| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੧੭. ਚਰਿਯਾਨਾਨਤ੍ਤਞਾਣਨਿਦ੍ਦੇਸੋ
17. Cariyānānattañāṇaniddeso
੬੮. ਕਥਂ ਚਰਿਯਾવવਤ੍ਥਾਨੇ ਪਞ੍ਞਾ ਚਰਿਯਾਨਾਨਤ੍ਤੇ ਞਾਣਂ? ਚਰਿਯਾਤਿ ਤਿਸ੍ਸੋ ਚਰਿਯਾਯੋ – વਿਞ੍ਞਾਣਚਰਿਯਾ, ਅਞ੍ਞਾਣਚਰਿਯਾ, ਞਾਣਚਰਿਯਾ।
68. Kathaṃ cariyāvavatthāne paññā cariyānānatte ñāṇaṃ? Cariyāti tisso cariyāyo – viññāṇacariyā, aññāṇacariyā, ñāṇacariyā.
ਕਤਮਾ વਿਞ੍ਞਾਣਚਰਿਯਾ? ਦਸ੍ਸਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ ਰੂਪੇਸੁ, ਦਸ੍ਸਨਟ੍ਠੋ ਚਕ੍ਖੁવਿਞ੍ਞਾਣਂ વਿਞ੍ਞਾਣਚਰਿਯਾ ਰੂਪੇਸੁ, ਦਿਟ੍ਠਤ੍ਤਾ ਅਭਿਨਿਰੋਪਨਾ વਿਪਾਕਮਨੋਧਾਤੁ 1 વਿਞ੍ਞਾਣਚਰਿਯਾ ਰੂਪੇਸੁ, ਅਭਿਨਿਰੋਪਿਤਤ੍ਤਾ વਿਪਾਕਮਨੋવਿਞ੍ਞਾਣਧਾਤੁ વਿਞ੍ਞਾਣਚਰਿਯਾ ਰੂਪੇਸੁ। ਸવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ ਸਦ੍ਦੇਸੁ, ਸવਨਤ੍ਥੋ ਸੋਤવਿਞ੍ਞਾਣਂ વਿਞ੍ਞਾਣਚਰਿਯਾ ਸਦ੍ਦੇਸੁ, ਸੁਤਤ੍ਤਾ ਅਭਿਨਿਰੋਪਨਾ વਿਪਾਕਮਨੋਧਾਤੁ વਿਞ੍ਞਾਣਚਰਿਯਾ ਸਦ੍ਦੇਸੁ, ਅਭਿਨਿਰੋਪਿਤਤ੍ਤਾ વਿਪਾਕਮਨੋવਿਞ੍ਞਾਣਧਾਤੁ વਿਞ੍ਞਾਣਚਰਿਯਾ ਸਦ੍ਦੇਸੁ। ਘਾਯਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ ਗਨ੍ਧੇਸੁ, ਘਾਯਨਟ੍ਠੋ 2 ਘਾਨવਿਞ੍ਞਾਣਂ વਿਞ੍ਞਾਣਚਰਿਯਾ ਗਨ੍ਧੇਸੁ, ਘਾਯਿਤਤ੍ਤਾ ਅਭਿਨਿਰੋਪਨਾ વਿਪਾਕਮਨੋਧਾਤੁ વਿਞ੍ਞਾਣਚਰਿਯਾ ਗਨ੍ਧੇਸੁ, ਅਭਿਨਿਰੋਪਿਤਤ੍ਤਾ વਿਪਾਕਮਨੋવਿਞ੍ਞਾਣਧਾਤੁ વਿਞ੍ਞਾਣਚਰਿਯਾ ਗਨ੍ਧੇਸੁ। ਸਾਯਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ ਰਸੇਸੁ, ਸਾਯਨਟ੍ਠੋ ਜਿવ੍ਹਾવਿਞ੍ਞਾਣਂ વਿਞ੍ਞਾਣਚਰਿਯਾ ਰਸੇਸੁ, ਸਾਯਿਤਤ੍ਤਾ ਅਭਿਨਿਰੋਪਨਾ વਿਪਾਕਮਨੋਧਾਤੁ વਿਞ੍ਞਾਣਚਰਿਯਾ ਰਸੇਸੁ, ਅਭਿਨਿਰੋਪਿਤਤ੍ਤਾ વਿਪਾਕਮਨੋવਿਞ੍ਞਾਣਧਾਤੁ વਿਞ੍ਞਾਣਚਰਿਯਾ ਰਸੇਸੁ। ਫੁਸਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ ਫੋਟ੍ਠਬ੍ਬੇਸੁ, ਫੁਸਨਟ੍ਠੋ ਕਾਯવਿਞ੍ਞਾਣਂ વਿਞ੍ਞਾਣਚਰਿਯਾ ਫੋਟ੍ਠਬ੍ਬੇਸੁ, ਫੁਟ੍ਠਤ੍ਤਾ ਅਭਿਨਿਰੋਪਨਾ વਿਪਾਕਮਨੋਧਾਤੁ વਿਞ੍ਞਾਣਚਰਿਯਾ ਫੋਟ੍ਠਬ੍ਬੇਸੁ, ਅਭਿਨਿਰੋਪਿਤਤ੍ਤਾ વਿਪਾਕਮਨੋવਿਞ੍ਞਾਣਧਾਤੁ વਿਞ੍ਞਾਣਚਰਿਯਾ ਫੋਟ੍ਠਬ੍ਬੇਸੁ। વਿਜਾਨਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ ਧਮ੍ਮੇਸੁ, વਿਜਾਨਨਟ੍ਠੋ ਮਨੋવਿਞ੍ਞਾਣਂ વਿਞ੍ਞਾਣਚਰਿਯਾ ਧਮ੍ਮੇਸੁ, વਿਞ੍ਞਾਤਤ੍ਤਾ ਅਭਿਨਿਰੋਪਨਾ વਿਪਾਕਮਨੋਧਾਤੁ વਿਞ੍ਞਾਣਚਰਿਯਾ ਧਮ੍ਮੇਸੁ, ਅਭਿਨਿਰੋਪਿਤਤ੍ਤਾ વਿਪਾਕਮਨੋવਿਞ੍ਞਾਣਧਾਤੁ વਿਞ੍ਞਾਣਚਰਿਯਾ ਧਮ੍ਮੇਸੁ।
Katamā viññāṇacariyā? Dassanatthāya āvajjanakiriyābyākatā viññāṇacariyā rūpesu, dassanaṭṭho cakkhuviññāṇaṃ viññāṇacariyā rūpesu, diṭṭhattā abhiniropanā vipākamanodhātu 3 viññāṇacariyā rūpesu, abhiniropitattā vipākamanoviññāṇadhātu viññāṇacariyā rūpesu. Savanatthāya āvajjanakiriyābyākatā viññāṇacariyā saddesu, savanattho sotaviññāṇaṃ viññāṇacariyā saddesu, sutattā abhiniropanā vipākamanodhātu viññāṇacariyā saddesu, abhiniropitattā vipākamanoviññāṇadhātu viññāṇacariyā saddesu. Ghāyanatthāya āvajjanakiriyābyākatā viññāṇacariyā gandhesu, ghāyanaṭṭho 4 ghānaviññāṇaṃ viññāṇacariyā gandhesu, ghāyitattā abhiniropanā vipākamanodhātu viññāṇacariyā gandhesu, abhiniropitattā vipākamanoviññāṇadhātu viññāṇacariyā gandhesu. Sāyanatthāya āvajjanakiriyābyākatā viññāṇacariyā rasesu, sāyanaṭṭho jivhāviññāṇaṃ viññāṇacariyā rasesu, sāyitattā abhiniropanā vipākamanodhātu viññāṇacariyā rasesu, abhiniropitattā vipākamanoviññāṇadhātu viññāṇacariyā rasesu. Phusanatthāya āvajjanakiriyābyākatā viññāṇacariyā phoṭṭhabbesu, phusanaṭṭho kāyaviññāṇaṃ viññāṇacariyā phoṭṭhabbesu, phuṭṭhattā abhiniropanā vipākamanodhātu viññāṇacariyā phoṭṭhabbesu, abhiniropitattā vipākamanoviññāṇadhātu viññāṇacariyā phoṭṭhabbesu. Vijānanatthāya āvajjanakiriyābyākatā viññāṇacariyā dhammesu, vijānanaṭṭho manoviññāṇaṃ viññāṇacariyā dhammesu, viññātattā abhiniropanā vipākamanodhātu viññāṇacariyā dhammesu, abhiniropitattā vipākamanoviññāṇadhātu viññāṇacariyā dhammesu.
੬੯. વਿਞ੍ਞਾਣਚਰਿਯਾਤਿ ਕੇਨਟ੍ਠੇਨ વਿਞ੍ਞਾਣਚਰਿਯਾ? ਨੀਰਾਗਾ ਚਰਤੀਤਿ – વਿਞ੍ਞਾਣਚਰਿਯਾ। ਨਿਦ੍ਦੋਸਾ ਚਰਤੀਤਿ – વਿਞ੍ਞਾਣਚਰਿਯਾ। ਨਿਮ੍ਮੋਹਾ ਚਰਤੀਤਿ – વਿਞ੍ਞਾਣਚਰਿਯਾ। ਨਿਮ੍ਮਾਨਾ ਚਰਤੀਤਿ – વਿਞ੍ਞਾਣਚਰਿਯਾ। ਨਿਦ੍ਦਿਟ੍ਠਿ ਚਰਤੀਤਿ – વਿਞ੍ਞਾਣਚਰਿਯਾ ਨਿਉਦ੍ਧਚ੍ਚਾ ਚਰਤੀਤਿ – વਿਞ੍ਞਾਣਚਰਿਯਾ। ਨਿਬ੍ਬਿਚਿਕਿਚ੍ਛਾ ਚਰਤੀਤਿ – વਿਞ੍ਞਾਣਚਰਿਯਾ। ਨਾਨੁਸਯਾ ਚਰਤੀਤਿ – વਿਞ੍ਞਾਣਚਰਿਯਾ। ਰਾਗવਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਦੋਸવਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਮੋਹવਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਮਾਨવਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਦਿਟ੍ਠਿવਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਉਦ੍ਧਚ੍ਚવਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। વਿਚਿਕਿਚ੍ਛਾવਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਅਨੁਸਯવਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਕੁਸਲੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਅਕੁਸਲੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਸਾવਜ੍ਜੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਅਨવਜ੍ਜੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਕਣ੍ਹੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਸੁਕ੍ਕੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਸੁਖੁਦ੍ਰਯੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਦੁਕ੍ਖੁਦ੍ਰਯੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਸੁਖવਿਪਾਕੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। ਦੁਕ੍ਖવਿਪਾਕੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – વਿਞ੍ਞਾਣਚਰਿਯਾ। વਿਞ੍ਞਾਤੇ ਚਰਤੀਤਿ – વਿਞ੍ਞਾਣਚਰਿਯਾ। વਿਞ੍ਞਾਣਸ੍ਸ ਏવਰੂਪਾ ਚਰਿਯਾ ਹੋਤੀਤਿ – વਿਞ੍ਞਾਣਚਰਿਯਾ। ਪਕਤਿਪਰਿਸੁਦ੍ਧਮਿਦਂ ਚਿਤ੍ਤਂ ਨਿਕ੍ਕਿਲੇਸਟ੍ਠੇਨਾਤਿ – વਿਞ੍ਞਾਣਚਰਿਯਾ। ਅਯਂ વਿਞ੍ਞਾਣਚਰਿਯਾ।
69.Viññāṇacariyāti kenaṭṭhena viññāṇacariyā? Nīrāgā caratīti – viññāṇacariyā. Niddosā caratīti – viññāṇacariyā. Nimmohā caratīti – viññāṇacariyā. Nimmānā caratīti – viññāṇacariyā. Niddiṭṭhi caratīti – viññāṇacariyā niuddhaccā caratīti – viññāṇacariyā. Nibbicikicchā caratīti – viññāṇacariyā. Nānusayā caratīti – viññāṇacariyā. Rāgavippayuttā caratīti – viññāṇacariyā. Dosavippayuttā caratīti – viññāṇacariyā. Mohavippayuttā caratīti – viññāṇacariyā. Mānavippayuttā caratīti – viññāṇacariyā. Diṭṭhivippayuttā caratīti – viññāṇacariyā. Uddhaccavippayuttā caratīti – viññāṇacariyā. Vicikicchāvippayuttā caratīti – viññāṇacariyā. Anusayavippayuttā caratīti – viññāṇacariyā. Kusalehi kammehi sampayuttā caratīti – viññāṇacariyā. Akusalehi kammehi vippayuttā caratīti – viññāṇacariyā. Sāvajjehi kammehi vippayuttā caratīti – viññāṇacariyā. Anavajjehi kammehi sampayuttā caratīti – viññāṇacariyā. Kaṇhehi kammehi vippayuttā caratīti – viññāṇacariyā. Sukkehi kammehi sampayuttā caratīti – viññāṇacariyā. Sukhudrayehi kammehi sampayuttā caratīti – viññāṇacariyā. Dukkhudrayehi kammehi vippayuttā caratīti – viññāṇacariyā. Sukhavipākehi kammehi sampayuttā caratīti – viññāṇacariyā. Dukkhavipākehi kammehi vippayuttā caratīti – viññāṇacariyā. Viññāte caratīti – viññāṇacariyā. Viññāṇassa evarūpā cariyā hotīti – viññāṇacariyā. Pakatiparisuddhamidaṃ cittaṃ nikkilesaṭṭhenāti – viññāṇacariyā. Ayaṃ viññāṇacariyā.
ਕਤਮਾ ਅਞ੍ਞਾਣਚਰਿਯਾ? ਮਨਾਪਿਯੇਸੁ ਰੂਪੇਸੁ ਰਾਗਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਰਾਗਸ੍ਸ ਜવਨਾ ਅਞ੍ਞਾਣਚਰਿਯਾ। ਅਮਨਾਪਿਯੇਸੁ ਰੂਪੇਸੁ ਦੋਸਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਦੋਸਸ੍ਸ ਜવਨਾ ਅਞ੍ਞਾਣਚਰਿਯਾ। ਤਦੁਭਯੇਨ ਅਸਮਪੇਕ੍ਖਨਸ੍ਮਿਂ વਤ੍ਥੁਸ੍ਮਿਂ ਮੋਹਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਮੋਹਸ੍ਸ ਜવਨਾ ਅਞ੍ਞਾਣਚਰਿਯਾ। વਿਨਿਬਨ੍ਧਸ੍ਸ ਮਾਨਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਮਾਨਸ੍ਸ ਜવਨਾ ਅਞ੍ਞਾਣਚਰਿਯਾ। ਪਰਾਮਟ੍ਠਾਯ ਦਿਟ੍ਠਿਯਾ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਦਿਟ੍ਠਿਯਾ ਜવਨਾ ਅਞ੍ਞਾਣਚਰਿਯਾ। વਿਕ੍ਖੇਪਗਤਸ੍ਸ ਉਦ੍ਧਚ੍ਚਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਉਦ੍ਧਚ੍ਚਸ੍ਸ ਜવਨਾ ਅਞ੍ਞਾਣਚਰਿਯਾ। ਅਨਿਟ੍ਠਙ੍ਗਤਾਯ વਿਚਿਕਿਚ੍ਛਾਯ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; વਿਚਿਕਿਚ੍ਛਾਯ ਜવਨਾ ਅਞ੍ਞਾਣਚਰਿਯਾ। ਥਾਮਗਤਸ੍ਸ ਅਨੁਸਯਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ ; ਅਨੁਸਯਸ੍ਸ ਜવਨਾ ਅਞ੍ਞਾਣਚਰਿਯਾ।
Katamā aññāṇacariyā? Manāpiyesu rūpesu rāgassa javanatthāya āvajjanakiriyābyākatā viññāṇacariyā; rāgassa javanā aññāṇacariyā. Amanāpiyesu rūpesu dosassa javanatthāya āvajjanakiriyābyākatā viññāṇacariyā; dosassa javanā aññāṇacariyā. Tadubhayena asamapekkhanasmiṃ vatthusmiṃ mohassa javanatthāya āvajjanakiriyābyākatā viññāṇacariyā; mohassa javanā aññāṇacariyā. Vinibandhassa mānassa javanatthāya āvajjanakiriyābyākatā viññāṇacariyā; mānassa javanā aññāṇacariyā. Parāmaṭṭhāya diṭṭhiyā javanatthāya āvajjanakiriyābyākatā viññāṇacariyā; diṭṭhiyā javanā aññāṇacariyā. Vikkhepagatassa uddhaccassa javanatthāya āvajjanakiriyābyākatā viññāṇacariyā; uddhaccassa javanā aññāṇacariyā. Aniṭṭhaṅgatāya vicikicchāya javanatthāya āvajjanakiriyābyākatā viññāṇacariyā; vicikicchāya javanā aññāṇacariyā. Thāmagatassa anusayassa javanatthāya āvajjanakiriyābyākatā viññāṇacariyā ; anusayassa javanā aññāṇacariyā.
ਮਨਾਪਿਯੇਸੁ ਸਦ੍ਦੇਸੁ…ਪੇ॰… ਮਨਾਪਿਯੇਸੁ ਗਨ੍ਧੇਸੁ…ਪੇ॰… ਮਨਾਪਿਯੇਸੁ ਰਸੇਸੁ…ਪੇ॰… ਮਨਾਪਿਯੇਸੁ ਫੋਟ੍ਠਬ੍ਬੇਸੁ…ਪੇ॰… ਮਨਾਪਿਯੇਸੁ ਧਮ੍ਮੇਸੁ ਰਾਗਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਰਾਗਸ੍ਸ ਜવਨਾ ਅਞ੍ਞਾਣਚਰਿਯਾ। ਅਮਨਾਪਿਯੇਸੁ ਧਮ੍ਮੇਸੁ ਦੋਸਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਦੋਸਸ੍ਸ ਜવਨਾ ਅਞ੍ਞਾਣਚਰਿਯਾ। ਤਦੁਭਯੇਨ ਅਸਮਪੇਕ੍ਖਨਸ੍ਮਿਂ વਤ੍ਥੁਸ੍ਮਿਂ ਮੋਹਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਮੋਹਸ੍ਸ ਜવਨਾ ਅਞ੍ਞਾਣਚਰਿਯਾ। વਿਨਿਬਨ੍ਧਸ੍ਸ ਮਾਨਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਮਾਨਸ੍ਸ ਜવਨਾ ਅਞ੍ਞਾਣਚਰਿਯਾ। ਪਰਾਮਟ੍ਠਾਯ ਦਿਟ੍ਠਿਯਾ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਦਿਟ੍ਠਿਯਾ ਜવਨਾ ਅਞ੍ਞਾਣਚਰਿਯਾ। વਿਕ੍ਖੇਪਗਤਸ੍ਸ ਉਦ੍ਧਚ੍ਚਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਉਦ੍ਧਚ੍ਚਸ੍ਸ ਜવਨਾ ਅਞ੍ਞਾਣਚਰਿਯਾ; ਅਨਿਟ੍ਠਙ੍ਗਤਾਯ વਿਚਿਕਿਚ੍ਛਾਯ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; વਿਚਿਕਿਚ੍ਛਾਯ ਜવਨਾ ਅਞ੍ਞਾਣਚਰਿਯਾ। ਥਾਮਗਤਸ੍ਸ ਅਨੁਸਯਸ੍ਸ ਜવਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਅਨੁਸਯਸ੍ਸ ਜવਨਾ ਅਞ੍ਞਾਣਚਰਿਯਾ।
Manāpiyesu saddesu…pe… manāpiyesu gandhesu…pe… manāpiyesu rasesu…pe… manāpiyesu phoṭṭhabbesu…pe… manāpiyesu dhammesu rāgassa javanatthāya āvajjanakiriyābyākatā viññāṇacariyā; rāgassa javanā aññāṇacariyā. Amanāpiyesu dhammesu dosassa javanatthāya āvajjanakiriyābyākatā viññāṇacariyā; dosassa javanā aññāṇacariyā. Tadubhayena asamapekkhanasmiṃ vatthusmiṃ mohassa javanatthāya āvajjanakiriyābyākatā viññāṇacariyā; mohassa javanā aññāṇacariyā. Vinibandhassa mānassa javanatthāya āvajjanakiriyābyākatā viññāṇacariyā; mānassa javanā aññāṇacariyā. Parāmaṭṭhāya diṭṭhiyā javanatthāya āvajjanakiriyābyākatā viññāṇacariyā; diṭṭhiyā javanā aññāṇacariyā. Vikkhepagatassa uddhaccassa javanatthāya āvajjanakiriyābyākatā viññāṇacariyā; uddhaccassa javanā aññāṇacariyā; aniṭṭhaṅgatāya vicikicchāya javanatthāya āvajjanakiriyābyākatā viññāṇacariyā; vicikicchāya javanā aññāṇacariyā. Thāmagatassa anusayassa javanatthāya āvajjanakiriyābyākatā viññāṇacariyā; anusayassa javanā aññāṇacariyā.
੭੦. ਅਞ੍ਞਾਣਚਰਿਯਾਤਿ ਕੇਨਟ੍ਠੇਨ ਅਞ੍ਞਾਣਚਰਿਯਾ? ਸਰਾਗਾ ਚਰਤੀਤਿ – ਅਞ੍ਞਾਣਚਰਿਯਾ। ਸਦੋਸਾ ਚਰਤੀਤਿ – ਅਞ੍ਞਾਣਚਰਿਯਾ। ਸਮੋਹਾ ਚਰਤੀਤਿ – ਅਞ੍ਞਾਣਚਰਿਯਾ। ਸਮਾਨਾ ਚਰਤੀਤਿ – ਅਞ੍ਞਾਣਚਰਿਯਾ। ਸਦਿਟ੍ਠਿ ਚਰਤੀਤਿ – ਅਞ੍ਞਾਣਚਰਿਯਾ। ਸਉਦ੍ਧਚ੍ਚਾ ਚਰਤੀਤਿ – ਅਞ੍ਞਾਣਚਰਿਯਾ। ਸવਿਚਿਕਿਚ੍ਛਾ ਚਰਤੀਤਿ – ਅਞ੍ਞਾਣਚਰਿਯਾ। ਸਾਨੁਸਯਾ ਚਰਤੀਤਿ – ਅਞ੍ਞਾਣਚਰਿਯਾ । ਰਾਗਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਦੋਸਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਮੋਹਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਮਾਨਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ । ਦਿਟ੍ਠਿਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਉਦ੍ਧਚ੍ਚਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। વਿਚਿਕਿਚ੍ਛਾਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਅਨੁਸਯਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਕੁਸਲੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਅਕੁਸਲੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਸਾવਜ੍ਜੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਅਨવਜ੍ਜੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ । ਕਣ੍ਹੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਸੁਕ੍ਕੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਸੁਖੁਦ੍ਰਯੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਦੁਕ੍ਖੁਦ੍ਰਯੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਸੁਖવਿਪਾਕੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਦੁਕ੍ਖવਿਪਾਕੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – ਅਞ੍ਞਾਣਚਰਿਯਾ। ਅਞ੍ਞਾਤੇ ਚਰਤੀਤਿ – ਅਞ੍ਞਾਣਚਰਿਯਾ। ਅਞ੍ਞਾਣਸ੍ਸ ਏવਰੂਪਾ ਚਰਿਯਾ ਹੋਤੀਤਿ – ਅਞ੍ਞਾਣਚਰਿਯਾ। ਅਯਂ ਅਞ੍ਞਾਣਚਰਿਯਾ।
70.Aññāṇacariyāti kenaṭṭhena aññāṇacariyā? Sarāgā caratīti – aññāṇacariyā. Sadosā caratīti – aññāṇacariyā. Samohā caratīti – aññāṇacariyā. Samānā caratīti – aññāṇacariyā. Sadiṭṭhi caratīti – aññāṇacariyā. Sauddhaccā caratīti – aññāṇacariyā. Savicikicchā caratīti – aññāṇacariyā. Sānusayā caratīti – aññāṇacariyā . Rāgasampayuttā caratīti – aññāṇacariyā. Dosasampayuttā caratīti – aññāṇacariyā. Mohasampayuttā caratīti – aññāṇacariyā. Mānasampayuttā caratīti – aññāṇacariyā . Diṭṭhisampayuttā caratīti – aññāṇacariyā. Uddhaccasampayuttā caratīti – aññāṇacariyā. Vicikicchāsampayuttā caratīti – aññāṇacariyā. Anusayasampayuttā caratīti – aññāṇacariyā. Kusalehi kammehi vippayuttā caratīti – aññāṇacariyā. Akusalehi kammehi sampayuttā caratīti – aññāṇacariyā. Sāvajjehi kammehi sampayuttā caratīti – aññāṇacariyā. Anavajjehi kammehi vippayuttā caratīti – aññāṇacariyā . Kaṇhehi kammehi sampayuttā caratīti – aññāṇacariyā. Sukkehi kammehi vippayuttā caratīti – aññāṇacariyā. Sukhudrayehi kammehi vippayuttā caratīti – aññāṇacariyā. Dukkhudrayehi kammehi sampayuttā caratīti – aññāṇacariyā. Sukhavipākehi kammehi vippayuttā caratīti – aññāṇacariyā. Dukkhavipākehi kammehi sampayuttā caratīti – aññāṇacariyā. Aññāte caratīti – aññāṇacariyā. Aññāṇassa evarūpā cariyā hotīti – aññāṇacariyā. Ayaṃ aññāṇacariyā.
੭੧. ਕਤਮਾ ਞਾਣਚਰਿਯਾ? ਅਨਿਚ੍ਚਾਨੁਪਸ੍ਸਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਅਨਿਚ੍ਚਾਨੁਪਸ੍ਸਨਾ ਞਾਣਚਰਿਯਾ। ਦੁਕ੍ਖਾਨੁਪਸ੍ਸਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਦੁਕ੍ਖਾਨੁਪਸ੍ਸਨਾ ਞਾਣਚਰਿਯਾ। ਅਨਤ੍ਤਾਨੁਪਸ੍ਸਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਅਨਤ੍ਤਾਨੁਪਸ੍ਸਨਾ ਞਾਣਚਰਿਯਾ। ਨਿਬ੍ਬਿਦਾਨੁਪਸ੍ਸਨਤ੍ਥਾਯ…ਪੇ॰… વਿਰਾਗਾਨੁਪਸ੍ਸਨਤ੍ਥਾਯ… ਨਿਰੋਧਾਨੁਪਸ੍ਸਨਤ੍ਥਾਯ… ਪਟਿਨਿਸ੍ਸਗ੍ਗਾਨੁਪਸ੍ਸਨਤ੍ਥਾਯ… ਖਯਾਨੁਪਸ੍ਸਨਤ੍ਥਾਯ… વਯਾਨੁਪਸ੍ਸਨਤ੍ਥਾਯ… વਿਪਰਿਣਾਮਾਨੁਪਸ੍ਸਨਤ੍ਥਾਯ… ਅਨਿਮਿਤ੍ਤਾਨੁਪਸ੍ਸਨਤ੍ਥਾਯ… ਅਪ੍ਪਣਿਹਿਤਾਨੁਪਸ੍ਸਨਤ੍ਥਾਯ… ਸੁਞ੍ਞਤਾਨੁਪਸ੍ਸਨਤ੍ਥਾਯ… ਅਧਿਪਞ੍ਞਾਧਮ੍ਮਾਨੁਪਸ੍ਸਨਤ੍ਥਾਯ… ਯਥਾਭੂਤਞਾਣਦਸ੍ਸਨਤ੍ਥਾਯ… ਆਦੀਨવਾਨੁਪਸ੍ਸਨਤ੍ਥਾਯ… ਪਟਿਸਙ੍ਖਾਨੁਪਸ੍ਸਨਤ੍ਥਾਯ ਆવਜ੍ਜਨਕਿਰਿਯਾਬ੍ਯਾਕਤਾ વਿਞ੍ਞਾਣਚਰਿਯਾ; ਪਟਿਸਙ੍ਖਾਨੁਪਸ੍ਸਨਾ ਞਾਣਚਰਿਯਾ। વਿવਟ੍ਟਨਾਨੁਪਸ੍ਸਨਾ ਞਾਣਚਰਿਯਾ। ਸੋਤਾਪਤ੍ਤਿਮਗ੍ਗੋ ਞਾਣਚਰਿਯਾ। ਸੋਤਾਪਤ੍ਤਿਫਲਸਮਾਪਤ੍ਤਿ ਞਾਣਚਰਿਯਾ। ਸਕਦਾਗਾਮਿਮਗ੍ਗੋ ਞਾਣਚਰਿਯਾ। ਸਕਦਾਗਾਮਿਫਲਸਮਾਪਤ੍ਤਿ ਞਾਣਚਰਿਯਾ। ਅਨਾਗਾਮਿਮਗ੍ਗੋ ਞਾਣਚਰਿਯਾ। ਅਨਾਗਾਮਿਫਲਸਮਾਪਤ੍ਤਿ ਞਾਣਚਰਿਯਾ। ਅਰਹਤ੍ਤਮਗ੍ਗੋ ਞਾਣਚਰਿਯਾ। ਅਰਹਤ੍ਤਫਲਸਮਾਪਤ੍ਤਿ ਞਾਣਚਰਿਯਾ।
71. Katamā ñāṇacariyā? Aniccānupassanatthāya āvajjanakiriyābyākatā viññāṇacariyā; aniccānupassanā ñāṇacariyā. Dukkhānupassanatthāya āvajjanakiriyābyākatā viññāṇacariyā; dukkhānupassanā ñāṇacariyā. Anattānupassanatthāya āvajjanakiriyābyākatā viññāṇacariyā; anattānupassanā ñāṇacariyā. Nibbidānupassanatthāya…pe… virāgānupassanatthāya… nirodhānupassanatthāya… paṭinissaggānupassanatthāya… khayānupassanatthāya… vayānupassanatthāya… vipariṇāmānupassanatthāya… animittānupassanatthāya… appaṇihitānupassanatthāya… suññatānupassanatthāya… adhipaññādhammānupassanatthāya… yathābhūtañāṇadassanatthāya… ādīnavānupassanatthāya… paṭisaṅkhānupassanatthāya āvajjanakiriyābyākatā viññāṇacariyā; paṭisaṅkhānupassanā ñāṇacariyā. Vivaṭṭanānupassanā ñāṇacariyā. Sotāpattimaggo ñāṇacariyā. Sotāpattiphalasamāpatti ñāṇacariyā. Sakadāgāmimaggo ñāṇacariyā. Sakadāgāmiphalasamāpatti ñāṇacariyā. Anāgāmimaggo ñāṇacariyā. Anāgāmiphalasamāpatti ñāṇacariyā. Arahattamaggo ñāṇacariyā. Arahattaphalasamāpatti ñāṇacariyā.
ਞਾਣਚਰਿਯਾਤਿ ਕੇਨਟ੍ਠੇਨ ਞਾਣਚਰਿਯਾ? ਨੀਰਾਗਾ ਚਰਤੀਤਿ – ਞਾਣਚਰਿਯਾ। ਨਿਦ੍ਦੋਸਾ ਚਰਤੀਤਿ – ਞਾਣਚਰਿਯਾ…ਪੇ॰… ਨਾਨੁਸਯਾ ਚਰਤੀਤਿ – ਞਾਣਚਰਿਯਾ। ਰਾਗવਿਪ੍ਪਯੁਤ੍ਤਾ ਚਰਤੀਤਿ – ਞਾਣਚਰਿਯਾ। ਦੋਸવਿਪ੍ਪਯੁਤ੍ਤਾ ਚਰਤੀਤਿ – ਞਾਣਚਰਿਯਾ। ਮੋਹવਿਪ੍ਪਯੁਤ੍ਤਾ ਚਰਤੀਤਿ – ਞਾਣਚਰਿਯਾ। ਮਾਨવਿਪ੍ਪਯੁਤ੍ਤਾ…ਪੇ॰… ਦਿਟ੍ਠਿવਿਪ੍ਪਯੁਤ੍ਤਾ… ਉਦ੍ਧਚ੍ਚવਿਪ੍ਪਯੁਤ੍ਤਾ… વਿਚਿਕਿਚ੍ਛਾવਿਪ੍ਪਯੁਤ੍ਤਾ… ਅਨੁਸਯવਿਪ੍ਪਯੁਤ੍ਤਾ… ਕੁਸਲੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ… ਅਕੁਸਲੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ… ਸਾવਜ੍ਜੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ… ਅਨવਜ੍ਜੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ… ਕਣ੍ਹੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ… ਸੁਕ੍ਕੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ… ਸੁਖੁਦ੍ਰਯੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ… ਦੁਕ੍ਖੁਦ੍ਰਯੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ… ਸੁਖવਿਪਾਕੇਹਿ ਕਮ੍ਮੇਹਿ ਸਮ੍ਪਯੁਤ੍ਤਾ ਚਰਤੀਤਿ – ਞਾਣਚਰਿਯਾ। ਦੁਕ੍ਖવਿਪਾਕੇਹਿ ਕਮ੍ਮੇਹਿ વਿਪ੍ਪਯੁਤ੍ਤਾ ਚਰਤੀਤਿ – ਞਾਣਚਰਿਯਾ। ਞਾਤੇ ਚਰਤੀਤਿ – ਞਾਣਚਰਿਯਾ । ਞਾਣਸ੍ਸ ਏવਰੂਪਾ ਚਰਿਯਾ ਹੋਤੀਤਿ – ਞਾਣਚਰਿਯਾ। ਅਯਂ ਞਾਣਚਰਿਯਾ। ਅਞ੍ਞਾ વਿਞ੍ਞਾਣਚਰਿਯਾ, ਅਞ੍ਞਾ ਅਞ੍ਞਾਣਚਰਿਯਾ, ਅਞ੍ਞਾ ਞਾਣਚਰਿਯਾਤਿ। ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਚਰਿਯਾવવਤ੍ਥਾਨੇ ਪਞ੍ਞਾ ਚਰਿਯਾਨਾਨਤ੍ਤੇ ਞਾਣਂ’’।
Ñāṇacariyāti kenaṭṭhena ñāṇacariyā? Nīrāgā caratīti – ñāṇacariyā. Niddosā caratīti – ñāṇacariyā…pe… nānusayā caratīti – ñāṇacariyā. Rāgavippayuttā caratīti – ñāṇacariyā. Dosavippayuttā caratīti – ñāṇacariyā. Mohavippayuttā caratīti – ñāṇacariyā. Mānavippayuttā…pe… diṭṭhivippayuttā… uddhaccavippayuttā… vicikicchāvippayuttā… anusayavippayuttā… kusalehi kammehi sampayuttā… akusalehi kammehi vippayuttā… sāvajjehi kammehi vippayuttā… anavajjehi kammehi sampayuttā… kaṇhehi kammehi vippayuttā… sukkehi kammehi sampayuttā… sukhudrayehi kammehi sampayuttā… dukkhudrayehi kammehi vippayuttā… sukhavipākehi kammehi sampayuttā caratīti – ñāṇacariyā. Dukkhavipākehi kammehi vippayuttā caratīti – ñāṇacariyā. Ñāte caratīti – ñāṇacariyā . Ñāṇassa evarūpā cariyā hotīti – ñāṇacariyā. Ayaṃ ñāṇacariyā. Aññā viññāṇacariyā, aññā aññāṇacariyā, aññā ñāṇacariyāti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘cariyāvavatthāne paññā cariyānānatte ñāṇaṃ’’.
ਚਰਿਯਾਨਾਨਤ੍ਤਞਾਣਨਿਦ੍ਦੇਸੋ ਸਤ੍ਤਰਸਮੋ।
Cariyānānattañāṇaniddeso sattarasamo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੧੭. ਚਰਿਯਾਨਾਨਤ੍ਤਞਾਣਨਿਦ੍ਦੇਸવਣ੍ਣਨਾ • 17. Cariyānānattañāṇaniddesavaṇṇanā
