| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
6. жад̇уб̣яуухахаарасамбаад̇авибхааванаа
6. Catubyūhahārasampātavibhāvanā
68. язна язна лагкан̣ахаарасамбаад̇зна суд̇д̇аббад̣̇зсад̇т̇аа самааналагкан̣зна г̇ахид̇аа, со лагкан̣ахаарасамбаад̇о барибун̣н̣о, ‘‘гад̇амо жад̇уб̣яуухахаарасамбаад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо жад̇уб̣яуухо хаарасамбаад̇о’’д̇иаад̣̇и вуд̇д̇ам̣. д̇ад̇т̇а д̇зсу д̣̇зсанаахаарасамбаад̇аад̣̇ийсу сол̣асасу хаарасамбаад̇зсу гад̇амо сам̣ван̣н̣анаависзсо жад̇уб̣яуухахаарасамбаад̇о наамаад̇и бужчад̇и.
68. Yena yena lakkhaṇahārasampātena suttappadesatthā samānalakkhaṇena gahitā, so lakkhaṇahārasampāto paripuṇṇo, ‘‘katamo catubyūhahārasampāto’’ti pucchitabbattā ‘‘tattha katamo catubyūho hārasampāto’’tiādi vuttaṃ. Tattha tesu desanāhārasampātādīsu soḷasasu hārasampātesu katamo saṃvaṇṇanāviseso catubyūhahārasampāto nāmāti pucchati.
‘‘гад̇амасмим̣ суд̇д̇з гад̇амз нируд̇яаад̇хиббааяанид̣̇аанабуб̣б̣аабараанусанд̇хаяо нид̣̇д̇хаарид̇аа’’д̇и бужчид̇аб̣б̣ад̇д̇аа ‘‘д̇асмаа’’д̇иаад̣̇и вуд̇д̇ам̣. ‘‘д̇асмаа рагкид̇ажид̇д̇ассаа’’д̇и суд̇д̇аббад̣̇зсз ‘‘рагкийяад̇з рагкид̇а’’нд̇и нируд̇д̇им̣ ‘‘барибаалийяад̇ий’’д̇и иминаа барияааязна д̣̇ассзд̇и, ид̇исад̣̇д̣̇асса аад̣̇яад̇т̇ад̇д̇аа ‘‘жинд̇зд̇ийд̇и жид̇д̇ам̣, ад̇д̇ано санд̇аанам̣ жинод̇ийд̇и жид̇д̇ам̣, бажжаязхи жид̇анд̇и жид̇д̇ам̣, жид̇д̇авижид̇д̇адтзна жид̇д̇ам̣, жид̇д̇агаран̣адтзна жид̇д̇ам̣, рагкид̇ам̣ жид̇д̇ам̣ яассаад̇и рагкид̇ажид̇д̇о. саммаа сан̇габбзд̇ийд̇и саммаасан̇габбо, г̇ааво жаранд̇и зд̇т̇аад̇и г̇ожаро, г̇ожаро вияаад̇и г̇ожаро, саммаасан̇габбо г̇ожаро ассаад̇и саммаасан̇габбаг̇ожаро. саммаа бассад̇ийд̇и саммаад̣̇идти, саммаад̣̇идти бурзгкааро ассаад̇и саммаад̣̇идтибурзгкааро. ж̇аанаад̇ийд̇и н̃ад̇ваана. уд̣̇аяо жа ваяо жа уд̣̇аяаб̣б̣аяам̣. т̇инан̃жа мид̣̇д̇хан̃жа т̇инамид̣̇д̇хам̣, абхибхавад̇ийд̇и абхибхуу, т̇инамид̣̇д̇хам̣ абхибхууд̇и т̇инамид̣̇д̇хаабхибхуу. бхигкад̇ийд̇и бхигкуу’’д̇и нируд̇д̇иби нийхарид̇аа. д̇знааха – ‘‘ид̇и-сад̣̇д̣̇о аад̣̇яад̇т̇о’’д̇и (нзд̇д̇и. адта. 68). зсаа вуд̇д̇аббагаараа бан̃н̃ад̇д̇и нируд̇д̇и наамаад̇и нийхарид̇аа.
‘‘Katamasmiṃ sutte katame nirutyādhippāyanidānapubbāparānusandhayo niddhāritā’’ti pucchitabbattā ‘‘tasmā’’tiādi vuttaṃ. ‘‘Tasmā rakkhitacittassā’’ti suttappadese ‘‘rakkhīyate rakkhita’’nti niruttiṃ ‘‘paripālīyatī’’ti iminā pariyāyena dasseti, itisaddassa ādyatthattā ‘‘cintetīti cittaṃ, attano santānaṃ cinotīti cittaṃ, paccayehi citanti cittaṃ, cittavicittaṭṭhena cittaṃ, cittakaraṇaṭṭhena cittaṃ, rakkhitaṃ cittaṃ yassāti rakkhitacitto. Sammā saṅkappetīti sammāsaṅkappo, gāvo caranti etthāti gocaro, gocaro viyāti gocaro, sammāsaṅkappo gocaro assāti sammāsaṅkappagocaro. Sammā passatīti sammādiṭṭhi, sammādiṭṭhi purekkhāro assāti sammādiṭṭhipurekkhāro. Jānātīti ñatvāna. Udayo ca vayo ca udayabbayaṃ. Thinañca middhañca thinamiddhaṃ, abhibhavatīti abhibhū, thinamiddhaṃ abhibhūti thinamiddhābhibhū. Bhikkhatīti bhikkhū’’ti niruttipi nīharitā. Tenāha – ‘‘iti-saddo ādyattho’’ti (netti. aṭṭha. 68). Esā vuttappakārā paññatti nirutti nāmāti nīharitā.
ид̇ха суд̇д̇аббад̣̇зсз бхаг̇авад̇о го ад̇хиббааяод̇и жз бужчзяяа, яз саббурисаа саб̣б̣аахи д̣̇уг̇г̇ад̇ийхи баримужжид̇угаамаа бхависсанд̇и, д̇з саббурисаа д̇хаммажаарино рагкид̇ажид̇д̇аа бхависсанд̇ийд̇и аяам̣ ад̇хиббааяо. зд̇т̇а ‘‘д̇асмаа рагкид̇ажид̇д̇ассаа’’д̇иаад̣̇исуд̇д̇аббад̣̇зсз бхаг̇авад̇о ад̇хиббааяод̇и нийхарид̇аб̣б̣о.
Idha suttappadese bhagavato ko adhippāyoti ce puccheyya, ye sappurisā sabbāhi duggatīhi parimuccitukāmā bhavissanti, te sappurisā dhammacārino rakkhitacittā bhavissantīti ayaṃ adhippāyo. Ettha ‘‘tasmā rakkhitacittassā’’tiādisuttappadese bhagavato adhippāyoti nīharitabbo.
‘‘гад̇амам̣ нид̣̇аана’’нд̇и жз бужчзяяа, гогаалиго саарибуд̇д̇амог̇г̇аллаанзсу т̇зрзсу жид̇д̇ам̣ арагкид̇ваа бад̣̇осаяид̇ваа махаабад̣̇уманираяз яасмаа убабанно, яасмаа бхаг̇аваа жа сад̇иаарагкзна саманнааг̇ад̇о саб̣б̣аа д̣̇уг̇г̇ад̇ияо ж̇ахад̇и, д̇асмаа жа саб̣б̣аа д̣̇уг̇г̇ад̇ияо ж̇ахид̇угаамо бхигку саббурисо рагкид̇ажид̇д̇о асса бхавзяяаад̇и нид̣̇аанам̣ нийхарид̇аб̣б̣ам̣.
‘‘Katamaṃ nidāna’’nti ce puccheyya, kokāliko sāriputtamoggallānesu theresu cittaṃ arakkhitvā padosayitvā mahāpadumaniraye yasmā upapanno, yasmā bhagavā ca satiārakkhena samannāgato sabbā duggatiyo jahati, tasmā ca sabbā duggatiyo jahitukāmo bhikkhu sappuriso rakkhitacitto assa bhaveyyāti nidānaṃ nīharitabbaṃ.
‘‘гад̇амо буб̣б̣аабарасанд̇хий’’д̇и жз бужчзяяа, суд̇д̇амхи ‘‘сад̇ияаа жид̇д̇ам̣ рагкид̇аб̣б̣а’’нд̇и яам̣ важанам̣ вуд̇д̇ам̣, д̇зна буб̣б̣аважанзна аяам̣ ‘‘д̇асмаа рагкид̇ажид̇д̇асса…бз… саб̣б̣аа д̣̇уг̇г̇ад̇ияо ж̇ахз’’д̇и суд̇д̇аббад̣̇зсо анусанд̇хи сам̣санд̣̇ад̇и самзд̇ийд̇и буб̣б̣абараанусанд̇хи нид̣̇д̇хаарид̇аб̣б̣од̇и.
‘‘Katamo pubbāparasandhī’’ti ce puccheyya, suttamhi ‘‘satiyā cittaṃ rakkhitabba’’nti yaṃ vacanaṃ vuttaṃ, tena pubbavacanena ayaṃ ‘‘tasmā rakkhitacittassa…pe… sabbā duggatiyo jahe’’ti suttappadeso anusandhi saṃsandati sametīti pubbaparānusandhi niddhāritabboti.
‘‘зд̇д̇агова жад̇уб̣яуухахаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о жад̇уб̣яуухо хаарасамбаад̇о’’д̇и вуд̇д̇ам̣. язна язна сам̣ван̣н̣анаависзсабхууд̇зна жад̇уб̣яуухахаарасамбаад̇зна нируд̇яаад̇хиббааяанид̣̇аанабуб̣б̣аабараанусанд̇хи нид̣̇д̇хаарид̇аб̣б̣о, со со сам̣ван̣н̣анаависзсабхууд̇о жад̇уб̣яуухахаарасамбаад̇о нияуд̇д̇о яат̇аарахам̣ нид̣̇д̇хаарзд̇ваа яуж̇ж̇ид̇аб̣б̣од̇и ад̇т̇о г̇ахзд̇аб̣б̣од̇и.
‘‘Ettakova catubyūhahārasampāto paripuṇṇo’’ti vattabbattā ‘‘niyutto catubyūho hārasampāto’’ti vuttaṃ. Yena yena saṃvaṇṇanāvisesabhūtena catubyūhahārasampātena nirutyādhippāyanidānapubbāparānusandhi niddhāritabbo, so so saṃvaṇṇanāvisesabhūto catubyūhahārasampāto niyutto yathārahaṃ niddhāretvā yujjitabboti attho gahetabboti.
ид̇и жад̇уб̣яуухахаарасамбаад̇з сад̇д̇иб̣алаануруубаа ражид̇аа
Iti catubyūhahārasampāte sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана…бз… г̇ахзд̇аб̣б̣од̇и.
Paṇḍitehi pana…pe… gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 6. жад̇уб̣яуухахаарасамбаад̇о • 6. Catubyūhahārasampāto
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 6. жад̇уб̣яуухахаарасамбаад̇аван̣н̣анаа • 6. Catubyūhahārasampātavaṇṇanā
