| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
3. жад̇д̇аалийсагам̣
3. Cattālīsakaṃ
160. д̇зна ко бана самаязна ан̃н̃ад̇аро бхигку баривасанд̇о виб̣бхами. со буна бажжааг̇анд̇ваа бхигкуу убасамбад̣̇ам̣ яаажи. бхаг̇авад̇о зд̇амад̇т̇ам̣ аарожзсум̣.
160. Tena kho pana samayena aññataro bhikkhu parivasanto vibbhami. So puna paccāgantvā bhikkhū upasampadaṃ yāci. Bhagavato etamatthaṃ ārocesuṃ.
‘‘ид̇ха бана, бхигкавз, бхигку баривасанд̇о виб̣бхамад̇и. виб̣бханд̇агасса, бхигкавз, бариваасо на рухад̇и. со жз буна убасамбаж̇ж̇ад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о, авасзсо баривасид̇аб̣б̣о.
‘‘Idha pana, bhikkhave, bhikkhu parivasanto vibbhamati. Vibbhantakassa, bhikkhave, parivāso na ruhati. So ce puna upasampajjati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ид̇ха бана, бхигкавз, бхигку баривасанд̇о сааман̣зро ход̇и. сааман̣зрасса, бхигкавз, бариваасо на рухад̇и. со жз буна убасамбаж̇ж̇ад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о, авасзсо баривасид̇аб̣б̣о.
‘‘Idha pana, bhikkhave, bhikkhu parivasanto sāmaṇero hoti. Sāmaṇerassa, bhikkhave, parivāso na ruhati. So ce puna upasampajjati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ид̇ха бана, бхигкавз, бхигку баривасанд̇о уммад̇д̇аго ход̇и. уммад̇д̇агасса, бхигкавз, бариваасо на рухад̇и. со жз буна ануммад̇д̇аго ход̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о, авасзсо баривасид̇аб̣б̣о.
‘‘Idha pana, bhikkhave, bhikkhu parivasanto ummattako hoti. Ummattakassa, bhikkhave, parivāso na ruhati. So ce puna anummattako hoti, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ид̇ха бана, бхигкавз, бхигку баривасанд̇о кид̇д̇ажид̇д̇о ход̇и. кид̇д̇ажид̇д̇асса, бхигкавз, бариваасо на рухад̇и. со жз буна акид̇д̇ажид̇д̇о ход̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо буривуд̇т̇о субаривуд̇т̇о, авасзсо баривасид̇аб̣б̣о.
‘‘Idha pana, bhikkhave, bhikkhu parivasanto khittacitto hoti. Khittacittassa, bhikkhave, parivāso na ruhati. So ce puna akhittacitto hoti, tassa tadeva purimaṃ parivāsadānaṃ. Yo parivāso dinno sudinno, yo purivuttho suparivuttho, avaseso parivasitabbo.
‘‘ид̇ха бана, бхигкавз, бхигку баривасанд̇о взд̣̇анааддо ход̇и. взд̣̇анааддасса , бхигкавз, бариваасо на рухад̇и. со жз буна авзд̣̇анааддо ход̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о, авасзсо баривасид̇аб̣б̣о.
‘‘Idha pana, bhikkhave, bhikkhu parivasanto vedanāṭṭo hoti. Vedanāṭṭassa , bhikkhave, parivāso na ruhati. So ce puna avedanāṭṭo hoti, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ид̇ха бана, бхигкавз, бхигку баривасанд̇о, аабад̇д̇ияаа аббадигаммз, угкибияяад̇и. угкид̇д̇агасса, бхигкавз, бариваасо на рухад̇и. со жз буна осаарияяад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о, авасзсо баривасид̇аб̣б̣о.
‘‘Idha pana, bhikkhave, bhikkhu parivasanto, āpattiyā appaṭikamme, ukkhipiyyati. Ukkhittakassa, bhikkhave, parivāso na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ид̇ха бана, бхигкавз, бхигку баривасанд̇о, баабигааяа д̣̇идтияаа, аббадиниссаг̇г̇з, угкибияяад̇и. угкид̇д̇агасса, бхигкавз, бариваасо на рухад̇и. со жз буна осаарияяад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о, авасзсо баривасид̇аб̣б̣о.
‘‘Idha pana, bhikkhave, bhikkhu parivasanto, pāpikāya diṭṭhiyā, appaṭinissagge, ukkhipiyyati. Ukkhittakassa, bhikkhave, parivāso na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
161. ‘‘ид̇ха бана, бхигкавз, бхигку муулааяабадигассанаарахо виб̣бхамад̇и. виб̣бханд̇агасса, бхигкавз, муулааяабадигассанаа на рухад̇и. со жз буна убасамбаж̇ж̇ад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о. со бхигку муулааяа бадигассид̇аб̣б̣о.
161. ‘‘Idha pana, bhikkhave, bhikkhu mūlāyapaṭikassanāraho vibbhamati. Vibbhantakassa, bhikkhave, mūlāyapaṭikassanā na ruhati. So ce puna upasampajjati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho. So bhikkhu mūlāya paṭikassitabbo.
‘‘ид̇ха бана, бхигкавз, бхигку муулааяабадигассанаарахо сааман̣зро ход̇и…бз… уммад̇д̇аго ход̇и…бз… кид̇д̇ажид̇д̇о ход̇и…бз… взд̣̇анааддо ход̇и…бз… аабад̇д̇ияаа ад̣̇ассанз угкибияяад̇и…бз… аабад̇д̇ияаа аббадигаммз угкибияяад̇и…бз… баабигааяа д̣̇идтияаа, аббадиниссаг̇г̇з, угкибияяад̇и. угкид̇д̇агасса, бхигкавз, муулааяабадигассанаа на рухад̇и. со жз буна осаарияяад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о. со бхигку муулааяа бадигассид̇аб̣б̣о.
‘‘Idha pana, bhikkhave, bhikkhu mūlāyapaṭikassanāraho sāmaṇero hoti…pe… ummattako hoti…pe… khittacitto hoti…pe… vedanāṭṭo hoti…pe… āpattiyā adassane ukkhipiyyati…pe… āpattiyā appaṭikamme ukkhipiyyati…pe… pāpikāya diṭṭhiyā, appaṭinissagge, ukkhipiyyati. Ukkhittakassa, bhikkhave, mūlāyapaṭikassanā na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho. So bhikkhu mūlāya paṭikassitabbo.
162. ‘‘ид̇ха бана, бхигкавз, бхигку маанад̇д̇аарахо виб̣бхамад̇и. виб̣бханд̇агасса, бхигкавз, маанад̇д̇ад̣̇аанам̣ на рухад̇и. со жз буна убасамбаж̇ж̇ад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о. д̇асса бхигкуно маанад̇д̇ам̣ д̣̇аад̇аб̣б̣ам̣.
162. ‘‘Idha pana, bhikkhave, bhikkhu mānattāraho vibbhamati. Vibbhantakassa, bhikkhave, mānattadānaṃ na ruhati. So ce puna upasampajjati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho. Tassa bhikkhuno mānattaṃ dātabbaṃ.
‘‘ид̇ха бана, бхигкавз, бхигку маанад̇д̇аарахо сааман̣зро ход̇и…бз… уммад̇д̇аго ход̇и…бз… кид̇д̇ажид̇д̇о ход̇и…бз… взд̣̇анааддо ход̇и…бз… аабад̇д̇ияаа ад̣̇ассанз, угкибияяад̇и…бз… аабад̇д̇ияаа аббадигаммз, угкибияяад̇и…бз… баабигааяа д̣̇идтияаа, аббадиниссаг̇г̇з , угкибияяад̇и. угкид̇д̇агасса, бхигкавз, маанад̇д̇ад̣̇аанам̣ на рухад̇и. со жз буна осаарияяад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о. д̇асса бхигкуно маанад̇д̇ам̣ д̣̇аад̇аб̣б̣ам̣.
‘‘Idha pana, bhikkhave, bhikkhu mānattāraho sāmaṇero hoti…pe… ummattako hoti…pe… khittacitto hoti…pe… vedanāṭṭo hoti…pe… āpattiyā adassane, ukkhipiyyati…pe… āpattiyā appaṭikamme, ukkhipiyyati…pe… pāpikāya diṭṭhiyā, appaṭinissagge , ukkhipiyyati. Ukkhittakassa, bhikkhave, mānattadānaṃ na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho. Tassa bhikkhuno mānattaṃ dātabbaṃ.
163. ‘‘ид̇ха бана, бхигкавз, бхигку маанад̇д̇ам̣ жаранд̇о виб̣бхамад̇и. виб̣бханд̇агасса, бхигкавз , маанад̇д̇ажарияаа на рухад̇и. со жз буна убасамбаж̇ж̇ад̇и д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о; яам̣ маанад̇д̇ам̣ д̣̇иннам̣ суд̣̇иннам̣, яам̣ маанад̇д̇ам̣ жин̣н̣ам̣ сужин̣н̣ам̣, авасзсам̣ жарид̇аб̣б̣ам̣.
163. ‘‘Idha pana, bhikkhave, bhikkhu mānattaṃ caranto vibbhamati. Vibbhantakassa, bhikkhave , mānattacariyā na ruhati. So ce puna upasampajjati tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho; yaṃ mānattaṃ dinnaṃ sudinnaṃ, yaṃ mānattaṃ ciṇṇaṃ suciṇṇaṃ, avasesaṃ caritabbaṃ.
‘‘ид̇ха бана, бхигкавз, бхигку маанад̇д̇ам̣ жаранд̇о сааман̣зро ход̇и…бз… уммад̇д̇аго ход̇и…бз… кид̇д̇ажид̇д̇о ход̇и…бз… взд̣̇анааддо ход̇и…бз… аабад̇д̇ияаа ад̣̇ассанз, угкибияяад̇и…бз… аабад̇д̇ияаа аббадигаммз, угкибияяад̇и…бз… баабигааяа д̣̇идтияаа, аббадиниссаг̇г̇з, угкибияяад̇и. угкид̇д̇агасса, бхигкавз, маанад̇д̇ажарияаа на рухад̇и. со жз буна осаарияяад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо буривуд̇т̇о субаривуд̇т̇о; яам̣ маанад̇д̇ам̣ д̣̇иннам̣ суд̣̇иннам̣, яам̣ маанад̇д̇ам̣ жин̣н̣ам̣ сужин̣н̣ам̣, авасзсам̣ жарид̇аб̣б̣ам̣.
‘‘Idha pana, bhikkhave, bhikkhu mānattaṃ caranto sāmaṇero hoti…pe… ummattako hoti…pe… khittacitto hoti…pe… vedanāṭṭo hoti…pe… āpattiyā adassane, ukkhipiyyati…pe… āpattiyā appaṭikamme, ukkhipiyyati…pe… pāpikāya diṭṭhiyā, appaṭinissagge, ukkhipiyyati. Ukkhittakassa, bhikkhave, mānattacariyā na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo purivuttho suparivuttho; yaṃ mānattaṃ dinnaṃ sudinnaṃ, yaṃ mānattaṃ ciṇṇaṃ suciṇṇaṃ, avasesaṃ caritabbaṃ.
164. ‘‘ид̇ха бана, бхигкавз, бхигку аб̣бхаанаарахо виб̣бхамад̇и. виб̣бханд̇агасса, бхигкавз, аб̣бхаанам̣ на рухад̇и. со жз буна убасамбаж̇ж̇ад̇и , д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о; яам̣ маанад̇д̇ам̣ д̣̇иннам̣ суд̣̇иннам̣, яам̣ маанад̇д̇ам̣ жин̣н̣ам̣ сужин̣н̣ам̣. со бхигку аб̣бхзд̇аб̣б̣о.
164. ‘‘Idha pana, bhikkhave, bhikkhu abbhānāraho vibbhamati. Vibbhantakassa, bhikkhave, abbhānaṃ na ruhati. So ce puna upasampajjati , tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho; yaṃ mānattaṃ dinnaṃ sudinnaṃ, yaṃ mānattaṃ ciṇṇaṃ suciṇṇaṃ. So bhikkhu abbhetabbo.
‘‘ид̇ха бана, бхигкавз, бхигку аб̣бхаанаарахо сааман̣зро ход̇и…бз… уммад̇д̇аго ход̇и…бз…
‘‘Idha pana, bhikkhave, bhikkhu abbhānāraho sāmaṇero hoti…pe… ummattako hoti…pe…
кид̇д̇ажид̇д̇о ход̇и…бз… взд̣̇анааддо ход̇и…бз… аабад̇д̇ияаа ад̣̇ассанз, угкибияяад̇и…бз… аабад̇д̇ияаа аббадигаммз, угкибияяад̇и…бз… баабигааяа д̣̇идтияаа, аббадиниссаг̇г̇з, угкибияяад̇и. угкид̇д̇агасса, бхигкавз, аб̣бхаанам̣ на рухад̇и. со жз буна осаарияяад̇и, д̇асса д̇ад̣̇зва буримам̣ бариваасад̣̇аанам̣. яо бариваасо д̣̇инно суд̣̇инно, яо баривуд̇т̇о субаривуд̇т̇о; яам̣ маанад̇д̇ам̣ д̣̇иннам̣ суд̣̇иннам̣, яам̣ маанад̇д̇ам̣ жин̣н̣ам̣ сужин̣н̣ам̣. со бхигку аб̣бхзд̇аб̣б̣о.
Khittacitto hoti…pe… vedanāṭṭo hoti…pe… āpattiyā adassane, ukkhipiyyati…pe… āpattiyā appaṭikamme, ukkhipiyyati…pe… pāpikāya diṭṭhiyā, appaṭinissagge, ukkhipiyyati. Ukkhittakassa, bhikkhave, abbhānaṃ na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho; yaṃ mānattaṃ dinnaṃ sudinnaṃ, yaṃ mānattaṃ ciṇṇaṃ suciṇṇaṃ. So bhikkhu abbhetabbo.
жад̇д̇аалийсагам̣ самад̇д̇ам̣.
Cattālīsakaṃ samattaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / суд̣̇д̇ханд̇абариваасаад̣̇игат̇аа • Suddhantaparivāsādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / суд̣̇д̇ханд̇абариваасаад̣̇игат̇аа • Suddhantaparivāsādikathā
