| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
жад̇д̇аарониссаяаад̣̇игат̇ааван̣н̣анаа
Cattāronissayādikathāvaṇṇanā
128. згаборисаа ваад̇иаад̣̇и сад̇д̇аанам̣ сарийражчааяам̣ баад̣̇зхи минид̇ваа ж̇аананаббагаарад̣̇ассанам̣. часад̇д̇абад̣̇абарамад̇аа хи чааяаа ‘‘борисаа’’д̇и вужжад̇и. ид̣̇ан̃жа уд̇уббамаан̣аажигканаад̣̇и жа ааг̇анд̇угзхи сад̣̇д̇хим̣ виймам̣сид̇ваа вуд̣дханавабхаавам̣ н̃ад̇ваа ванд̣̇анаванд̣̇аабанаад̣̇игаран̣ад̇т̇ам̣ вуд̇д̇ам̣. зд̇и ааг̇ажчад̇и, г̇ажчад̇и жаад̇и уд̇у, сова бамияад̇з анзна сам̣важчаранд̇и бамаан̣анд̇и ааха ‘‘уд̇уязва уд̇уббамаан̣а’’нд̇и. абарибун̣н̣аад̇и убасамбад̣̇аад̣̇ивасзна абарибун̣н̣аа. яад̣̇и уд̇увзмаж̇жхз убасамбаад̣̇ид̇о, д̇ад̣̇аа д̇асмим̣ уд̇умхи авасидтад̣̇ивасаажигканам̣ ‘‘д̣̇ивасабхааг̇аажигкана’’нд̇и д̣̇ассзд̇и. д̇знааха ‘‘яад̇д̇агзхи д̣̇ивасзхи яасса яо уд̇у абарибун̣н̣о, д̇з д̣̇ивасз’’д̇и. д̇ад̇т̇а яасса д̇ам̣ кан̣ам̣ лад̣̇д̇хуубасамбад̣̇асса буг̇г̇аласса самб̣анд̇хий яо уд̇у яад̇д̇агзхи д̣̇ивасзхи абарибун̣н̣о, д̇з д̣̇ивасзд̇и яож̇анаа.
128.Ekaporisā vātiādi sattānaṃ sarīracchāyaṃ pādehi minitvā jānanappakāradassanaṃ. Chasattapadaparamatā hi chāyā ‘‘porisā’’ti vuccati. Idañca utuppamāṇācikkhanādi ca āgantukehi saddhiṃ vīmaṃsitvā vuḍḍhanavabhāvaṃ ñatvā vandanavandāpanādikaraṇatthaṃ vuttaṃ. Eti āgacchati, gacchati cāti utu, sova pamiyate anena saṃvaccharanti pamāṇanti āha ‘‘utuyeva utuppamāṇa’’nti. Aparipuṇṇāti upasampadādivasena aparipuṇṇā. Yadi utuvemajjhe upasampādito, tadā tasmiṃ utumhi avasiṭṭhadivasācikkhanaṃ ‘‘divasabhāgācikkhana’’nti dasseti. Tenāha ‘‘yattakehi divasehi yassa yo utu aparipuṇṇo, te divase’’ti. Tattha yassa taṃ khaṇaṃ laddhūpasampadassa puggalassa sambandhī yo utu yattakehi divasehi aparipuṇṇo, te divaseti yojanā.
чааяаад̣̇игамзва саб̣б̣ам̣ сан̇г̇ахзд̇ваа г̇ааяид̇аб̣б̣ад̇о гат̇зд̇аб̣б̣ад̇о сан̇г̇ийд̇ийд̇и ааха ‘‘ид̣̇амзваа’’д̇иаад̣̇и. д̇ад̇т̇а згад̇о гад̇ваа аажигкид̇аб̣б̣ам̣. д̇вам̣ гим̣ лабхасийд̇и д̇вам̣ убасамбаад̣̇анагаалз гад̇аравассам̣, гад̇арауд̇ун̃жа лабхаси, гад̇арасмим̣ д̇з убасамбад̣̇аа лад̣̇д̇хаад̇и ад̇т̇о. вассанд̇и вассаанауд̇у. ид̣̇ан̃жа сам̣важчараажигканам̣ винаа вуд̇д̇амби на н̃ааяад̇ийд̇и иминаа уд̇уаажигканзнзва саасанавассзсу ваа галияуг̇авассаад̣̇ийсу ваа сахассимз ваа сад̇имз ваа асугам̣ уд̇ум̣ лабхаамийд̇и д̣̇ассид̇анд̇и д̣̇адтаб̣б̣ам̣. ‘‘чааяаа’’д̇и ид̣̇ам̣ баал̣ияам̣ ааг̇ад̇абадибаадим̣ санд̇хааяа вуд̇д̇ам̣. вад̇д̇аб̣б̣агамад̇о бана галияуг̇авассаад̣̇ийсу саб̣б̣ад̣̇зсабасид̣̇д̇хзсу асугавассз асугауд̇умхи асугамаасз асугз ган̣хз ваа суггз ваа багкз асугад̇ит̇иваарависзсаяуд̇д̇з нагкад̇д̇з буб̣б̣ан̣хаад̣̇ид̣̇ивасабхааг̇з зд̇д̇агз чааяаабамаан̣з, наад̣игаабамаан̣з ваа маяаа убасамбад̣̇аа лад̣̇д̇хаад̇и вад̣̇зяяаасийд̇и звам̣ аажигкид̇аб̣б̣ам̣. ‘‘ид̣̇ам̣ судту уг̇г̇ахзд̇ваа ааг̇анд̇угзхи вуд̣дхабадибаадим̣ н̃ад̇ваа бадибаж̇ж̇аахий’’д̇и вад̇д̇аб̣б̣ам̣. баал̣ияам̣ гисса д̇ванд̇и гим̣ д̇вам̣ зд̇д̇агам̣ гаалам̣ агаасийд̇и ад̇т̇о.
Chāyādikameva sabbaṃ saṅgahetvā gāyitabbato kathetabbato saṅgītīti āha ‘‘idamevā’’tiādi. Tattha ekato katvā ācikkhitabbaṃ. Tvaṃ kiṃ labhasīti tvaṃ upasampādanakāle kataravassaṃ, katarautuñca labhasi, katarasmiṃ te upasampadā laddhāti attho. Vassanti vassānautu. Idañca saṃvaccharācikkhanaṃ vinā vuttampi na ñāyatīti iminā utuācikkhaneneva sāsanavassesu vā kaliyugavassādīsu vā sahassime vā satime vā asukaṃ utuṃ labhāmīti dassitanti daṭṭhabbaṃ. ‘‘Chāyā’’ti idaṃ pāḷiyaṃ āgatapaṭipāṭiṃ sandhāya vuttaṃ. Vattabbakamato pana kaliyugavassādīsu sabbadesapasiddhesu asukavasse asukautumhi asukamāse asuke kaṇhe vā sukke vā pakkhe asukatithivāravisesayutte nakkhatte pubbaṇhādidivasabhāge ettake chāyāpamāṇe, nāḍikāpamāṇe vā mayā upasampadā laddhāti vadeyyāsīti evaṃ ācikkhitabbaṃ. ‘‘Idaṃ suṭṭhu uggahetvā āgantukehi vuḍḍhapaṭipāṭiṃ ñatvā paṭipajjāhī’’ti vattabbaṃ. Pāḷiyaṃ kissa tvanti kiṃ tvaṃ ettakaṃ kālaṃ akāsīti attho.
130. убасамбад̣̇ам̣ яаажийд̇и баб̣б̣аж̇ж̇ан̃жа убасамбад̣̇ан̃жа яаажийд̇и ад̇т̇о. бассиссаамийд̇и зд̇т̇а вад̣̇ад̇ийд̇и сзсо, звам̣ убариби. ‘‘осаарзд̇аб̣б̣о’’д̇и иминаа буримо угкид̇д̇абхааво виб̣бхамид̇ваа буна лад̣̇д̇хуубасамбад̣̇амби на мун̃жад̇и. д̇зна жа самбхун̃ж̇анаад̣̇ийсуби бхигкуунам̣ баажид̇д̇ияамзваад̇и д̣̇ассзд̇и. анаабад̇д̇и самбхог̇з сам̣ваасзд̇и зд̇т̇а сахасзяяааби сан̇г̇ахид̇аад̇и д̣̇адтаб̣б̣ам̣. зд̇т̇а жааяамад̇хиббааяо – яасмаа аяам̣ осаарид̇ад̇д̇аа багад̇ад̇д̇о, д̇асмаа угкид̇д̇асамбхог̇аад̣̇ибажжаязна баажид̇д̇иязнзд̇т̇а анаабад̇д̇ийд̇и. яо бана аабад̇д̇идтаанз анаабад̇д̇ид̣̇идтид̇ааяа аабад̇д̇им̣ на бассад̇и, д̇знзва бадигаммамби на гарод̇и, со яасмаа зд̇д̇аавад̇аа алаж̇ж̇ий наама на ход̇и. бан̣н̣ад̇д̇им̣ н̃ад̇ваа вийд̇иггамам̣ гаронд̇о зва хи алаж̇ж̇ий наама ход̇и. ‘‘сан̃жижжа аабад̇д̇им̣ аабаж̇ж̇ад̇ий’’д̇иаад̣̇и (бари. 359) хи вуд̇д̇ам̣. д̇асмаа зд̇т̇а алаж̇ж̇исамбхог̇аад̣̇ибажжаяаа д̣̇уггадаабад̇д̇инияамо над̇т̇и. д̇зна саабзд̇т̇а аабад̇д̇и на вуд̇д̇аад̇и д̣̇адтаб̣б̣ам̣. яо банзд̇т̇а имам̣ ад̇хиббааяам̣ асаллагкзнд̇зна гзнажи ‘‘анаабад̇д̇и самбхог̇з сам̣ваасз’’д̇и иминаа баажид̇д̇иязна анаабад̇д̇и вуд̇д̇аа, алаж̇ж̇исамбхог̇абажжаяаа д̣̇уггадам̣ бана аабаж̇ж̇ад̇и зваад̇и аабад̇д̇инияамо вуд̇д̇о, со алаж̇ж̇ид̇д̇з сад̇и зва вуд̇д̇о, наасад̇ийд̇и д̣̇адтаб̣б̣ам̣.
130.Upasampadaṃ yācīti pabbajjañca upasampadañca yācīti attho. Passissāmīti ettha vadatīti seso, evaṃ uparipi. ‘‘Osāretabbo’’ti iminā purimo ukkhittabhāvo vibbhamitvā puna laddhūpasampadampi na muñcati. Tena ca sambhuñjanādīsupi bhikkhūnaṃ pācittiyamevāti dasseti. Anāpatti sambhoge saṃvāseti ettha sahaseyyāpi saṅgahitāti daṭṭhabbaṃ. Ettha cāyamadhippāyo – yasmā ayaṃ osāritattā pakatatto, tasmā ukkhittasambhogādipaccayena pācittiyenettha anāpattīti. Yo pana āpattiṭṭhāne anāpattidiṭṭhitāya āpattiṃ na passati, teneva paṭikammampi na karoti, so yasmā ettāvatā alajjī nāma na hoti. Paṇṇattiṃ ñatvā vītikkamaṃ karonto eva hi alajjī nāma hoti. ‘‘Sañcicca āpattiṃ āpajjatī’’tiādi (pari. 359) hi vuttaṃ. Tasmā ettha alajjisambhogādipaccayā dukkaṭāpattiniyamo natthi. Tena sāpettha āpatti na vuttāti daṭṭhabbaṃ. Yo panettha imaṃ adhippāyaṃ asallakkhentena kenaci ‘‘anāpatti sambhoge saṃvāse’’ti iminā pācittiyena anāpatti vuttā, alajjisambhogapaccayā dukkaṭaṃ pana āpajjati evāti āpattiniyamo vutto, so alajjitte sati eva vutto, nāsatīti daṭṭhabbaṃ.
131. винаяамхийд̇иаад̣̇иг̇аат̇аасу ниг̇г̇ахаананд̇и ниг̇г̇ахагаран̣зсу. баабижчзд̇и баабабуг̇г̇алаанам̣ ниг̇г̇ахагаран̣зсу, лаж̇ж̇ийнам̣ баг̇г̇ахзсу жа бзсалаанам̣ сукаавахз маханд̇з винаяамхи яат̇аа ад̇т̇агаарий ад̇т̇аануг̇ун̣ам̣ гаронд̇ова яасмаа яонисо бадибаж̇ж̇ад̇и наама ход̇и, д̇асмаа уд̣̇д̣̇аанам̣ бавагкаамийд̇и самб̣анд̇хаяож̇анаа д̣̇адтаб̣б̣аа. сзсам̣ саб̣б̣ад̇т̇а сувин̃н̃зяяамзва.
131.Vinayamhītiādigāthāsu niggahānanti niggahakaraṇesu. Pāpiccheti pāpapuggalānaṃ niggahakaraṇesu, lajjīnaṃ paggahesu ca pesalānaṃ sukhāvahe mahante vinayamhi yathā atthakārī atthānuguṇaṃ karontova yasmā yoniso paṭipajjati nāma hoti, tasmā uddānaṃ pavakkhāmīti sambandhayojanā daṭṭhabbā. Sesaṃ sabbattha suviññeyyameva.
жад̇д̇аарониссаяаад̣̇игат̇ааван̣н̣анаа нидтид̇аа.
Cattāronissayādikathāvaṇṇanā niṭṭhitā.
ид̇и саманд̇абаасаад̣̇игааяа винаяадтагат̇ааяа вимад̇ивинод̣̇анияам̣
Iti samantapāsādikāya vinayaṭṭhakathāya vimativinodaniyaṃ
махааканд̇хагаван̣н̣анаанаяо нидтид̇о.
Mahākhandhakavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
64. жад̇д̇ааро ниссаяаа • 64. Cattāro nissayā
66. аабад̇д̇ияаа ад̣̇ассанз угкид̇д̇агавад̇т̇ууни • 66. Āpattiyā adassane ukkhittakavatthūni
67. д̇ассуд̣̇д̣̇аанам̣ • 67. Tassuddānaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жад̇д̇аарониссаяаад̣̇игат̇аа • Cattāronissayādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 64. жад̇д̇аарониссаяаад̣̇игат̇аа • 64. Cattāronissayādikathā
