| Library / Tipiṭaka / तिपिटक • Tipiṭaka / नेत्तिप्पकरणपाळि • Nettippakaraṇapāḷi |
६. चतुब्यूहहारसम्पातो
6. Catubyūhahārasampāto
६८. तत्थ कतमो चतुब्यूहो हारसम्पातो।
68. Tattha katamo catubyūho hārasampāto.
‘‘तस्मा रक्खितचित्तस्स, सम्मासङ्कप्पगोचरो’’ति गाथा। ‘‘तस्मा रक्खितचित्तस्सा’’ति रक्खितं परिपालीयतीति एसा निरुत्ति। इध भगवतो को अधिप्पायो? ये दुग्गतीहि परिमुच्चितुकामा भविस्सन्ति, ते धम्मचारिनो भविस्सन्तीति अयं एत्थ भगवतो अधिप्पायो। कोकालिको हि सारिपुत्तमोग्गल्लानेसु थेरेसु चित्तं पदोसयित्वा महापदुमनिरये उपपन्नो। भगवा च सतिआरक्खेन चेतसा समन्नागतो, सुत्तम्हि वुत्तं ‘‘सतिया चित्तं रक्खितब्ब’’न्ति।
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
नियुत्तो चतुब्यूहो हारसम्पातो।
Niyutto catubyūho hārasampāto.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / नेत्तिप्पकरण-अट्ठकथा • Nettippakaraṇa-aṭṭhakathā / ६. चतुब्यूहहारसम्पातवण्णना • 6. Catubyūhahārasampātavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिविभाविनी • Nettivibhāvinī / ६. चतुब्यूहहारसम्पातविभावना • 6. Catubyūhahārasampātavibhāvanā
