| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
17. жарияаанаанад̇д̇ан̃аан̣анид̣̇д̣̇зсо
17. Cariyānānattañāṇaniddeso
68. гат̇ам̣ жарияаававад̇т̇аанз бан̃н̃аа жарияаанаанад̇д̇з н̃аан̣ам̣? жарияаад̇и д̇иссо жарияааяо – вин̃н̃аан̣ажарияаа, ан̃н̃аан̣ажарияаа, н̃аан̣ажарияаа.
68. Kathaṃ cariyāvavatthāne paññā cariyānānatte ñāṇaṃ? Cariyāti tisso cariyāyo – viññāṇacariyā, aññāṇacariyā, ñāṇacariyā.
гад̇амаа вин̃н̃аан̣ажарияаа? д̣̇ассанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа руубзсу, д̣̇ассанадто жагкувин̃н̃аан̣ам̣ вин̃н̃аан̣ажарияаа руубзсу, д̣̇идтад̇д̇аа абхиниробанаа вибаагаманод̇хаад̇у 1 вин̃н̃аан̣ажарияаа руубзсу, абхиниробид̇ад̇д̇аа вибаагамановин̃н̃аан̣ад̇хаад̇у вин̃н̃аан̣ажарияаа руубзсу. саванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа сад̣̇д̣̇зсу, саванад̇т̇о сод̇авин̃н̃аан̣ам̣ вин̃н̃аан̣ажарияаа сад̣̇д̣̇зсу, суд̇ад̇д̇аа абхиниробанаа вибаагаманод̇хаад̇у вин̃н̃аан̣ажарияаа сад̣̇д̣̇зсу, абхиниробид̇ад̇д̇аа вибаагамановин̃н̃аан̣ад̇хаад̇у вин̃н̃аан̣ажарияаа сад̣̇д̣̇зсу. гхааяанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа г̇анд̇хзсу, гхааяанадто 2 гхаанавин̃н̃аан̣ам̣ вин̃н̃аан̣ажарияаа г̇анд̇хзсу, гхааяид̇ад̇д̇аа абхиниробанаа вибаагаманод̇хаад̇у вин̃н̃аан̣ажарияаа г̇анд̇хзсу, абхиниробид̇ад̇д̇аа вибаагамановин̃н̃аан̣ад̇хаад̇у вин̃н̃аан̣ажарияаа г̇анд̇хзсу. сааяанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа расзсу, сааяанадто ж̇ивхаавин̃н̃аан̣ам̣ вин̃н̃аан̣ажарияаа расзсу, сааяид̇ад̇д̇аа абхиниробанаа вибаагаманод̇хаад̇у вин̃н̃аан̣ажарияаа расзсу, абхиниробид̇ад̇д̇аа вибаагамановин̃н̃аан̣ад̇хаад̇у вин̃н̃аан̣ажарияаа расзсу. пусанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа подтаб̣б̣зсу, пусанадто гааяавин̃н̃аан̣ам̣ вин̃н̃аан̣ажарияаа подтаб̣б̣зсу, пудтад̇д̇аа абхиниробанаа вибаагаманод̇хаад̇у вин̃н̃аан̣ажарияаа подтаб̣б̣зсу, абхиниробид̇ад̇д̇аа вибаагамановин̃н̃аан̣ад̇хаад̇у вин̃н̃аан̣ажарияаа подтаб̣б̣зсу. виж̇аананад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа д̇хаммзсу, виж̇аананадто мановин̃н̃аан̣ам̣ вин̃н̃аан̣ажарияаа д̇хаммзсу, вин̃н̃аад̇ад̇д̇аа абхиниробанаа вибаагаманод̇хаад̇у вин̃н̃аан̣ажарияаа д̇хаммзсу, абхиниробид̇ад̇д̇аа вибаагамановин̃н̃аан̣ад̇хаад̇у вин̃н̃аан̣ажарияаа д̇хаммзсу.
Katamā viññāṇacariyā? Dassanatthāya āvajjanakiriyābyākatā viññāṇacariyā rūpesu, dassanaṭṭho cakkhuviññāṇaṃ viññāṇacariyā rūpesu, diṭṭhattā abhiniropanā vipākamanodhātu 3 viññāṇacariyā rūpesu, abhiniropitattā vipākamanoviññāṇadhātu viññāṇacariyā rūpesu. Savanatthāya āvajjanakiriyābyākatā viññāṇacariyā saddesu, savanattho sotaviññāṇaṃ viññāṇacariyā saddesu, sutattā abhiniropanā vipākamanodhātu viññāṇacariyā saddesu, abhiniropitattā vipākamanoviññāṇadhātu viññāṇacariyā saddesu. Ghāyanatthāya āvajjanakiriyābyākatā viññāṇacariyā gandhesu, ghāyanaṭṭho 4 ghānaviññāṇaṃ viññāṇacariyā gandhesu, ghāyitattā abhiniropanā vipākamanodhātu viññāṇacariyā gandhesu, abhiniropitattā vipākamanoviññāṇadhātu viññāṇacariyā gandhesu. Sāyanatthāya āvajjanakiriyābyākatā viññāṇacariyā rasesu, sāyanaṭṭho jivhāviññāṇaṃ viññāṇacariyā rasesu, sāyitattā abhiniropanā vipākamanodhātu viññāṇacariyā rasesu, abhiniropitattā vipākamanoviññāṇadhātu viññāṇacariyā rasesu. Phusanatthāya āvajjanakiriyābyākatā viññāṇacariyā phoṭṭhabbesu, phusanaṭṭho kāyaviññāṇaṃ viññāṇacariyā phoṭṭhabbesu, phuṭṭhattā abhiniropanā vipākamanodhātu viññāṇacariyā phoṭṭhabbesu, abhiniropitattā vipākamanoviññāṇadhātu viññāṇacariyā phoṭṭhabbesu. Vijānanatthāya āvajjanakiriyābyākatā viññāṇacariyā dhammesu, vijānanaṭṭho manoviññāṇaṃ viññāṇacariyā dhammesu, viññātattā abhiniropanā vipākamanodhātu viññāṇacariyā dhammesu, abhiniropitattā vipākamanoviññāṇadhātu viññāṇacariyā dhammesu.
69. вин̃н̃аан̣ажарияаад̇и гзнадтзна вин̃н̃аан̣ажарияаа? нийрааг̇аа жарад̇ийд̇и – вин̃н̃аан̣ажарияаа. нид̣̇д̣̇осаа жарад̇ийд̇и – вин̃н̃аан̣ажарияаа. ниммохаа жарад̇ийд̇и – вин̃н̃аан̣ажарияаа. ниммаанаа жарад̇ийд̇и – вин̃н̃аан̣ажарияаа. нид̣̇д̣̇идти жарад̇ийд̇и – вин̃н̃аан̣ажарияаа ниуд̣̇д̇хажжаа жарад̇ийд̇и – вин̃н̃аан̣ажарияаа. ниб̣б̣ижигижчаа жарад̇ийд̇и – вин̃н̃аан̣ажарияаа. наанусаяаа жарад̇ийд̇и – вин̃н̃аан̣ажарияаа. рааг̇авиббаяуд̇д̇аа жарад̇ийд̇и – вин̃н̃аан̣ажарияаа. д̣̇осавиббаяуд̇д̇аа жарад̇ийд̇и – вин̃н̃аан̣ажарияаа. мохавиббаяуд̇д̇аа жарад̇ийд̇и – вин̃н̃аан̣ажарияаа. маанавиббаяуд̇д̇аа жарад̇ийд̇и – вин̃н̃аан̣ажарияаа. д̣̇идтивиббаяуд̇д̇аа жарад̇ийд̇и – вин̃н̃аан̣ажарияаа. уд̣̇д̇хажжавиббаяуд̇д̇аа жарад̇ийд̇и – вин̃н̃аан̣ажарияаа. вижигижчаавиббаяуд̇д̇аа жарад̇ийд̇и – вин̃н̃аан̣ажарияаа. анусаяавиббаяуд̇д̇аа жарад̇ийд̇и – вин̃н̃аан̣ажарияаа. гусалзхи гаммзхи самбаяуд̇д̇аа жарад̇ийд̇и – вин̃н̃аан̣ажарияаа. агусалзхи гаммзхи виббаяуд̇д̇аа жарад̇ийд̇и – вин̃н̃аан̣ажарияаа. сааваж̇ж̇зхи гаммзхи виббаяуд̇д̇аа жарад̇ийд̇и – вин̃н̃аан̣ажарияаа. анаваж̇ж̇зхи гаммзхи самбаяуд̇д̇аа жарад̇ийд̇и – вин̃н̃аан̣ажарияаа. ган̣хзхи гаммзхи виббаяуд̇д̇аа жарад̇ийд̇и – вин̃н̃аан̣ажарияаа. суггзхи гаммзхи самбаяуд̇д̇аа жарад̇ийд̇и – вин̃н̃аан̣ажарияаа. сукуд̣̇раязхи гаммзхи самбаяуд̇д̇аа жарад̇ийд̇и – вин̃н̃аан̣ажарияаа. д̣̇угкуд̣̇раязхи гаммзхи виббаяуд̇д̇аа жарад̇ийд̇и – вин̃н̃аан̣ажарияаа. сукавибаагзхи гаммзхи самбаяуд̇д̇аа жарад̇ийд̇и – вин̃н̃аан̣ажарияаа. д̣̇угкавибаагзхи гаммзхи виббаяуд̇д̇аа жарад̇ийд̇и – вин̃н̃аан̣ажарияаа. вин̃н̃аад̇з жарад̇ийд̇и – вин̃н̃аан̣ажарияаа. вин̃н̃аан̣асса зваруубаа жарияаа ход̇ийд̇и – вин̃н̃аан̣ажарияаа. багад̇ибарисуд̣̇д̇хамид̣̇ам̣ жид̇д̇ам̣ ниггилзсадтзнаад̇и – вин̃н̃аан̣ажарияаа. аяам̣ вин̃н̃аан̣ажарияаа.
69.Viññāṇacariyāti kenaṭṭhena viññāṇacariyā? Nīrāgā caratīti – viññāṇacariyā. Niddosā caratīti – viññāṇacariyā. Nimmohā caratīti – viññāṇacariyā. Nimmānā caratīti – viññāṇacariyā. Niddiṭṭhi caratīti – viññāṇacariyā niuddhaccā caratīti – viññāṇacariyā. Nibbicikicchā caratīti – viññāṇacariyā. Nānusayā caratīti – viññāṇacariyā. Rāgavippayuttā caratīti – viññāṇacariyā. Dosavippayuttā caratīti – viññāṇacariyā. Mohavippayuttā caratīti – viññāṇacariyā. Mānavippayuttā caratīti – viññāṇacariyā. Diṭṭhivippayuttā caratīti – viññāṇacariyā. Uddhaccavippayuttā caratīti – viññāṇacariyā. Vicikicchāvippayuttā caratīti – viññāṇacariyā. Anusayavippayuttā caratīti – viññāṇacariyā. Kusalehi kammehi sampayuttā caratīti – viññāṇacariyā. Akusalehi kammehi vippayuttā caratīti – viññāṇacariyā. Sāvajjehi kammehi vippayuttā caratīti – viññāṇacariyā. Anavajjehi kammehi sampayuttā caratīti – viññāṇacariyā. Kaṇhehi kammehi vippayuttā caratīti – viññāṇacariyā. Sukkehi kammehi sampayuttā caratīti – viññāṇacariyā. Sukhudrayehi kammehi sampayuttā caratīti – viññāṇacariyā. Dukkhudrayehi kammehi vippayuttā caratīti – viññāṇacariyā. Sukhavipākehi kammehi sampayuttā caratīti – viññāṇacariyā. Dukkhavipākehi kammehi vippayuttā caratīti – viññāṇacariyā. Viññāte caratīti – viññāṇacariyā. Viññāṇassa evarūpā cariyā hotīti – viññāṇacariyā. Pakatiparisuddhamidaṃ cittaṃ nikkilesaṭṭhenāti – viññāṇacariyā. Ayaṃ viññāṇacariyā.
гад̇амаа ан̃н̃аан̣ажарияаа? манаабиязсу руубзсу рааг̇асса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; рааг̇асса ж̇аванаа ан̃н̃аан̣ажарияаа. аманаабиязсу руубзсу д̣̇осасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; д̣̇осасса ж̇аванаа ан̃н̃аан̣ажарияаа. д̇ад̣̇убхаязна асамабзгканасмим̣ вад̇т̇усмим̣ мохасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; мохасса ж̇аванаа ан̃н̃аан̣ажарияаа. виниб̣анд̇хасса маанасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; маанасса ж̇аванаа ан̃н̃аан̣ажарияаа. бараамадтааяа д̣̇идтияаа ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; д̣̇идтияаа ж̇аванаа ан̃н̃аан̣ажарияаа. вигкзбаг̇ад̇асса уд̣̇д̇хажжасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; уд̣̇д̇хажжасса ж̇аванаа ан̃н̃аан̣ажарияаа. анидтан̇г̇ад̇ааяа вижигижчааяа ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; вижигижчааяа ж̇аванаа ан̃н̃аан̣ажарияаа. т̇аамаг̇ад̇асса анусаяасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа ; анусаяасса ж̇аванаа ан̃н̃аан̣ажарияаа.
Katamā aññāṇacariyā? Manāpiyesu rūpesu rāgassa javanatthāya āvajjanakiriyābyākatā viññāṇacariyā; rāgassa javanā aññāṇacariyā. Amanāpiyesu rūpesu dosassa javanatthāya āvajjanakiriyābyākatā viññāṇacariyā; dosassa javanā aññāṇacariyā. Tadubhayena asamapekkhanasmiṃ vatthusmiṃ mohassa javanatthāya āvajjanakiriyābyākatā viññāṇacariyā; mohassa javanā aññāṇacariyā. Vinibandhassa mānassa javanatthāya āvajjanakiriyābyākatā viññāṇacariyā; mānassa javanā aññāṇacariyā. Parāmaṭṭhāya diṭṭhiyā javanatthāya āvajjanakiriyābyākatā viññāṇacariyā; diṭṭhiyā javanā aññāṇacariyā. Vikkhepagatassa uddhaccassa javanatthāya āvajjanakiriyābyākatā viññāṇacariyā; uddhaccassa javanā aññāṇacariyā. Aniṭṭhaṅgatāya vicikicchāya javanatthāya āvajjanakiriyābyākatā viññāṇacariyā; vicikicchāya javanā aññāṇacariyā. Thāmagatassa anusayassa javanatthāya āvajjanakiriyābyākatā viññāṇacariyā ; anusayassa javanā aññāṇacariyā.
манаабиязсу сад̣̇д̣̇зсу…бз… манаабиязсу г̇анд̇хзсу…бз… манаабиязсу расзсу…бз… манаабиязсу подтаб̣б̣зсу…бз… манаабиязсу д̇хаммзсу рааг̇асса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; рааг̇асса ж̇аванаа ан̃н̃аан̣ажарияаа. аманаабиязсу д̇хаммзсу д̣̇осасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; д̣̇осасса ж̇аванаа ан̃н̃аан̣ажарияаа. д̇ад̣̇убхаязна асамабзгканасмим̣ вад̇т̇усмим̣ мохасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; мохасса ж̇аванаа ан̃н̃аан̣ажарияаа. виниб̣анд̇хасса маанасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; маанасса ж̇аванаа ан̃н̃аан̣ажарияаа. бараамадтааяа д̣̇идтияаа ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; д̣̇идтияаа ж̇аванаа ан̃н̃аан̣ажарияаа. вигкзбаг̇ад̇асса уд̣̇д̇хажжасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; уд̣̇д̇хажжасса ж̇аванаа ан̃н̃аан̣ажарияаа; анидтан̇г̇ад̇ааяа вижигижчааяа ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; вижигижчааяа ж̇аванаа ан̃н̃аан̣ажарияаа. т̇аамаг̇ад̇асса анусаяасса ж̇аванад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; анусаяасса ж̇аванаа ан̃н̃аан̣ажарияаа.
Manāpiyesu saddesu…pe… manāpiyesu gandhesu…pe… manāpiyesu rasesu…pe… manāpiyesu phoṭṭhabbesu…pe… manāpiyesu dhammesu rāgassa javanatthāya āvajjanakiriyābyākatā viññāṇacariyā; rāgassa javanā aññāṇacariyā. Amanāpiyesu dhammesu dosassa javanatthāya āvajjanakiriyābyākatā viññāṇacariyā; dosassa javanā aññāṇacariyā. Tadubhayena asamapekkhanasmiṃ vatthusmiṃ mohassa javanatthāya āvajjanakiriyābyākatā viññāṇacariyā; mohassa javanā aññāṇacariyā. Vinibandhassa mānassa javanatthāya āvajjanakiriyābyākatā viññāṇacariyā; mānassa javanā aññāṇacariyā. Parāmaṭṭhāya diṭṭhiyā javanatthāya āvajjanakiriyābyākatā viññāṇacariyā; diṭṭhiyā javanā aññāṇacariyā. Vikkhepagatassa uddhaccassa javanatthāya āvajjanakiriyābyākatā viññāṇacariyā; uddhaccassa javanā aññāṇacariyā; aniṭṭhaṅgatāya vicikicchāya javanatthāya āvajjanakiriyābyākatā viññāṇacariyā; vicikicchāya javanā aññāṇacariyā. Thāmagatassa anusayassa javanatthāya āvajjanakiriyābyākatā viññāṇacariyā; anusayassa javanā aññāṇacariyā.
70. ан̃н̃аан̣ажарияаад̇и гзнадтзна ан̃н̃аан̣ажарияаа? сарааг̇аа жарад̇ийд̇и – ан̃н̃аан̣ажарияаа. сад̣̇осаа жарад̇ийд̇и – ан̃н̃аан̣ажарияаа. самохаа жарад̇ийд̇и – ан̃н̃аан̣ажарияаа. самаанаа жарад̇ийд̇и – ан̃н̃аан̣ажарияаа. сад̣̇идти жарад̇ийд̇и – ан̃н̃аан̣ажарияаа. сауд̣̇д̇хажжаа жарад̇ийд̇и – ан̃н̃аан̣ажарияаа. савижигижчаа жарад̇ийд̇и – ан̃н̃аан̣ажарияаа. саанусаяаа жарад̇ийд̇и – ан̃н̃аан̣ажарияаа . рааг̇асамбаяуд̇д̇аа жарад̇ийд̇и – ан̃н̃аан̣ажарияаа. д̣̇осасамбаяуд̇д̇аа жарад̇ийд̇и – ан̃н̃аан̣ажарияаа. мохасамбаяуд̇д̇аа жарад̇ийд̇и – ан̃н̃аан̣ажарияаа. маанасамбаяуд̇д̇аа жарад̇ийд̇и – ан̃н̃аан̣ажарияаа . д̣̇идтисамбаяуд̇д̇аа жарад̇ийд̇и – ан̃н̃аан̣ажарияаа. уд̣̇д̇хажжасамбаяуд̇д̇аа жарад̇ийд̇и – ан̃н̃аан̣ажарияаа. вижигижчаасамбаяуд̇д̇аа жарад̇ийд̇и – ан̃н̃аан̣ажарияаа. анусаяасамбаяуд̇д̇аа жарад̇ийд̇и – ан̃н̃аан̣ажарияаа. гусалзхи гаммзхи виббаяуд̇д̇аа жарад̇ийд̇и – ан̃н̃аан̣ажарияаа. агусалзхи гаммзхи самбаяуд̇д̇аа жарад̇ийд̇и – ан̃н̃аан̣ажарияаа. сааваж̇ж̇зхи гаммзхи самбаяуд̇д̇аа жарад̇ийд̇и – ан̃н̃аан̣ажарияаа. анаваж̇ж̇зхи гаммзхи виббаяуд̇д̇аа жарад̇ийд̇и – ан̃н̃аан̣ажарияаа . ган̣хзхи гаммзхи самбаяуд̇д̇аа жарад̇ийд̇и – ан̃н̃аан̣ажарияаа. суггзхи гаммзхи виббаяуд̇д̇аа жарад̇ийд̇и – ан̃н̃аан̣ажарияаа. сукуд̣̇раязхи гаммзхи виббаяуд̇д̇аа жарад̇ийд̇и – ан̃н̃аан̣ажарияаа. д̣̇угкуд̣̇раязхи гаммзхи самбаяуд̇д̇аа жарад̇ийд̇и – ан̃н̃аан̣ажарияаа. сукавибаагзхи гаммзхи виббаяуд̇д̇аа жарад̇ийд̇и – ан̃н̃аан̣ажарияаа. д̣̇угкавибаагзхи гаммзхи самбаяуд̇д̇аа жарад̇ийд̇и – ан̃н̃аан̣ажарияаа. ан̃н̃аад̇з жарад̇ийд̇и – ан̃н̃аан̣ажарияаа. ан̃н̃аан̣асса зваруубаа жарияаа ход̇ийд̇и – ан̃н̃аан̣ажарияаа. аяам̣ ан̃н̃аан̣ажарияаа.
70.Aññāṇacariyāti kenaṭṭhena aññāṇacariyā? Sarāgā caratīti – aññāṇacariyā. Sadosā caratīti – aññāṇacariyā. Samohā caratīti – aññāṇacariyā. Samānā caratīti – aññāṇacariyā. Sadiṭṭhi caratīti – aññāṇacariyā. Sauddhaccā caratīti – aññāṇacariyā. Savicikicchā caratīti – aññāṇacariyā. Sānusayā caratīti – aññāṇacariyā . Rāgasampayuttā caratīti – aññāṇacariyā. Dosasampayuttā caratīti – aññāṇacariyā. Mohasampayuttā caratīti – aññāṇacariyā. Mānasampayuttā caratīti – aññāṇacariyā . Diṭṭhisampayuttā caratīti – aññāṇacariyā. Uddhaccasampayuttā caratīti – aññāṇacariyā. Vicikicchāsampayuttā caratīti – aññāṇacariyā. Anusayasampayuttā caratīti – aññāṇacariyā. Kusalehi kammehi vippayuttā caratīti – aññāṇacariyā. Akusalehi kammehi sampayuttā caratīti – aññāṇacariyā. Sāvajjehi kammehi sampayuttā caratīti – aññāṇacariyā. Anavajjehi kammehi vippayuttā caratīti – aññāṇacariyā . Kaṇhehi kammehi sampayuttā caratīti – aññāṇacariyā. Sukkehi kammehi vippayuttā caratīti – aññāṇacariyā. Sukhudrayehi kammehi vippayuttā caratīti – aññāṇacariyā. Dukkhudrayehi kammehi sampayuttā caratīti – aññāṇacariyā. Sukhavipākehi kammehi vippayuttā caratīti – aññāṇacariyā. Dukkhavipākehi kammehi sampayuttā caratīti – aññāṇacariyā. Aññāte caratīti – aññāṇacariyā. Aññāṇassa evarūpā cariyā hotīti – aññāṇacariyā. Ayaṃ aññāṇacariyā.
71. гад̇амаа н̃аан̣ажарияаа? анижжаанубассанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; анижжаанубассанаа н̃аан̣ажарияаа. д̣̇угкаанубассанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; д̣̇угкаанубассанаа н̃аан̣ажарияаа. анад̇д̇аанубассанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; анад̇д̇аанубассанаа н̃аан̣ажарияаа. ниб̣б̣ид̣̇аанубассанад̇т̇ааяа…бз… вирааг̇аанубассанад̇т̇ааяа… нирод̇хаанубассанад̇т̇ааяа… бадиниссаг̇г̇аанубассанад̇т̇ааяа… каяаанубассанад̇т̇ааяа… ваяаанубассанад̇т̇ааяа… вибарин̣аамаанубассанад̇т̇ааяа… анимид̇д̇аанубассанад̇т̇ааяа… аббан̣ихид̇аанубассанад̇т̇ааяа… сун̃н̃ад̇аанубассанад̇т̇ааяа… ад̇хибан̃н̃аад̇хаммаанубассанад̇т̇ааяа… яат̇аабхууд̇ан̃аан̣ад̣̇ассанад̇т̇ааяа… аад̣̇ийнаваанубассанад̇т̇ааяа… бадисан̇каанубассанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа; бадисан̇каанубассанаа н̃аан̣ажарияаа. вивадданаанубассанаа н̃аан̣ажарияаа. сод̇аабад̇д̇имаг̇г̇о н̃аан̣ажарияаа. сод̇аабад̇д̇ипаласамаабад̇д̇и н̃аан̣ажарияаа. сагад̣̇ааг̇аамимаг̇г̇о н̃аан̣ажарияаа. сагад̣̇ааг̇аамипаласамаабад̇д̇и н̃аан̣ажарияаа. анааг̇аамимаг̇г̇о н̃аан̣ажарияаа. анааг̇аамипаласамаабад̇д̇и н̃аан̣ажарияаа. арахад̇д̇амаг̇г̇о н̃аан̣ажарияаа. арахад̇д̇апаласамаабад̇д̇и н̃аан̣ажарияаа.
71. Katamā ñāṇacariyā? Aniccānupassanatthāya āvajjanakiriyābyākatā viññāṇacariyā; aniccānupassanā ñāṇacariyā. Dukkhānupassanatthāya āvajjanakiriyābyākatā viññāṇacariyā; dukkhānupassanā ñāṇacariyā. Anattānupassanatthāya āvajjanakiriyābyākatā viññāṇacariyā; anattānupassanā ñāṇacariyā. Nibbidānupassanatthāya…pe… virāgānupassanatthāya… nirodhānupassanatthāya… paṭinissaggānupassanatthāya… khayānupassanatthāya… vayānupassanatthāya… vipariṇāmānupassanatthāya… animittānupassanatthāya… appaṇihitānupassanatthāya… suññatānupassanatthāya… adhipaññādhammānupassanatthāya… yathābhūtañāṇadassanatthāya… ādīnavānupassanatthāya… paṭisaṅkhānupassanatthāya āvajjanakiriyābyākatā viññāṇacariyā; paṭisaṅkhānupassanā ñāṇacariyā. Vivaṭṭanānupassanā ñāṇacariyā. Sotāpattimaggo ñāṇacariyā. Sotāpattiphalasamāpatti ñāṇacariyā. Sakadāgāmimaggo ñāṇacariyā. Sakadāgāmiphalasamāpatti ñāṇacariyā. Anāgāmimaggo ñāṇacariyā. Anāgāmiphalasamāpatti ñāṇacariyā. Arahattamaggo ñāṇacariyā. Arahattaphalasamāpatti ñāṇacariyā.
н̃аан̣ажарияаад̇и гзнадтзна н̃аан̣ажарияаа? нийрааг̇аа жарад̇ийд̇и – н̃аан̣ажарияаа. нид̣̇д̣̇осаа жарад̇ийд̇и – н̃аан̣ажарияаа…бз… наанусаяаа жарад̇ийд̇и – н̃аан̣ажарияаа. рааг̇авиббаяуд̇д̇аа жарад̇ийд̇и – н̃аан̣ажарияаа. д̣̇осавиббаяуд̇д̇аа жарад̇ийд̇и – н̃аан̣ажарияаа. мохавиббаяуд̇д̇аа жарад̇ийд̇и – н̃аан̣ажарияаа. маанавиббаяуд̇д̇аа…бз… д̣̇идтивиббаяуд̇д̇аа… уд̣̇д̇хажжавиббаяуд̇д̇аа… вижигижчаавиббаяуд̇д̇аа… анусаяавиббаяуд̇д̇аа… гусалзхи гаммзхи самбаяуд̇д̇аа… агусалзхи гаммзхи виббаяуд̇д̇аа… сааваж̇ж̇зхи гаммзхи виббаяуд̇д̇аа… анаваж̇ж̇зхи гаммзхи самбаяуд̇д̇аа… ган̣хзхи гаммзхи виббаяуд̇д̇аа… суггзхи гаммзхи самбаяуд̇д̇аа… сукуд̣̇раязхи гаммзхи самбаяуд̇д̇аа… д̣̇угкуд̣̇раязхи гаммзхи виббаяуд̇д̇аа… сукавибаагзхи гаммзхи самбаяуд̇д̇аа жарад̇ийд̇и – н̃аан̣ажарияаа. д̣̇угкавибаагзхи гаммзхи виббаяуд̇д̇аа жарад̇ийд̇и – н̃аан̣ажарияаа. н̃аад̇з жарад̇ийд̇и – н̃аан̣ажарияаа . н̃аан̣асса зваруубаа жарияаа ход̇ийд̇и – н̃аан̣ажарияаа. аяам̣ н̃аан̣ажарияаа. ан̃н̃аа вин̃н̃аан̣ажарияаа, ан̃н̃аа ан̃н̃аан̣ажарияаа, ан̃н̃аа н̃аан̣ажарияаад̇и. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘жарияаававад̇т̇аанз бан̃н̃аа жарияаанаанад̇д̇з н̃аан̣ам̣’’.
Ñāṇacariyāti kenaṭṭhena ñāṇacariyā? Nīrāgā caratīti – ñāṇacariyā. Niddosā caratīti – ñāṇacariyā…pe… nānusayā caratīti – ñāṇacariyā. Rāgavippayuttā caratīti – ñāṇacariyā. Dosavippayuttā caratīti – ñāṇacariyā. Mohavippayuttā caratīti – ñāṇacariyā. Mānavippayuttā…pe… diṭṭhivippayuttā… uddhaccavippayuttā… vicikicchāvippayuttā… anusayavippayuttā… kusalehi kammehi sampayuttā… akusalehi kammehi vippayuttā… sāvajjehi kammehi vippayuttā… anavajjehi kammehi sampayuttā… kaṇhehi kammehi vippayuttā… sukkehi kammehi sampayuttā… sukhudrayehi kammehi sampayuttā… dukkhudrayehi kammehi vippayuttā… sukhavipākehi kammehi sampayuttā caratīti – ñāṇacariyā. Dukkhavipākehi kammehi vippayuttā caratīti – ñāṇacariyā. Ñāte caratīti – ñāṇacariyā . Ñāṇassa evarūpā cariyā hotīti – ñāṇacariyā. Ayaṃ ñāṇacariyā. Aññā viññāṇacariyā, aññā aññāṇacariyā, aññā ñāṇacariyāti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘cariyāvavatthāne paññā cariyānānatte ñāṇaṃ’’.
жарияаанаанад̇д̇ан̃аан̣анид̣̇д̣̇зсо сад̇д̇арасамо.
Cariyānānattañāṇaniddeso sattarasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 17. жарияаанаанад̇д̇ан̃аан̣анид̣̇д̣̇зсаван̣н̣анаа • 17. Cariyānānattañāṇaniddesavaṇṇanā
