| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā |
੬. ਚਤੁਬ੍ਯੂਹਹਾਰਸਮ੍ਪਾਤવਣ੍ਣਨਾ
6. Catubyūhahārasampātavaṇṇanā
੬੮. ਰਕ੍ਖੀਯਤੀਤਿ ਰਕ੍ਖਿਤਂ। ਇਦਂ ਪਦવਸੇਨ ਨਿਬ੍ਬਚਨਂ। ਯਸ੍ਮਾ ਪਨ ਅਤ੍ਥવਸੇਨ ਨਿਬ੍ਬਚਨੇ વੁਤ੍ਤੇ ਪਦવਸੇਨ ਨਿਬ੍ਬਚਨਂ વੁਤ੍ਤਮੇવ ਹੋਤਿ, ਤਸ੍ਮਾ ‘‘ਰਕ੍ਖਿਤਂ ਪਰਿਪਾਲੀਯਤੀਤਿ ਏਸਾ ਨਿਰੁਤ੍ਤੀ’’ਤਿ વੁਤ੍ਤਂ। ਤਤ੍ਥ ਇਤਿ-ਸਦ੍ਦੋ ਆਦ੍ਯਤ੍ਥੋ, ਪਕਾਰੇ વਾ। ਤੇਨ ਏવਮਾਦਿਕਾ ਏવਂਪਕਾਰਾ વਾ ਏਸਾ ਨਿਰੁਤ੍ਤੀਤਿ વੁਤ੍ਤਂ ਹੋਤਿ। ਤਸ੍ਮਾ ਚਿਨ੍ਤੇਤੀਤਿ ਚਿਤ੍ਤਂ। ਅਤ੍ਤਨੋ ਸਨ੍ਤਾਨਂ ਚਿਨੋਤੀਤਿ ਚਿਤ੍ਤਂ, ਪਚ੍ਚਯੇਹਿ ਚਿਤਨ੍ਤਿ ਚਿਤ੍ਤਂ, ਚਿਤ੍ਤવਿਚਿਤ੍ਤਟ੍ਠੇਨ ਚਿਤ੍ਤਂ, ਚਿਤ੍ਤਕਰਣਟ੍ਠੇਨ ਚਿਤ੍ਤਂ। ਸਮ੍ਮਾ ਸਙ੍ਕਪ੍ਪੇਤੀਤਿ ਸਮ੍ਮਾਸਙ੍ਕਪ੍ਪੋਤਿਆਦਿਨਾ ਨਿਰੁਤ੍ਤਿ વੇਦਿਤਬ੍ਬਾ।
68. Rakkhīyatīti rakkhitaṃ. Idaṃ padavasena nibbacanaṃ. Yasmā pana atthavasena nibbacane vutte padavasena nibbacanaṃ vuttameva hoti, tasmā ‘‘rakkhitaṃ paripālīyatīti esā niruttī’’ti vuttaṃ. Tattha iti-saddo ādyattho, pakāre vā. Tena evamādikā evaṃpakārā vā esā niruttīti vuttaṃ hoti. Tasmā cintetīti cittaṃ. Attano santānaṃ cinotīti cittaṃ, paccayehi citanti cittaṃ, cittavicittaṭṭhena cittaṃ, cittakaraṇaṭṭhena cittaṃ. Sammā saṅkappetīti sammāsaṅkappotiādinā nirutti veditabbā.
ਅਯਂ ਏਤ੍ਥ ਭਗવਤੋ ਅਧਿਪ੍ਪਾਯੋਤਿ ‘‘ਰਕ੍ਖਿਤਚਿਤ੍ਤੋ ਅਸ੍ਸਾ’’ਤਿਆਦਿਨਾ ਇਨ੍ਦ੍ਰਿਯਸਂવਰਾਦਯੋ ਦੁਗ੍ਗਤਿਪਹਾਨਞ੍ਚ વਦਤੋ ਭਗવਤੋ ਏਤ੍ਥ ਗਾਥਾਯਂ ਅਧਿਪ੍ਪਾਯੋ। ਕੋਕਾਲਿਕੋ ਹੀਤਿਆਦਿ ਨਿਦਾਨਨਿਦ੍ਦੇਸੋ। ਤਤ੍ਥ ਹਿ-ਸਦ੍ਦੋ ਕਾਰਣੇ। ਇਦਂ વੁਤ੍ਤਂ ਹੋਤਿ – ਯਸ੍ਮਾ ਕੋਕਾਲਿਕੋ (ਸਂ॰ ਨਿ॰ ੧.੧੮੧; ਅ॰ ਨਿ॰ ੧੦.੮੯; ਸੁ॰ ਨਿ॰ ਕੋਕਾਲਿਕਸੁਤ੍ਤ) ਅਰਕ੍ਖਿਤਚਿਤ੍ਤਤਾਯ ਅਗ੍ਗਸਾવਕੇਸੁ ਚਿਤ੍ਤਂ ਪਦੋਸੇਤ੍વਾ ਪਦੁਮਨਿਰਯਂ ਉਪਪਨ੍ਨੋ, ਤਸ੍ਮਾ ਦੁਗ੍ਗਤਿਯੋ ਜਹਿਤੁਕਾਮੋ ਰਕ੍ਖਿਤਚਿਤ੍ਤੋ ਅਸ੍ਸਾਤਿ ਭਗવਾ ਸਤਿਆਰਕ੍ਖੇਨ ਚੇਤਸਾ ਸਮਨ੍ਨਾਗਤੋ ਸਬ੍ਬਾ ਦੁਗ੍ਗਤਿਯੋ ਜਹਤੀਤਿ ਅਤ੍ਥੋ। ਸੁਤ੍ਤਮ੍ਹਿ વੁਤ੍ਤਂ ‘‘ਸਤਿਯਾ ਚਿਤ੍ਤਂ ਰਕ੍ਖਿਤਬ੍ਬ’’ਨ੍ਤਿ ਦੇਸਨਾਨੁਸਨ੍ਧਿਦਸ੍ਸਨਂ।
Ayaṃ ettha bhagavato adhippāyoti ‘‘rakkhitacitto assā’’tiādinā indriyasaṃvarādayo duggatipahānañca vadato bhagavato ettha gāthāyaṃ adhippāyo. Kokāliko hītiādi nidānaniddeso. Tattha hi-saddo kāraṇe. Idaṃ vuttaṃ hoti – yasmā kokāliko (saṃ. ni. 1.181; a. ni. 10.89; su. ni. kokālikasutta) arakkhitacittatāya aggasāvakesu cittaṃ padosetvā padumanirayaṃ upapanno, tasmā duggatiyo jahitukāmo rakkhitacitto assāti bhagavā satiārakkhena cetasā samannāgato sabbā duggatiyo jahatīti attho. Suttamhi vuttaṃ ‘‘satiyā cittaṃ rakkhitabba’’nti desanānusandhidassanaṃ.
ਚਤੁਬ੍ਯੂਹਹਾਰਸਮ੍ਪਾਤવਣ੍ਣਨਾ ਨਿਟ੍ਠਿਤਾ।
Catubyūhahārasampātavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੬. ਚਤੁਬ੍ਯੂਹਹਾਰਸਮ੍ਪਾਤੋ • 6. Catubyūhahārasampāto
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੬. ਚਤੁਬ੍ਯੂਹਹਾਰਸਮ੍ਪਾਤવਿਭਾવਨਾ • 6. Catubyūhahārasampātavibhāvanā
