| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
жад̇уб̣б̣ид̇хаад̣̇ируубасан̇г̇ахаван̣н̣анаа
Catubbidhādirūpasaṅgahavaṇṇanā
586. жид̇д̇ад̇о зва самудтаад̇ийд̇и жид̇д̇асамудтаананд̇и имамзва ад̇т̇ам̣ г̇ахзд̇ваа ‘‘вин̃н̃ад̇д̇ид̣̇угаад̣̇ийхи самаанаг̇ад̇иго жид̇д̇асамудтаанад̣̇уго’’д̇и вуд̇д̇ам̣ . винивад̇д̇ид̇з хи сааман̃н̃з яам̣ руубам̣ ж̇анагабажжаязсу жид̇д̇ад̇о самудтаад̇и, д̇ам̣ жид̇д̇ад̇о зва самудтаад̇ийд̇и. вин̃н̃ад̇д̇ид̣̇угаад̣̇ийхийд̇и аад̣̇и-сад̣̇д̣̇зна жид̇д̇асахабхужид̇д̇аанубаривад̇д̇ид̣̇угз сан̇г̇ан̣хаад̇и. лаб̣бхамаанод̇и яам̣ д̇ам̣ руубам̣ убаад̣̇аа, д̇ам̣ ад̇т̇и жид̇д̇асамудтаанам̣, ад̇т̇и на жид̇д̇асамудтаанам̣. яам̣ д̇ам̣ руубам̣ нубаад̣̇аа, д̇ам̣ ад̇т̇и жид̇д̇асамудтаанам̣, ад̇т̇и на жид̇д̇асамудтаананд̇и звам̣ лаб̣бхамаано. санид̣̇ассанад̣̇угаад̣̇ийнанд̇и аад̣̇и-сад̣̇д̣̇зна саббадигхамахаабхууд̇ад̣̇угаад̣̇аяо сан̇г̇ан̣хаад̇и. д̇знаад̇и жид̇д̇асамудтаанад̣̇угзна. д̇ассаад̇и жид̇д̇асамудтаанад̣̇угассзва. ан̃н̃з банаад̇и вин̃н̃ад̇д̇ижид̇д̇асамудтаанажид̇д̇асахабхужид̇д̇аанубаривад̇д̇ид̣̇угзхи ан̃н̃зби багин̣н̣агад̣̇угаа.
586. Cittato eva samuṭṭhātīti cittasamuṭṭhānanti imameva atthaṃ gahetvā ‘‘viññattidukādīhi samānagatiko cittasamuṭṭhānaduko’’ti vuttaṃ . Vinivattite hi sāmaññe yaṃ rūpaṃ janakapaccayesu cittato samuṭṭhāti, taṃ cittato eva samuṭṭhātīti. Viññattidukādīhīti ādi-saddena cittasahabhucittānuparivattiduke saṅgaṇhāti. Labbhamānoti yaṃ taṃ rūpaṃ upādā, taṃ atthi cittasamuṭṭhānaṃ, atthi na cittasamuṭṭhānaṃ. Yaṃ taṃ rūpaṃ nupādā, taṃ atthi cittasamuṭṭhānaṃ, atthi na cittasamuṭṭhānanti evaṃ labbhamāno. Sanidassanadukādīnanti ādi-saddena sappaṭighamahābhūtadukādayo saṅgaṇhāti. Tenāti cittasamuṭṭhānadukena. Tassāti cittasamuṭṭhānadukasseva. Aññe panāti viññatticittasamuṭṭhānacittasahabhucittānuparivattidukehi aññepi pakiṇṇakadukā.
сад̣̇д̣̇ааяад̇анасса зганд̇ад̇о анубаад̣̇иннад̇д̇аа ‘‘сод̇асампассаарамман̣ад̣̇угаад̣̇аяо важ̇ж̇зд̇ваа’’д̇и вуд̇д̇ам̣. жад̇уггаа лаб̣бханд̇ийд̇и яам̣ д̇ам̣ руубам̣ убаад̣̇иннам̣, д̇ам̣ ад̇т̇и жагкусампассасса аарамман̣ам̣, ад̇т̇и жагкусампассасса наарамман̣ам̣. яам̣ д̇ам̣ руубам̣ анубаад̣̇иннам̣, д̇ам̣ ад̇т̇и жагкусампассасса аарамман̣ам̣, ад̇т̇и жагкусампассасса наарамман̣анд̇и звамаад̣̇аяо саб̣б̣аарамман̣аб̣аахирааяад̇анаад̣̇илаб̣бхамаанад̣̇угзхи яож̇анааяам̣ жад̇уггаа лаб̣бханд̇ийд̇и самб̣анд̇хо. авасзсзхийд̇и аарамман̣аб̣аахирааяад̇анаруубад̇хаад̇уд̣̇угаад̣̇ид̇о лаб̣бхамаанад̣̇угзхийд̇и вуд̇д̇ад̣̇угараасид̇о авасзсзхи. д̇зсанд̇и убаад̣̇иннаубаад̣̇иннубаад̣̇аанияажид̇д̇асамудтаанад̣̇угаанам̣. ан̃н̃зсанд̇и убаад̣̇иннад̣̇угаад̣̇ид̇о ан̃н̃зсам̣ убаад̣̇аад̣̇угаад̣̇ийнам̣. вад̇т̇уд̣̇угаад̣̇ийхийд̇и аад̣̇и-сад̣̇д̣̇зна жагкааяад̇анад̣̇угаад̣̇аяо сан̇г̇ан̣хаад̇и. зд̇т̇ааби авасзсзхи д̇зсам̣ ан̃н̃зсан̃жа яож̇анааяа жад̇уггаа на лаб̣бханд̇ийд̇и самб̣анд̇хо.
Saddāyatanassa ekantato anupādinnattā ‘‘sotasamphassārammaṇadukādayo vajjetvā’’ti vuttaṃ. Catukkā labbhantīti yaṃ taṃ rūpaṃ upādinnaṃ, taṃ atthi cakkhusamphassassa ārammaṇaṃ, atthi cakkhusamphassassa nārammaṇaṃ. Yaṃ taṃ rūpaṃ anupādinnaṃ, taṃ atthi cakkhusamphassassa ārammaṇaṃ, atthi cakkhusamphassassa nārammaṇanti evamādayo sabbārammaṇabāhirāyatanādilabbhamānadukehi yojanāyaṃ catukkā labbhantīti sambandho. Avasesehīti ārammaṇabāhirāyatanarūpadhātudukādito labbhamānadukehīti vuttadukarāsito avasesehi. Tesanti upādinnaupādinnupādāniyacittasamuṭṭhānadukānaṃ. Aññesanti upādinnadukādito aññesaṃ upādādukādīnaṃ. Vatthudukādīhīti ādi-saddena cakkhāyatanadukādayo saṅgaṇhāti. Etthāpi avasesehi tesaṃ aññesañca yojanāya catukkā na labbhantīti sambandho.
жад̇уб̣б̣ид̇хаад̣̇ируубасан̇г̇ахаван̣н̣анаа нидтид̇аа.
Catubbidhādirūpasaṅgahavaṇṇanā niṭṭhitā.
уд̣̇д̣̇зсаван̣н̣анаа нидтид̇аа.
Uddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / маад̇игаа • Mātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / жад̇уб̣б̣ид̇хаад̣̇ируубасан̇г̇ахаа • Catubbidhādirūpasaṅgahā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / жад̇уб̣б̣ид̇хаад̣̇ируубасан̇г̇ахаван̣н̣анаа • Catubbidhādirūpasaṅgahavaṇṇanā
