̇ийни наамаани лабхад̇и. сааязва жа яасмаа гусалаад̣̇ийхи гаммзхи виббаяуд̇д̇аа, агусалаад̣̇ийхи гаммзхи самбаяуд̇д̇аа, д̇асмааби ан̃н̃аан̣ажарияаад̇и д̣̇ассзд̇ум̣ гусалзхи гаммзхийд̇иаад̣̇имааха. д̇ад̇т̇а ан̃н̃аад̇зд̇и мохасса ан̃н̃аан̣алагкан̣ад̇д̇аа яат̇аасабхаавзна ан̃н̃аад̇з аарамман̣з. сзсам̣ вуд̇д̇ад̇т̇амзва.
70. Yasmā rāgādayo aññāṇena honti, tasmā rāgādisampayogena aññāṇaṃ visesento sarāgā caratītiādimāha. Tattha sarāgā caratīti mohamānadiṭṭhimānānusayadiṭṭhānusayaavijjānusayajavanavasena cariyā veditabbā. Sadosā caratīti mohaavijjānusayajavanavasena. Samohā caratīti rāgadosamānadiṭṭhiuddhaccavicikicchānusayajavanavasena. Samānā caratīti rāgamohakāmarāgabhavarāgāvijjānusayajavanavasena. Sadiṭṭhi caratīti rāgamohakāmarāgāvijjānusayajavanavasena. Sauddhaccā carati savicikicchā caratīti mohaavijjānusayajavanavasena. Sānusayā caratīti etthāpi vuttanayeneva ekekaṃ anusayaṃ mūlaṃ katvā tasmiṃ citte labbhamānakasesānusayavasena sānusayatā yojetabbā. Rāgasampayuttātiādi sarāgādivevacanameva. Sā eva hi cariyā sampayogavasena saha rāgādīhi vattatīti sarāgādiādīni nāmāni labhati. Rāgādīhi samaṃ ekuppādekanirodhekavatthekārammaṇādīhi pakārehi yuttāti rāgasampayuttānītiādīni nāmāni labhati. Sāyeva ca yasmā kusalādīhi kammehi vippayuttā, akusalādīhi kammehi sampayuttā, tasmāpi aññāṇacariyāti dassetuṃ kusalehi kammehītiādimāha. Tattha aññāteti mohassa aññāṇalakkhaṇattā yathāsabhāvena aññāte ārammaṇe. Sesaṃ vuttatthameva.
71. н̃аан̣ажарияааяам̣ яасмаа вивадданаанубассанаад̣̇ийнам̣ ананд̇арабажжаяабхууд̇аа ааваж̇ж̇анагирияааб̣яаагад̇аа над̇т̇и, д̇асмаа д̇зсам̣ ад̇т̇ааяа ааваж̇ж̇анагирияааб̣яаагад̇ам̣ авад̇ваа вивадданаанубассанаад̣̇аяова вуд̇д̇аа. ануломан̃аан̣ад̇т̇ааяа зва хи ааваж̇ж̇анаа ход̇и, д̇ад̇о вивадданаанубассанаамаг̇г̇апалаани. паласамаабад̇д̇ийд̇и жзд̇т̇а маг̇г̇аананд̇араж̇аа ваа ход̇у гааланд̇араж̇аа ваа, убхоби ад̇хиббзд̇аа. нийрааг̇аа жарад̇ийд̇иаад̣̇ийсу рааг̇аад̣̇ийнам̣ бадибагкавасзна нийрааг̇аад̣̇ид̇аа взд̣̇ид̇аб̣б̣аа, вин̃н̃аан̣ажарияааяам̣ рааг̇аад̣̇ийнам̣ абхаавамад̇д̇адтзна. н̃аад̇зд̇и яат̇аасабхаавад̇о н̃аад̇з. ан̃н̃аа вин̃н̃аан̣ажарияаад̇иаад̣̇ийхи д̇иссаннам̣ жарияаанам̣ ан̃н̃аман̃н̃амасаммиссад̇ам̣ д̣̇ассзд̇и. вин̃н̃аан̣агижжамад̇д̇авасзна хи ахзд̇угажид̇д̇уббаад̣̇аа вин̃н̃аан̣ажарияаа, ан̃н̃аан̣агижжавад̇ам̣ д̣̇ваад̣̇асаннам̣ агусалажид̇д̇уббаад̣̇аанам̣ васзнзва ан̃н̃аан̣ажарияаа, висзсзна н̃аан̣агижжагаарийнам̣ вибассанаамаг̇г̇апалаанам̣ васзна н̃аан̣ажарияаа. звамимаа ан̃н̃аман̃н̃амасаммиссаа жа, вибассанам̣ табзд̇ваа сахзд̇угагаамааважарагирияаагусалаа жа, сахзд̇угагаамааважаравибаагаа жа, руубааважарааруубааважарагусалааб̣яаагад̇аа жа д̇ийхи жарияаахи винимуд̇д̇аад̇и взд̣̇ид̇аб̣б̣аа. ниб̣б̣аанаарамман̣ааяа вивадданаанубассанааяа н̃аан̣ажарияааяа нид̣̇д̣̇идтад̇д̇аа ниб̣б̣аанамаг̇г̇апалабажжавзгкан̣абхууд̇аани сзгкаасзгкаанам̣ бажжавзгкан̣ан̃аан̣аани н̃аан̣ажарияааяа сан̇г̇ахид̇аанийд̇и взд̣̇ид̇аб̣б̣аани. д̇ааниби хи висзсзна н̃аан̣агижжагараанзваад̇и.
71. Ñāṇacariyāyaṃ yasmā vivaṭṭanānupassanādīnaṃ anantarapaccayabhūtā āvajjanakiriyābyākatā natthi, tasmā tesaṃ atthāya āvajjanakiriyābyākataṃ avatvā vivaṭṭanānupassanādayova vuttā. Anulomañāṇatthāya eva hi āvajjanā hoti, tato vivaṭṭanānupassanāmaggaphalāni. Phalasamāpattīti cettha maggānantarajā vā hotu kālantarajā vā, ubhopi adhippetā. Nīrāgā caratītiādīsu rāgādīnaṃ paṭipakkhavasena nīrāgāditā veditabbā, viññāṇacariyāyaṃ rāgādīnaṃ abhāvamattaṭṭhena. Ñāteti yathāsabhāvato ñāte. Aññā viññāṇacariyātiādīhi tissannaṃ cariyānaṃ aññamaññamasammissataṃ dasseti. Viññāṇakiccamattavasena hi ahetukacittuppādā viññāṇacariyā, aññāṇakiccavataṃ dvādasannaṃ akusalacittuppādānaṃ vaseneva aññāṇacariyā, visesena ñāṇakiccakārīnaṃ vipassanāmaggaphalānaṃ vasena ñāṇacariyā. Evamimā aññamaññamasammissā ca, vipassanaṃ ṭhapetvā sahetukakāmāvacarakiriyākusalā ca, sahetukakāmāvacaravipākā ca, rūpāvacarārūpāvacarakusalābyākatā ca tīhi cariyāhi vinimuttāti veditabbā. Nibbānārammaṇāya vivaṭṭanānupassanāya ñāṇacariyāya niddiṭṭhattā nibbānamaggaphalapaccavekkhaṇabhūtāni sekkhāsekkhānaṃ paccavekkhaṇañāṇāni ñāṇacariyāya saṅgahitānīti veditabbāni. Tānipi hi visesena ñāṇakiccakarānevāti.
жарияаанаанад̇д̇ан̃аан̣анид̣̇д̣̇зсаван̣н̣анаа нидтид̇аа.
Cariyānānattañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 17. жарияаанаанад̇д̇ан̃аан̣анид̣̇д̣̇зсо • 17. Cariyānānattañāṇaniddeso
