| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
жад̇уб̣б̣ид̇хавинаяагат̇ааван̣н̣анаа
Catubbidhavinayakathāvaṇṇanā
45. нийхарид̇ваад̇и саасанад̇о нийхарид̇ваа. д̇ат̇аа хи ‘‘бан̃жахубаали ан̇г̇зхи саманнааг̇ад̇зна бхигкунаа наануяун̃ж̇ид̇аб̣б̣ам̣. гад̇амзхи бан̃жахи? суд̇д̇ам̣ на ж̇аанаад̇и, суд̇д̇аануломам̣ на ж̇аанаад̇ий’’д̇и (бари. 442) звамаад̣̇ибарияад̇д̇исаасанад̇о суд̇д̇ам̣ суд̇д̇аануломан̃жа нийхарид̇ваа багаасзсум̣, ‘‘анаабад̇д̇и звам̣ амхаагам̣ аажарияаанам̣ уг̇г̇ахо барибужчаад̇и г̇ан̣хаад̇ий’’д̇и звамаад̣̇ибарияад̇д̇исаасанад̇о аажарияаваад̣̇ам̣ нийхарид̇ваа багаасзсум̣, бхааругажчагавад̇т̇усмим̣ (баараа. 78) ‘‘ааяасмаа убаали звамааха анаабад̇д̇и аавусо субинанд̇знаа’’д̇и звамаад̣̇ибарияад̇д̇исаасанад̇о зва ад̇д̇аномад̇им̣ нийхарид̇ваа багаасзсум̣. д̇ааяа хи ад̇д̇аномад̇ияаа т̇зро зд̇ад̣̇аг̇г̇адтаанам̣ лабхи.
45.Nīharitvāti sāsanato nīharitvā. Tathā hi ‘‘pañcahupāli aṅgehi samannāgatena bhikkhunā nānuyuñjitabbaṃ. Katamehi pañcahi? Suttaṃ na jānāti, suttānulomaṃ na jānātī’’ti (pari. 442) evamādipariyattisāsanato suttaṃ suttānulomañca nīharitvā pakāsesuṃ, ‘‘anāpatti evaṃ amhākaṃ ācariyānaṃ uggaho paripucchāti gaṇhātī’’ti evamādipariyattisāsanato ācariyavādaṃ nīharitvā pakāsesuṃ, bhārukacchakavatthusmiṃ (pārā. 78) ‘‘āyasmā upāli evamāha anāpatti āvuso supinantenā’’ti evamādipariyattisāsanato eva attanomatiṃ nīharitvā pakāsesuṃ. Tāya hi attanomatiyā thero etadaggaṭṭhānaṃ labhi.
вуд̇д̇анд̇и нааг̇асзнад̇т̇зрзна вуд̇д̇ам̣. баж̇ж̇ад̇з анзна ад̇т̇од̇и бад̣̇ам̣, бхаг̇авад̇аа ган̣таад̣̇иван̣н̣аббавад̇д̇идтаанам̣ аахажжа висзсзд̇ваа бхаасид̇ам̣ бад̣̇ам̣ аахажжабад̣̇ам̣, бхаг̇авад̇оязва важанам̣. д̇знааха ‘‘аахажжабад̣̇анд̇и суд̇д̇ам̣ ад̇хиббзд̇а’’нд̇и. ‘‘ид̣̇ам̣ габбад̇и, ид̣̇ам̣ на габбад̇ий’’д̇и звам̣ ависзсзд̇ваа ‘‘яам̣, бхигкавз, маяаа ‘ид̣̇ам̣ на габбад̇ий’д̇и аббадигкид̇д̇ам̣, д̇ан̃жз агаббияам̣ ануломзд̇и, габбияам̣ бадиб̣аахад̇и, д̇ам̣ во на габбад̇ий’’д̇иаад̣̇инаа (махаава. 305) вуд̇д̇ам̣ сааман̃н̃алагкан̣ам̣ ид̇ха ‘‘расо’’д̇и ад̇хиббзд̇анд̇и ааха ‘‘расод̇и суд̇д̇аанулома’’нд̇и. д̇хаммасан̇г̇аахагаббабхуд̇иаажарияабарамбарад̇о аанийд̇аа адтагат̇аад̇анд̇и ид̇ха ‘‘аажарияавам̣со’’д̇и ад̇хиббзд̇аад̇и ааха ‘‘аажарияавам̣сод̇и аажарияаваад̣̇о’’д̇и.
Vuttanti nāgasenattherena vuttaṃ. Pajjate anena atthoti padaṃ, bhagavatā kaṇṭhādivaṇṇappavattiṭṭhānaṃ āhacca visesetvā bhāsitaṃ padaṃ āhaccapadaṃ, bhagavatoyeva vacanaṃ. Tenāha ‘‘āhaccapadanti suttaṃ adhippeta’’nti. ‘‘Idaṃ kappati, idaṃ na kappatī’’ti evaṃ avisesetvā ‘‘yaṃ, bhikkhave, mayā ‘idaṃ na kappatī’ti appaṭikkhittaṃ, tañce akappiyaṃ anulometi, kappiyaṃ paṭibāhati, taṃ vo na kappatī’’tiādinā (mahāva. 305) vuttaṃ sāmaññalakkhaṇaṃ idha ‘‘raso’’ti adhippetanti āha ‘‘rasoti suttānuloma’’nti. Dhammasaṅgāhakappabhutiācariyaparamparato ānītā aṭṭhakathātanti idha ‘‘ācariyavaṃso’’ti adhippetāti āha ‘‘ācariyavaṃsoti ācariyavādo’’ti.
ид̇ха винаяавинижчаяасса ад̇хигад̇ад̇д̇аа д̇ад̣̇анужчавигамзва суд̇д̇ам̣ д̣̇ассзнд̇о ааха – ‘‘суд̇д̇ам̣ наама сагалз винаяабидагз баал̣ий’’д̇и. махаабад̣̇зсаад̇и махааогаасаа, маханд̇аани винаяасса бад̇идтаабанадтаанаани язсу бад̇идтаабид̇о винаяо винижчаяад̇и асанд̣̇зхад̇о. маханд̇аани ваа гааран̣аани махаабад̣̇зсаа, маханд̇аани винаяавинижчаяагааран̣аанийд̇и вуд̇д̇ам̣ ход̇и. ‘‘ад̇т̇ад̇о бана ‘яам̣, бхигкавз’д̇иаад̣̇инаа вуд̇д̇аа саад̇хиббааяаа баал̣иязва махаабад̣̇зсаа’’д̇и вад̣̇анд̇и. д̇знзвааха ‘‘яз бхаг̇авад̇аа звам̣ вуд̇д̇аа’’д̇иаад̣̇и. имз жа махаабад̣̇зсаа канд̇хагз ааг̇ад̇аа, д̇асмаа д̇зсам̣ винижчаяагат̇аа д̇ад̇т̇зва аави бхависсад̇ийд̇и ид̇ха на вужжад̇и. яад̣̇иби д̇ад̇т̇а д̇ад̇т̇а бхаг̇авад̇аа бавад̇д̇ид̇аа багин̣н̣агад̣̇зсанаава адтагат̇аа, саа бана д̇хаммасан̇г̇аахагзхи батамам̣ д̇ийн̣и бидагаани сан̇г̇ааяид̇ваа д̇асса ад̇т̇аван̣н̣анаануруубзнзва ваажанаамаг̇г̇ам̣ ааробид̇ад̇д̇аа ‘‘аажарияаваад̣̇о’’д̇и вужжад̇и аажарияаа вад̣̇анд̇и сам̣ван̣н̣знд̇и баал̣им̣ зд̇знаад̇и гад̇ваа. д̇знааха – ‘‘аажарияаваад̣̇о наама…бз… адтагат̇аад̇анд̇ий’’д̇и. д̇иссо сан̇г̇ийд̇ияо аарул̣хоязва жа б̣уд̣̇д̇хаважанасса ад̇т̇асам̣ван̣н̣анаабхууд̇о гат̇аамаг̇г̇о махаамахинд̣̇ад̇т̇зрзна д̇амб̣абан̣н̣ид̣̇ийбам̣ аабхад̇о, бажчаа д̇амб̣абан̣н̣иязхи махаат̇зрзхи сийхал̣абхаасааяа табид̇о нигааяанд̇аралад̣̇д̇хисан̇гарабарихаран̣ад̇т̇ам̣. гин̃жааби ад̇д̇аномад̇и суд̇д̇аад̣̇ийхи сам̣санд̣̇ид̇ваава баригаббийяад̇и, д̇ат̇ааби саа на суд̇д̇аад̣̇ийсу висзсад̇о нид̣̇д̣̇идтаад̇и ааха ‘‘суд̇д̇асуд̇д̇аануломааажарияаваад̣̇з мун̃жид̇ваа’’д̇и. ануб̣уд̣̇д̇хияаад̇и суд̇д̇аад̣̇ийниязва ануг̇ад̇аб̣уд̣̇д̇хияаа. наяаг̇г̇аахзнаад̇и суд̇д̇аад̣̇ид̇о лаб̣бхамаананаяаг̇г̇ахан̣зна.
Idha vinayavinicchayassa adhikatattā tadanucchavikameva suttaṃ dassento āha – ‘‘suttaṃ nāma sakale vinayapiṭake pāḷī’’ti. Mahāpadesāti mahāokāsā, mahantāni vinayassa patiṭṭhāpanaṭṭhānāni yesu patiṭṭhāpito vinayo vinicchayati asandehato. Mahantāni vā kāraṇāni mahāpadesā, mahantāni vinayavinicchayakāraṇānīti vuttaṃ hoti. ‘‘Atthato pana ‘yaṃ, bhikkhave’tiādinā vuttā sādhippāyā pāḷiyeva mahāpadesā’’ti vadanti. Tenevāha ‘‘ye bhagavatā evaṃ vuttā’’tiādi. Ime ca mahāpadesā khandhake āgatā, tasmā tesaṃ vinicchayakathā tattheva āvi bhavissatīti idha na vuccati. Yadipi tattha tattha bhagavatā pavattitā pakiṇṇakadesanāva aṭṭhakathā, sā pana dhammasaṅgāhakehi paṭhamaṃ tīṇi piṭakāni saṅgāyitvā tassa atthavaṇṇanānurūpeneva vācanāmaggaṃ āropitattā ‘‘ācariyavādo’’ti vuccati ācariyā vadanti saṃvaṇṇenti pāḷiṃ etenāti katvā. Tenāha – ‘‘ācariyavādo nāma…pe… aṭṭhakathātantī’’ti. Tisso saṅgītiyo āruḷhoyeva ca buddhavacanassa atthasaṃvaṇṇanābhūto kathāmaggo mahāmahindattherena tambapaṇṇidīpaṃ ābhato, pacchā tambapaṇṇiyehi mahātherehi sīhaḷabhāsāya ṭhapito nikāyantaraladdhisaṅkarapariharaṇatthaṃ. Kiñcāpi attanomati suttādīhi saṃsanditvāva parikappīyati, tathāpi sā na suttādīsu visesato niddiṭṭhāti āha ‘‘suttasuttānulomaācariyavāde muñcitvā’’ti. Anubuddhiyāti suttādīniyeva anugatabuddhiyā. Nayaggāhenāti suttādito labbhamānanayaggahaṇena.
ад̇д̇аномад̇им̣ сааман̃н̃ад̇о батамам̣ д̣̇ассзд̇ваа ид̣̇аани д̇амзва висзсзд̇ваа д̣̇ассзнд̇о ‘‘абижаа’’д̇иаад̣̇имааха. ид̣̇аани д̇ад̇т̇а бадибаж̇ж̇ид̇аб̣б̣аагаарам̣ д̣̇ассзнд̇о ааха – ‘‘д̇ам̣ бана ад̇д̇аномад̇им̣ г̇ахзд̇ваа гат̇знд̇знаа’’д̇иаад̣̇и. ад̇т̇знаад̇и ад̇д̇анаа саллагкид̇зна ад̇т̇зна. аажарияаваад̣̇з од̇аарзд̇аб̣б̣аад̇и аажарияаваад̣̇з н̃аан̣зна ануббавзсзд̇аб̣б̣аа. саб̣б̣ад̣̇уб̣б̣алаад̇и буг̇г̇аласса саяам̣ бадибхаанабхаавад̇о. бамаад̣̇абаатавасзна аажарияаваад̣̇асса гад̣̇аажи суд̇д̇аануломзна асам̣санд̣̇анааби сияаа, со на г̇ахзд̇аб̣б̣од̇и д̣̇ассзнд̇о ааха – ‘‘аажарияаваад̣̇оби…бз… самзнд̇о зва г̇ахзд̇аб̣б̣о’’д̇и. самзнд̇амзва г̇ахзд̇аб̣б̣анд̇и яат̇аа суд̇д̇зна сам̣санд̣̇ад̇и, звам̣ махаабад̣̇зсад̇о ад̇т̇аа уд̣̇д̇харид̇аб̣б̣аад̇и д̣̇ассзд̇и. суд̇д̇аануломасса суд̇д̇згад̣̇зсад̇д̇зби суд̇д̇з вияа ‘‘ид̣̇ам̣ габбад̇и, ид̣̇ам̣ на габбад̇ий’’д̇и барижчинд̣̇ид̇ваа аахажжабхаасид̇ам̣ гин̃жи над̇т̇ийд̇и ааха – ‘‘суд̇д̇аануломад̇о хи суд̇д̇амзва б̣алавад̇ара’’нд̇и. аббадивад̇д̇ияанд̇и аббадиб̣аахияам̣. гаарагасан̇гхасад̣̇исанд̇и бамаан̣ад̇д̇аа сан̇г̇ийд̇игаарагасан̇гхасад̣̇исам̣. б̣уд̣̇д̇хаанам̣ тид̇агааласад̣̇исанд̇и иминаа б̣уд̣̇д̇хзхзва гат̇ид̇ад̇д̇аа д̇харамаанаб̣уд̣̇д̇хасад̣̇исанд̇и вуд̇д̇ам̣ ход̇и. суд̇д̇з хи бадиб̣аахид̇з б̣уд̣̇д̇хова бадиб̣аахид̇о ход̇и. сагаваад̣̇ий суд̇д̇ам̣ г̇ахзд̇ваа гат̇зд̇ийд̇и сагаваад̣̇ий ад̇д̇ано суд̇д̇ам̣ г̇ахзд̇ваа вохарад̇и. бараваад̣̇ий суд̇д̇аануломанд̇и ан̃н̃анигааяаваад̣̇ий ад̇д̇ано нигааяз суд̇д̇аануломам̣ г̇ахзд̇ваа гат̇зд̇и. кзбам̣ ваа г̇арахам̣ ваа агад̇ваад̇и ‘‘гим̣ иминаа’’д̇и кзбам̣ ваа ‘‘гимзса б̣аало вад̣̇ад̇ий’’д̇и г̇арахам̣ ваа агад̇ваа. суд̇д̇аануломанд̇и бараваад̣̇инаа вуд̇д̇ам̣ ан̃н̃анигааяз суд̇д̇аануломам̣. суд̇д̇з од̇аарзд̇аб̣б̣анд̇и сагаваад̣̇инаа ад̇д̇ано суд̇д̇з од̇аарзд̇аб̣б̣ам̣. суд̇д̇асмим̣язва таад̇аб̣б̣анд̇и ад̇д̇ано суд̇д̇зязва таад̇аб̣б̣ам̣. звам̣ сзсаваарзсуби ад̇т̇аяож̇анаа гаад̇аб̣б̣аа. аяанд̇и сагаваад̣̇ий. барод̇и ан̃н̃анигааяаваад̣̇ий. звам̣ сзсзсуби.
Attanomatiṃ sāmaññato paṭhamaṃ dassetvā idāni tameva visesetvā dassento ‘‘apicā’’tiādimāha. Idāni tattha paṭipajjitabbākāraṃ dassento āha – ‘‘taṃ pana attanomatiṃ gahetvā kathentenā’’tiādi. Atthenāti attanā sallakkhitena atthena. Ācariyavāde otāretabbāti ācariyavāde ñāṇena anuppavesetabbā. Sabbadubbalāti puggalassa sayaṃ paṭibhānabhāvato. Pamādapāṭhavasena ācariyavādassa kadāci suttānulomena asaṃsandanāpi siyā, so na gahetabboti dassento āha – ‘‘ācariyavādopi…pe… samento eva gahetabbo’’ti. Samentameva gahetabbanti yathā suttena saṃsandati, evaṃ mahāpadesato atthā uddharitabbāti dasseti. Suttānulomassa suttekadesattepi sutte viya ‘‘idaṃ kappati, idaṃ na kappatī’’ti paricchinditvā āhaccabhāsitaṃ kiñci natthīti āha – ‘‘suttānulomato hi suttameva balavatara’’nti. Appaṭivattiyanti appaṭibāhiyaṃ. Kārakasaṅghasadisanti pamāṇattā saṅgītikārakasaṅghasadisaṃ. Buddhānaṃ ṭhitakālasadisanti iminā buddheheva kathitattā dharamānabuddhasadisanti vuttaṃ hoti. Sutte hi paṭibāhite buddhova paṭibāhito hoti. Sakavādī suttaṃ gahetvā kathetīti sakavādī attano suttaṃ gahetvā voharati. Paravādī suttānulomanti aññanikāyavādī attano nikāye suttānulomaṃ gahetvā katheti. Khepaṃ vā garahaṃ vā akatvāti ‘‘kiṃ iminā’’ti khepaṃ vā ‘‘kimesa bālo vadatī’’ti garahaṃ vā akatvā. Suttānulomanti paravādinā vuttaṃ aññanikāye suttānulomaṃ. Sutte otāretabbanti sakavādinā attano sutte otāretabbaṃ. Suttasmiṃyeva ṭhātabbanti attano sutteyeva ṭhātabbaṃ. Evaṃ sesavāresupi atthayojanā kātabbā. Ayanti sakavādī. Paroti aññanikāyavādī. Evaṃ sesesupi.
нану жа ‘‘суд̇д̇аануломад̇о суд̇д̇амзва б̣алавад̇ара’’нд̇и хздтаа вуд̇д̇ам̣, ид̇ха бана ‘‘суд̇д̇аануломз суд̇д̇ам̣ од̇аарзд̇аб̣б̣а’’нд̇иаад̣̇и гасмаа вуд̇д̇анд̇и? нааяам̣ вирод̇хо. ‘‘суд̇д̇аануломад̇о суд̇д̇амзва б̣алавад̇ара’’нд̇и хи ид̣̇ам̣ сагамад̇зязва суд̇д̇ам̣ санд̇хааяа вуд̇д̇ам̣. д̇ад̇т̇а хи сагамад̇ибарияаабаннамзва суд̇д̇аад̣̇им̣ санд̇хааяа ‘‘ад̇д̇аномад̇и саб̣б̣ад̣̇уб̣б̣алаа, ад̇д̇аномад̇ид̇о аажарияаваад̣̇о б̣алавад̇аро, аажарияаваад̣̇ад̇о суд̇д̇аануломам̣ б̣алавад̇арам̣, суд̇д̇аануломад̇о суд̇д̇амзва б̣алавад̇ара’’нд̇и жа вуд̇д̇ам̣. ид̇ха бана бараваад̣̇инаа аанийд̇ам̣ ан̃н̃анигааяз суд̇д̇ам̣ санд̇хааяа ‘‘суд̇д̇аануломз суд̇д̇ам̣ од̇аарзд̇аб̣б̣а’’нд̇иаад̣̇и вуд̇д̇ам̣. д̇асмаа бараваад̣̇инаа аанийд̇ам̣ суд̇д̇аад̣̇им̣ ад̇д̇ано суд̇д̇аануломааажарияаваад̣̇аад̇д̇аномад̇ийсу од̇аарзд̇ваа самзнд̇ам̣язва г̇ахзд̇аб̣б̣ам̣, ид̇арам̣ на г̇ахзд̇аб̣б̣анд̇и аяам̣ наяо ид̇ха вужжад̇ийд̇и на гожи буб̣б̣аабаравирод̇хо.
Nanu ca ‘‘suttānulomato suttameva balavatara’’nti heṭṭhā vuttaṃ, idha pana ‘‘suttānulome suttaṃ otāretabba’’ntiādi kasmā vuttanti? Nāyaṃ virodho. ‘‘Suttānulomato suttameva balavatara’’nti hi idaṃ sakamateyeva suttaṃ sandhāya vuttaṃ. Tattha hi sakamatipariyāpannameva suttādiṃ sandhāya ‘‘attanomati sabbadubbalā, attanomatito ācariyavādo balavataro, ācariyavādato suttānulomaṃ balavataraṃ, suttānulomato suttameva balavatara’’nti ca vuttaṃ. Idha pana paravādinā ānītaṃ aññanikāye suttaṃ sandhāya ‘‘suttānulome suttaṃ otāretabba’’ntiādi vuttaṃ. Tasmā paravādinā ānītaṃ suttādiṃ attano suttānulomaācariyavādaattanomatīsu otāretvā samentaṃyeva gahetabbaṃ, itaraṃ na gahetabbanti ayaṃ nayo idha vuccatīti na koci pubbāparavirodho.
б̣аахирагасуд̇д̇анд̇и д̇иссо сан̇г̇ийд̇ияо анаарул̣хаг̇ул̣хавзссанд̇араад̣̇ийни махаасан̇гхиганигааяаваасийнам̣ суд̇д̇аани. взд̣̇аллаад̣̇ийнанд̇и аад̣̇и-сад̣̇д̣̇зна г̇ул̣хауммаг̇г̇аад̣̇иг̇г̇ахан̣ам̣ взд̣̇ид̇аб̣б̣ам̣, ид̇арам̣ г̇аараяхасуд̇д̇ам̣ на г̇ахзд̇аб̣б̣ам̣. ад̇д̇аномад̇ияамзва таад̇аб̣б̣анд̇и иминаа ан̃н̃анигааяад̇о аанийд̇асуд̇д̇ад̇оби саганигааяз ад̇д̇аномад̇иязва б̣алавад̇араад̇и д̣̇ассзд̇и. сагаваад̣̇ий суд̇д̇ам̣ г̇ахзд̇ваа гат̇зд̇и, бараваад̣̇ийби суд̇д̇амзваад̇извамаад̣̇инаа самаанаж̇аад̇игаанам̣ васзна вааро на вуд̇д̇о, суд̇д̇асса суд̇д̇зязва од̇ааран̣ам̣ бхиннам̣ вияа худ̇ваа на бан̃н̃ааяад̇и, вуд̇д̇анаязнзва жа саггаа яож̇зд̇унд̇и.
Bāhirakasuttanti tisso saṅgītiyo anāruḷhaguḷhavessantarādīni mahāsaṅghikanikāyavāsīnaṃ suttāni. Vedallādīnanti ādi-saddena guḷhaummaggādiggahaṇaṃ veditabbaṃ, itaraṃ gārayhasuttaṃ na gahetabbaṃ. Attanomatiyameva ṭhātabbanti iminā aññanikāyato ānītasuttatopi sakanikāye attanomatiyeva balavatarāti dasseti. Sakavādī suttaṃ gahetvā katheti, paravādīpi suttamevātievamādinā samānajātikānaṃ vasena vāro na vutto, suttassa sutteyeva otāraṇaṃ bhinnaṃ viya hutvā na paññāyati, vuttanayeneva ca sakkā yojetunti.
ид̣̇аани сагаваад̣̇ийбараваад̣̇ийнам̣ габбияаагаббияаад̣̇ибхаавам̣ санд̇хааяа виваад̣̇з уббаннз д̇ад̇т̇а бадибаж̇ж̇ид̇аб̣б̣авид̇хим̣ д̣̇ассзнд̇о ааха – ‘‘ат̇а банааяам̣ габбияанд̇и г̇ахзд̇ваа гат̇зд̇ий’’д̇иаад̣̇и. д̇ад̇т̇а суд̇д̇з жа суд̇д̇аануломз жа од̇аарзд̇аб̣б̣анд̇и сагаваад̣̇инаа ад̇д̇аноязва суд̇д̇з жа суд̇д̇аануломз жа од̇аарзд̇аб̣б̣ам̣. баро гааран̣ам̣ на винд̣̇ад̇ийд̇и бараваад̣̇ий гааран̣ам̣ на лабхад̇и. суд̇д̇ад̇о б̣ахум̣ гааран̣ан̃жа винижчаяан̃жа д̣̇ассзд̇ийд̇и бараваад̣̇ий ад̇д̇ано суд̇д̇ад̇о б̣ахум̣ гааран̣ам̣ винижчаяан̃жа аахарид̇ваа д̣̇ассзд̇и. саад̇хууд̇и самбадижчид̇ваа агаббиязва таад̇аб̣б̣анд̇и иминаа ад̇д̇ано нигааяз суд̇д̇аад̣̇ийни алабханд̇зна сагаваад̣̇инаа бараваад̣̇ийважанзязва таад̇аб̣б̣анд̇и вад̣̇ад̇и. д̣̇виннамби гааран̣ажчааяаа д̣̇иссад̇ийд̇и сагаваад̣̇ийбараваад̣̇ийнам̣ убхиннамби габбияаагаббияабхаавасаад̇хагам̣ гааран̣абад̇ируубагам̣ д̣̇иссад̇и. яад̣̇и д̣̇виннамби гааран̣ажчааяаа д̣̇иссад̇и, гасмаа ‘‘агаббиязва таад̇аб̣б̣а’’нд̇и ааха ‘‘винаяан̃хи бад̇ваа’’д̇иаад̣̇и. ‘‘винаяам̣ бад̇ваа’’д̇и вуд̇д̇амзвад̇т̇ам̣ баагадад̇арам̣ гад̇ваа д̣̇ассзнд̇о ааха ‘‘габбияаагаббияавижааран̣амааг̇аммаа’’д̇и. рунд̇хид̇аб̣б̣анд̇иаад̣̇ийсу д̣̇уб̣б̣ин̃н̃зяяавинижчаяз габбияаагаббияабхаавз сад̇и габбияанд̇и г̇ахан̣ам̣ рунд̇хид̇аб̣б̣ам̣, агаббияанд̇и г̇ахан̣ам̣ г̇аал̣хам̣ гаад̇аб̣б̣ам̣. абараабарам̣ бавад̇д̇агаббияаг̇ахан̣асод̇ам̣ бажчинд̣̇ид̇аб̣б̣ам̣, г̇аругабхаавасан̇каад̇з агаббияабхаавзязва таад̇аб̣б̣анд̇и ад̇т̇о.
Idāni sakavādīparavādīnaṃ kappiyākappiyādibhāvaṃ sandhāya vivāde uppanne tattha paṭipajjitabbavidhiṃ dassento āha – ‘‘atha panāyaṃ kappiyanti gahetvā kathetī’’tiādi. Tattha sutte ca suttānulome ca otāretabbanti sakavādinā attanoyeva sutte ca suttānulome ca otāretabbaṃ. Paro kāraṇaṃ na vindatīti paravādī kāraṇaṃ na labhati. Suttato bahuṃ kāraṇañca vinicchayañca dassetīti paravādī attano suttato bahuṃ kāraṇaṃ vinicchayañca āharitvā dasseti. Sādhūti sampaṭicchitvā akappiyeva ṭhātabbanti iminā attano nikāye suttādīni alabhantena sakavādinā paravādīvacaneyeva ṭhātabbanti vadati. Dvinnampi kāraṇacchāyā dissatīti sakavādīparavādīnaṃ ubhinnampi kappiyākappiyabhāvasādhakaṃ kāraṇapatirūpakaṃ dissati. Yadi dvinnampi kāraṇacchāyā dissati, kasmā ‘‘akappiyeva ṭhātabba’’nti āha ‘‘vinayañhi patvā’’tiādi. ‘‘Vinayaṃ patvā’’ti vuttamevatthaṃ pākaṭataraṃ katvā dassento āha ‘‘kappiyākappiyavicāraṇamāgammā’’ti. Rundhitabbantiādīsu dubbiññeyyavinicchaye kappiyākappiyabhāve sati kappiyanti gahaṇaṃ rundhitabbaṃ, akappiyanti gahaṇaṃ gāḷhaṃ kātabbaṃ. Aparāparaṃ pavattakappiyagahaṇasotaṃ pacchinditabbaṃ, garukabhāvasaṅkhāte akappiyabhāveyeva ṭhātabbanti attho.
б̣ахуухи суд̇д̇авинижчаяагааран̣зхийд̇и б̣ахуухи суд̇д̇зхи жзва д̇ад̇о аанийд̇авинижчаяагааран̣зхи жа. ад̇д̇ано г̇ахан̣ам̣ на виссаж̇ж̇зд̇аб̣б̣анд̇и сагаваад̣̇инаа ад̇д̇ано агаббияанд̇и г̇ахан̣ам̣ на виссаж̇ж̇зд̇аб̣б̣ам̣. ид̣̇аани вуд̇д̇амзвад̇т̇ам̣ ниг̇амзнд̇о ‘‘зва’’нд̇иаад̣̇имааха. д̇ад̇т̇а яод̇и сагаваад̣̇ийбараваад̣̇ийсу яо гожи. гзжи бана ‘‘сагаваад̣̇ийсуязва яо гожи ид̇хаад̇хиббзд̇о’’д̇и вад̣̇анд̇и, звам̣ санд̇з ‘‘ат̇а банааяам̣ габбияанд̇и г̇ахзд̇ваа гат̇зд̇ий’’д̇иаад̣̇ийсу саб̣б̣ад̇т̇а убхоби сагаваад̣̇иноязва сияум̣ хздтаа вуд̇д̇ассзва ниг̇аманавасзна ‘‘зва’’нд̇иаад̣̇ийнам̣ вуд̇д̇ад̇д̇аа, д̇асмаа д̇ам̣ на г̇ахзд̇аб̣б̣ам̣. ад̇ирзгагааран̣ам̣ лабхад̇ийд̇и зд̇т̇а суд̇д̇аад̣̇ийсу буримам̣ буримам̣ ад̇ирзгагааран̣ам̣ наама, яо ваа суд̇д̇аад̣̇ийсу жад̇уусу б̣ахуд̇арам̣ гааран̣ам̣ лабхад̇и, со ад̇ирзгагааран̣ам̣ лабхад̇и наама.
Bahūhi suttavinicchayakāraṇehīti bahūhi suttehi ceva tato ānītavinicchayakāraṇehi ca. Attano gahaṇaṃ na vissajjetabbanti sakavādinā attano akappiyanti gahaṇaṃ na vissajjetabbaṃ. Idāni vuttamevatthaṃ nigamento ‘‘eva’’ntiādimāha. Tattha yoti sakavādīparavādīsu yo koci. Keci pana ‘‘sakavādīsuyeva yo koci idhādhippeto’’ti vadanti, evaṃ sante ‘‘atha panāyaṃ kappiyanti gahetvā kathetī’’tiādīsu sabbattha ubhopi sakavādinoyeva siyuṃ heṭṭhā vuttasseva nigamanavasena ‘‘eva’’ntiādīnaṃ vuttattā, tasmā taṃ na gahetabbaṃ. Atirekakāraṇaṃ labhatīti ettha suttādīsu purimaṃ purimaṃ atirekakāraṇaṃ nāma, yo vā suttādīsu catūsu bahutaraṃ kāraṇaṃ labhati, so atirekakāraṇaṃ labhati nāma.
судту бавад̇д̇и зд̇ассаад̇и суббавад̇д̇и, судту бавад̇д̇ад̇и сийлзнаад̇и ваа суббавад̇д̇и. д̇знааха ‘‘суббавад̇д̇ийд̇и судту бавад̇д̇а’’нд̇и. ваажааяа уг̇г̇ад̇ам̣ ваажуг̇г̇ад̇ам̣, важасаа суг̇г̇ахид̇анд̇и вуд̇д̇ам̣ ход̇и. суд̇д̇ад̇од̇и имасса виваран̣ам̣ ‘‘баал̣ид̇о’’д̇и. зд̇т̇а жа ‘‘суд̇д̇ам̣ наама сагалам̣ винаяабидага’’нд̇и вуд̇д̇ад̇д̇аа баал̣ид̇од̇и д̇ад̣̇ад̇т̇ад̣̇ийбигаа ан̃н̃ааязва баал̣и взд̣̇ид̇аб̣б̣аа. ануб̣яан̃ж̇анасод̇и имасса виваран̣ам̣ ‘‘барибужчад̇о жа адтагат̇аад̇о жаа’’д̇и. баал̣им̣ ануг̇анд̇ваа ад̇т̇асса б̣яан̃ж̇анад̇о багаасанад̇о ануб̣яан̃ж̇ананд̇и хи барибужчаа адтагат̇аа жа вужжад̇и. зд̇т̇а жа адтагат̇ааяа висум̣ г̇ахид̇ад̇д̇аа барибужчаад̇и т̇зраваад̣̇о вуд̇д̇о. сан̇гхабхзд̣̇асса буб̣б̣абхааг̇з бавад̇д̇агалахассзд̇ам̣ ад̇хиважанам̣ сан̇гхарааж̇ийд̇и. гуггужжагод̇и ан̣умад̇д̇зсуби важ̇ж̇зсу бхаяад̣̇ассанавасзна гуггужжам̣ уббаад̣̇знд̇о. д̇анд̇им̣ ависам̣ваад̣̇зд̇ваад̇и баал̣им̣ ан̃н̃ат̇аа агад̇ваа. авоггаманд̇од̇и анад̇иггаманд̇о.
Suṭṭhu pavatti etassāti suppavatti, suṭṭhu pavattati sīlenāti vā suppavatti. Tenāha ‘‘suppavattīti suṭṭhu pavatta’’nti. Vācāya uggataṃ vācuggataṃ, vacasā suggahitanti vuttaṃ hoti. Suttatoti imassa vivaraṇaṃ ‘‘pāḷito’’ti. Ettha ca ‘‘suttaṃ nāma sakalaṃ vinayapiṭaka’’nti vuttattā pāḷitoti tadatthadīpikā aññāyeva pāḷi veditabbā. Anubyañjanasoti imassa vivaraṇaṃ ‘‘paripucchato ca aṭṭhakathāto cā’’ti. Pāḷiṃ anugantvā atthassa byañjanato pakāsanato anubyañjananti hi paripucchā aṭṭhakathā ca vuccati. Ettha ca aṭṭhakathāya visuṃ gahitattā paripucchāti theravādo vutto. Saṅghabhedassa pubbabhāge pavattakalahassetaṃ adhivacanaṃ saṅgharājīti. Kukkuccakoti aṇumattesupi vajjesu bhayadassanavasena kukkuccaṃ uppādento. Tantiṃ avisaṃvādetvāti pāḷiṃ aññathā akatvā. Avokkamantoti anatikkamanto.
вид̇т̇унад̇ийд̇и ад̇т̇ам̣ ад̣̇исваа нид̇т̇унад̇и. вибпанд̣̇ад̇ийд̇и гамбад̇и. санд̇идтид̇ум̣ на саггод̇ийд̇и згасмим̣язва ад̇т̇з бад̇идтаад̇ум̣ на саггод̇и. д̇знааха ‘‘яам̣ яам̣ барзна вужжад̇и, д̇ам̣ д̇ам̣ ануж̇аанаад̇ий’’д̇и. бараваад̣̇ам̣ г̇ан̣хаад̇ийд̇и ‘‘ужчумхи гасадам̣ яааваж̇ийвигам̣, расо сад̇д̇аахагаалиго, д̇ад̣̇убхаяавинимуд̇д̇о жа ужчу наама висум̣ над̇т̇и, д̇асмаа ужчуби вигаалз ваддад̇ий’’д̇и бараваад̣̇инаа вуд̇д̇з д̇амби г̇ан̣хаад̇и. згзгаломанд̇и балид̇ам̣ санд̇хааяа вуд̇д̇ам̣. яамхийд̇и яасмим̣ буг̇г̇алз. баригкаяам̣ барияаад̣̇аананд̇и ад̇т̇ад̇о згам̣.
Vitthunatīti atthaṃ adisvā nitthunati. Vipphandatīti kampati. Santiṭṭhituṃ na sakkotīti ekasmiṃyeva atthe patiṭṭhātuṃ na sakkoti. Tenāha ‘‘yaṃyaṃ parena vuccati, taṃ taṃ anujānātī’’ti. Paravādaṃ gaṇhātīti ‘‘ucchumhi kasaṭaṃ yāvajīvikaṃ, raso sattāhakāliko, tadubhayavinimutto ca ucchu nāma visuṃ natthi, tasmā ucchupi vikāle vaṭṭatī’’ti paravādinā vutte tampi gaṇhāti. Ekekalomanti palitaṃ sandhāya vuttaṃ. Yamhīti yasmiṃ puggale. Parikkhayaṃ pariyādānanti atthato ekaṃ.
аажарияабарамбараа ко банасса суг̇г̇ахид̇аа ход̇ийд̇и зд̇т̇а аажарияабарамбараад̇и аажарияаанам̣ винижчаяабарамбараа. д̇знзва вагкад̇и ‘‘яат̇аа аажарияо жа аажарияаажарияо жа баал̣ин̃жа барибужчан̃жа вад̣̇анд̇и, д̇ат̇аа н̃аад̇ум̣ ваддад̇ий’’д̇и. буб̣б̣аабараанусанд̇хид̇од̇и ‘‘ид̣̇ам̣ буб̣б̣аважанам̣, ид̣̇ам̣ бараважанам̣, аяаманусанд̇хий’’д̇и звам̣ буб̣б̣аабараанусанд̇хид̇о. аажарияабарамбаранд̇и имассзва взважанам̣ т̇зраваад̣̇ан̇г̇анд̇и, т̇зрабадибаадинд̇и ад̇т̇о. д̣̇вз д̇аяо бариваддаад̇и д̣̇вз д̇иссо барамбараа.
Ācariyaparamparā kho panassa suggahitā hotīti ettha ācariyaparamparāti ācariyānaṃ vinicchayaparamparā. Teneva vakkhati ‘‘yathā ācariyo ca ācariyācariyo ca pāḷiñca paripucchañca vadanti, tathā ñātuṃ vaṭṭatī’’ti. Pubbāparānusandhitoti ‘‘idaṃ pubbavacanaṃ, idaṃ paravacanaṃ, ayamanusandhī’’ti evaṃ pubbāparānusandhito. Ācariyaparamparanti imasseva vevacanaṃ theravādaṅganti, therapaṭipāṭinti attho. Dve tayo parivaṭṭāti dve tisso paramparā.
имзхи жа бана д̇ийхи лагкан̣зхийд̇и ‘‘суд̇д̇амасса свааг̇ад̇ам̣ ход̇ий’’д̇иаад̣̇инаа хздтаа вуд̇д̇зхи д̇ийхи лагкан̣зхи. зд̇т̇а жа батамзна лагкан̣зна винаяасса судту уг̇г̇ахид̇абхааво вуд̇д̇о, д̣̇уд̇иязна уг̇г̇ахид̇зна ажалад̇аа суббад̇идтид̇ад̇аа вуд̇д̇аа, д̇ад̇иязна яам̣ баал̣ияаа адтагат̇ааяа жа над̇т̇и, д̇амби аажарияаважанзна винижчинид̇ум̣ самад̇т̇ад̇аа вуд̇д̇аа. од̇ин̣н̣з вад̇т̇усминд̇и жод̣̇анаасан̇каад̇з вийд̇иггамасан̇каад̇з ваа вад̇т̇усмим̣ сан̇гхамаж̇жхз од̇ин̣н̣з, осадзд̇и ад̇т̇о. вуд̇д̇амзва вибхаавзнд̇о ‘‘жод̣̇агзна жа жуд̣̇ид̇агзна жа вуд̇д̇з вад̇д̇аб̣б̣з’’д̇и ааха. гзжи бана ‘‘жод̣̇агзна од̇ин̣н̣з вад̇т̇усмим̣ жуд̣̇ид̇агзна жа вуд̇д̇з вад̇д̇аб̣б̣з’’д̇и звам̣ яож̇знд̇и. абарз бана ‘‘жод̣̇агзна жа жуд̣̇ид̇агзна жа вуд̇д̇з винаяад̇харзна жа вад̇д̇аб̣б̣з’’д̇и звамби яож̇знд̇и. ‘‘жод̣̇агзна жа жуд̣̇ид̇агзна жа вуд̇д̇з вад̇д̇аб̣б̣з’’д̇и аяамзва бана яож̇анаа сунд̣̇арад̇араад̇и взд̣̇ид̇аб̣б̣аа. вад̇т̇у ологзд̇аб̣б̣анд̇и д̇асса д̇асса сигкаабад̣̇асса вад̇т̇у ологзд̇аб̣б̣ам̣. ‘‘д̇ин̣зна ваа бан̣н̣зна ваа…бз… яо ааг̇ажчзяяа, аабад̇д̇и д̣̇уггадассаа’’д̇и (баараа. 517) хи ид̣̇ам̣ ниссаг̇г̇ияз ан̃н̃аад̇агавин̃н̃ад̇д̇исигкаабад̣̇асса вад̇т̇усмим̣ бан̃н̃ад̇д̇ам̣, т̇уллажжаяад̣̇уб̣бхаасид̇аабад̇д̇ийнам̣ маад̇игааяа анааг̇ад̇ад̇д̇аа ‘‘бан̃жаннам̣ аабад̇д̇ийнам̣ ан̃н̃ад̇ара’’нд̇и вуд̇д̇ам̣. ан̃н̃ад̇арам̣ ваа аабад̇д̇инд̇и ‘‘гаалз вигааласан̃н̃ий аабад̇д̇и д̣̇уггадасса, гаалз взмад̇иго аабад̇д̇и д̣̇уггадассаа’’д̇и звамаад̣̇инаа (баажи. 250) ааг̇ад̇ам̣ д̣̇уггадам̣ санд̇хааяа вуд̇д̇ам̣. сигкаабад̣̇анд̇арзсууд̇и винийд̇авад̇т̇ум̣ анд̇огад̇ваа згзгасмим̣ сигкаабад̣̇анд̇арз.
Imehi ca pana tīhi lakkhaṇehīti ‘‘suttamassa svāgataṃ hotī’’tiādinā heṭṭhā vuttehi tīhi lakkhaṇehi. Ettha ca paṭhamena lakkhaṇena vinayassa suṭṭhu uggahitabhāvo vutto, dutiyena uggahitena acalatā suppatiṭṭhitatā vuttā, tatiyena yaṃ pāḷiyā aṭṭhakathāya ca natthi, tampi ācariyavacanena vinicchinituṃ samatthatā vuttā. Otiṇṇe vatthusminti codanāsaṅkhāte vītikkamasaṅkhāte vā vatthusmiṃ saṅghamajjhe otiṇṇe, osaṭeti attho. Vuttameva vibhāvento ‘‘codakena ca cuditakena ca vutte vattabbe’’ti āha. Keci pana ‘‘codakena otiṇṇe vatthusmiṃ cuditakena ca vutte vattabbe’’ti evaṃ yojenti. Apare pana ‘‘codakena ca cuditakena ca vutte vinayadharena ca vattabbe’’ti evampi yojenti. ‘‘Codakena ca cuditakena ca vutte vattabbe’’ti ayameva pana yojanā sundaratarāti veditabbā. Vatthu oloketabbanti tassa tassa sikkhāpadassa vatthu oloketabbaṃ. ‘‘Tiṇena vā paṇṇena vā…pe… yo āgaccheyya, āpatti dukkaṭassā’’ti (pārā. 517) hi idaṃ nissaggiye aññātakaviññattisikkhāpadassa vatthusmiṃ paññattaṃ, thullaccayadubbhāsitāpattīnaṃ mātikāya anāgatattā ‘‘pañcannaṃ āpattīnaṃ aññatara’’nti vuttaṃ. Aññataraṃ vā āpattinti ‘‘kāle vikālasaññī āpatti dukkaṭassa, kāle vematiko āpatti dukkaṭassā’’ti evamādinā (pāci. 250) āgataṃ dukkaṭaṃ sandhāya vuttaṃ. Sikkhāpadantaresūti vinītavatthuṃ antokatvā ekekasmiṃ sikkhāpadantare.
сукумаад̇и ад̇д̇аноби д̣̇увин̃н̃зяяасабхаавасса лахубаривад̇д̇ино жид̇д̇асса сийгхабаривад̇д̇ид̇ааяа вуд̇д̇ам̣. д̇знааха ‘‘жид̇д̇алахугаа’’д̇и. жид̇д̇ам̣ лаху сийгхабаривад̇д̇и зд̇зсанд̇и жид̇д̇алахугаа. д̇зд̇и д̇з вийд̇иггамз. д̇ам̣вад̇т̇уганд̇и д̇з ад̣̇иннаад̣̇аанамануссавиг̇г̇ахавийд̇иггамаа вад̇т̇у ад̇хидтаанам̣ гааран̣амзд̇ассаад̇и д̇ам̣вад̇т̇угам̣. сийлаани сод̇хзд̇ваад̇и яам̣вад̇т̇угам̣ гуггужжам̣ уббаннам̣, д̇ам̣ аманасигарид̇ваа авасзсасийлаани сод̇хзд̇ваа. баагадабхаавад̇о сукавал̣ан̃ж̇анад̇ааяа жа ‘‘д̣̇вад̇д̇им̣саагаарам̣ д̇аава манаси гарохий’’д̇и вуд̇д̇ам̣. ан̃н̃асмим̣ бана гаммадтаанз гад̇абарижаязна д̇ад̣̇зва манаси гаад̇аб̣б̣ам̣. гаммадтаанам̣ гхадаяад̇ийд̇и анд̇аранд̇араа кан̣д̣ам̣ ад̣̇ассзд̇ваа жид̇д̇зна сад̣̇д̇хим̣ ааламб̣анабхаавзна жирагаалам̣ гхадаяад̇и. сан̇каараа баагадаа худ̇ваа убадтаханд̇ийд̇и вибассанаагаммадтааниго жз, д̇асса сан̇каараа баагадаа худ̇ваа убадтаханд̇и. сажз гад̇абаарааж̇игавийд̇иггамо бхавзяяа, д̇асса сад̇иби асарид̇угаамад̇ааяа виббадисааравад̇т̇увасзна бунаббунам̣ д̇ам̣ убадтахад̇ийд̇и жид̇д̇згаг̇г̇ад̇ам̣ на винд̣̇ад̇и. д̇зна вуд̇д̇ам̣ ‘‘гаммадтаанам̣ на гхадаяад̇ий’’д̇иаад̣̇и. ад̇д̇анаа ж̇аанаад̇ийд̇и саяамзва ж̇аанаад̇и. бажжад̇д̇з жзд̇ам̣ гаран̣аважанам̣, ад̇д̇аа ж̇аанаад̇ийд̇и вуд̇д̇ам̣ ход̇и. ан̃н̃аа жа д̣̇звад̇аа ж̇аананд̇ийд̇и аарагкад̣̇звад̇аахи ан̃н̃аа баражид̇д̇авид̣̇унияо д̣̇звад̇аа жа ж̇аананд̇и.
Sukhumāti attanopi duviññeyyasabhāvassa lahuparivattino cittassa sīghaparivattitāya vuttaṃ. Tenāha ‘‘cittalahukā’’ti. Cittaṃ lahu sīghaparivatti etesanti cittalahukā. Teti te vītikkame. Taṃvatthukanti te adinnādānamanussaviggahavītikkamā vatthu adhiṭṭhānaṃ kāraṇametassāti taṃvatthukaṃ. Sīlāni sodhetvāti yaṃvatthukaṃ kukkuccaṃ uppannaṃ, taṃ amanasikaritvā avasesasīlāni sodhetvā. Pākaṭabhāvato sukhavaḷañjanatāya ca ‘‘dvattiṃsākāraṃ tāva manasi karohī’’ti vuttaṃ. Aññasmiṃ pana kammaṭṭhāne kataparicayena tadeva manasi kātabbaṃ. Kammaṭṭhānaṃ ghaṭayatīti antarantarā khaṇḍaṃ adassetvā cittena saddhiṃ ālambanabhāvena cirakālaṃ ghaṭayati. Saṅkhārā pākaṭā hutvā upaṭṭhahantīti vipassanākammaṭṭhāniko ce, tassa saṅkhārā pākaṭā hutvā upaṭṭhahanti. Sace katapārājikavītikkamo bhaveyya, tassa satipi asaritukāmatāya vippaṭisāravatthuvasena punappunaṃ taṃ upaṭṭhahatīti cittekaggataṃ na vindati. Tena vuttaṃ ‘‘kammaṭṭhānaṃ na ghaṭayatī’’tiādi. Attanā jānātīti sayameva jānāti. Paccatte cetaṃ karaṇavacanaṃ, attā jānātīti vuttaṃ hoti. Aññā ca devatā jānantīti ārakkhadevatāhi aññā paracittaviduniyo devatā ca jānanti.
нидтид̇аа жад̇уб̣б̣ид̇хавинаяагат̇ааван̣н̣анаа
Niṭṭhitā catubbidhavinayakathāvaṇṇanā
винаяад̇харасса жа лагкан̣аад̣̇игат̇ааван̣н̣анаа.
Vinayadharassa ca lakkhaṇādikathāvaṇṇanā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жад̇уб̣б̣ид̇хавинаяагат̇ааван̣н̣анаа • Catubbidhavinayakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жад̇уб̣б̣ид̇хавинаяаад̣̇игат̇ааван̣н̣анаа • Catubbidhavinayādikathāvaṇṇanā
