| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
९. चरियसुत्तवण्णना
9. Cariyasuttavaṇṇanā
९. नवमे लोकन्ति सत्तलोकं। सन्धारेन्तीति आचारसन्धारणवसेन धारेन्ति। ठपेन्तीति मरियादायं ठपेन्ति। रक्खन्तीति आचारसन्धारणेन मरियादायं ठपेत्वा रक्खन्ति। गरुचित्तीकारवसेन न पञ्ञायेथाति गरुं कत्वा चित्ते करणवसेन न पञ्ञायेथ, अयमाचारो न लब्भेय्य। मातुच्छाति वाति एत्थ इति-सद्दो आद्यत्थो। तेन मातुलानीति वा आचरियभरियाति वा गरूनं दाराति वाति इमे सङ्गण्हाति। तत्थ मातु भगिनी मातुच्छा। मातुलभरिया मातुलानी। गरूनं दारा महापितुचूळपितुजेट्ठभातुआदीनं गरुट्ठानियानं भरिया। यथा अजेळकातिआदीसु अयं सङ्खेपत्थो – यथा अजेळकादयो तिरच्छाना हिरोत्तप्परहिता माताति सञ्ञं अकत्वा भिन्नमरियादा सब्बत्थ सम्भेदेन वत्तन्ति, एवमयं मनुस्सलोको यदि लोकपालधम्मा न भवेय्युं, सब्बत्थ सम्भेदेन वत्तेय्य। यस्मा पनिमे लोकपालकधम्मा लोकं पालेन्ति, तस्मा नत्थि सम्भेदोति।
9. Navame lokanti sattalokaṃ. Sandhārentīti ācārasandhāraṇavasena dhārenti. Ṭhapentīti mariyādāyaṃ ṭhapenti. Rakkhantīti ācārasandhāraṇena mariyādāyaṃ ṭhapetvā rakkhanti. Garucittīkāravasena na paññāyethāti garuṃ katvā citte karaṇavasena na paññāyetha, ayamācāro na labbheyya. Mātucchāti vāti ettha iti-saddo ādyattho. Tena mātulānīti vā ācariyabhariyāti vā garūnaṃ dārāti vāti ime saṅgaṇhāti. Tattha mātu bhaginī mātucchā. Mātulabhariyā mātulānī. Garūnaṃ dārā mahāpitucūḷapitujeṭṭhabhātuādīnaṃ garuṭṭhāniyānaṃ bhariyā. Yathā ajeḷakātiādīsu ayaṃ saṅkhepattho – yathā ajeḷakādayo tiracchānā hirottapparahitā mātāti saññaṃ akatvā bhinnamariyādā sabbattha sambhedena vattanti, evamayaṃ manussaloko yadi lokapāladhammā na bhaveyyuṃ, sabbattha sambhedena vatteyya. Yasmā panime lokapālakadhammā lokaṃ pālenti, tasmā natthi sambhedoti.
चरियसुत्तवण्णना निट्ठिता।
Cariyasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ९. चरियसुत्तं • 9. Cariyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ९. चरियसुत्तवण्णना • 9. Cariyasuttavaṇṇanā
