| Library / Tipiṭaka / తిపిటక • Tipiṭaka / నేత్తిప్పకరణపాళి • Nettippakaraṇapāḷi |
౬. చతుబ్యూహహారసమ్పాతో
6. Catubyūhahārasampāto
౬౮. తత్థ కతమో చతుబ్యూహో హారసమ్పాతో.
68. Tattha katamo catubyūho hārasampāto.
‘‘తస్మా రక్ఖితచిత్తస్స, సమ్మాసఙ్కప్పగోచరో’’తి గాథా. ‘‘తస్మా రక్ఖితచిత్తస్సా’’తి రక్ఖితం పరిపాలీయతీతి ఏసా నిరుత్తి. ఇధ భగవతో కో అధిప్పాయో? యే దుగ్గతీహి పరిముచ్చితుకామా భవిస్సన్తి, తే ధమ్మచారినో భవిస్సన్తీతి అయం ఏత్థ భగవతో అధిప్పాయో. కోకాలికో హి సారిపుత్తమోగ్గల్లానేసు థేరేసు చిత్తం పదోసయిత్వా మహాపదుమనిరయే ఉపపన్నో. భగవా చ సతిఆరక్ఖేన చేతసా సమన్నాగతో, సుత్తమ్హి వుత్తం ‘‘సతియా చిత్తం రక్ఖితబ్బ’’న్తి.
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
నియుత్తో చతుబ్యూహో హారసమ్పాతో.
Niyutto catubyūho hārasampāto.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / నేత్తిప్పకరణ-అట్ఠకథా • Nettippakaraṇa-aṭṭhakathā / ౬. చతుబ్యూహహారసమ్పాతవణ్ణనా • 6. Catubyūhahārasampātavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / ఖుద్దకనికాయ (టీకా) • Khuddakanikāya (ṭīkā) / నేత్తివిభావినీ • Nettivibhāvinī / ౬. చతుబ్యూహహారసమ్పాతవిభావనా • 6. Catubyūhahārasampātavibhāvanā
