| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
9. චරියසුත්‌තවණ්‌ණනා
9. Cariyasuttavaṇṇanā
9. නවමෙ ලොකන්‌ති සත්‌තලොකං. සන්‌ධාරෙන්‌තීති ආචාරසන්‌ධාරණවසෙන ධාරෙන්‌ති. ඨපෙන්‌තීති මරියාදායං ඨපෙන්‌ති. රක්‌ඛන්‌තීති ආචාරසන්‌ධාරණෙන මරියාදායං ඨපෙත්‌වා රක්‌ඛන්‌ති. ගරුචිත්‌තීකාරවසෙන න පඤ්‌ඤායෙථාති ගරුං කත්‌වා චිත්‌තෙ කරණවසෙන න පඤ්‌ඤායෙථ, අයමාචාරො න ලබ්‌භෙය්‍ය. මාතුච්‌ඡාති වාති එත්‌ථ ඉති-සද්‌දො ආද්‍යත්‌ථො. තෙන මාතුලානීති වා ආචරියභරියාති වා ගරූනං දාරාති වාති ඉමෙ සඞ්‌ගණ්‌හාති. තත්‌ථ මාතු භගිනී මාතුච්‌ඡා. මාතුලභරියා මාතුලානී. ගරූනං දාරා මහාපිතුචූළපිතුජෙට්‌ඨභාතුආදීනං ගරුට්‌ඨානියානං භරියා. යථා අජෙළකාතිආදීසු අයං සඞ්‌ඛෙපත්‌ථො – යථා අජෙළකාදයො තිරච්‌ඡානා හිරොත්‌තප්‌පරහිතා මාතාති සඤ්‌ඤං අකත්‌වා භින්‌නමරියාදා සබ්‌බත්‌ථ සම්‌භෙදෙන වත්‌තන්‌ති, එවමයං මනුස්‌සලොකො යදි ලොකපාලධම්‌මා න භවෙය්‍යුං, සබ්‌බත්‌ථ සම්‌භෙදෙන වත්‌තෙය්‍ය. යස්‌මා පනිමෙ ලොකපාලකධම්‌මා ලොකං පාලෙන්‌ති, තස්‌මා නත්‌ථි සම්‌භෙදොති.
9. Navame lokanti sattalokaṃ. Sandhārentīti ācārasandhāraṇavasena dhārenti. Ṭhapentīti mariyādāyaṃ ṭhapenti. Rakkhantīti ācārasandhāraṇena mariyādāyaṃ ṭhapetvā rakkhanti. Garucittīkāravasena na paññāyethāti garuṃ katvā citte karaṇavasena na paññāyetha, ayamācāro na labbheyya. Mātucchāti vāti ettha iti-saddo ādyattho. Tena mātulānīti vā ācariyabhariyāti vā garūnaṃ dārāti vāti ime saṅgaṇhāti. Tattha mātu bhaginī mātucchā. Mātulabhariyā mātulānī. Garūnaṃ dārā mahāpitucūḷapitujeṭṭhabhātuādīnaṃ garuṭṭhāniyānaṃ bhariyā. Yathā ajeḷakātiādīsu ayaṃ saṅkhepattho – yathā ajeḷakādayo tiracchānā hirottapparahitā mātāti saññaṃ akatvā bhinnamariyādā sabbattha sambhedena vattanti, evamayaṃ manussaloko yadi lokapāladhammā na bhaveyyuṃ, sabbattha sambhedena vatteyya. Yasmā panime lokapālakadhammā lokaṃ pālenti, tasmā natthi sambhedoti.
චරියසුත්‌තවණ්‌ණනා නිට්‌ඨිතා.
Cariyasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. චරියසුත්‌තං • 9. Cariyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 9. චරියසුත්‌තවණ්‌ණනා • 9. Cariyasuttavaṇṇanā
