| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
65. жад̇д̇аари агаран̣ийяаани
65. Cattāri akaraṇīyāni
129. д̇зна ко бана самаязна бхигкуу ан̃н̃ад̇арам̣ бхигкум̣ убасамбаад̣̇зд̇ваа згагам̣ охааяа баггамим̣су. со бажчаа згагова ааг̇ажчанд̇о анд̇араамаг̇г̇з бураан̣ад̣̇уд̇ияигааяа самааг̇ан̃чи. саа звамааха – ‘‘гим̣д̣̇аани баб̣б̣аж̇ид̇осий’’д̇и? ‘‘аама, баб̣б̣аж̇ид̇омхий’’д̇и. ‘‘д̣̇уллабхо ко баб̣б̣аж̇ид̇аанам̣ мзт̇уно д̇хаммо; зхи, мзт̇унам̣ д̇хаммам̣ бадисзваа’’д̇и. со д̇ассаа мзт̇унам̣ д̇хаммам̣ бадисзвид̇ваа жирзна аг̇амааси. бхигкуу звамаахам̣су – ‘‘гисса д̇вам̣, аавусо, звам̣ жирам̣ агаасий’’д̇и? ат̇а ко со бхигку бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣ . ануж̇аанаами, бхигкавз, убасамбаад̣̇зд̇ваа д̣̇уд̇ияам̣ д̣̇аад̇ум̣, жад̇д̇аари жа агаран̣ийяаани аажигкид̇ум̣ –
129. Tena kho pana samayena bhikkhū aññataraṃ bhikkhuṃ upasampādetvā ekakaṃ ohāya pakkamiṃsu. So pacchā ekakova āgacchanto antarāmagge purāṇadutiyikāya samāgañchi. Sā evamāha – ‘‘kiṃdāni pabbajitosī’’ti? ‘‘Āma, pabbajitomhī’’ti. ‘‘Dullabho kho pabbajitānaṃ methuno dhammo; ehi, methunaṃ dhammaṃ paṭisevā’’ti. So tassā methunaṃ dhammaṃ paṭisevitvā cirena agamāsi. Bhikkhū evamāhaṃsu – ‘‘kissa tvaṃ, āvuso, evaṃ ciraṃ akāsī’’ti? Atha kho so bhikkhu bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ . Anujānāmi, bhikkhave, upasampādetvā dutiyaṃ dātuṃ, cattāri ca akaraṇīyāni ācikkhituṃ –
‘‘убасамбаннзна бхигкунаа мзт̇уно д̇хаммо на бадисзвид̇аб̣б̣о, анд̇амасо д̇иражчаанаг̇ад̇ааяаби. яо бхигку мзт̇унам̣ д̇хаммам̣ бадисзвад̇и, ассаман̣о ход̇и асагяабуд̇д̇ияо. сзяяат̇ааби наама бурисо сийсажчинно абхаб̣б̣о д̇зна сарийраб̣анд̇ханзна ж̇ийвид̇ум̣, звамзва бхигку мзт̇унам̣ д̇хаммам̣ бадисзвид̇ваа ассаман̣о ход̇и асагяабуд̇д̇ияо. д̇ам̣ д̇з яааваж̇ийвам̣ агаран̣ийяам̣.
‘‘Upasampannena bhikkhunā methuno dhammo na paṭisevitabbo, antamaso tiracchānagatāyapi. Yo bhikkhu methunaṃ dhammaṃ paṭisevati, assamaṇo hoti asakyaputtiyo. Seyyathāpi nāma puriso sīsacchinno abhabbo tena sarīrabandhanena jīvituṃ, evameva bhikkhu methunaṃ dhammaṃ paṭisevitvā assamaṇo hoti asakyaputtiyo. Taṃ te yāvajīvaṃ akaraṇīyaṃ.
‘‘убасамбаннзна бхигкунаа ад̣̇иннам̣ т̇зяяасан̇каад̇ам̣ на аад̣̇аад̇аб̣б̣ам̣, анд̇амасо д̇ин̣асалаагам̣ убаад̣̇ааяа. яо бхигку баад̣̇ам̣ ваа баад̣̇аарахам̣ ваа ад̇ирзгабаад̣̇ам̣ ваа ад̣̇иннам̣ т̇зяяасан̇каад̇ам̣ аад̣̇ияад̇и, ассаман̣о ход̇и асагяабуд̇д̇ияо. сзяяат̇ааби наама бан̣д̣убалаасо б̣анд̇ханаа бамуд̇д̇о абхаб̣б̣о харид̇ад̇т̇ааяа, звамзва бхигку баад̣̇ам̣ ваа баад̣̇аарахам̣ ваа ад̇ирзгабаад̣̇ам̣ ваа ад̣̇иннам̣ т̇зяяасан̇каад̇ам̣ аад̣̇ияид̇ваа ассаман̣о ход̇и асагяабуд̇д̇ияо. д̇ам̣ д̇з яааваж̇ийвам̣ агаран̣ийяам̣.
‘‘Upasampannena bhikkhunā adinnaṃ theyyasaṅkhātaṃ na ādātabbaṃ, antamaso tiṇasalākaṃ upādāya. Yo bhikkhu pādaṃ vā pādārahaṃ vā atirekapādaṃ vā adinnaṃ theyyasaṅkhātaṃ ādiyati, assamaṇo hoti asakyaputtiyo. Seyyathāpi nāma paṇḍupalāso bandhanā pamutto abhabbo haritatthāya, evameva bhikkhu pādaṃ vā pādārahaṃ vā atirekapādaṃ vā adinnaṃ theyyasaṅkhātaṃ ādiyitvā assamaṇo hoti asakyaputtiyo. Taṃ te yāvajīvaṃ akaraṇīyaṃ.
‘‘убасамбаннзна бхигкунаа сан̃жижжа баан̣о ж̇ийвид̇аа на воробзд̇аб̣б̣о, анд̇амасо гунт̇агибиллигам̣ убаад̣̇ааяа. яо бхигку сан̃жижжа мануссавиг̇г̇ахам̣ ж̇ийвид̇аа воробзд̇и, анд̇амасо г̇аб̣бхабаад̇анам̣ убаад̣̇ааяа, ассаман̣о ход̇и асагяабуд̇д̇ияо. сзяяат̇ааби наама бут̇усилаа д̣̇взд̇хаа бхиннаа аббадисанд̇хигаа ход̇и, звамзва бхигку сан̃жижжа мануссавиг̇г̇ахам̣ ж̇ийвид̇аа воробзд̇ваа ассаман̣о ход̇и асагяабуд̇д̇ияо . д̇ам̣ д̇з яааваж̇ийвам̣ агаран̣ийяам̣.
‘‘Upasampannena bhikkhunā sañcicca pāṇo jīvitā na voropetabbo, antamaso kunthakipillikaṃ upādāya. Yo bhikkhu sañcicca manussaviggahaṃ jīvitā voropeti, antamaso gabbhapātanaṃ upādāya, assamaṇo hoti asakyaputtiyo. Seyyathāpi nāma puthusilā dvedhā bhinnā appaṭisandhikā hoti, evameva bhikkhu sañcicca manussaviggahaṃ jīvitā voropetvā assamaṇo hoti asakyaputtiyo . Taṃ te yāvajīvaṃ akaraṇīyaṃ.
‘‘убасамбаннзна бхигкунаа уд̇д̇аримануссад̇хаммо на уллабид̇аб̣б̣о, анд̇амасо ‘сун̃н̃ааг̇аарз абхирамаамий’д̇и. яо бхигку баабижчо ижчаабагад̇о асанд̇ам̣ абхууд̇ам̣ уд̇д̇аримануссад̇хаммам̣ уллабад̇и жхаанам̣ ваа вимогкам̣ ваа самаад̇хим̣ ваа самаабад̇д̇им̣ ваа маг̇г̇ам̣ ваа палам̣ ваа, ассаман̣о ход̇и асагяабуд̇д̇ияо. сзяяат̇ааби наама д̇аало мад̇т̇агажчинно абхаб̣б̣о буна вирул̣хияаа, звамзва бхигку баабижчо ижчаабагад̇о асанд̇ам̣ абхууд̇ам̣ уд̇д̇аримануссад̇хаммам̣ уллабид̇ваа ассаман̣о ход̇и асагяабуд̇д̇ияо. д̇ам̣ д̇з яааваж̇ийвам̣ агаран̣ийяа’’нд̇и.
‘‘Upasampannena bhikkhunā uttarimanussadhammo na ullapitabbo, antamaso ‘suññāgāre abhiramāmī’ti. Yo bhikkhu pāpiccho icchāpakato asantaṃ abhūtaṃ uttarimanussadhammaṃ ullapati jhānaṃ vā vimokkhaṃ vā samādhiṃ vā samāpattiṃ vā maggaṃ vā phalaṃ vā, assamaṇo hoti asakyaputtiyo. Seyyathāpi nāma tālo matthakacchinno abhabbo puna viruḷhiyā, evameva bhikkhu pāpiccho icchāpakato asantaṃ abhūtaṃ uttarimanussadhammaṃ ullapitvā assamaṇo hoti asakyaputtiyo. Taṃ te yāvajīvaṃ akaraṇīya’’nti.
жад̇д̇аари агаран̣ийяаани нидтид̇аани.
Cattāri akaraṇīyāni niṭṭhitāni.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жад̇д̇аарониссаяаад̣̇игат̇аа • Cattāronissayādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 64. жад̇д̇аарониссаяаад̣̇игат̇аа • 64. Cattāronissayādikathā
