| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
жад̇уб̣б̣ид̇хавинаяагат̇ааван̣н̣анаа
Catubbidhavinayakathāvaṇṇanā
45. нийхарид̇ваад̇и зд̇т̇а саасанад̇о нийхарид̇ваад̇и ад̇т̇о. ‘‘бан̃жахубаали, ан̇г̇зхи саманнааг̇ад̇зна бхигкунаа наануяун̃ж̇ид̇аб̣б̣ам̣. гад̇амзхи бан̃жахи? суд̇д̇ам̣ на ж̇аанаад̇и, суд̇д̇аануломам̣ на ж̇аанаад̇ий’’д̇и (бари. 442) звамаад̣̇ид̇о хи барияад̇д̇исаасанад̇о суд̇д̇ам̣, суд̇д̇аануломан̃жа нийхарид̇ваа багаасзсум̣. ‘‘анаабад̇д̇и звам̣ амхаагам̣ аажарияаанам̣ уг̇г̇ахо барибужчаад̇и бхан̣ад̇ий’’д̇и звамаад̣̇ид̇о барияад̇д̇исаасанад̇о аажарияаваад̣̇ам̣ нийхарид̇ваа багаасзсум̣. бхааругажчагавад̇т̇усмим̣ ‘‘ааяасмаа убаали звамааха – анаабад̇д̇и, аавусо, субинанд̇знаа’’д̇и (баараа. 78) звамаад̣̇ид̇о барияад̇д̇исаасанад̇о зва ад̇д̇аномад̇им̣ нийхарид̇ваа багаасзсум̣. д̇ааяа хи ад̇д̇аномад̇ияаа т̇зро зд̇ад̣̇аг̇г̇адтаанам̣ лабхи. аби жа вуд̇д̇ан̃хзд̇ам̣ бхаг̇авад̇аа ‘‘анубасамбаннзна бан̃н̃ад̇д̇зна ваа абан̃н̃ад̇д̇зна ваа вужжамаано…бз… анаад̣̇арияам̣ гарод̇и, аабад̇д̇и д̣̇уггадассаа’’д̇и (баажи. 343). д̇ад̇т̇а хи бан̃н̃ад̇д̇ам̣ наама суд̇д̇ам̣. сзсад̇д̇аяам̣ абан̃н̃ад̇д̇ам̣ наама. д̇знааяам̣ ‘‘жад̇уб̣б̣ид̇хан̃хи винаяам̣, махаат̇зраа’’д̇и г̇аат̇аа сувуд̇д̇аа. яам̣ санд̇хааяа вуд̇д̇ам̣ нааг̇асзнад̇т̇зрзна. аахажжабад̣̇знаад̇и адта ван̣н̣адтаанаани аахажжа вуд̇д̇зна бад̣̇анигааязнаад̇и ад̇т̇о, уд̣̇аахадзна ган̣тогганд̇зна бад̣̇асамуухзнаад̇и ад̇хиббааяо. расзнаад̇и д̇асса аахажжабхаасид̇асса расзна, д̇ад̇о уд̣̇д̇хадзна винижчаязнаад̇и ад̇т̇о. суд̇д̇ажчааяаа вияа хи суд̇д̇аануломам̣. аажарияаваад̣̇о ‘‘аажарияавам̣со’’д̇и вуд̇д̇о баал̣ияам̣ вуд̇д̇аанам̣ аажарияаанам̣ барамбарааяа аабхад̇ова бамаан̣анд̇и д̣̇ассанад̇т̇ам̣. ад̇хиббааяод̇и гааран̣обабад̇д̇исид̣̇д̇хо ухаабоханаяаббавад̇д̇о бажжагкаад̣̇ибамаан̣абад̇ируубаго. ад̇хиббааяод̇и зд̇т̇а ‘‘ад̇д̇аномад̇ий’’д̇и гзжи ад̇т̇ам̣ вад̣̇анд̇и.
45.Nīharitvāti ettha sāsanato nīharitvāti attho. ‘‘Pañcahupāli, aṅgehi samannāgatena bhikkhunā nānuyuñjitabbaṃ. Katamehi pañcahi? Suttaṃ na jānāti, suttānulomaṃ na jānātī’’ti (pari. 442) evamādito hi pariyattisāsanato suttaṃ, suttānulomañca nīharitvā pakāsesuṃ. ‘‘Anāpatti evaṃ amhākaṃ ācariyānaṃ uggaho paripucchāti bhaṇatī’’ti evamādito pariyattisāsanato ācariyavādaṃ nīharitvā pakāsesuṃ. Bhārukacchakavatthusmiṃ ‘‘āyasmā upāli evamāha – anāpatti, āvuso, supinantenā’’ti (pārā. 78) evamādito pariyattisāsanato eva attanomatiṃ nīharitvā pakāsesuṃ. Tāya hi attanomatiyā thero etadaggaṭṭhānaṃ labhi. Api ca vuttañhetaṃ bhagavatā ‘‘anupasampannena paññattena vā apaññattena vā vuccamāno…pe… anādariyaṃ karoti, āpatti dukkaṭassā’’ti (pāci. 343). Tattha hi paññattaṃ nāma suttaṃ. Sesattayaṃ apaññattaṃ nāma. Tenāyaṃ ‘‘catubbidhañhi vinayaṃ, mahātherā’’ti gāthā suvuttā. Yaṃ sandhāya vuttaṃ nāgasenattherena. Āhaccapadenāti aṭṭha vaṇṇaṭṭhānāni āhacca vuttena padanikāyenāti attho, udāhaṭena kaṇṭhokkantena padasamūhenāti adhippāyo. Rasenāti tassa āhaccabhāsitassa rasena, tato uddhaṭena vinicchayenāti attho. Suttacchāyā viya hi suttānulomaṃ. Ācariyavādo ‘‘ācariyavaṃso’’ti vutto pāḷiyaṃ vuttānaṃ ācariyānaṃ paramparāya ābhatova pamāṇanti dassanatthaṃ. Adhippāyoti kāraṇopapattisiddho uhāpohanayappavatto paccakkhādipamāṇapatirūpako. Adhippāyoti ettha ‘‘attanomatī’’ti keci atthaṃ vadanti.
бариваарадтагат̇ааяам̣ , ид̇ха жа гин̃жааби ‘‘суд̇д̇аануломам̣ наама жад̇д̇ааро махаабад̣̇зсаа’’д̇и вуд̇д̇ам̣, ат̇а ко махаабад̣̇зсанаяасид̣̇д̇хам̣ бадигкид̇д̇аабадигкид̇д̇ам̣ анун̃н̃аад̇аананун̃н̃аад̇ам̣ габбияаагаббияанд̇и ад̇т̇ад̇о вуд̇д̇ам̣ ход̇и. д̇ад̇т̇а яасмаа таанам̣ огаасо бад̣̇зсод̇и гааран̣авзважанаани ‘‘адтаанамзд̇ам̣, аананд̣̇а, анавагаасо’’д̇иаад̣̇и (баараа. 43) саасанад̇о, ‘‘ниг̇г̇ахадтаана’’нд̇и жа ‘‘асанд̣̇идтидтаана’’нд̇и жа ‘‘асанд̣̇идти жа бана бад̣̇зсо’’д̇и жа логад̇о, д̇асмаа махаабад̣̇зсаад̇и махаагааран̣аанийд̇и ад̇т̇о. гааран̣ам̣ наама н̃аабаго хзд̇у ид̇хаад̇хиббзд̇ам̣. маханд̇абхааво бана д̇зсам̣ махаависаяад̇д̇аа махаабхууд̇аанам̣ вияа. д̇з д̣̇увид̇хаа винаяамахаабад̣̇зсаа суд̇д̇анд̇игамахаабад̣̇зсаа жаад̇и. д̇ад̇т̇а винаяамахаабад̣̇зсаа винаяз баяог̇ам̣ г̇ажчанд̇и, ид̇арз убхаяад̇т̇ааби, д̇знзва бариваарз ануяог̇авад̇д̇з ‘‘д̇хаммам̣ на ж̇аанаад̇и, д̇хаммаануломам̣ на ж̇аанаад̇ий’’д̇и (бари. 442) вуд̇д̇ам̣. д̇ад̇т̇а д̇хамманд̇и табзд̇ваа винаяабидагам̣ авасзсабидагад̣̇ваяам̣. д̇хаммаануломанд̇и суд̇д̇анд̇игз жад̇д̇ааро махаабад̣̇зсз. д̇ад̇т̇а яо д̇хаммам̣ д̇хаммаануломан̃жзва ж̇аанаад̇и, на винаяам̣ винаяаануломан̃жа, со ‘‘д̇хаммам̣ рагкаамий’’д̇и винаяам̣ уб̣б̣инаяам̣ гарод̇и, ид̇аро ‘‘винаяам̣ рагкаамий’’д̇и д̇хаммам̣ уд̣̇д̇хаммам̣ гарод̇и, убхаяам̣ ж̇аананд̇о убхаяамби самбаад̣̇зд̇и.
Parivāraṭṭhakathāyaṃ, idha ca kiñcāpi ‘‘suttānulomaṃ nāma cattāro mahāpadesā’’ti vuttaṃ, atha kho mahāpadesanayasiddhaṃ paṭikkhittāpaṭikkhittaṃ anuññātānanuññātaṃ kappiyākappiyanti atthato vuttaṃ hoti. Tattha yasmā ṭhānaṃ okāso padesoti kāraṇavevacanāni ‘‘aṭṭhānametaṃ, ānanda, anavakāso’’tiādi (pārā. 43) sāsanato, ‘‘niggahaṭṭhāna’’nti ca ‘‘asandiṭṭhiṭṭhāna’’nti ca ‘‘asandiṭṭhi ca pana padeso’’ti ca lokato, tasmā mahāpadesāti mahākāraṇānīti attho. Kāraṇaṃ nāma ñāpako hetu idhādhippetaṃ. Mahantabhāvo pana tesaṃ mahāvisayattā mahābhūtānaṃ viya. Te duvidhā vinayamahāpadesā suttantikamahāpadesā cāti. Tattha vinayamahāpadesā vinaye payogaṃ gacchanti, itare ubhayatthāpi, teneva parivāre anuyogavatte ‘‘dhammaṃ na jānāti, dhammānulomaṃ na jānātī’’ti (pari. 442) vuttaṃ. Tattha dhammanti ṭhapetvā vinayapiṭakaṃ avasesapiṭakadvayaṃ. Dhammānulomanti suttantike cattāro mahāpadese. Tattha yo dhammaṃ dhammānulomañceva jānāti, na vinayaṃ vinayānulomañca, so ‘‘dhammaṃ rakkhāmī’’ti vinayaṃ ubbinayaṃ karoti, itaro ‘‘vinayaṃ rakkhāmī’’ti dhammaṃ uddhammaṃ karoti, ubhayaṃ jānanto ubhayampi sampādeti.
д̇ад̇рид̣̇ам̣ мукамад̇д̇ам̣ – д̇ад̇т̇а батамо ‘‘со жз бавзсанам̣ саад̣̇ияад̇и, бавидтам̣, тид̇ам̣, уд̣̇д̇харан̣ам̣ саад̣̇ияад̇и аабад̇д̇и, на саад̣̇ияад̇и анаабад̇д̇ий’’д̇и зд̇т̇а виббадибаж̇ж̇ад̇и. со хааяасмаа сукавзд̣̇анийяасса убаад̣̇иннаподтаб̣б̣асса, гааяинд̣̇рияасса жа самааяог̇з сад̇и бадивиж̇аананд̇о гааяигасукавзд̣̇ануббад̇д̇имад̇д̇зна саад̣̇ияад̇и наамаад̇и барижчинд̣̇ид̇ваа д̇асса аабад̇д̇и баарааж̇игассаад̇и асзванаад̇хиббааяассаби аабад̇д̇иббасан̇г̇ам̣ гарод̇и, д̇ат̇аа яасса сант̇ад̇ад̇д̇аа ваа яонид̣̇осавасзна ваа д̣̇угкаа асаад̇аа взд̣̇анаа, ваад̇обахадаг̇ад̇д̇ад̇ааяа ваа нзва гааяигавзд̣̇анаа, д̇асса ж̇аанад̇о аж̇аанад̇оби ‘‘анаабад̇д̇и асаад̣̇ияанд̇ассаа’’д̇и (баараа. 76) суд̇д̇анд̇ам̣ д̣̇ассзд̇ваа сзванаад̇хиббааяассааби анаабад̇д̇иббасан̇г̇ам̣ гарод̇и, д̇ат̇аа яад̣̇и можанарааг̇зна убаггамад̇о муд̇д̇з сан̇гхаад̣̇исзсо, баг̇зва мзт̇унарааг̇знаад̇и д̣̇уггададтаанам̣ г̇ахзд̇ваа сан̇гхаад̣̇исзсадтаанам̣ гарод̇и, звам̣ винаяам̣ уб̣б̣инаяам̣ гарод̇и наама. ид̇аро ‘‘анаабад̇д̇и аж̇аананд̇ассаад̇и вуд̇д̇ад̇д̇аа ж̇аанад̇о ж̇аананзнзва сукавзд̣̇анаа ход̇у ваа маа ваа саад̣̇ияанаа ход̇ий’’д̇и вад̇ваа асзванаад̇хиббааяассаби ж̇аанад̇о анаабад̇д̇идтаанз аабад̇д̇им̣ гарод̇и, анаваж̇ж̇ам̣ сааваж̇ж̇ам̣ гарод̇ийд̇и звам̣ д̇хаммам̣ уд̣̇д̇хаммам̣ гарод̇и. убхаяам̣ бана ж̇аананд̇о ‘‘бхигкусса сзванажид̇д̇ам̣ убадтид̇зд̇и (баараа. 57) важанад̇о сзванажид̇д̇амзвзд̇т̇а бамаан̣ам̣, д̇асса бхаавзна аабад̇д̇и баарааж̇игасса, абхаавзна анаабад̇д̇ий’’д̇и вад̇ваа убхаяамби рагкад̇и самбаад̣̇зд̇и. иминаа наязна саб̣б̣асигкаабад̣̇зсу яат̇аасамбхавам̣ саббаяож̇анаа гаад̇аб̣б̣аа.
Tatridaṃ mukhamattaṃ – tattha paṭhamo ‘‘so ce pavesanaṃ sādiyati, paviṭṭhaṃ, ṭhitaṃ, uddharaṇaṃ sādiyati āpatti, na sādiyati anāpattī’’ti ettha vippaṭipajjati. So hāyasmā sukhavedanīyassa upādinnaphoṭṭhabbassa, kāyindriyassa ca samāyoge sati paṭivijānanto kāyikasukhavedanuppattimattena sādiyati nāmāti paricchinditvā tassa āpatti pārājikassāti asevanādhippāyassapi āpattippasaṅgaṃ karoti, tathā yassa santhatattā vā yonidosavasena vā dukkhā asātā vedanā, vātopahaṭagattatāya vā neva kāyikavedanā, tassa jānato ajānatopi ‘‘anāpatti asādiyantassā’’ti (pārā. 76) suttantaṃ dassetvā sevanādhippāyassāpi anāpattippasaṅgaṃ karoti, tathā yadi mocanarāgena upakkamato mutte saṅghādiseso, pageva methunarāgenāti dukkaṭaṭṭhānaṃ gahetvā saṅghādisesaṭṭhānaṃ karoti, evaṃ vinayaṃ ubbinayaṃ karoti nāma. Itaro ‘‘anāpatti ajānantassāti vuttattā jānato jānaneneva sukhavedanā hotu vā mā vā sādiyanā hotī’’ti vatvā asevanādhippāyassapi jānato anāpattiṭṭhāne āpattiṃ karoti, anavajjaṃ sāvajjaṃ karotīti evaṃ dhammaṃ uddhammaṃ karoti. Ubhayaṃ pana jānanto ‘‘bhikkhussa sevanacittaṃ upaṭṭhiteti (pārā. 57) vacanato sevanacittamevettha pamāṇaṃ, tassa bhāvena āpatti pārājikassa, abhāvena anāpattī’’ti vatvā ubhayampi rakkhati sampādeti. Iminā nayena sabbasikkhāpadesu yathāsambhavaṃ sappayojanā kātabbā.
сан̇г̇ийд̇им̣ ааробзд̇ваа табид̇абаал̣ид̇о винимуд̇д̇ам̣ гад̇ваа табид̇ад̇д̇аа баал̣ивинимуд̇д̇аа ад̇т̇ад̇о, наяад̇о, ануломад̇о жа баал̣иогганд̇авинижчаяаббавад̇д̇аа анубавидтавинижчаяавасзна бавад̇д̇аад̇и ад̇т̇о. ‘‘на самууханиссад̇ий’’д̇и ж̇аананд̇оби бхаг̇аваа гзвалам̣ ‘‘д̇зсам̣ мад̇ам̣ бажчимаа ж̇анад̇аа мама важанам̣ вияа бамаан̣ам̣ гарод̇уу’’д̇и д̣̇ассанад̇т̇ан̃жа бариниб̣б̣аанагаалз звамааха ‘‘ааган̇камаано, аананд̣̇а, сан̇гхо мамажжаязна куд̣̇д̣̇аанукуд̣̇д̣̇агаани сигкаабад̣̇аани самууханад̇уу’’д̇и (д̣̇ий. ни. 2.216), д̇знзд̇ам̣ сид̣̇д̇хам̣ ‘‘бан̃н̃ад̇д̇амби жз сигкаабад̣̇ам̣ самууханид̇ум̣ яасса сан̇гхасса анун̃н̃аад̇ам̣ бхаг̇авад̇аа, д̇асса бан̃н̃ад̇д̇аануломам̣ ад̇ирзгад̇т̇ад̣̇ийбанам̣, баг̇зваанун̃н̃аад̇ам̣ бхаг̇авад̇аа’’д̇и. гин̃жа бхияяо уунаад̇ирид̇д̇асигкаабад̣̇зсу аажарияагулзсу виваад̣̇о ан̃н̃аман̃н̃ам̣ на гаад̇аб̣б̣од̇и д̣̇ассанад̇т̇ан̃жа. гасмаа сан̇гхо на самууханийд̇и? ан̃н̃аман̃н̃ам̣ виваад̣̇аббасан̇г̇ад̣̇ассанад̇о. бхаг̇авад̇аа жа ‘‘саб̣б̣зхзва самаг̇г̇зхи саммод̣̇амаанзхи авивад̣̇амаанзхи сигкид̇аб̣б̣а’’нд̇и вуд̇д̇ам̣. д̇ад̇т̇а жа згажжз т̇зраа звамаахам̣сууд̇и жа ан̃н̃аваад̣̇ад̣̇ассанад̇о вивад̣̇амаанзхи сигкид̇аб̣б̣ам̣ ж̇аад̇ам̣, д̇ад̣̇абхаавад̇д̇амби н̃ад̇д̇ид̣̇уд̇ияагаммаваажам̣ саавзд̇ваа авивад̣̇амаанзхзва сигкид̇аб̣б̣ам̣ агааси.
Saṅgītiṃ āropetvā ṭhapitapāḷito vinimuttaṃ katvā ṭhapitattā pāḷivinimuttā atthato, nayato, anulomato ca pāḷiokkantavinicchayappavattā anupaviṭṭhavinicchayavasena pavattāti attho. ‘‘Na samūhanissatī’’ti jānantopi bhagavā kevalaṃ ‘‘tesaṃ mataṃ pacchimā janatā mama vacanaṃ viya pamāṇaṃ karotū’’ti dassanatthañca parinibbānakāle evamāha ‘‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhanatū’’ti (dī. ni. 2.216), tenetaṃ siddhaṃ ‘‘paññattampi ce sikkhāpadaṃ samūhanituṃ yassa saṅghassa anuññātaṃ bhagavatā, tassa paññattānulomaṃ atirekatthadīpanaṃ, pagevānuññātaṃ bhagavatā’’ti. Kiñca bhiyyo ūnātirittasikkhāpadesu ācariyakulesu vivādo aññamaññaṃ na kātabboti dassanatthañca. Kasmā saṅgho na samūhanīti? Aññamaññaṃ vivādappasaṅgadassanato. Bhagavatā ca ‘‘sabbeheva samaggehi sammodamānehi avivadamānehi sikkhitabba’’nti vuttaṃ. Tattha ca ekacce therā evamāhaṃsūti ca aññavādadassanato vivadamānehi sikkhitabbaṃ jātaṃ, tadabhāvattampi ñattidutiyakammavācaṃ sāvetvā avivadamāneheva sikkhitabbaṃ akāsi.
абижаад̇и ад̇д̇ано мад̇ияаа баагадагаран̣ад̇т̇ам̣ аарамбхо. д̇ад̇т̇а ‘‘суд̇д̇анд̇аабхид̇хаммавинаяадтагат̇аасуу’’д̇и важанад̇о бидагад̇д̇аяассаби саад̇хааран̣аа зсаа гат̇аад̇и взд̣̇ид̇аб̣б̣аа, ‘‘ат̇а банааяам̣ габбияа’’нд̇иаад̣̇и винаяассзва. гаарагасан̇гхасад̣̇исанд̇и сан̇г̇ийд̇игаарагасан̇гхасад̣̇исам̣. ‘‘суд̇д̇аад̣̇ижад̇уггам̣ аббажжагкааяа д̇зна авируд̣̇д̇хасса гаммасса гаарагасан̇гхасад̣̇иса’’нд̇и д̇хаммасирид̇т̇зрасса г̇ан̣тибад̣̇з вуд̇д̇ам̣, д̇ам̣ аяуд̇д̇ам̣, ‘‘суд̇д̇амзва б̣алавад̇арам̣. суд̇д̇ан̃хи аббадивад̇д̇ияам̣ гаарагасан̇гхасад̣̇иса’’нд̇и зд̇зхи бад̣̇зхи аяуд̇д̇ад̇д̇аа. баагад̇игз бана г̇ан̣тибад̣̇з ‘‘д̇амад̇т̇ам̣ винижчинид̇ваа д̇асса гаарагасан̇гхасад̣̇иса’’нд̇и вуд̇д̇ам̣. бараваад̣̇ийд̇и амхаагам̣ самаяавиж̇аананаго ан̃н̃анигааяигод̇и вуд̇д̇ам̣. бараваад̣̇ий суд̇д̇аануломанд̇и гат̇ам̣? ‘‘ан̃н̃ад̇ра уд̣̇агад̣̇анд̇абонаа’’д̇и (баажи. 266) суд̇д̇ам̣ сагаваад̣̇исса, д̇ад̣̇ануломад̇о наал̣игзрапаласса уд̣̇агамби уд̣̇агамзва ход̇ийд̇и бараваад̣̇ий жа.
Apicāti attano matiyā pākaṭakaraṇatthaṃ ārambho. Tattha ‘‘suttantābhidhammavinayaṭṭhakathāsū’’ti vacanato piṭakattayassapi sādhāraṇā esā kathāti veditabbā, ‘‘atha panāyaṃ kappiya’’ntiādi vinayasseva. Kārakasaṅghasadisanti saṅgītikārakasaṅghasadisaṃ. ‘‘Suttādicatukkaṃ appaccakkhāya tena aviruddhassa kammassa kārakasaṅghasadisa’’nti dhammasirittherassa gaṇṭhipade vuttaṃ, taṃ ayuttaṃ, ‘‘suttameva balavataraṃ. Suttañhi appaṭivattiyaṃ kārakasaṅghasadisa’’nti etehi padehi ayuttattā. Pākatike pana gaṇṭhipade ‘‘tamatthaṃ vinicchinitvā tassa kārakasaṅghasadisa’’nti vuttaṃ. Paravādīti amhākaṃ samayavijānanako aññanikāyikoti vuttaṃ. Paravādī suttānulomanti kathaṃ? ‘‘Aññatra udakadantaponā’’ti (pāci. 266) suttaṃ sakavādissa, tadanulomato nāḷikeraphalassa udakampi udakameva hotīti paravādī ca.
‘‘наал̣игзрасса яам̣ д̇ояам̣, бураан̣ам̣ бид̇д̇аб̣анд̇ханам̣;
‘‘Nāḷikerassa yaṃ toyaṃ, purāṇaṃ pittabandhanaṃ;
д̇амзва д̇арун̣ам̣ д̇ояам̣, бид̇д̇агхам̣ б̣алаб̣анд̇хана’’нд̇и. –
Tameva taruṇaṃ toyaṃ, pittaghaṃ balabandhana’’nti. –
звам̣ бараваад̣̇инаа вуд̇д̇з сагаваад̣̇ий д̇хан̃н̃апаласса г̇ад̇игад̇д̇аа, аахаарад̇т̇асса жа паран̣ад̇о ‘‘яаавагаалигамзва д̇а’’нд̇и вад̣̇анд̇о бадигкибад̇и. баро аажарияаваад̣̇анд̇и ‘‘сун̇гам̣ барихарад̇ийд̇и зд̇т̇а убажаарам̣ оггамид̇ваа гин̃жааби барихарад̇и, авахааро зваа’’д̇и адтагат̇ааважанад̇о ‘‘д̇ат̇аа гаронд̇о баарааж̇игамаабаж̇ж̇ад̇ий’’д̇и бараваад̣̇инаа вуд̇д̇з сагаваад̣̇ий ‘‘сун̇гам̣ барихарад̇и, аабад̇д̇и д̣̇уггадассаа’’д̇и суд̇д̇ам̣ д̇ад̇т̇зва ааг̇ад̇амахааадтагат̇ааважанзна сад̣̇д̇хим̣ д̣̇ассзд̇ваа бадисзд̇хзд̇и, д̇ат̇аа гаронд̇асса д̣̇уггадамзваад̇и. баро ад̇д̇аномад̇ийд̇и зд̇т̇а ‘‘бурзбхад̇д̇ам̣ барасанд̇агам̣ авахараад̇и бурзбхад̇д̇амзва хариссаамийд̇и вааяаманд̇асса бажчаабхад̇д̇ам̣ ход̇и, бурзбхад̇д̇абаяог̇ова со, д̇асмаа мууладто на мужжад̇ийд̇и д̇умхаагам̣ т̇зраваад̣̇ад̇д̇аа мууладтасса баарааж̇игамзваа’’д̇и бараваад̣̇инаа вуд̇д̇з сагаваад̣̇ий ‘‘д̇ам̣ сан̇гзд̇ам̣ бурз ваа бажчаа ваа д̇ам̣ бхан̣д̣ам̣ авахарад̇и, мууладтасса анаабад̇д̇ий’’д̇и (баараа. 119) суд̇д̇ам̣ д̣̇ассзд̇ваа бадигкибад̇и.
Evaṃ paravādinā vutte sakavādī dhaññaphalassa gatikattā, āhāratthassa ca pharaṇato ‘‘yāvakālikameva ta’’nti vadanto paṭikkhipati. Paro ācariyavādanti ‘‘suṅkaṃ pariharatīti ettha upacāraṃ okkamitvā kiñcāpi pariharati, avahāro evā’’ti aṭṭhakathāvacanato ‘‘tathā karonto pārājikamāpajjatī’’ti paravādinā vutte sakavādī ‘‘suṅkaṃ pariharati, āpatti dukkaṭassā’’ti suttaṃ tattheva āgatamahāaṭṭhakathāvacanena saddhiṃ dassetvā paṭisedheti, tathā karontassa dukkaṭamevāti. Paro attanomatīti ettha ‘‘purebhattaṃ parasantakaṃ avaharāti purebhattameva harissāmīti vāyamantassa pacchābhattaṃ hoti, purebhattapayogova so, tasmā mūlaṭṭho na muccatīti tumhākaṃ theravādattā mūlaṭṭhassa pārājikamevā’’ti paravādinā vutte sakavādī ‘‘taṃ saṅketaṃ pure vā pacchā vā taṃ bhaṇḍaṃ avaharati, mūlaṭṭhassa anāpattī’’ti (pārā. 119) suttaṃ dassetvā paṭikkhipati.
баро суд̇д̇анд̇и ‘‘анияад̇ахзд̇уд̇хаммо саммад̇д̇анияад̇ахзд̇уд̇хаммасса аарамман̣абажжаязна бажжаяо’’д̇и суд̇д̇ам̣ бадтаанз ликид̇ам̣ д̣̇ассзд̇ваа ‘‘арияамаг̇г̇асса на ниб̣б̣аанамзваарамман̣а’’нд̇и бараваад̣̇инаа вуд̇д̇з сагаваад̣̇ий ‘‘аарамман̣ад̇д̇игаад̣̇исуд̇д̇аануломз на од̇арад̇ий’’д̇и бадигкибад̇и. суд̇д̇аануломз од̇аранд̇ам̣язва хи суд̇д̇ам̣ наама, нзд̇арам̣. д̇зна вуд̇д̇ам̣ баал̣иааг̇ад̇ам̣ бан̃н̃ааяад̇ийд̇и зд̇д̇агзнаби сид̣̇д̇хз д̇иссо сан̇г̇ийд̇ияо аарул̣хабаал̣иааг̇ад̇ам̣ бан̃н̃ааяад̇ий’’д̇иаад̣̇и. д̇аад̣̇исан̃хи бамаад̣̇алзканд̇и аажарияо. ‘‘аббамаад̣̇о амад̇ам̣ бад̣̇ам̣, бамаад̣̇о мажжуно бад̣̇а’’нд̇и (д̇ха. ба. 21; нзд̇д̇и. 26) важанад̇о д̣̇иннабхож̇анз бхун̃ж̇ид̇ваа бариссаяаани бариваж̇ж̇ид̇ваа сад̇им̣ бажжубадтабзд̇ваа вихаранд̇о нижжо ход̇ийд̇и. зваруубасса ад̇т̇асса васзна аарул̣хамби суд̇д̇ам̣ на г̇ахзд̇аб̣б̣ам̣, д̇зна вуд̇д̇ам̣ но жз д̇ат̇аа бан̃н̃ааяад̇ийд̇и сид̣̇д̇хзби ‘‘но жз д̇ат̇аа бан̃н̃ааяад̇и, на од̇арад̇и на самзд̇ий’’д̇и. ‘‘б̣аахирагасуд̇д̇ам̣ ваа’’д̇и вуд̇д̇ад̇д̇аа ад̇д̇ано суд̇д̇амби ад̇т̇зна асамзнд̇ам̣ на г̇ахзд̇аб̣б̣ам̣. баро аажарияаваад̣̇анд̇иаад̣̇ийсу д̣̇вийсу наязсу бамаад̣̇алзкавасзна д̇ад̇т̇а д̇ад̇т̇а ааг̇ад̇адтагат̇ааважанам̣ т̇зраваад̣̇зхи сад̣̇д̇хим̣ яож̇зд̇ваа взд̣̇ид̇аб̣б̣ам̣.
Paro suttanti ‘‘aniyatahetudhammo sammattaniyatahetudhammassa ārammaṇapaccayena paccayo’’ti suttaṃ paṭṭhāne likhitaṃ dassetvā ‘‘ariyamaggassa na nibbānamevārammaṇa’’nti paravādinā vutte sakavādī ‘‘ārammaṇattikādisuttānulome na otaratī’’ti paṭikkhipati. Suttānulome otarantaṃyeva hi suttaṃ nāma, netaraṃ. Tena vuttaṃ pāḷiāgataṃ paññāyatīti ettakenapi siddhe tisso saṅgītiyo āruḷhapāḷiāgataṃ paññāyatī’’tiādi. Tādisañhi pamādalekhanti ācariyo. ‘‘Appamādo amataṃ padaṃ, pamādo maccuno pada’’nti (dha. pa. 21; netti. 26) vacanato dinnabhojane bhuñjitvā parissayāni parivajjitvā satiṃ paccupaṭṭhapetvā viharanto nicco hotīti. Evarūpassa atthassa vasena āruḷhampi suttaṃ na gahetabbaṃ, tena vuttaṃ no ce tathā paññāyatīti siddhepi ‘‘no ce tathā paññāyati, na otarati na sametī’’ti. ‘‘Bāhirakasuttaṃ vā’’ti vuttattā attano suttampi atthena asamentaṃ na gahetabbaṃ. Paro ācariyavādantiādīsu dvīsu nayesu pamādalekhavasena tattha tattha āgataṭṭhakathāvacanaṃ theravādehi saddhiṃ yojetvā veditabbaṃ.
ат̇а банааяам̣ аажарияаваад̣̇ам̣. баро суд̇д̇анд̇и бараваад̣̇инаа ‘‘муулаб̣ийж̇ам̣ наама халид̣̇д̣̇и син̇г̇ивзрам̣ важаа…бз… б̣ийж̇з б̣ийж̇асан̃н̃ий чинд̣̇ад̇и ваа чзд̣̇аабзд̇и ваа бхинд̣̇ад̇и ваа…бз… аабад̇д̇и баажид̇д̇ияассаад̇и (баажи. 91) д̇умхаагам̣ баатад̇д̇аа халид̣̇д̣̇иг̇ан̣тим̣ чинд̣̇анд̇асса баажид̇д̇ияа’’нд̇и вуд̇д̇з сагаваад̣̇ий ‘‘яаани ваа банан̃н̃аани ад̇т̇и муулз сан̃ж̇ааяанд̇ий’’д̇иаад̣̇им̣ д̣̇ассзд̇ваа д̇асса адтагат̇аасан̇каад̇зна аажарияаваад̣̇зна бадигкибад̇и. на хи г̇ан̣тимхи г̇ан̣ти ж̇ааяад̇ийд̇и. баро суд̇д̇аануломанд̇и бараваад̣̇инаа ‘‘анаабад̇д̇и звам̣ амхаагам̣ аажарияаанам̣ уг̇г̇аход̇и важанассаануломад̇о ‘амхаагам̣ бораан̣абхигкуу згабаасаад̣̇з г̇аб̣бхам̣ т̇агзд̇ваа анубасамбаннзна саяид̇ум̣ ваддад̇ийд̇и д̇ат̇аа гад̇ваа ааг̇ад̇аа, д̇асмаа амхаагам̣ ваддад̇ий’д̇и д̇умхзсу зва згажжзсу вад̣̇анд̇зсу д̇умхаагам̣ на гин̃жи вад̇д̇ум̣ саггаа’’д̇и вуд̇д̇з сагаваад̣̇ий ‘‘суд̇д̇ам̣ суд̇д̇аануломан̃жа уг̇г̇ахид̇агаанам̣язва аажарияаанам̣ уг̇г̇ахо бамаан̣а’’нд̇иаад̣̇иадтагат̇ааважанам̣ д̣̇ассзд̇ваа бадисзд̇хзд̇и. баро ад̇д̇аномад̇инд̇и ‘‘д̣̇ваарам̣ виварид̇ваа анаабужчаа саяид̇зсу гз мужжанд̇ий’’д̇и зд̇т̇а бана д̣̇взби ж̇анаа мужжанд̇и яо жа яагкаг̇ахид̇аго, яо жа б̣анд̇хид̇ваа нибаж̇ж̇аабид̇од̇и д̇умхаагам̣ т̇зраваад̣̇ад̇д̇аа ан̃н̃з саб̣б̣зби яат̇аа д̇ат̇аа ваа нибаннаад̣̇аяоби мужжанд̇ийд̇и бадисзд̇хзд̇и.
Atha panāyaṃ ācariyavādaṃ. Paro suttanti paravādinā ‘‘mūlabījaṃ nāma haliddi siṅgiveraṃ vacā…pe… bīje bījasaññī chindati vā chedāpeti vā bhindati vā…pe… āpatti pācittiyassāti (pāci. 91) tumhākaṃ pāṭhattā haliddigaṇṭhiṃ chindantassa pācittiya’’nti vutte sakavādī ‘‘yāni vā panaññāni atthi mūle sañjāyantī’’tiādiṃ dassetvā tassa aṭṭhakathāsaṅkhātena ācariyavādena paṭikkhipati. Na hi gaṇṭhimhi gaṇṭhi jāyatīti. Paro suttānulomanti paravādinā ‘‘anāpatti evaṃ amhākaṃ ācariyānaṃ uggahoti vacanassānulomato ‘amhākaṃ porāṇabhikkhū ekapāsāde gabbhaṃ thaketvā anupasampannena sayituṃ vaṭṭatīti tathā katvā āgatā, tasmā amhākaṃ vaṭṭatī’ti tumhesu eva ekaccesu vadantesu tumhākaṃ na kiñci vattuṃ sakkā’’ti vutte sakavādī ‘‘suttaṃ suttānulomañca uggahitakānaṃyeva ācariyānaṃ uggaho pamāṇa’’ntiādiaṭṭhakathāvacanaṃ dassetvā paṭisedheti. Paro attanomatinti ‘‘dvāraṃ vivaritvā anāpucchā sayitesu ke muccantī’’ti ettha pana dvepi janā muccanti yo ca yakkhagahitako, yo ca bandhitvā nipajjāpitoti tumhākaṃ theravādattā aññe sabbepi yathā tathā vā nipannādayopi muccantīti paṭisedheti.
ат̇а банааяам̣ ад̇д̇аномад̇им̣. баро суд̇д̇анд̇и ‘‘аабад̇д̇им̣ аабаж̇ж̇анд̇ий’’д̇и бараваад̣̇инаа г̇уд̇д̇з сагаваад̣̇ий ‘‘д̣̇иваа гиланд̇аруубо ман̃жз нисинно баад̣̇з бхуумид̇о аможзд̇ваава нид̣̇д̣̇аавасзна нибаж̇ж̇ад̇и, д̇асса анаабад̇д̇ий’’д̇иаад̣̇иадтагат̇ааважанам̣ (баараа. адта. 1.77) д̣̇ассзд̇ваа згабхан̇г̇зна нибаннаад̣̇аяоби мужжанд̇ийд̇и бадисзд̇хзд̇и. ат̇ааяам̣ ад̇д̇аномад̇им̣. баро суд̇д̇аануломанд̇и ‘‘д̣̇оманассам̣ баахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби асзвид̇аб̣б̣амбийд̇иаад̣̇иважанзхи (д̣̇ий. ни. 2.360) сам̣санд̣̇анад̇о сад̣̇аарабосз д̣̇осо д̇умхаагам̣ над̇т̇и, д̇зна вуд̇д̇ам̣ ‘буд̇д̇ад̣̇аарасса сан̇г̇ахо’’’д̇и (ку. баа. 5.6; су. ни. 265) бараваад̣̇инаа вуд̇д̇з гин̃жааби сагаваад̣̇ий б̣ахуссуд̇о на ход̇и, ат̇а ко рааг̇асахид̇знзва агусалзна бхавид̇аб̣б̣анд̇и бадигкибад̇и. сзсзсуби иминаа наязна ан̃н̃ат̇ааби ануруубад̇о яож̇зд̇аб̣б̣ам̣. ид̣̇ам̣ саб̣б̣ам̣ убад̇иссад̇т̇зраад̣̇аяо ааху. д̇хаммасирид̇т̇зро бана ‘‘зд̇т̇а барод̇и вуд̇д̇о ан̃н̃анигааяиго, со бана ад̇д̇ано суд̇д̇аад̣̇ийниязва аахарад̇и. д̇аани сагаваад̣̇ий ад̇д̇ано суд̇д̇аад̣̇имхи од̇аарзд̇ваа сажз самзд̇и г̇ан̣хаад̇и, но жз бадигкибад̇ий’’д̇и вад̣̇ад̇и.
Atha panāyaṃ attanomatiṃ. Paro suttanti ‘‘āpattiṃ āpajjantī’’ti paravādinā gutte sakavādī ‘‘divā kilantarūpo mañce nisinno pāde bhūmito amocetvāva niddāvasena nipajjati, tassa anāpattī’’tiādiaṭṭhakathāvacanaṃ (pārā. aṭṭha. 1.77) dassetvā ekabhaṅgena nipannādayopi muccantīti paṭisedheti. Athāyaṃ attanomatiṃ. Paro suttānulomanti ‘‘domanassaṃ pāhaṃ, devānaminda, duvidhena vadāmi sevitabbampi asevitabbampītiādivacanehi (dī. ni. 2.360) saṃsandanato sadārapose doso tumhākaṃ natthi, tena vuttaṃ ‘puttadārassa saṅgaho’’’ti (khu. pā. 5.6; su. ni. 265) paravādinā vutte kiñcāpi sakavādī bahussuto na hoti, atha kho rāgasahiteneva akusalena bhavitabbanti paṭikkhipati. Sesesupi iminā nayena aññathāpi anurūpato yojetabbaṃ. Idaṃ sabbaṃ upatissattherādayo āhu. Dhammasiritthero pana ‘‘ettha paroti vutto aññanikāyiko, so pana attano suttādīniyeva āharati. Tāni sakavādī attano suttādimhi otāretvā sace sameti gaṇhāti, no ce paṭikkhipatī’’ti vadati.
жад̇уб̣б̣ид̇хавинаяагат̇ааван̣н̣анаа нидтид̇аа.
Catubbidhavinayakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жад̇уб̣б̣ид̇хавинаяагат̇ааван̣н̣анаа • Catubbidhavinayakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жад̇уб̣б̣ид̇хавинаяаад̣̇игат̇ааван̣н̣анаа • Catubbidhavinayādikathāvaṇṇanā
