| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
9. චරියසුත්‌තවණ්‌ණනා
9. Cariyasuttavaṇṇanā
9. නවමෙ ලොකං පාලෙන්‌තීති ලොකං සන්‌ධාරෙන්‌ති ඨපෙන්‌ති රක්‌ඛන්‌ති. නයිධ පඤ්‌ඤායෙථ මාතාති ඉමස්‌මිං ලොකෙ ජනිකා මාතා ‘‘අයං මෙ මාතා’’ති ගරුචිත්‌තීකාරවසෙන න පඤ්‌ඤායෙථ. සෙසපදෙසුපි එසෙව නයො. සම්‌භෙදන්‌ති සඞ්‌කරං මරියාදභෙදං වා. යථා අජෙළකාතිආදීසු එතෙ හි සත්‌තා ‘‘අයං මෙ මාතා’’ති වා ‘‘මාතුච්‌ඡා’’ති වා ගරුචිත්‌තීකාරවසෙන න ජානන්‌ති. යං වත්‌ථුං නිස්‌සාය උප්‌පන්‌නා, තත්‌ථෙව විප්‌පටිපජ්‌ජන්‌ති. තස්‌මා උපමං ආහරන්‌තො ‘‘යථා අජෙළකා’’තිආදිමාහ. නවමං.
9. Navame lokaṃ pālentīti lokaṃ sandhārenti ṭhapenti rakkhanti. Nayidha paññāyetha mātāti imasmiṃ loke janikā mātā ‘‘ayaṃ me mātā’’ti garucittīkāravasena na paññāyetha. Sesapadesupi eseva nayo. Sambhedanti saṅkaraṃ mariyādabhedaṃ vā. Yathā ajeḷakātiādīsu ete hi sattā ‘‘ayaṃ me mātā’’ti vā ‘‘mātucchā’’ti vā garucittīkāravasena na jānanti. Yaṃ vatthuṃ nissāya uppannā, tattheva vippaṭipajjanti. Tasmā upamaṃ āharanto ‘‘yathā ajeḷakā’’tiādimāha. Navamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. චරියසුත්‌තං • 9. Cariyasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9. චරියසුත්‌තවණ්‌ණනා • 9. Cariyasuttavaṇṇanā
