| Library / Tipiṭaka / திபிடக • Tipiṭaka / நெத்திப்பகரணபாளி • Nettippakaraṇapāḷi |
6. சதுப்³யூஹஹாரஸம்பாதோ
6. Catubyūhahārasampāto
68. தத்த² கதமோ சதுப்³யூஹோ ஹாரஸம்பாதோ.
68. Tattha katamo catubyūho hārasampāto.
‘‘தஸ்மா ரக்கி²தசித்தஸ்ஸ, ஸம்மாஸங்கப்பகோ³சரோ’’தி கா³தா². ‘‘தஸ்மா ரக்கி²தசித்தஸ்ஸா’’தி ரக்கி²தங் பரிபாலீயதீதி ஏஸா நிருத்தி. இத⁴ ப⁴க³வதோ கோ அதி⁴ப்பாயோ? யே து³க்³க³தீஹி பரிமுச்சிதுகாமா ப⁴விஸ்ஸந்தி, தே த⁴ம்மசாரினோ ப⁴விஸ்ஸந்தீதி அயங் எத்த² ப⁴க³வதோ அதி⁴ப்பாயோ. கோகாலிகோ ஹி ஸாரிபுத்தமொக்³க³ல்லானேஸு தே²ரேஸு சித்தங் பதோ³ஸயித்வா மஹாபது³மனிரயே உபபன்னோ. ப⁴க³வா ச ஸதிஆரக்கே²ன சேதஸா ஸமன்னாக³தோ, ஸுத்தம்ஹி வுத்தங் ‘‘ஸதியா சித்தங் ரக்கி²தப்³ப³’’ந்தி.
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
நியுத்தோ சதுப்³யூஹோ ஹாரஸம்பாதோ.
Niyutto catubyūho hārasampāto.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / நெத்திப்பகரண-அட்ட²கதா² • Nettippakaraṇa-aṭṭhakathā / 6. சதுப்³யூஹஹாரஸம்பாதவண்ணனா • 6. Catubyūhahārasampātavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 6. சதுப்³யூஹஹாரஸம்பாதவிபா⁴வனா • 6. Catubyūhahārasampātavibhāvanā
