| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
6. жад̇уб̣яуухахааравибхан̇г̇аван̣н̣анаа
6. Catubyūhahāravibhaṅgavaṇṇanā
25. хаараананд̇и нид̣̇д̇хааран̣з саамиважанам̣. хаарзсу имасса жад̇уб̣яуухахаарасса висзсад̇о суд̇д̇асса б̣яан̃ж̇анавижаяабхаавад̇од̇и яож̇анаа. д̇зна вуд̇д̇ам̣ ‘‘б̣яан̃ж̇ана…бз… д̣̇ассзд̇ий’’д̇и. яааяаад̇и нируд̇д̇ияаа.
25.Hārānanti niddhāraṇe sāmivacanaṃ. Hāresu imassa catubyūhahārassa visesato suttassa byañjanavicayabhāvatoti yojanā. Tena vuttaṃ ‘‘byañjana…pe… dassetī’’ti. Yāyāti niruttiyā.
яат̇аараханд̇и сам̣ван̣н̣ияамаанз суд̇д̇з яам̣ яам̣ арахад̇и ниб̣б̣ажанам̣ вад̇д̇ум̣, д̇ам̣д̇ам̣логасаман̃н̃аанурод̇хзнзва. буб̣б̣абхааг̇абадибад̣̇аа самбаад̣̇зд̇ваа бажчаа сажжаабхисамаяам̣ баабун̣аад̇ийд̇и ааха ‘‘саммуд̇и…бз… ход̇ий’’д̇и, д̇ам̣д̇ам̣бан̃н̃ад̇д̇иг̇г̇ахан̣амукзна барамад̇т̇аг̇г̇ахан̣ам̣ ход̇ийд̇и звам̣ ваа иминаа самб̣анд̇хо.
Yathārahanti saṃvaṇṇiyamāne sutte yaṃ yaṃ arahati nibbacanaṃ vattuṃ, taṃtaṃlokasamaññānurodheneva. Pubbabhāgapaṭipadā sampādetvā pacchā saccābhisamayaṃ pāpuṇātīti āha ‘‘sammuti…pe… hotī’’ti, taṃtaṃpaññattiggahaṇamukhena paramatthaggahaṇaṃ hotīti evaṃ vā iminā sambandho.
яамид̣̇ам̣ анинд̣̇рияаб̣ад̣̇д̇харуубасанд̇аанам̣ санд̇хааяа ‘‘убхаяаманд̇арзнаа’’д̇и ид̇ха вуд̇д̇ам̣. од̇аран̣ахаарз (нзд̇д̇и. адта. 42 аад̣̇аяо) банасса д̣̇ваараббавад̇д̇апассаад̣̇ид̇хаммз санд̇хааяа вуд̇д̇абхаавам̣ д̣̇ассзд̇ум̣ ‘‘убхаяаманд̇арзнаад̇и пассасамуд̣̇ид̇зсу д̇хаммзсуу’’д̇и ад̇т̇о вуд̇д̇о. адтагат̇аажарияаа банааху ‘‘анд̇арзнаад̇и важанам̣ бана вигаббанд̇арад̣̇ийбана’’нд̇и. д̇асмаа аяамзд̇т̇а ад̇т̇о – на имам̣ логам̣, на хурам̣ логам̣, ат̇а ко убхаяаманд̇арзнаад̇и. абаро вигаббо – убхаяаманд̇арзнаад̇и ваа важанам̣ вигаббанд̇араабхаавад̣̇ийбанам̣. д̇ассад̇т̇о – на имам̣ логам̣, на хурам̣ логам̣ ниссааяа жхааяад̇и жхааяий, убхаяаманд̇арзна бана ан̃н̃ам̣ таанам̣ ад̇т̇ийд̇и.
Yamidaṃ anindriyabaddharūpasantānaṃ sandhāya ‘‘ubhayamantarenā’’ti idha vuttaṃ. Otaraṇahāre (netti. aṭṭha. 42 ādayo) panassa dvārappavattaphassādidhamme sandhāya vuttabhāvaṃ dassetuṃ ‘‘ubhayamantarenāti phassasamuditesu dhammesū’’ti attho vutto. Aṭṭhakathācariyā panāhu ‘‘antarenāti vacanaṃ pana vikappantaradīpana’’nti. Tasmā ayamettha attho – na imaṃ lokaṃ, na huraṃ lokaṃ, atha kho ubhayamantarenāti. Aparo vikappo – ubhayamantarenāti vā vacanaṃ vikappantarābhāvadīpanaṃ. Tassattho – na imaṃ lokaṃ, na huraṃ lokaṃ nissāya jhāyati jhāyī, ubhayamantarena pana aññaṃ ṭhānaṃ atthīti.
язби жа ‘‘анд̇араабариниб̣б̣ааяий, самбхавзсий’’д̇и жа имзсам̣ суд̇д̇абад̣̇аанам̣ ад̇т̇ам̣ мижчаа г̇ахзд̇ваа ад̇т̇и зва анд̇араабхавод̇и вад̣̇анд̇и, д̇зби яасмаа авихаад̣̇ийсу д̇ад̇т̇а д̇ад̇т̇а ааяувзмаж̇жхам̣ анад̇иггамид̇ваа анд̇араа аг̇г̇амаг̇г̇аад̇хиг̇амзна анавасзсагилзсабариниб̣б̣аанзна бариниб̣б̣ааяанд̇ийд̇и анд̇араабариниб̣б̣ааяий, на анд̇араабхавабхууд̇од̇и буримасса суд̇д̇абад̣̇асса ад̇т̇о. бажчимасса жа яз бхууд̇аа зва, на буна бхависсанд̇и, д̇з хи (гат̇аа. анудий. 507) кийн̣аасаваа, буримабад̣̇зхи ‘‘бхууд̇аа’’д̇и вуд̇д̇аа. д̇аб̣б̣ибарийд̇ад̇ааяа самбхавам̣ зсанд̇ийд̇и самбхавзсино. аббахийнабхавасам̣яож̇анад̇д̇аа сзгкаа, бут̇уж̇ж̇анаа жа. жад̇уусу ваа яонийсу ан̣д̣аж̇аж̇алааб̣уж̇асад̇д̇аа яаава ан̣д̣агосам̣, вад̇т̇игосан̃жа на бхинд̣̇анд̇и, д̇аава самбхавзсий наама. ан̣д̣агосад̇о, вад̇т̇игосад̇о жа б̣ахи нигканд̇аа бхууд̇аа наама. сам̣сзд̣̇аж̇аобабаад̇игаа жа батамажид̇д̇агкан̣з самбхавзсий наама, д̣̇уд̇ияажид̇д̇агкан̣ад̇о бадтааяа бхууд̇аа наама. язна ваа ирияаабат̇зна ж̇ааяанд̇и, яаава д̇ад̇о ан̃н̃ам̣ на баабун̣анд̇и, д̇аава самбхавзсий, д̇ад̇о барам̣ бхууд̇аад̇и ад̇т̇о, д̇асмаа над̇т̇ийд̇и бадигкибид̇аб̣б̣ам̣. сад̇и хи уж̇угз баал̣иануг̇ад̇з ад̇т̇з гим̣ анид̣̇д̇хаарид̇асаамад̇т̇иязна анд̇араабхавзна ад̇д̇абхаавабаригаббид̇зна баяож̇ананд̇и.
Yepi ca ‘‘antarāparinibbāyī, sambhavesī’’ti ca imesaṃ suttapadānaṃ atthaṃ micchā gahetvā atthi eva antarābhavoti vadanti, tepi yasmā avihādīsu tattha tattha āyuvemajjhaṃ anatikkamitvā antarā aggamaggādhigamena anavasesakilesaparinibbānena parinibbāyantīti antarāparinibbāyī, na antarābhavabhūtoti purimassa suttapadassa attho. Pacchimassa ca ye bhūtā eva, na puna bhavissanti, te hi (kathā. anuṭī. 507) khīṇāsavā, purimapadehi ‘‘bhūtā’’ti vuttā. Tabbiparītatāya sambhavaṃ esantīti sambhavesino. Appahīnabhavasaṃyojanattā sekkhā, puthujjanā ca. Catūsu vā yonīsu aṇḍajajalābujasattā yāva aṇḍakosaṃ, vatthikosañca na bhindanti, tāva sambhavesī nāma. Aṇḍakosato, vatthikosato ca bahi nikkhantā bhūtā nāma. Saṃsedajaopapātikā ca paṭhamacittakkhaṇe sambhavesī nāma, dutiyacittakkhaṇato paṭṭhāya bhūtā nāma. Yena vā iriyāpathena jāyanti, yāva tato aññaṃ na pāpuṇanti, tāva sambhavesī, tato paraṃ bhūtāti attho, tasmā natthīti paṭikkhipitabbaṃ. Sati hi ujuke pāḷianugate atthe kiṃ aniddhāritasāmatthiyena antarābhavena attabhāvaparikappitena payojananti.
яам̣ бана яз ‘‘санд̇аанавасзна бавад̇д̇амаанаанам̣ д̇хаммаанам̣ авижчзд̣̇зна д̣̇зсанд̇арзсу баад̇убхааво д̣̇идто. яат̇аа д̇ам̣ вийхиаад̣̇иавин̃н̃аан̣агасанд̇аанз, звам̣ савин̃н̃аан̣агасанд̇аанзби авижчзд̣̇зна д̣̇зсанд̇арзсу баад̇убхаавзна бхавид̇аб̣б̣ам̣. аяан̃жа наяо сад̇и анд̇араабхавз яуж̇ж̇ад̇и, наан̃н̃ат̇аа’’д̇и яуд̇д̇им̣ вад̣̇анд̇и. д̇зхи ид̣̇д̇химад̇о жзд̇овасиббад̇д̇асса жид̇д̇аануг̇ад̇игам̣ гааяам̣ ад̇хидтаханд̇асса кан̣зна б̣рахмалогад̇о ид̇хуубасан̇гаманз, ид̇о ваа б̣рахмалогаг̇аманз яуд̇д̇и вад̇д̇аб̣б̣аа. яад̣̇и саб̣б̣ад̇т̇зва вижчиннад̣̇зсз д̇хаммаанам̣ бавад̇д̇и на ижчид̇аа, яад̣̇иби сияаа ‘‘ид̣̇д̇хивисаяо ажинд̇зяяо’’д̇и, д̇ам̣ ид̇хааби самаанам̣ ‘‘гаммавибааго ажинд̇зяяо’’д̇и важанад̇о, д̇асмаа д̇ам̣ д̇зсам̣ мад̇имад̇д̇амзва. ажинд̇зяяасабхааваа хи сабхаавад̇хаммаа, д̇з гад̇т̇ажи бажжаяависзсзна вижчиннад̣̇зсз баад̇убхаванд̇и, гад̇т̇ажи авижчиннад̣̇зсз жа. д̇ат̇аа хи мукагхосаад̣̇ийхи ан̃н̃асмим̣ д̣̇зсз аад̣̇аасабаб̣б̣ад̇аббад̣̇зсаад̣̇игз бадиб̣имб̣абадигхосаад̣̇игам̣ бажжаяуббаннам̣ ниб̣б̣ад̇д̇амаанам̣ д̣̇иссад̇и, д̇асмаа на саб̣б̣ам̣ саб̣б̣ад̇т̇а убанзд̇аб̣б̣анд̇и аяамзд̇т̇а сан̇кзбо. вид̇т̇аарад̇о бана бадиб̣имб̣асса уд̣̇аахаран̣абхаавасаад̇ханаад̣̇иго анд̇араабхававижааро гат̇аавад̇т̇уббагаран̣ассадийгааяам̣ (гат̇аа. анудий. 507) г̇ахзд̇аб̣б̣о.
Yaṃ pana ye ‘‘santānavasena pavattamānānaṃ dhammānaṃ avicchedena desantaresu pātubhāvo diṭṭho. Yathā taṃ vīhiādiaviññāṇakasantāne, evaṃ saviññāṇakasantānepi avicchedena desantaresu pātubhāvena bhavitabbaṃ. Ayañca nayo sati antarābhave yujjati, nāññathā’’ti yuttiṃ vadanti. Tehi iddhimato cetovasippattassa cittānugatikaṃ kāyaṃ adhiṭṭhahantassa khaṇena brahmalokato idhūpasaṅkamane, ito vā brahmalokagamane yutti vattabbā. Yadi sabbattheva vicchinnadese dhammānaṃ pavatti na icchitā, yadipi siyā ‘‘iddhivisayo acinteyyo’’ti, taṃ idhāpi samānaṃ ‘‘kammavipāko acinteyyo’’ti vacanato, tasmā taṃ tesaṃ matimattameva. Acinteyyasabhāvā hi sabhāvadhammā, te katthaci paccayavisesena vicchinnadese pātubhavanti, katthaci avicchinnadese ca. Tathā hi mukhaghosādīhi aññasmiṃ dese ādāsapabbatappadesādike paṭibimbapaṭighosādikaṃ paccayuppannaṃ nibbattamānaṃ dissati, tasmā na sabbaṃ sabbattha upanetabbanti ayamettha saṅkhepo. Vitthārato pana paṭibimbassa udāharaṇabhāvasādhanādiko antarābhavavicāro kathāvatthuppakaraṇassaṭīkāyaṃ (kathā. anuṭī. 507) gahetabbo.
абарз бана ‘‘ид̇хаад̇и гаамабхаво, хуранд̇и аруубабхаво, убхаяаманд̇арзнаад̇и руубабхаво вуд̇д̇о’’д̇и вад̣̇анд̇и, ‘‘ид̇хаад̇и бажжаяад̇хаммаа, хуранд̇и бажжаяуббаннад̇хаммаа, убхаяаманд̇арзнаад̇и бан̣н̣ад̇д̇ид̇хаммаа вуд̇д̇аа’’д̇и жа вад̣̇анд̇и, д̇ам̣ саб̣б̣аадтагат̇аасу над̇т̇и, д̇асмаа вуд̇д̇анаязнзва ад̇т̇о взд̣̇ид̇аб̣б̣о. авасидтам̣ руубанд̇и аабод̇хаад̇уаагаасад̇хаад̇уухи сад̣̇д̇хим̣ лагкан̣аруубаани, ож̇ан̃жа санд̇хааяааха анинд̣̇рияаб̣ад̣̇д̇харуубасса ад̇хиббзд̇ад̇д̇аа. д̇асса кийн̣аасавасса д̇ам̣ ниб̣б̣аанаарамман̣ам̣ жид̇д̇ам̣ на ж̇аананд̇и на н̃ааяанд̇и ‘‘жхааяамаанаа’’д̇и вуд̇д̇ад̇д̇аа. сзсам̣ сувин̃н̃зяяамзва.
Apare pana ‘‘idhāti kāmabhavo, huranti arūpabhavo, ubhayamantarenāti rūpabhavo vutto’’ti vadanti, ‘‘idhāti paccayadhammā, huranti paccayuppannadhammā, ubhayamantarenāti paṇṇattidhammā vuttā’’ti ca vadanti, taṃ sabbaaṭṭhakathāsu natthi, tasmā vuttanayeneva attho veditabbo. Avasiṭṭhaṃ rūpanti āpodhātuākāsadhātūhi saddhiṃ lakkhaṇarūpāni, ojañca sandhāyāha anindriyabaddharūpassa adhippetattā. Tassa khīṇāsavassa taṃ nibbānārammaṇaṃ cittaṃ na jānanti na ñāyanti ‘‘jhāyamānā’’ti vuttattā. Sesaṃ suviññeyyameva.
жад̇уб̣яуухахааравибхан̇г̇аван̣н̣анаа нидтид̇аа.
Catubyūhahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 6. жад̇уб̣яуухахааравибхан̇г̇о • 6. Catubyūhahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 6. жад̇уб̣яуухахааравибхан̇г̇аван̣н̣анаа • 6. Catubyūhahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 6. жад̇уб̣яуухахааравибхан̇г̇авибхааванаа • 6. Catubyūhahāravibhaṅgavibhāvanā
