| Library / Tipiṭaka / තිපිටක • Tipiṭaka / නෙත්‌තිප්‌පකරණපාළි • Nettippakaraṇapāḷi |
6. චතුබ්‍යූහහාරසම්‌පාතො
6. Catubyūhahārasampāto
68. තත්‌ථ කතමො චතුබ්‍යූහො හාරසම්‌පාතො.
68. Tattha katamo catubyūho hārasampāto.
‘‘තස්‌මා රක්‌ඛිතචිත්‌තස්‌ස, සම්‌මාසඞ්‌කප්‌පගොචරො’’ති ගාථා. ‘‘තස්‌මා රක්‌ඛිතචිත්‌තස්‌සා’’ති රක්‌ඛිතං පරිපාලීයතීති එසා නිරුත්‌ති. ඉධ භගවතො කො අධිප්‌පායො? යෙ දුග්‌ගතීහි පරිමුච්‌චිතුකාමා භවිස්‌සන්‌ති, තෙ ධම්‌මචාරිනො භවිස්‌සන්‌තීති අයං එත්‌ථ භගවතො අධිප්‌පායො. කොකාලිකො හි සාරිපුත්‌තමොග්‌ගල්‌ලානෙසු ථෙරෙසු චිත්‌තං පදොසයිත්‌වා මහාපදුමනිරයෙ උපපන්‌නො. භගවා ච සතිආරක්‌ඛෙන චෙතසා සමන්‌නාගතො, සුත්‌තම්‌හි වුත්‌තං ‘‘සතියා චිත්‌තං රක්‌ඛිතබ්‌බ’’න්‌ති.
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
නියුත්‌තො චතුබ්‍යූහො හාරසම්‌පාතො.
Niyutto catubyūho hārasampāto.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / නෙත්‌තිප්‌පකරණ-අට්‌ඨකථා • Nettippakaraṇa-aṭṭhakathā / 6. චතුබ්‍යූහහාරසම්‌පාතවණ්‌ණනා • 6. Catubyūhahārasampātavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / ඛුද්‌දකනිකාය (ටීකා) • Khuddakanikāya (ṭīkā) / නෙත්‌තිවිභාවිනී • Nettivibhāvinī / 6. චතුබ්‍යූහහාරසම්‌පාතවිභාවනා • 6. Catubyūhahārasampātavibhāvanā
