| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣੀ-ਮੂਲਟੀਕਾ • Dhammasaṅgaṇī-mūlaṭīkā |
ਚਤੁਬ੍ਬਿਧਾਦਿਰੂਪਸਙ੍ਗਹવਣ੍ਣਨਾ
Catubbidhādirūpasaṅgahavaṇṇanā
੫੮੬. ਚਤੁਕ੍ਕੇਸੁ ਏਕਨ੍ਤਚਿਤ੍ਤਸਮੁਟ੍ਠਾਨਸ੍ਸ વਿਞ੍ਞਤ੍ਤਿਦ੍વਯਭਾવਤੋ વਿਞ੍ਞਤ੍ਤਿਦੁਕਾਦੀਹਿ ਸਮਾਨਗਤਿਕੋ ਚਿਤ੍ਤਸਮੁਟ੍ਠਾਨਦੁਕੋਤਿ ਤੇਨ ਸਹ ਉਪਾਦਾਦੁਕਸ੍ਸ ਯੋਜਨਾਯ ਲਬ੍ਭਮਾਨੋਪਿ ਚਤੁਕ੍ਕੋ ਨ વੁਤ੍ਤੋ, ਤਥਾ ਸਨਿਦਸ੍ਸਨਦੁਕਾਦੀਨਂ ਤੇਨ ਤਸ੍ਸ ਚ ਓਲ਼ਾਰਿਕਦੂਰਦੁਕੇਹਿ ਯੋਜਨਾਯ ਲਬ੍ਭਮਾਨਾ ਨ વੁਤ੍ਤਾ, ਧਮ੍ਮਾਨਂ વਾ ਸਭਾવਕਿਚ੍ਚਾਨਿ ਬੋਧੇਤਬ੍ਬਾਕਾਰਞ੍ਚ ਯਾਥਾવਤੋ ਜਾਨਨ੍ਤੇਨ ਭਗવਤਾ ਤੇਨ ਅਞ੍ਞੇਸਂ ਤਸ੍ਸ ਚ ਅਞ੍ਞੇਹਿ ਯੋਜਨਾ ਨ ਕਤਾਤਿ ਕਿਂ ਏਤ੍ਥ ਕਾਰਣਪਰਿਯੇਸਨਾਯ, ਅਦ੍ਧਾ ਸਾ ਯੋਜਨਾ ਨ ਕਾਤਬ੍ਬਾ, ਯਤੋ ਭਗવਤਾ ਨ ਕਤਾਤਿ વੇਦਿਤਬ੍ਬਾ। ਅਞ੍ਞੇ ਪਨ ਪਕਿਣ੍ਣਕਦੁਕਾ ਅਞ੍ਞੇਹਿ ਪਕਿਣ੍ਣਕਦੁਕੇਹਿ ਯੋਜੇਤੁਂ ਯੁਤ੍ਤਾ, ਤੇਹਿ ਯੋਜਿਤਾ ਏવ। વਤ੍ਥੁਦੁਕਾਦੀਸੁ ਪਨ ਸੋਤਸਮ੍ਫਸ੍ਸਾਰਮ੍ਮਣਦੁਕਾਦਯੋ વਜ੍ਜੇਤ੍વਾ ਅਞ੍ਞੇਹਿ ਆਰਮ੍ਮਣਬਾਹਿਰਾਯਤਨਾਦਿਲਬ੍ਭਮਾਨਦੁਕੇਹਿ ਉਪਾਦਿਨ੍ਨਕਦੁਕਸ੍ਸ ਉਪਾਦਿਨ੍ਨੁਪਾਦਾਨਿਯਦੁਕਸ੍ਸ ਚ ਯੋਜਨਾਯ ਚਤੁਕ੍ਕਾ ਲਬ੍ਭਨ੍ਤਿ, ਚਿਤ੍ਤਸਮੁਟ੍ਠਾਨਦੁਕਸ੍ਸ ਚ ਸਬ੍ਬਾਰਮ੍ਮਣਬਾਹਿਰਾਯਤਨਾਦਿਲਬ੍ਭਮਾਨਦੁਕੇਹਿ। ਅવਸੇਸੇਹਿ ਪਨ ਤੇਸਂ ਅਞ੍ਞੇਸਞ੍ਚ ਸਬ੍ਬવਤ੍ਥੁਦੁਕਾਦੀਹਿ ਯੋਜਨਾਯ ਨ ਲਬ੍ਭਨ੍ਤੀਤਿ વੇਦਿਤਬ੍ਬਾ।
586. Catukkesu ekantacittasamuṭṭhānassa viññattidvayabhāvato viññattidukādīhi samānagatiko cittasamuṭṭhānadukoti tena saha upādādukassa yojanāya labbhamānopi catukko na vutto, tathā sanidassanadukādīnaṃ tena tassa ca oḷārikadūradukehi yojanāya labbhamānā na vuttā, dhammānaṃ vā sabhāvakiccāni bodhetabbākārañca yāthāvato jānantena bhagavatā tena aññesaṃ tassa ca aññehi yojanā na katāti kiṃ ettha kāraṇapariyesanāya, addhā sā yojanā na kātabbā, yato bhagavatā na katāti veditabbā. Aññe pana pakiṇṇakadukā aññehi pakiṇṇakadukehi yojetuṃ yuttā, tehi yojitā eva. Vatthudukādīsu pana sotasamphassārammaṇadukādayo vajjetvā aññehi ārammaṇabāhirāyatanādilabbhamānadukehi upādinnakadukassa upādinnupādāniyadukassa ca yojanāya catukkā labbhanti, cittasamuṭṭhānadukassa ca sabbārammaṇabāhirāyatanādilabbhamānadukehi. Avasesehi pana tesaṃ aññesañca sabbavatthudukādīhi yojanāya na labbhantīti veditabbā.
ਉਦ੍ਦੇਸવਣ੍ਣਨਾ ਨਿਟ੍ਠਿਤਾ।
Uddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਮਾਤਿਕਾ • Mātikā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā / ਚਤੁਬ੍ਬਿਧਾਦਿਰੂਪਸਙ੍ਗਹਾ • Catubbidhādirūpasaṅgahā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਅਨੁਟੀਕਾ • Dhammasaṅgaṇī-anuṭīkā / ਚਤੁਬ੍ਬਿਧਾਦਿਰੂਪਸਙ੍ਗਹવਣ੍ਣਨਾ • Catubbidhādirūpasaṅgahavaṇṇanā
