| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9. சரியஸுத்தவண்ணனா
9. Cariyasuttavaṇṇanā
9. நவமே லோகந்தி ஸத்தலோகங். ஸந்தா⁴ரெந்தீதி ஆசாரஸந்தா⁴ரணவஸேன தா⁴ரெந்தி. ட²பெந்தீதி மரியாதா³யங் ட²பெந்தி. ரக்க²ந்தீதி ஆசாரஸந்தா⁴ரணேன மரியாதா³யங் ட²பெத்வா ரக்க²ந்தி. க³ருசித்தீகாரவஸேன ந பஞ்ஞாயேதா²தி க³ருங் கத்வா சித்தே கரணவஸேன ந பஞ்ஞாயேத², அயமாசாரோ ந லப்³பெ⁴ய்ய. மாதுச்சா²தி வாதி எத்த² இதி-ஸத்³தோ³ ஆத்³யத்தோ². தேன மாதுலானீதி வா ஆசரியப⁴ரியாதி வா க³ரூனங் தா³ராதி வாதி இமே ஸங்க³ண்ஹாதி. தத்த² மாது ப⁴கி³னீ மாதுச்சா². மாதுலப⁴ரியா மாதுலானீ. க³ரூனங் தா³ரா மஹாபிதுசூளபிதுஜெட்ட²பா⁴துஆதீ³னங் க³ருட்டா²னியானங் ப⁴ரியா. யதா² அஜேளகாதிஆதீ³ஸு அயங் ஸங்கே²பத்தோ² – யதா² அஜேளகாத³யோ திரச்சா²னா ஹிரொத்தப்பரஹிதா மாதாதி ஸஞ்ஞங் அகத்வா பி⁴ன்னமரியாதா³ ஸப்³ப³த்த² ஸம்பே⁴தே³ன வத்தந்தி, ஏவமயங் மனுஸ்ஸலோகோ யதி³ லோகபாலத⁴ம்மா ந ப⁴வெய்யுங், ஸப்³ப³த்த² ஸம்பே⁴தே³ன வத்தெய்ய. யஸ்மா பனிமே லோகபாலகத⁴ம்மா லோகங் பாலெந்தி, தஸ்மா நத்தி² ஸம்பே⁴தோ³தி.
9. Navame lokanti sattalokaṃ. Sandhārentīti ācārasandhāraṇavasena dhārenti. Ṭhapentīti mariyādāyaṃ ṭhapenti. Rakkhantīti ācārasandhāraṇena mariyādāyaṃ ṭhapetvā rakkhanti. Garucittīkāravasena na paññāyethāti garuṃ katvā citte karaṇavasena na paññāyetha, ayamācāro na labbheyya. Mātucchāti vāti ettha iti-saddo ādyattho. Tena mātulānīti vā ācariyabhariyāti vā garūnaṃ dārāti vāti ime saṅgaṇhāti. Tattha mātu bhaginī mātucchā. Mātulabhariyā mātulānī. Garūnaṃ dārā mahāpitucūḷapitujeṭṭhabhātuādīnaṃ garuṭṭhāniyānaṃ bhariyā. Yathā ajeḷakātiādīsu ayaṃ saṅkhepattho – yathā ajeḷakādayo tiracchānā hirottapparahitā mātāti saññaṃ akatvā bhinnamariyādā sabbattha sambhedena vattanti, evamayaṃ manussaloko yadi lokapāladhammā na bhaveyyuṃ, sabbattha sambhedena vatteyya. Yasmā panime lokapālakadhammā lokaṃ pālenti, tasmā natthi sambhedoti.
சரியஸுத்தவண்ணனா நிட்டி²தா.
Cariyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. சரியஸுத்தங் • 9. Cariyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. சரியஸுத்தவண்ணனா • 9. Cariyasuttavaṇṇanā
