| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
9. චරියසුත්‌තං
9. Cariyasuttaṃ
9. ‘‘ද්‌වෙමෙ , භික්‌ඛවෙ, ධම්‌මා සුක්‌කා ලොකං පාලෙන්‌ති. කතමෙ ද්‌වෙ? හිරී ච ඔත්‌තප්‌පඤ්‌ච. ඉමෙ ඛො, භික්‌ඛවෙ, ද්‌වෙ සුක්‌කා ධම්‌මා ලොකං න පාලෙය්‍යුං, නයිධ පඤ්‌ඤායෙථ මාතාති වා මාතුච්‌ඡාති වා මාතුලානීති වා ආචරියභරියාති වා ගරූනං දාරාති වා. සම්‌භෙදං ලොකො අගමිස්‌ස, යථා අජෙළකා කුක්‌කුටසූකරා සොණසිඞ්‌ගාලා 1. යස්‌මා ච ඛො, භික්‌ඛවෙ, ඉමෙ ද්‌වෙ සුක්‌කා ධම්‌මා ලොකං පාලෙන්‌ති තස්‌මා පඤ්‌ඤායති 2 මාතාති වා මාතුච්‌ඡාති වා මාතුලානීති වා ආචරියභරියාති වා ගරූනං දාරාති වා’’ති. නවමං.
9. ‘‘Dveme , bhikkhave, dhammā sukkā lokaṃ pālenti. Katame dve? Hirī ca ottappañca. Ime kho, bhikkhave, dve sukkā dhammā lokaṃ na pāleyyuṃ, nayidha paññāyetha mātāti vā mātucchāti vā mātulānīti vā ācariyabhariyāti vā garūnaṃ dārāti vā. Sambhedaṃ loko agamissa, yathā ajeḷakā kukkuṭasūkarā soṇasiṅgālā 3. Yasmā ca kho, bhikkhave, ime dve sukkā dhammā lokaṃ pālenti tasmā paññāyati 4 mātāti vā mātucchāti vā mātulānīti vā ācariyabhariyāti vā garūnaṃ dārāti vā’’ti. Navamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 9. චරියසුත්‌තවණ්‌ණනා • 9. Cariyasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9. චරියසුත්‌තවණ්‌ණනා • 9. Cariyasuttavaṇṇanā
