| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
жад̇д̇аарониссаяаад̣̇игат̇ааван̣н̣анаа
Cattāronissayādikathāvaṇṇanā
130. самбхог̇зд̇и д̇хаммасамбхог̇з аамисасамбхог̇з жа. анаабад̇д̇и самбхог̇з сам̣ваасзд̇и зд̇т̇а жа аяамад̇хиббааяо – яасмаа аяам̣ осааран̣агаммасса гад̇ад̇д̇аа багад̇ад̇д̇адтаанз тид̇о, д̇асмаа на угкид̇д̇агзна сад̣̇д̇хим̣ самбхог̇аад̣̇ибажжаяаа баажид̇д̇ияам̣, нааби алаж̇ж̇инаа сад̣̇д̇хим̣ барибхог̇абажжаяаа д̣̇уггадам̣ алаж̇ж̇ийлагкан̣аанубабад̇д̇ид̇о. яо хи ужчурасагасадаанам̣ сад̇д̇аахагаалигаяааваж̇ийвигад̇д̇аа ваддад̇и вигаалз ужчу каад̣̇ид̇унд̇и сан̃н̃ам̣ уббаад̣̇зд̇ваа д̇ам̣ каад̣̇ид̇ваа д̇аббажжаяаа баажид̇д̇ияам̣ на бассад̇и ‘‘ваддад̇ий’’д̇и д̇ат̇аасан̃н̃ид̇ааяа, яо ваа бана аабад̇д̇имаабаннабхаавам̣ бадиж̇аанид̇ваа ‘‘на бадигаромий’’д̇и абхинивисад̇и, аяам̣ –
130.Sambhogeti dhammasambhoge āmisasambhoge ca. Anāpatti sambhoge saṃvāseti ettha ca ayamadhippāyo – yasmā ayaṃ osāraṇakammassa katattā pakatattaṭṭhāne ṭhito, tasmā na ukkhittakena saddhiṃ sambhogādipaccayā pācittiyaṃ, nāpi alajjinā saddhiṃ paribhogapaccayā dukkaṭaṃ alajjīlakkhaṇānupapattito. Yo hi ucchurasakasaṭānaṃ sattāhakālikayāvajīvikattā vaṭṭati vikāle ucchu khāditunti saññaṃ uppādetvā taṃ khāditvā tappaccayā pācittiyaṃ na passati ‘‘vaṭṭatī’’ti tathāsaññitāya, yo vā pana āpattimāpannabhāvaṃ paṭijānitvā ‘‘na paṭikaromī’’ti abhinivisati, ayaṃ –
‘‘сан̃жижжа аабад̇д̇им̣ аабаж̇ж̇ад̇и, аабад̇д̇им̣ бариг̇уухад̇и;
‘‘Sañcicca āpattiṃ āpajjati, āpattiṃ parigūhati;
аг̇ад̇иг̇аманан̃жа г̇ажчад̇и, зд̣̇исо вужжад̇и алаж̇ж̇ийбуг̇г̇ало’’д̇и. (бари. 359) –
Agatigamanañca gacchati, ediso vuccati alajjīpuggalo’’ti. (pari. 359) –
вуд̇д̇алагкан̣з абад̇анад̇о алаж̇ж̇ий наама на ход̇и. д̇асмаа яат̇аа буб̣б̣з яаава угкзбанийяагаммам̣ гад̇ам̣, д̇аава д̇зна сад̣̇д̇хим̣ самбхог̇з сам̣ваасз жа анаабад̇д̇и, звамид̇хаабийд̇и саб̣б̣ат̇аа анаабад̇д̇идтаанзязва анаабад̇д̇и вуд̇д̇аад̇и взд̣̇ид̇аб̣б̣ам̣ . на хи бхаг̇аваа алаж̇ж̇инаа сад̣̇д̇хим̣ самбхог̇абажжаяаа аабад̇д̇исамбхавз сад̇и ‘‘анаабад̇д̇и самбхог̇з сам̣ваасз’’д̇и вад̣̇ад̇и. д̇ад̇о яамзд̇т̇а гзнажи ‘‘анаабад̇д̇и самбхог̇з сам̣ваасз’’д̇и иминаа баажид̇д̇иязна анаабад̇д̇и вуд̇д̇аа, ‘‘алаж̇ж̇ийбарибхог̇абажжаяаа д̣̇уггадам̣ бана аабаж̇ж̇ад̇иязваа’’д̇и вад̇ваа б̣ахуд̇хаа бабан̃жид̇ам̣, на д̇ам̣ саарад̇о бажжзд̇аб̣б̣ам̣. сзсамзд̇т̇а уд̇д̇аанамзва.
Vuttalakkhaṇe apatanato alajjī nāma na hoti. Tasmā yathā pubbe yāva ukkhepanīyakammaṃ kataṃ, tāva tena saddhiṃ sambhoge saṃvāse ca anāpatti, evamidhāpīti sabbathā anāpattiṭṭhāneyeva anāpatti vuttāti veditabbaṃ . Na hi bhagavā alajjinā saddhiṃ sambhogapaccayā āpattisambhave sati ‘‘anāpatti sambhoge saṃvāse’’ti vadati. Tato yamettha kenaci ‘‘anāpatti sambhoge saṃvāse’’ti iminā pācittiyena anāpatti vuttā, ‘‘alajjīparibhogapaccayā dukkaṭaṃ pana āpajjatiyevā’’ti vatvā bahudhā papañcitaṃ, na taṃ sārato paccetabbaṃ. Sesamettha uttānameva.
ид̇и саманд̇абаасаад̣̇игааяа винаяадтагат̇ааяа саарад̇т̇ад̣̇ийбанияам̣
Iti samantapāsādikāya vinayaṭṭhakathāya sāratthadīpaniyaṃ
махааканд̇хагаван̣н̣анаа нидтид̇аа.
Mahākhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 66. аабад̇д̇ияаа ад̣̇ассанз угкид̇д̇агавад̇т̇ууни • 66. Āpattiyā adassane ukkhittakavatthūni
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жад̇д̇аарониссаяаад̣̇игат̇аа • Cattāronissayādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 64. жад̇д̇аарониссаяаад̣̇игат̇аа • 64. Cattāronissayādikathā
