| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਚਤ੍ਤਾਰੋਨਿਸ੍ਸਯਾਦਿਕਥਾ
Cattāronissayādikathā
੧੨੮. ਤਾવਦੇવਾਤਿ ਉਪਸਮ੍ਪਨ੍ਨਸਮਨਨ੍ਤਰਮੇવ। ਛਾਯਾ ਮੇਤਬ੍ਬਾਤਿ ਏਕਪੋਰਿਸਾ વਾ ਦ੍વਿਪੋਰਿਸਾ વਾਤਿ ਛਾਯਾ ਮੇਤਬ੍ਬਾ। ਉਤੁਪ੍ਪਮਾਣਂ ਆਚਿਕ੍ਖਿਤਬ੍ਬਨ੍ਤਿ ‘‘વਸ੍ਸਾਨੋ ਹੇਮਨ੍ਤੋ ਗਿਮ੍ਹੋ’’ਤਿ ਏવਂ ਉਤੁਪ੍ਪਮਾਣਂ ਆਚਿਕ੍ਖਿਤਬ੍ਬਂ। ਏਤ੍ਥ ਚ ਉਤੁਯੇવ ਉਤੁਪ੍ਪਮਾਣਂ। ਸਚੇ વਸ੍ਸਾਨਾਦਯੋ ਅਪਰਿਪੁਣ੍ਣਾ ਹੋਨ੍ਤਿ, ਯਤ੍ਤਕੇਹਿ ਦਿવਸੇਹਿ ਯਸ੍ਸ ਯੋ ਉਤੁ ਅਪਰਿਪੁਣ੍ਣੋ, ਤੇ ਦਿવਸੇ ਸਲ੍ਲਕ੍ਖੇਤ੍વਾ ਸੋ ਦਿવਸਭਾਗੋ ਆਚਿਕ੍ਖਿਤਬ੍ਬੋ। ਅਥ વਾ ‘‘ਅਯਂ ਨਾਮ ਉਤੁ, ਸੋ ਚ ਖੋ ਪਰਿਪੁਣ੍ਣੋ વਾ ਅਪਰਿਪੁਣ੍ਣੋ વਾ’’ਤਿ ਏવਂ ਉਤੁਪ੍ਪਮਾਣਂ ਆਚਿਕ੍ਖਿਤਬ੍ਬਂ। ‘‘ਪੁਬ੍ਬਣ੍ਹੋ વਾ ਸਾਯਨ੍ਹੋ વਾ’’ਤਿ ਏવਂ ਦਿવਸਭਾਗੋ ਆਚਿਕ੍ਖਿਤਬ੍ਬੋ। ਸਙ੍ਗੀਤੀਤਿ ਇਦਮੇવ ਸਬ੍ਬਂ ਏਕਤੋ ਕਤ੍વਾ ‘‘ਤ੍વਂ ਕਿਂ ਲਭਸਿ, ਕਾ ਤੇ ਛਾਯਾ, ਕਿਂ ਉਤੁਪ੍ਪਮਾਣਂ, ਕੋ ਦਿવਸਭਾਗੋ’’ਤਿ ਪੁਟ੍ਠੋ ‘‘ਇਦਂ ਨਾਮ ਲਭਾਮਿ – વਸ੍ਸਂ વਾ ਹੇਮਨ੍ਤਂ વਾ ਗਿਮ੍ਹਂ વਾ, ਅਯਂ ਮੇ ਛਾਯਾ, ਇਦਂ ਉਤੁਪ੍ਪਮਾਣਂ, ਅਯਂ ਦਿવਸਭਾਗੋਤਿ વਦੇਯ੍ਯਾਸੀ’’ਤਿ ਏવਂ ਆਚਿਕ੍ਖਿਤਬ੍ਬਂ।
128.Tāvadevāti upasampannasamanantarameva. Chāyā metabbāti ekaporisā vā dviporisā vāti chāyā metabbā. Utuppamāṇaṃ ācikkhitabbanti ‘‘vassāno hemanto gimho’’ti evaṃ utuppamāṇaṃ ācikkhitabbaṃ. Ettha ca utuyeva utuppamāṇaṃ. Sace vassānādayo aparipuṇṇā honti, yattakehi divasehi yassa yo utu aparipuṇṇo, te divase sallakkhetvā so divasabhāgo ācikkhitabbo. Atha vā ‘‘ayaṃ nāma utu, so ca kho paripuṇṇo vā aparipuṇṇo vā’’ti evaṃ utuppamāṇaṃ ācikkhitabbaṃ. ‘‘Pubbaṇho vā sāyanho vā’’ti evaṃ divasabhāgo ācikkhitabbo. Saṅgītīti idameva sabbaṃ ekato katvā ‘‘tvaṃ kiṃ labhasi, kā te chāyā, kiṃ utuppamāṇaṃ, ko divasabhāgo’’ti puṭṭho ‘‘idaṃ nāma labhāmi – vassaṃ vā hemantaṃ vā gimhaṃ vā, ayaṃ me chāyā, idaṃ utuppamāṇaṃ, ayaṃ divasabhāgoti vadeyyāsī’’ti evaṃ ācikkhitabbaṃ.
੧੨੯. ਓਹਾਯਾਤਿ ਛਡ੍ਡੇਤ੍વਾ। ਦੁਤਿਯਂ ਦਾਤੁਨ੍ਤਿ ਉਪਸਮ੍ਪਦਮਾਲ਼ਕਤੋ ਪਰਿવੇਣਂ ਗਚ੍ਛਨ੍ਤਸ੍ਸ ਦੁਤਿਯਕਂ ਦਾਤੁਂ ਅਨੁਜਾਨਾਮਿ, ਚਤ੍ਤਾਰਿ ਚ ਅਕਰਣੀਯਾਨਿ ਆਚਿਕ੍ਖਿਤੁਨ੍ਤਿ ਅਤ੍ਥੋ। ਪਣ੍ਡੁਪਲਾਸੋਤਿ ਪਣ੍ਡੁવਣ੍ਣੋ ਪਤ੍ਤੋ। ਬਨ੍ਧਨਾ ਪવੁਤ੍ਤੋਤਿ વਣ੍ਟਤੋ ਪਤਿਤੋ। ਅਭਬ੍ਬੋ ਹਰਿਤਤ੍ਥਾਯਾਤਿ ਪੁਨ ਹਰਿਤੋ ਭવਿਤੁਂ ਅਭਬ੍ਬੋ। ਪੁਥੁਸਿਲਾਤਿ ਮਹਾਸਿਲਾ।
129.Ohāyāti chaḍḍetvā. Dutiyaṃ dātunti upasampadamāḷakato pariveṇaṃ gacchantassa dutiyakaṃ dātuṃ anujānāmi, cattāri ca akaraṇīyāni ācikkhitunti attho. Paṇḍupalāsoti paṇḍuvaṇṇo patto. Bandhanā pavuttoti vaṇṭato patito. Abhabbo haritatthāyāti puna harito bhavituṃ abhabbo. Puthusilāti mahāsilā.
੧੩੦. ਅਲਬ੍ਭਮਾਨਾਯ ਸਾਮਗ੍ਗਿਯਾ ਅਨਾਪਤ੍ਤਿ ਸਮ੍ਭੋਗੇ ਸਂવਾਸੇਤਿ ਯਾવ ਤਸ੍ਸ ਉਕ੍ਖੇਪਨੀਯਕਮ੍ਮਕਰਣਤ੍ਥਾਯ ਸਾਮਗ੍ਗੀ ਨ ਲਬ੍ਭਤਿ, ਤਾવ ਤੇਨ ਸਦ੍ਧਿਂ ਸਮ੍ਭੋਗੇ ਚ ਉਪੋਸਥਪવਾਰਣਾਦਿਕਰਣਭੇਦੇ ਸਂવਾਸੇ ਚ ਅਨਾਪਤ੍ਤੀਤਿ। ਸੇਸਂ ਸਬ੍ਬਤ੍ਥ ਮਹਾવਿਭਙ੍ਗੇ વੁਤ੍ਤਾਨੁਸਾਰੇਨ ਸੁવਿਞ੍ਞੇਯ੍ਯਤ੍ਤਾ ਪਾਕਟਮੇવਾਤਿ।
130.Alabbhamānāya sāmaggiyā anāpatti sambhoge saṃvāseti yāva tassa ukkhepanīyakammakaraṇatthāya sāmaggī na labbhati, tāva tena saddhiṃ sambhoge ca uposathapavāraṇādikaraṇabhede saṃvāse ca anāpattīti. Sesaṃ sabbattha mahāvibhaṅge vuttānusārena suviññeyyattā pākaṭamevāti.
ਚਤ੍ਤਾਰੋਨਿਸ੍ਸਯਾਦਿਕਥਾ ਨਿਟ੍ਠਿਤਾ।
Cattāronissayādikathā niṭṭhitā.
ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Samantapāsādikāya vinayasaṃvaṇṇanāya
ਦ੍વਾਸਤ੍ਤਤਿਅਧਿਕવਤ੍ਥੁਸਤਪਟਿਮਣ੍ਡਿਤਸ੍ਸ ਮਹਾਖਨ੍ਧਕਸ੍ਸ
Dvāsattatiadhikavatthusatapaṭimaṇḍitassa mahākhandhakassa
ਅਤ੍ਥવਣ੍ਣਨਾ ਨਿਟ੍ਠਿਤਾ।
Atthavaṇṇanā niṭṭhitā.
ਮਹਾਖਨ੍ਧਕવਣ੍ਣਨਾ ਨਿਟ੍ਠਿਤਾ।
Mahākhandhakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੬੪. ਚਤ੍ਤਾਰੋ ਨਿਸ੍ਸਯਾ • 64. Cattāro nissayā
੬੫. ਚਤ੍ਤਾਰਿ ਅਕਰਣੀਯਾਨਿ • 65. Cattāri akaraṇīyāni
੬੬. ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕવਤ੍ਥੂਨਿ • 66. Āpattiyā adassane ukkhittakavatthūni
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚਤ੍ਤਾਰੋਨਿਸ੍ਸਯਾਦਿਕਥਾવਣ੍ਣਨਾ • Cattāronissayādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚਤ੍ਤਾਰੋਨਿਸ੍ਸਯਾਦਿਕਥਾવਣ੍ਣਨਾ • Cattāronissayādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚਤ੍ਤਾਰੋਨਿਸ੍ਸਯਾਦਿਕਥਾવਣ੍ਣਨਾ • Cattāronissayādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬੪. ਚਤ੍ਤਾਰੋਨਿਸ੍ਸਯਾਦਿਕਥਾ • 64. Cattāronissayādikathā
