| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
சதுப்³பி³தா⁴தி³ரூபஸங்க³ஹவண்ணனா
Catubbidhādirūpasaṅgahavaṇṇanā
586. சதுக்கேஸு ஏகந்தசித்தஸமுட்டா²னஸ்ஸ விஞ்ஞத்தித்³வயபா⁴வதோ விஞ்ஞத்திது³காதீ³ஹி ஸமானக³திகோ சித்தஸமுட்டா²னது³கோதி தேன ஸஹ உபாதா³து³கஸ்ஸ யோஜனாய லப்³ப⁴மானோபி சதுக்கோ ந வுத்தோ, ததா² ஸனித³ஸ்ஸனது³காதீ³னங் தேன தஸ்ஸ ச ஓளாரிகதூ³ரது³கேஹி யோஜனாய லப்³ப⁴மானா ந வுத்தா, த⁴ம்மானங் வா ஸபா⁴வகிச்சானி போ³தே⁴தப்³பா³காரஞ்ச யாதா²வதோ ஜானந்தேன ப⁴க³வதா தேன அஞ்ஞேஸங் தஸ்ஸ ச அஞ்ஞேஹி யோஜனா ந கதாதி கிங் எத்த² காரணபரியேஸனாய, அத்³தா⁴ ஸா யோஜனா ந காதப்³பா³, யதோ ப⁴க³வதா ந கதாதி வேதி³தப்³பா³. அஞ்ஞே பன பகிண்ணகது³கா அஞ்ஞேஹி பகிண்ணகது³கேஹி யோஜேதுங் யுத்தா, தேஹி யோஜிதா ஏவ. வத்து²து³காதீ³ஸு பன ஸோதஸம்ப²ஸ்ஸாரம்மணது³காத³யோ வஜ்ஜெத்வா அஞ்ஞேஹி ஆரம்மணபா³ஹிராயதனாதி³லப்³ப⁴மானது³கேஹி உபாதி³ன்னகது³கஸ்ஸ உபாதி³ன்னுபாதா³னியது³கஸ்ஸ ச யோஜனாய சதுக்கா லப்³ப⁴ந்தி, சித்தஸமுட்டா²னது³கஸ்ஸ ச ஸப்³பா³ரம்மணபா³ஹிராயதனாதி³லப்³ப⁴மானது³கேஹி. அவஸேஸேஹி பன தேஸங் அஞ்ஞேஸஞ்ச ஸப்³ப³வத்து²து³காதீ³ஹி யோஜனாய ந லப்³ப⁴ந்தீதி வேதி³தப்³பா³.
586. Catukkesu ekantacittasamuṭṭhānassa viññattidvayabhāvato viññattidukādīhi samānagatiko cittasamuṭṭhānadukoti tena saha upādādukassa yojanāya labbhamānopi catukko na vutto, tathā sanidassanadukādīnaṃ tena tassa ca oḷārikadūradukehi yojanāya labbhamānā na vuttā, dhammānaṃ vā sabhāvakiccāni bodhetabbākārañca yāthāvato jānantena bhagavatā tena aññesaṃ tassa ca aññehi yojanā na katāti kiṃ ettha kāraṇapariyesanāya, addhā sā yojanā na kātabbā, yato bhagavatā na katāti veditabbā. Aññe pana pakiṇṇakadukā aññehi pakiṇṇakadukehi yojetuṃ yuttā, tehi yojitā eva. Vatthudukādīsu pana sotasamphassārammaṇadukādayo vajjetvā aññehi ārammaṇabāhirāyatanādilabbhamānadukehi upādinnakadukassa upādinnupādāniyadukassa ca yojanāya catukkā labbhanti, cittasamuṭṭhānadukassa ca sabbārammaṇabāhirāyatanādilabbhamānadukehi. Avasesehi pana tesaṃ aññesañca sabbavatthudukādīhi yojanāya na labbhantīti veditabbā.
உத்³தே³ஸவண்ணனா நிட்டி²தா.
Uddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / மாதிகா • Mātikā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / சதுப்³பி³தா⁴தி³ரூபஸங்க³ஹா • Catubbidhādirūpasaṅgahā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / சதுப்³பி³தா⁴தி³ரூபஸங்க³ஹவண்ணனா • Catubbidhādirūpasaṅgahavaṇṇanā
