| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
6. жад̇уб̣яуухахааравибхан̇г̇авибхааванаа
6. Catubyūhahāravibhaṅgavibhāvanā
25. язна язна сам̣ван̣н̣анаависзсабхууд̇зна лагкан̣ахааравибхан̇г̇зна суд̇д̇ад̇т̇зхи самаанад̇т̇аа вибхад̇д̇аа, со сам̣ван̣н̣анаависзсабхууд̇о лагкан̣ахааравибхан̇г̇о барибун̣н̣о, ‘‘гад̇амо жад̇уб̣яуухахааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо жад̇уб̣яуухо хааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу. гад̇амод̇и гад̇амо сам̣ван̣н̣анаависзсо жад̇уб̣яуухо хааро жад̇уб̣яуухахааравибхан̇г̇о наамаад̇и вин̃н̃зяяо. д̇зна вуд̇д̇ам̣ – ‘‘д̇ад̇т̇а гад̇амо жад̇уб̣яуухо хаарод̇и жад̇уб̣яуухахааравибхан̇г̇о’’д̇и (нзд̇д̇и. адта. 25). ‘‘иминаа жад̇уб̣яуухахаарзна гад̇амасса нзруд̇д̇аад̣̇аяо г̇авзсид̇аб̣б̣аа’’д̇и бужчид̇аб̣б̣ад̇д̇аа ‘‘б̣яан̃ж̇анзнаа’’д̇иаад̣̇и вуд̇д̇ам̣. д̇ад̇т̇а б̣яан̃ж̇анзнаад̇и жад̇уб̣яуухахаарасса суд̇д̇асса висзсад̇о б̣яан̃ж̇анавижаяабхаавад̇о ‘‘б̣яан̃ж̇анаа’’д̇и вохаарид̇зна иминаа жад̇уб̣яуухахаарзна суд̇д̇асса нзруд̇д̇ан̃жа, суд̇д̇асса ад̇хиббааяо жа, суд̇д̇асса нид̣̇аанан̃жа, суд̇д̇асса буб̣б̣аабарасанд̇хи жа сам̣ван̣н̣знд̇зхи г̇авзсид̇аб̣б̣од̇и ад̇т̇о.
25. Yena yena saṃvaṇṇanāvisesabhūtena lakkhaṇahāravibhaṅgena suttatthehi samānatthā vibhattā, so saṃvaṇṇanāvisesabhūto lakkhaṇahāravibhaṅgo paripuṇṇo, ‘‘katamo catubyūhahāravibhaṅgo’’ti pucchitabbattā ‘‘tattha katamo catubyūho hāro’’tiādi vuttaṃ. Tattha tatthāti tesu niddiṭṭhesu soḷasasu desanāhārādīsu. Katamoti katamo saṃvaṇṇanāviseso catubyūho hāro catubyūhahāravibhaṅgo nāmāti viññeyyo. Tena vuttaṃ – ‘‘tattha katamo catubyūho hāroti catubyūhahāravibhaṅgo’’ti (netti. aṭṭha. 25). ‘‘Iminā catubyūhahārena katamassa neruttādayo gavesitabbā’’ti pucchitabbattā ‘‘byañjanenā’’tiādi vuttaṃ. Tattha byañjanenāti catubyūhahārassa suttassa visesato byañjanavicayabhāvato ‘‘byañjanā’’ti vohāritena iminā catubyūhahārena suttassa neruttañca, suttassa adhippāyo ca, suttassa nidānañca, suttassa pubbāparasandhi ca saṃvaṇṇentehi gavesitabboti attho.
‘‘жад̇уб̣яуухахаарзна г̇авзсид̇аб̣б̣зсу нзруд̇д̇аад̣̇ийсу гад̇амам̣ суд̇д̇асса г̇авзсид̇аб̣б̣ам̣ нзруд̇д̇а’’нд̇и бужчид̇аб̣б̣ад̇д̇аа ‘‘д̇ад̇т̇а гад̇амам̣ нзруд̇д̇а’’нд̇иаад̣̇и вуд̇д̇ам̣. д̇ассад̇т̇о – д̇ад̇т̇а д̇зсу иминаа жад̇уб̣яуухахаарзна г̇авзсид̇аб̣б̣зсу нзруд̇д̇аад̣̇ийсу гад̇амам̣ суд̇д̇асса нзруд̇д̇ам̣ ниб̣б̣ажанам̣ наамаад̇и жз бужчзяяа? суд̇д̇асса яаа нируд̇д̇и нид̣̇д̇хаарзд̇ваа вуд̇д̇аа сабхаавабан̃н̃ад̇д̇и г̇авзсид̇аб̣б̣аа, ид̣̇ам̣ сабхааванируд̇д̇ибхууд̇ам̣ ниб̣б̣ажанам̣ нзруд̇д̇ам̣ наамаад̇и. ‘‘яаа нируд̇д̇и нзруд̇д̇ам̣ наамаад̇и вуд̇д̇аа, гаа бана саа нируд̇д̇ий’’д̇и бужчид̇аб̣б̣ад̇д̇аа ‘‘бад̣̇асам̣хид̇аа’’д̇и вуд̇д̇ам̣. бад̣̇зсу сам̣хид̇аа яуд̇д̇аа бад̣̇асам̣хид̇аа. яат̇аа яат̇аа суд̇д̇ад̇т̇о вад̇д̇аб̣б̣о, д̇ат̇аа д̇ат̇аа яаа сабхааванируд̇д̇и бавад̇д̇аа, саа бавад̇д̇аа сабхааванируд̇д̇иязва нируд̇д̇и наамаад̇и яож̇анаа. ‘‘гаа бана саа сабхааванируд̇д̇ий’’д̇и бужчид̇аб̣б̣ад̇д̇аа жа ‘‘яам̣ д̇хаммаанам̣ наамасо н̃аан̣а’’нд̇и вуд̇д̇ам̣. яам̣ яааяа гааран̣абхууд̇ааяа наамабан̃н̃ад̇д̇ияаа д̇хаммаанам̣ нзяяаанам̣ наамасо бат̇авийнаамаад̣̇инаа ваа пассанаамаад̣̇инаа ваа канд̇ханаамаад̣̇инаа ваа вивид̇хзна наамзна ад̇т̇ад̇хаммаад̣̇ийсу гусаласса буг̇г̇аласса н̃аан̣ам̣ бавад̇д̇ад̇и, саа гааран̣абхууд̇аа наамабан̃н̃ад̇д̇и сабхааванируд̇д̇и наамаад̇и ад̇т̇о. яанд̇и жа лин̇г̇авибаллаасо, яааяаад̇и ад̇т̇о. ‘‘лин̇г̇абагад̇ид̇хаммаанам̣ наамасо бавад̇д̇амаанам̣ н̃аан̣ам̣ виварид̇ваа гат̇зхий’’д̇и вад̇д̇аб̣б̣ад̇д̇аа ‘‘яад̣̇аа хий’’д̇иаад̣̇и вуд̇д̇ам̣. адтагат̇ааяам̣ бана ‘‘яад̣̇аа хи бхигкууд̇иаад̣̇инаа ‘д̇хаммаанам̣ наамасо н̃аан̣а’нд̇и бад̣̇асса ад̇т̇ам̣ виварад̇ий’’д̇и (нзд̇д̇и. адта. 25) вуд̇д̇ам̣. д̇ассад̇т̇о адтагат̇ааяам̣ вибхаж̇ид̇ваа вуд̇д̇оваад̇и на вижаарид̇о.
‘‘Catubyūhahārena gavesitabbesu neruttādīsu katamaṃ suttassa gavesitabbaṃ nerutta’’nti pucchitabbattā ‘‘tattha katamaṃ nerutta’’ntiādi vuttaṃ. Tassattho – tattha tesu iminā catubyūhahārena gavesitabbesu neruttādīsu katamaṃ suttassa neruttaṃ nibbacanaṃ nāmāti ce puccheyya? Suttassa yā nirutti niddhāretvā vuttā sabhāvapaññatti gavesitabbā, idaṃ sabhāvaniruttibhūtaṃ nibbacanaṃ neruttaṃ nāmāti. ‘‘Yā nirutti neruttaṃ nāmāti vuttā, kā pana sā niruttī’’ti pucchitabbattā ‘‘padasaṃhitā’’ti vuttaṃ. Padesu saṃhitā yuttā padasaṃhitā. Yathā yathā suttattho vattabbo, tathā tathā yā sabhāvanirutti pavattā, sā pavattā sabhāvaniruttiyeva nirutti nāmāti yojanā. ‘‘Kā pana sā sabhāvaniruttī’’ti pucchitabbattā ca ‘‘yaṃ dhammānaṃ nāmaso ñāṇa’’nti vuttaṃ. Yaṃ yāya kāraṇabhūtāya nāmapaññattiyā dhammānaṃ neyyānaṃ nāmaso pathavīnāmādinā vā phassanāmādinā vā khandhanāmādinā vā vividhena nāmena atthadhammādīsu kusalassa puggalassa ñāṇaṃ pavattati, sā kāraṇabhūtā nāmapaññatti sabhāvanirutti nāmāti attho. Yanti ca liṅgavipallāso, yāyāti attho. ‘‘Liṅgapakatidhammānaṃ nāmaso pavattamānaṃ ñāṇaṃ vivaritvā kathehī’’ti vattabbattā ‘‘yadā hī’’tiādi vuttaṃ. Aṭṭhakathāyaṃ pana ‘‘yadā hi bhikkhūtiādinā ‘dhammānaṃ nāmaso ñāṇa’nti padassa atthaṃ vivaratī’’ti (netti. aṭṭha. 25) vuttaṃ. Tassattho aṭṭhakathāyaṃ vibhajitvā vuttovāti na vicārito.
26. нзруд̇д̇ам̣ аажариязна вибхад̇д̇ам̣, амхзхи жа н̃аад̇ам̣ ‘‘гад̇амо суд̇д̇з г̇авзсид̇аб̣б̣о бхаг̇авад̇о ад̇хиббааяо’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо ад̇хиббааяо’’д̇иаад̣̇и вуд̇д̇ам̣. д̇ассад̇т̇о баагадо. абижа ‘‘д̇хаммо хавз рагкад̇ий’’д̇иаад̣̇ийсу язна буг̇г̇алзна ад̇д̇анаа рагкид̇зна д̇хаммзна рагкид̇аб̣б̣абхааво ижчид̇о, со д̇хаммам̣ рагкиссад̇ийд̇и бхаг̇авад̇о ад̇хиббааяо. яо буг̇г̇ало д̣̇уг̇г̇ад̇ид̇о мужжид̇угаамо, со д̇хаммам̣ рагкиссад̇ийд̇и бхаг̇авад̇о ад̇хиббааяо.
26. Neruttaṃ ācariyena vibhattaṃ, amhehi ca ñātaṃ ‘‘katamo sutte gavesitabbo bhagavato adhippāyo’’ti pucchitabbattā ‘‘tattha katamo adhippāyo’’tiādi vuttaṃ. Tassattho pākaṭo. Apica ‘‘dhammo have rakkhatī’’tiādīsu yena puggalena attanā rakkhitena dhammena rakkhitabbabhāvo icchito, so dhammaṃ rakkhissatīti bhagavato adhippāyo. Yo puggalo duggatito muccitukāmo, so dhammaṃ rakkhissatīti bhagavato adhippāyo.
жоро яат̇аа санд̇химукз г̇ахид̇од̇иаад̣̇ийсу яо жоро гхаад̇анад̇о мужжид̇угаамо, со жорагаммам̣ на гариссад̇ийд̇и бхаг̇авад̇о ад̇хиббааяо. яо буг̇г̇ало абааяаад̣̇ид̣̇угкад̇о мужжид̇угаамо, со баабагаммам̣ на гариссад̇ийд̇и бхаг̇авад̇о ад̇хиббааяо.
Coro yathā sandhimukhe gahitotiādīsu yo coro ghātanato muccitukāmo, so corakammaṃ na karissatīti bhagavato adhippāyo. Yo puggalo apāyādidukkhato muccitukāmo, so pāpakammaṃ na karissatīti bhagavato adhippāyo.
сукагаамаанийд̇иаад̣̇ийсу яз буг̇г̇алаа сукам̣ ижчанд̇и, д̇з барахим̣санад̇о виваж̇ж̇иссанд̇ийд̇и бхаг̇авад̇о ад̇хиббааяо.
Sukhakāmānītiādīsu ye puggalā sukhaṃ icchanti, te parahiṃsanato vivajjissantīti bhagavato adhippāyo.
мид̣̇д̇хий яад̣̇аа ход̇и махаг̇гхасо жаад̇иаад̣̇ийсу яз буг̇г̇алаа бунаббунам̣ бавад̇д̇амаанаж̇аад̇иж̇араамаран̣ад̇о мужжид̇угаамаа, д̇з бхож̇анз мад̇д̇ан̃н̃уно бхависсанд̇и, санд̇удтаа бхависсанд̇и, суд̣̇д̇хааж̇ийваа бхависсанд̇и, баад̇имогкасам̣варасийласамбаннаа бхависсанд̇и, ад̇анд̣̇ино бхависсанд̇и, вибассагаа бхависсанд̇и, саг̇аараваа саббад̇иссаа бхависсанд̇ийд̇и бхаг̇авад̇о ад̇хиббааяо.
Middhī yadā hoti mahagghaso cātiādīsu ye puggalā punappunaṃ pavattamānajātijarāmaraṇato muccitukāmā, te bhojane mattaññuno bhavissanti, santuṭṭhā bhavissanti, suddhājīvā bhavissanti, pātimokkhasaṃvarasīlasampannā bhavissanti, atandino bhavissanti, vipassakā bhavissanti, sagāravā sappatissā bhavissantīti bhagavato adhippāyo.
аббамаад̣̇о амад̇абад̣̇анд̇иаад̣̇ийсу яз буг̇г̇алаа мажжуно бхааяанд̇и, ниб̣б̣аанамижчанд̇и, д̇з буг̇г̇алаа д̣̇аанасийлабхааванаагаммзсу аббамад̇д̇аа бхависсанд̇ийд̇и бхаг̇авад̇о ад̇хиббааяо.
Appamādo amatapadantiādīsu ye puggalā maccuno bhāyanti, nibbānamicchanti, te puggalā dānasīlabhāvanākammesu appamattā bhavissantīti bhagavato adhippāyo.
27. суд̇д̇з г̇авзсид̇аб̣б̣о ад̇хиббааяо аажариязна вибхад̇д̇о, амхзхи жа вин̃н̃аад̇о, ‘‘гад̇амам̣ суд̇д̇асса г̇авзсид̇аб̣б̣ам̣ нид̣̇аана’’нд̇и бужчид̇аб̣б̣ад̇д̇аа ‘‘д̇ад̇т̇а гад̇амам̣ нид̣̇аана’’нд̇иаад̣̇и вуд̇д̇ам̣. д̇ад̇т̇а нид̣̇аананд̇и палам̣ нийхарид̇ваа д̣̇зд̇ийд̇и нид̣̇аанам̣. гим̣ д̇ам̣? гааран̣ам̣. д̇ханияод̇и д̇ханавад̣дханагааран̣з нияуд̇д̇од̇и д̇ханияо. г̇обаалагод̇и г̇ааво иссарабхаавзна баалзд̇и рагкад̇ийд̇и г̇обаалаго. убад̇хийхийд̇и буд̇д̇аг̇он̣аад̣̇ийхи (су. ни. адта. 1.33). нарассаад̇и буд̇д̇иманд̇асса ваа г̇обаалагасса ваа нарассаад̇и жа бад̣̇адтаанавасзна ваа язбхуяяавасзна ваа г̇аат̇ааяам̣ ааг̇ад̇авасзна ваа вуд̇д̇ам̣, наарияааби убад̇хийхи нанд̣̇анаа ад̇т̇зваад̇и д̣̇адтаб̣б̣аа.
27. Sutte gavesitabbo adhippāyo ācariyena vibhatto, amhehi ca viññāto, ‘‘katamaṃ suttassa gavesitabbaṃ nidāna’’nti pucchitabbattā ‘‘tattha katamaṃ nidāna’’ntiādi vuttaṃ. Tattha nidānanti phalaṃ nīharitvā detīti nidānaṃ. Kiṃ taṃ? Kāraṇaṃ. Dhaniyoti dhanavaḍḍhanakāraṇe niyuttoti dhaniyo. Gopālakoti gāvo issarabhāvena pāleti rakkhatīti gopālako. Upadhīhīti puttagoṇādīhi (su. ni. aṭṭha. 1.33). Narassāti puttimantassa vā gopālakassa vā narassāti ca padaṭṭhānavasena vā yebhuyyavasena vā gāthāyaṃ āgatavasena vā vuttaṃ, nāriyāpi upadhīhi nandanā atthevāti daṭṭhabbā.
иминаа вад̇т̇унаад̇и убад̇хисан̇каад̇зна иминаава буд̇д̇аг̇аваад̣̇инаа вад̇т̇унаа. васад̇и бавад̇д̇ад̇и нанд̣̇анаа зд̇т̇а буд̇д̇аг̇он̣аад̣̇игзд̇и вад̇т̇у. нанд̣̇анам̣ нийхарид̇ваа д̣̇зд̇и буд̇д̇аг̇он̣аад̣̇иганд̇и нид̣̇аананд̇и ад̇т̇ам̣ г̇ахзд̇ваа д̇ханияо ‘‘убад̇хийхи нарасса нанд̣̇анаа’’д̇и ааха. бхаг̇аваа бана ‘‘васад̇и бавад̇д̇ад̇и сожанаа зд̇т̇а буд̇д̇аг̇он̣аад̣̇игзхи вад̇т̇у, сожанам̣ нийхарид̇ваа д̣̇зд̇и буд̇д̇аг̇он̣аад̣̇иганд̇и нид̣̇аана’’нд̇и ад̇т̇ам̣ г̇ахзд̇ваа ‘‘убад̇хийхи нарасса сожанаа’’д̇и ааха. бариг̇г̇ахийяад̇зд̇и бариг̇г̇ахам̣. гим̣ д̇ам̣? буд̇д̇аг̇он̣аад̣̇игам̣, д̇ам̣ бариг̇г̇ахам̣ ‘‘убад̇хий’’д̇и ааха, на гилзсуубад̇хигааяаканд̇хуубад̇хинд̇и.
Iminā vatthunāti upadhisaṅkhātena imināva puttagavādinā vatthunā. Vasati pavattati nandanā ettha puttagoṇādiketi vatthu. Nandanaṃ nīharitvā deti puttagoṇādikanti nidānanti atthaṃ gahetvā dhaniyo ‘‘upadhīhi narassa nandanā’’ti āha. Bhagavā pana ‘‘vasati pavattati socanā ettha puttagoṇādikehi vatthu, socanaṃ nīharitvā deti puttagoṇādikanti nidāna’’nti atthaṃ gahetvā ‘‘upadhīhi narassa socanā’’ti āha. Pariggahīyateti pariggahaṃ. Kiṃ taṃ? Puttagoṇādikaṃ, taṃ pariggahaṃ ‘‘upadhī’’ti āha, na kilesūpadhikāyakhandhūpadhinti.
убад̇хийсууд̇и канд̇хасан̇каад̇зсу гааязсу. гааяам̣ ‘‘убад̇хий’’д̇и ааха, на буд̇д̇аг̇аваад̣̇игам̣, на бариг̇г̇ахам̣.
Upadhīsūti khandhasaṅkhātesu kāyesu. Kāyaṃ ‘‘upadhī’’ti āha, na puttagavādikaṃ, na pariggahaṃ.
б̣аахирзсу вад̇т̇уусууд̇и ман̣игун̣д̣алабуд̇д̇ад̣̇аараад̣̇ийсу вад̇т̇уусу.
Bāhiresuvatthūsūti maṇikuṇḍalaputtadārādīsu vatthūsu.
гаамасуканд̇и гааманийязсу ассаад̣̇асукавасзна бавад̇д̇аа д̇ан̣хаа. б̣аахиравад̇т̇угааяа д̇ан̣хааяаад̇и гааманийязсу б̣аахиравад̇т̇уусу ассаад̣̇асукавасзна бавад̇д̇ааяа д̇ан̣хааяа.
Kāmasukhanti kāmanīyesu assādasukhavasena pavattā taṇhā. Bāhiravatthukāya taṇhāyāti kāmanīyesu bāhiravatthūsu assādasukhavasena pavattāya taṇhāya.
аж̇жхад̇д̇игавад̇т̇угааяаад̇и руубагааяасан̇каад̇з аж̇жхад̇д̇игавад̇т̇умхи абхинанд̣̇анавасзна бавад̇д̇ааяа.
Ajjhattikavatthukāyāti rūpakāyasaṅkhāte ajjhattikavatthumhi abhinandanavasena pavattāya.
буна аж̇жхад̇д̇игавад̇т̇угааяаад̇и бан̃жагканд̇хасан̇каад̇з аж̇жхад̇д̇игавад̇т̇умхи синзхавасзна бавад̇д̇ааяа.
Puna ajjhattikavatthukāyāti pañcakkhandhasaṅkhāte ajjhattikavatthumhi sinehavasena pavattāya.
г̇авзсид̇аб̣б̣ам̣ нид̣̇аанам̣ вибхад̇д̇ам̣, амхзхи жа н̃аад̇ам̣, ‘‘гад̇амо г̇авзсид̇аб̣б̣о буб̣б̣аабарасанд̇хий’’д̇и бужчид̇аб̣б̣ад̇д̇аа д̇ад̇т̇а гад̇амо буб̣б̣аабарасанд̇хий’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нзруд̇д̇аад̇хиббааяанид̣̇аанабуб̣б̣аабарасанд̇хийсу. яат̇аад̇и язна анд̇хагаараад̣̇инаа сабхаавзна ‘‘гааманд̇хаа…бз… маад̇ара’’нд̇и яам̣ гаамад̇ан̣хам̣ бхаг̇аваа ааха, аяам̣ гаамад̇ан̣хаа д̇ат̇аа д̇зна анд̇хагаараад̣̇инаа сабхаавзна ‘‘гааманд̇хаа…бз… маад̇ара’’нд̇и г̇аат̇аа вуд̇д̇аад̇и яож̇анаа.
Gavesitabbaṃ nidānaṃ vibhattaṃ, amhehi ca ñātaṃ, ‘‘katamo gavesitabbo pubbāparasandhī’’ti pucchitabbattā tattha katamo pubbāparasandhī’’tiādi vuttaṃ. Tattha tatthāti tesu neruttādhippāyanidānapubbāparasandhīsu. Yathāti yena andhakārādinā sabhāvena ‘‘kāmandhā…pe… mātara’’nti yaṃ kāmataṇhaṃ bhagavā āha, ayaṃ kāmataṇhā tathā tena andhakārādinā sabhāvena ‘‘kāmandhā…pe… mātara’’nti gāthā vuttāti yojanā.
г̇аат̇аад̇т̇о бана – гаамзд̇ийд̇и гаамо, гаамад̇ан̣хаа, гаамзна ад̇т̇асса аж̇аананад̇ааяа д̇хаммасса, абассанад̇ааяа жа анд̇хаад̇и гааманд̇хаа. гаамад̇ан̣хаасан̇каад̇зна ж̇аалзна ад̇т̇ад̇хаммаанам̣ аж̇аананаабассанзна сан̃чаннаа балиг̇ун̣тид̇аад̇и ж̇ааласан̃чаннаа. д̇ан̣хаасан̇каад̇зна чад̣̇анзна д̇зсам̣язва ад̇т̇ад̇хаммаанам̣ аж̇аананаабассанзна чаад̣̇ид̇аа бихид̇аад̇и д̇ан̣хаачад̣̇аначаад̣̇ид̇аа. ад̇т̇ад̇хаммзсу бамад̇д̇асан̇каад̇зна бамаад̣̇зна б̣анд̇ханзна б̣ад̣̇д̇хаа б̣анд̇хид̇аб̣б̣аа буг̇г̇алаа ж̇араамаран̣ам̣ анвзнд̇и, гуминаамукз бавад̇д̇аа мажчаа маран̣ам̣ анвзнд̇и ива жа, кийрабаго важчо маад̇арам̣ анвзд̇и ива жа, д̇ат̇аа ж̇араамаран̣ам̣ анвзнд̇ийд̇и г̇ахзд̇аб̣б̣о.
Gāthāttho pana – kāmetīti kāmo, kāmataṇhā, kāmena atthassa ajānanatāya dhammassa, apassanatāya ca andhāti kāmandhā. Kāmataṇhāsaṅkhātena jālena atthadhammānaṃ ajānanāpassanena sañchannā paliguṇṭhitāti jālasañchannā. Taṇhāsaṅkhātena chadanena tesaṃyeva atthadhammānaṃ ajānanāpassanena chāditā pihitāti taṇhāchadanachāditā. Atthadhammesu pamattasaṅkhātena pamādena bandhanena baddhā bandhitabbā puggalā jarāmaraṇaṃ anventi, kumināmukhe pavattā macchā maraṇaṃ anventi iva ca, khīrapako vaccho mātaraṃ anveti iva ca, tathā jarāmaraṇaṃ anventīti gahetabbo.
‘‘гааманд̇хаа…бз… маад̇ара’нд̇и яааяа д̣̇зсанааяа, г̇аат̇ааяа ваа гаамад̇ан̣хаа вуд̇д̇аа, саа д̣̇зсанаа, г̇аат̇аа ваа гад̇амзна д̣̇зсанаабхууд̇зна абарзна яуж̇ж̇ад̇ий’’д̇и бужчид̇аб̣б̣ад̇д̇аа д̇ат̇аа бужчид̇ваа имааяа д̣̇зсанааяа, г̇аат̇ааяа ваа яуж̇ж̇ад̇ийд̇и д̣̇ассзд̇ум̣ ‘‘саа гад̇амзнаа’’д̇иаад̣̇и вуд̇д̇ам̣. д̇ад̇т̇а саад̇и ‘‘гааманд̇хаа…бз… анвзнд̇ий’’д̇и д̣̇зсанаа, г̇аат̇аа ваа. буб̣б̣аабарзнаад̇и д̇ад̇о д̣̇зсанаад̇о буб̣б̣зна д̣̇зсанааважанзна, г̇аат̇ааважанзна ваа абарзна д̣̇зсанааважанзна, г̇аат̇ааважанзна ваа. яуж̇ж̇ад̇и яуж̇ж̇анам̣ зд̇и самзд̇ийд̇и бужчад̇и.
‘‘Kāmandhā…pe… mātara’nti yāya desanāya, gāthāya vā kāmataṇhā vuttā, sā desanā, gāthā vā katamena desanābhūtena aparena yujjatī’’ti pucchitabbattā tathā pucchitvā imāya desanāya, gāthāya vā yujjatīti dassetuṃ ‘‘sā katamenā’’tiādi vuttaṃ. Tattha sāti ‘‘kāmandhā…pe… anventī’’ti desanā, gāthā vā. Pubbāparenāti tato desanāto pubbena desanāvacanena, gāthāvacanena vā aparena desanāvacanena, gāthāvacanena vā. Yujjati yujjanaṃ eti sametīti pucchati.
яат̇аад̇и язна анд̇хагаран̣аад̣̇инаа. ‘‘рад̇д̇о…бз… нара’’нд̇и яам̣ г̇аат̇ааважанам̣ бхаг̇аваа ааха, д̇зна г̇аат̇ааважанзна д̇ат̇аа анд̇хагаран̣аад̣̇инаа яуж̇ж̇ад̇ийд̇и яож̇анаа. г̇аат̇аад̇т̇о бана – рад̇д̇о ран̃ж̇анд̇о буг̇г̇ало ад̇т̇ам̣ ад̇д̇ахид̇абаяож̇анам̣ барахид̇абаяож̇анам̣ на ж̇аанаад̇и. рад̇д̇о ран̃ж̇анд̇о д̇хаммам̣ яат̇аавуд̇д̇асса ад̇т̇асса хзд̇ум̣ бан̃н̃аажагкунаа на бассад̇и. рааг̇о яам̣ нарам̣ яад̣̇аа сахад̇з, д̇ад̣̇аа д̇асса нарасса анд̇хам̣ анд̇хагаарам̣ д̇амам̣ ан̃н̃аан̣ам̣ ход̇ийд̇и г̇ахзд̇аб̣б̣о.
Yathāti yena andhakaraṇādinā. ‘‘Ratto…pe… nara’’nti yaṃ gāthāvacanaṃ bhagavā āha, tena gāthāvacanena tathā andhakaraṇādinā yujjatīti yojanā. Gāthāttho pana – ratto rañjanto puggalo atthaṃ attahitapayojanaṃ parahitapayojanaṃ na jānāti. Ratto rañjanto dhammaṃ yathāvuttassa atthassa hetuṃ paññācakkhunā na passati. Rāgo yaṃ naraṃ yadā sahate, tadā tassa narassa andhaṃ andhakāraṃ tamaṃ aññāṇaṃ hotīti gahetabbo.
ид̇ийд̇и звам̣. анд̇хад̇ааяа анд̇хагаран̣ад̇ааяа сан̃чаннад̇ааяа сан̃чаннагаран̣ад̇ааяа. сааязва д̇ан̣хаад̇и ‘‘гааманд̇хаа…бз… маад̇ара’’нд̇и г̇аат̇ааважанзна яаа гаамад̇ан̣хаа вуд̇д̇аа, сааязва гаамад̇ан̣хаа. абхилабид̇аад̇и ‘‘рад̇д̇о…бз… нара’’нд̇и абарзна г̇аат̇ааважанзна бхаг̇авад̇аа вохаарид̇аа вохаран̣зна н̃аабид̇аа, абхилабид̇асса ад̇т̇асса самаанад̇аа буб̣б̣ад̣̇зсанаа абарад̣̇зсанааяа яуж̇ж̇ад̇ийд̇и вуд̇д̇ам̣ ход̇и.
Itīti evaṃ. Andhatāya andhakaraṇatāya sañchannatāya sañchannakaraṇatāya. Sāyeva taṇhāti ‘‘kāmandhā…pe… mātara’’nti gāthāvacanena yā kāmataṇhā vuttā, sāyeva kāmataṇhā. Abhilapitāti ‘‘ratto…pe… nara’’nti aparena gāthāvacanena bhagavatā vohāritā voharaṇena ñāpitā, abhilapitassa atthassa samānatā pubbadesanā aparadesanāya yujjatīti vuttaṃ hoti.
‘‘д̣̇вийсу г̇аат̇аасу гад̇амзхи бад̣̇зхи сааязва д̇ан̣хаа абхилабид̇аа’’д̇и бужчид̇аб̣б̣ад̇д̇аа имзхи абхилабид̇аад̇и нияамзд̇ваа д̣̇ассзд̇ум̣ ‘‘яан̃жаахаа’’д̇иаад̣̇и вуд̇д̇ам̣. д̇ад̇т̇а батамаг̇аат̇ааяам̣ ‘‘гааманд̇хаа…бз… чаад̣̇ид̇аа’’д̇и яан̃жа бад̣̇ам̣ ааха, д̣̇уд̇ияаг̇аат̇ааяан̃жа ‘‘рад̇д̇о…бз… на бассад̇ий’’д̇и яан̃жа бад̣̇ам̣ ааха. барияудтаанзхи барияудтаанад̣̇ийбагзхи имзхи ‘‘гааманд̇хаа…бз… бассад̇ий’’д̇и бад̣̇зхи сааязва батамаг̇аат̇ааяа вуд̇д̇аа гаамад̇ан̣хаа жа бхаг̇авад̇аа абхилабид̇аа.
‘‘Dvīsu gāthāsu katamehi padehi sāyeva taṇhā abhilapitā’’ti pucchitabbattā imehi abhilapitāti niyametvā dassetuṃ ‘‘yañcāhā’’tiādi vuttaṃ. Tattha paṭhamagāthāyaṃ ‘‘kāmandhā…pe… chāditā’’ti yañca padaṃ āha, dutiyagāthāyañca ‘‘ratto…pe… na passatī’’ti yañca padaṃ āha. Pariyuṭṭhānehi pariyuṭṭhānadīpakehi imehi ‘‘kāmandhā…pe… passatī’’ti padehi sāyeva paṭhamagāthāya vuttā kāmataṇhā ca bhagavatā abhilapitā.
‘‘яам̣ анд̇хагаарам̣ вуд̇д̇ам̣, гад̇амам̣ д̇ам̣? яаа д̇ан̣хаа бонобхавигаа вуд̇д̇аа, гад̇амаа саа’’д̇и бужчид̇аб̣б̣ад̇д̇аа ‘‘яам̣ анд̇хагаара’’нд̇иаад̣̇и вуд̇д̇ам̣. д̇ад̇т̇а анд̇хагаарам̣ яам̣ ан̃н̃аан̣ам̣ вуд̇д̇ам̣, аяам̣ д̣̇угкасамуд̣̇аяо бхавз. яаа жа д̇ан̣хаа бонобхавигаа вуд̇д̇аа, аяан̃жа д̣̇угкасамуд̣̇аяо бхавзд̇и яож̇анаа.
‘‘Yaṃ andhakāraṃ vuttaṃ, katamaṃ taṃ? Yā taṇhā ponobhavikā vuttā, katamā sā’’ti pucchitabbattā ‘‘yaṃ andhakāra’’ntiādi vuttaṃ. Tattha andhakāraṃ yaṃ aññāṇaṃ vuttaṃ, ayaṃ dukkhasamudayo bhave. Yā ca taṇhā ponobhavikā vuttā, ayañca dukkhasamudayo bhaveti yojanā.
‘‘гаамаа’’д̇и яан̃жа бад̣̇ам̣ бхаг̇аваа ааха, д̇зна бад̣̇зна имз гилзсагаамаа вуд̇д̇аа. ‘‘ж̇ааласан̃чаннаа’’д̇и яан̃жа бад̣̇ам̣ бхаг̇аваа ааха, д̇зна бад̣̇зна д̇зсам̣язва гилзсагаамаанам̣ баяог̇зна самуд̣̇аажаарзна барияудтаанам̣ бхаг̇аваа д̣̇ассзд̇и. д̇асмаад̇и яасмаа яасмим̣ санд̇аанз д̇ан̣хаа уббаннаа, д̇ам̣ санд̇аанам̣ сам̣саарад̇о ниссарид̇ум̣ ад̣̇ад̇ваа руубаарамман̣аад̣̇ийхи балобхаяамаанаа худ̇ваа жид̇д̇ам̣ гилзсзхи барияаад̣̇ааяа д̇идтад̇и, д̇асмаа д̇ан̣хааяа жид̇д̇ам̣ барияаад̣̇ааяа санд̇аанз д̇идтамаанад̇д̇аа. гилзсавасзнаад̇и вийд̇иггамагилзсавасзна. барияудтаанавасзнаад̇и вийд̇иггаманам̣ аббад̇ваа уббаж̇ж̇амаанавасзна. язд̇и вуд̇д̇аббагаарад̇ан̣хаасахид̇абуг̇г̇аласад̣̇исаа. д̇зд̇и д̇з д̇ан̣хааб̣анд̇ханаб̣ад̣̇д̇хаа жа зд̣̇исагаа жа буг̇г̇алаа. ж̇араамаран̣ам̣ анвзнд̇и ж̇араамаран̣ам̣ ад̇иггамид̇ум̣ на саггун̣анд̇и. аяанд̇и ж̇араамаран̣аануббавад̇д̇и ‘‘ж̇араамаран̣аманвзнд̇ий’’д̇и иминаа важанзна бхаг̇авад̇аа д̣̇ассид̇аад̇и яож̇анаа.
‘‘Kāmā’’ti yañca padaṃ bhagavā āha, tena padena ime kilesakāmā vuttā. ‘‘Jālasañchannā’’ti yañca padaṃ bhagavā āha, tena padena tesaṃyeva kilesakāmānaṃ payogena samudācārena pariyuṭṭhānaṃ bhagavā dasseti. Tasmāti yasmā yasmiṃ santāne taṇhā uppannā, taṃ santānaṃ saṃsārato nissarituṃ adatvā rūpārammaṇādīhi palobhayamānā hutvā cittaṃ kilesehi pariyādāya tiṭṭhati, tasmā taṇhāya cittaṃ pariyādāya santāne tiṭṭhamānattā. Kilesavasenāti vītikkamakilesavasena. Pariyuṭṭhānavasenāti vītikkamanaṃ appatvā uppajjamānavasena. Yeti vuttappakārataṇhāsahitapuggalasadisā. Teti te taṇhābandhanabaddhā ca edisakā ca puggalā. Jarāmaraṇaṃ anventi jarāmaraṇaṃ atikkamituṃ na sakkuṇanti. Ayanti jarāmaraṇānuppavatti ‘‘jarāmaraṇamanventī’’ti iminā vacanena bhagavatā dassitāti yojanā.
‘‘гааманд̇хаа’’д̇иаад̣̇иг̇аат̇ааяа жзва ‘‘рад̇д̇о’’д̇иаад̣̇иг̇аат̇ааяа жа буб̣б̣аабарасанд̇хи аажариязна вибхад̇д̇о , амхзхи жа н̃аад̇о, ‘‘гат̇ам̣ ‘яасса бабан̃жаа тид̇ий жаа’д̇иаад̣̇иг̇аат̇аасу буб̣б̣аабарасанд̇хи амхзхи вин̃н̃аад̇аб̣б̣о’’д̇и вад̇д̇аб̣б̣ад̇д̇аа яасса бабан̃жаа’’д̇иаад̣̇и вуд̇д̇ам̣. д̇ассаа г̇аат̇ааяа – яасса мунино бабан̃жаа д̇ан̣хаамаанад̣̇идтий жа над̇т̇и, д̇ан̣хаамаанад̣̇идтийхи абхисан̇кад̇аа сан̇каараа жа над̇т̇и, тид̇ий анусаяаа д̇ан̣хаа жа над̇т̇и, санд̣̇аанасад̣̇исам̣ д̇ан̣хаабарияудтаанам̣ над̇т̇и, балигхасад̣̇исо мохо жа над̇т̇и, со муни бабан̃жаад̣̇игам̣ саб̣б̣ам̣ вийд̇ивад̇д̇о ад̇игганд̇од̇и вужжад̇и. нид̇д̇ан̣хам̣ нимаанам̣ нид̣̇идтим̣ нисанд̣̇аанам̣ нибалигхам̣ логз жаранд̇ам̣ д̇ам̣ муним̣ сад̣̇зваго д̇ан̣хаасахид̇о лого на виж̇аанаад̇ийд̇и ад̇т̇о.
‘‘Kāmandhā’’tiādigāthāya ceva ‘‘ratto’’tiādigāthāya ca pubbāparasandhi ācariyena vibhatto , amhehi ca ñāto, ‘‘kathaṃ ‘yassa papañcā ṭhitī cā’tiādigāthāsu pubbāparasandhi amhehi viññātabbo’’ti vattabbattā yassa papañcā’’tiādi vuttaṃ. Tassā gāthāya – yassa munino papañcā taṇhāmānadiṭṭhī ca natthi, taṇhāmānadiṭṭhīhi abhisaṅkhatā saṅkhārā ca natthi, ṭhitī anusayā taṇhā ca natthi, sandānasadisaṃ taṇhāpariyuṭṭhānaṃ natthi, palighasadiso moho ca natthi, so muni papañcādikaṃ sabbaṃ vītivatto atikkantoti vuccati. Nittaṇhaṃ nimānaṃ nidiṭṭhiṃ nisandānaṃ nipalighaṃ loke carantaṃ taṃ muniṃ sadevako taṇhāsahito loko na vijānātīti attho.
г̇аат̇ааяам̣ бабан̃жаад̣̇аяо бхаг̇авад̇аа вуд̇д̇аа, ‘‘гад̇амз д̇з’’д̇и бужчид̇аб̣б̣ад̇д̇аа ‘‘бабан̃жаа наамаа’’д̇иаад̣̇и вуд̇д̇ам̣. ад̇д̇ано аад̇хаарабуг̇г̇алам̣ сам̣саарз жирам̣ бабан̃жанд̇аабзнд̇ий д̇ан̣хаамаанад̣̇идтияо жа, д̇аахи д̇ан̣хаамаанад̣̇идтийхи сахаж̇аад̇авасзна ваа убад̇т̇амбханавасзна ваа абхисан̇кад̇аа сан̇каараа жа бабан̃жаа наама. санд̇аанз аббахийнадтзна анусаяаа д̇ан̣хаа сад̇д̇аанам̣ д̇идтанахзд̇уд̇д̇аа тид̇ий наама. бавад̇д̇амаанааяа д̇ан̣хааяа яам̣ барияудтаанан̃жа чад̇д̇им̣сад̇ан̣хааяа ж̇аалинияаа яаани вижарид̇аани жа вуд̇д̇аани, ид̣̇ам̣ саб̣б̣ам̣ ад̇д̇ано аад̇хаарам̣ буг̇г̇алам̣ б̣анд̇ханадтзна санд̣̇аанасад̣̇исад̇д̇аа санд̣̇аанам̣ наама. мохо ад̇д̇ано аад̇хаарасса буг̇г̇аласса ниб̣б̣аананаг̇араббавзсанасса бадисзд̇хагад̇д̇аа балигхасад̣̇исад̇д̇аа балигхо наама. ‘‘яасса бабан̃жаад̣̇аяо над̇т̇и, со гим̣ вийд̇ивад̇д̇о’’д̇и бужчид̇аб̣б̣ад̇д̇аа ‘‘яз жаа’’д̇иаад̣̇и вуд̇д̇ам̣. яз вуд̇д̇аббагаараа бабан̃жаа сан̇каараа, яаа жа вуд̇д̇аббагаараа тид̇и, яам̣ вуд̇д̇аббагаарам̣ санд̣̇аанан̃жа, яам̣ вуд̇д̇аббагаарам̣ балигхан̃жа над̇т̇ийд̇и вуд̇д̇аа, саб̣б̣ам̣ зд̇ам̣ бабан̃жаад̣̇игам̣ яо муни самад̇игганд̇о, аяам̣ муни ‘‘нид̇д̇ан̣хо’’д̇и вужжад̇ийд̇и д̣̇адтаб̣б̣о.
Gāthāyaṃ papañcādayo bhagavatā vuttā, ‘‘katame te’’ti pucchitabbattā ‘‘papañcā nāmā’’tiādi vuttaṃ. Attano ādhārapuggalaṃ saṃsāre ciraṃ papañcantāpentī taṇhāmānadiṭṭhiyo ca, tāhi taṇhāmānadiṭṭhīhi sahajātavasena vā upatthambhanavasena vā abhisaṅkhatā saṅkhārā ca papañcā nāma. Santāne appahīnaṭṭhena anusayā taṇhā sattānaṃ tiṭṭhanahetuttā ṭhitī nāma. Pavattamānāya taṇhāya yaṃ pariyuṭṭhānañca chattiṃsataṇhāya jāliniyā yāni vicaritāni ca vuttāni, idaṃ sabbaṃ attano ādhāraṃ puggalaṃ bandhanaṭṭhena sandānasadisattā sandānaṃ nāma. Moho attano ādhārassa puggalassa nibbānanagarappavesanassa paṭisedhakattā palighasadisattā paligho nāma. ‘‘Yassa papañcādayo natthi, so kiṃ vītivatto’’ti pucchitabbattā ‘‘ye cā’’tiādi vuttaṃ. Ye vuttappakārā papañcā saṅkhārā, yā ca vuttappakārā ṭhiti, yaṃ vuttappakāraṃ sandānañca, yaṃ vuttappakāraṃ palighañca natthīti vuttā, sabbaṃ etaṃ papañcādikaṃ yo muni samatikkanto, ayaṃ muni ‘‘nittaṇho’’ti vuccatīti daṭṭhabbo.
28. ‘‘яасса бабан̃жаад̇иаад̣̇иг̇аат̇ааяам̣ яз бабан̃жаад̣̇аяо вуд̇д̇аа, д̇зсу д̇ан̣хаамаанад̣̇идтихзд̇угаа сан̇каараа гад̣̇аа гад̇ивид̇хам̣ палам̣ д̣̇знд̇и, д̇ам̣сан̇каарасамбаяуд̇д̇аа д̇ан̣хаа гад̣̇аа гад̇ивид̇хам̣ палам̣ д̣̇зд̇ий’’д̇и бужчид̇аб̣б̣ад̇д̇аа ‘‘д̇ад̇т̇а барияудтаанасан̇каараа’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу бабан̃жасан̇каараад̣̇ийсу. барияудтаанасан̇каараад̇и вийд̇иггамавасзна бавад̇д̇аа барияудтаанаа агусаласан̇каараа жзд̇анаа. д̣̇идтад̇хаммавзд̣̇анийяаад̣̇ийд̇и д̣̇идтз бассид̇аб̣б̣з д̇хаммз ад̇д̇абхаавз взд̣̇анийяам̣ палам̣ д̣̇зд̇ийд̇и д̣̇идтад̇хаммавзд̣̇анийяаа, д̣̇идтз д̇хаммз палам̣ взд̣̇зд̇ийд̇и ваа д̣̇идтад̇хаммавзд̣̇анийяаа. гаа саа? абад̣̇уссанийяаад̣̇ийсу ад̇ид̣̇уссанаад̣̇ивасзна бавад̇д̇аа батамаж̇аванажзд̇анаа. убабаж̇ж̇з палам̣ взд̣̇зд̇ийд̇и убабаж̇ж̇авзд̣̇анийяаа, сад̇д̇амаж̇аванажзд̇анаа. абараабарияааяз ад̇д̇абхаавз палам̣ взд̣̇зд̇ийд̇и абараабарияааяавзд̣̇анийяаа, маж̇жхз бавад̇д̇аа бан̃жа ж̇аванажзд̇анаа. д̇ипалад̣̇аанавасзна д̇ивид̇хаа сан̇каараа. звам̣ имааяа д̇ивид̇хааяа сан̇кааражзд̇анааяа самбаяуд̇д̇аа д̇ивид̇хаа д̇ан̣хаа д̇ивид̇хам̣ палам̣ д̣̇идтз ваа д̇хаммз ад̇д̇абхаавз , убабаж̇ж̇з ваа ананд̇арабхавз, абарз ваа барияааяз бхавз д̣̇зд̇и ниб̣б̣ад̇д̇зд̇ийд̇и звам̣ паланиб̣б̣ад̇д̇агасан̇каарам̣ ваа д̇ам̣самбаяуд̇д̇ам̣ д̇ан̣хам̣ ваа бхаг̇аваа ааха.
28. ‘‘Yassa papañcātiādigāthāyaṃ ye papañcādayo vuttā, tesu taṇhāmānadiṭṭhihetukā saṅkhārā kadā katividhaṃ phalaṃ denti, taṃsaṅkhārasampayuttā taṇhā kadā katividhaṃ phalaṃ detī’’ti pucchitabbattā ‘‘tattha pariyuṭṭhānasaṅkhārā’’tiādi vuttaṃ. Tattha tatthāti tesu papañcasaṅkhārādīsu. Pariyuṭṭhānasaṅkhārāti vītikkamavasena pavattā pariyuṭṭhānā akusalasaṅkhārā cetanā. Diṭṭhadhammavedanīyādīti diṭṭhe passitabbe dhamme attabhāve vedanīyaṃ phalaṃ detīti diṭṭhadhammavedanīyā, diṭṭhe dhamme phalaṃ vedetīti vā diṭṭhadhammavedanīyā. Kā sā? Apadussanīyādīsu atidussanādivasena pavattā paṭhamajavanacetanā. Upapajje phalaṃ vedetīti upapajjavedanīyā, sattamajavanacetanā. Aparāpariyāye attabhāve phalaṃ vedetīti aparāpariyāyavedanīyā, majjhe pavattā pañca javanacetanā. Tiphaladānavasena tividhā saṅkhārā. Evaṃ imāya tividhāya saṅkhāracetanāya sampayuttā tividhā taṇhā tividhaṃ phalaṃ diṭṭhe vā dhamme attabhāve , upapajje vā anantarabhave, apare vā pariyāye bhave deti nibbattetīti evaṃ phalanibbattakasaṅkhāraṃ vā taṃsampayuttaṃ taṇhaṃ vā bhagavā āha.
‘‘яааяа д̣̇зсанааяа, г̇аат̇ааяа ваа паланиб̣б̣ад̇д̇агам̣ сан̇каарам̣ ааха, саа д̣̇зсанаа, г̇аат̇аа ваа гад̇амзна д̣̇зсанаабхууд̇зна ваа абарзна яуж̇ж̇ад̇ий’’д̇и бужчид̇аб̣б̣ад̇д̇аа ‘‘яам̣ лобхабагад̇ам̣ гаммам̣ гарод̇ий’’д̇иаад̣̇и вуд̇д̇ам̣. яаа ‘‘яасса…бз… лого’’д̇и д̣̇зсанаа жа яаа ‘‘яам̣ лобхабагад̇ам̣ гаммам̣…бз… абарз ваа барияааяз’’д̇и д̣̇зсанаа жа вуд̇д̇аа, бхаг̇авад̇о ид̣̇ам̣ д̣̇зсанаад̣̇ваяам̣ ан̃н̃аман̃н̃ам̣ буб̣б̣аабарзна буб̣б̣ам̣ абарзна абарам̣ буб̣б̣зна яуж̇ж̇ад̇и яуж̇ж̇анам̣ зд̇и самзд̇и, яат̇аа г̇ан̇г̇од̣̇агам̣ яамунод̣̇агзна, яамунод̣̇агамби г̇ан̇г̇од̣̇агзна сам̣санд̣̇ад̇и самзд̇и. ‘‘яасса…бз… лого’’д̇и д̣̇зсанаа ‘‘яам̣ лобхабагад̇ам̣…бз… барияааяз’’д̇и д̣̇зсанааяа сам̣санд̣̇ад̇и самзд̇и, ‘‘яам̣ лобхабагад̇ам̣…бз… барияааяз’’д̇и д̣̇зсанааби ‘‘яасса…бз… лого’’д̇и д̣̇зсанааяа сам̣санд̣̇ад̇и самзд̇ийд̇и ад̇т̇о г̇ахзд̇аб̣б̣о. ‘‘гат̇ам̣ яуж̇ж̇ад̇ий’’д̇и бужчид̇аб̣б̣ад̇д̇аа ‘‘д̇ад̇т̇а барияудтаана’’нд̇иаад̣̇и вуд̇д̇ам̣, д̣̇идтад̇хаммавзд̣̇анийяаад̣̇ипалад̇д̇аяаниб̣б̣ад̇д̇агадтзна яуж̇ж̇ад̇ийд̇и вуд̇д̇ам̣ ход̇и.
‘‘Yāya desanāya, gāthāya vā phalanibbattakaṃ saṅkhāraṃ āha, sā desanā, gāthā vā katamena desanābhūtena vā aparena yujjatī’’ti pucchitabbattā ‘‘yaṃ lobhapakataṃ kammaṃ karotī’’tiādi vuttaṃ. Yā ‘‘yassa…pe… loko’’ti desanā ca yā ‘‘yaṃ lobhapakataṃ kammaṃ…pe… apare vā pariyāye’’ti desanā ca vuttā, bhagavato idaṃ desanādvayaṃ aññamaññaṃ pubbāparena pubbaṃ aparena aparaṃ pubbena yujjati yujjanaṃ eti sameti, yathā gaṅgodakaṃ yamunodakena, yamunodakampi gaṅgodakena saṃsandati sameti. ‘‘Yassa…pe… loko’’ti desanā ‘‘yaṃ lobhapakataṃ…pe… pariyāye’’ti desanāya saṃsandati sameti, ‘‘yaṃ lobhapakataṃ…pe… pariyāye’’ti desanāpi ‘‘yassa…pe… loko’’ti desanāya saṃsandati sametīti attho gahetabbo. ‘‘Kathaṃ yujjatī’’ti pucchitabbattā ‘‘tattha pariyuṭṭhāna’’ntiādi vuttaṃ, diṭṭhadhammavedanīyādiphalattayanibbattakaṭṭhena yujjatīti vuttaṃ hoti.
яам̣ яам̣ суд̇д̇ам̣ бхаг̇авад̇аа д̣̇зсид̇ам̣ буб̣б̣аабарзна яуж̇ж̇ад̇и, д̇ам̣ д̇ам̣ суд̇д̇амби нийхарид̇ваа буб̣б̣аабарасам̣санд̣̇анам̣ д̣̇ассзд̇ум̣ ‘‘яат̇аахаа’’д̇иаад̣̇и вуд̇д̇ам̣. сам̣санд̣̇анаагааро вуд̇д̇анаяаанусаарзна г̇ахзд̇аб̣б̣о. д̇ад̇т̇аад̇и д̇зсу барияудтаанасан̇каарад̇ан̣хаавижарид̇зсу. барияудтаананд̇и руубаарамман̣аад̣̇ийни аяонисоманасигаарзна аараб̣бха сад̇д̇асанд̇аанз бавад̇д̇ам̣ д̇ан̣хаажарид̇ам̣. бадисан̇каанаб̣алзнаад̇и асубхаанижжаад̣̇ид̣̇ассанаб̣алзна д̇ад̣̇ан̇г̇аббахаанавасзна бахаад̇аб̣б̣ам̣. сан̇каараад̇и д̣̇ассанабахаад̇аб̣б̣аа сан̇каараа. д̣̇ассанаб̣алзнаад̇и д̣̇ассанасан̇каад̇абатамамаг̇г̇ан̃аан̣аб̣алзна бахаад̇аб̣б̣аа. чад̇д̇им̣са д̇ан̣хаавижарид̇аанийд̇и д̣̇ассанзна бахаад̇аб̣б̣ад̇ан̣хаавижарид̇зхи авасзсаани чад̇д̇им̣са д̇ан̣хаавижарид̇аани. ниг̇г̇ад̇аа д̇ан̣хаа яасса со нид̇д̇ан̣хо, нид̇д̇ан̣хасса бхааво нид̇д̇ан̣хад̇аа, гаа саа? саубаад̣̇исзсаа ниб̣б̣аанад̇хаад̇у.
Yaṃ yaṃ suttaṃ bhagavatā desitaṃ pubbāparena yujjati, taṃ taṃ suttampi nīharitvā pubbāparasaṃsandanaṃ dassetuṃ ‘‘yathāhā’’tiādi vuttaṃ. Saṃsandanākāro vuttanayānusārena gahetabbo. Tatthāti tesu pariyuṭṭhānasaṅkhārataṇhāvicaritesu. Pariyuṭṭhānanti rūpārammaṇādīni ayonisomanasikārena ārabbha sattasantāne pavattaṃ taṇhācaritaṃ. Paṭisaṅkhānabalenāti asubhāniccādidassanabalena tadaṅgappahānavasena pahātabbaṃ. Saṅkhārāti dassanapahātabbā saṅkhārā. Dassanabalenāti dassanasaṅkhātapaṭhamamaggañāṇabalena pahātabbā. Chattiṃsa taṇhāvicaritānīti dassanena pahātabbataṇhāvicaritehi avasesāni chattiṃsa taṇhāvicaritāni. Niggatā taṇhā yassa so nittaṇho, nittaṇhassa bhāvo nittaṇhatā, kā sā? Saupādisesā nibbānadhātu.
бабан̃жасан̇каараабхинанд̣̇анад̇д̇аяам̣ яад̣̇иби ад̇т̇ад̇о згам̣ самаанам̣, д̣̇зсанааяа бана бад̣̇агкараад̣̇ийхи висзсо ад̇т̇ийд̇и д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣.
Papañcasaṅkhārābhinandanattayaṃ yadipi atthato ekaṃ samānaṃ, desanāya pana padakkharādīhi viseso atthīti dassetuṃ ‘‘apicā’’tiādi vuttaṃ.
‘‘яояам̣ буб̣б̣аабарасанд̇хи аажариязна вибхад̇д̇о, сояам̣ гад̇ивид̇хо’’д̇и бужчид̇аб̣б̣ад̇д̇аа ‘‘со жааяам̣ буб̣б̣аабаро санд̇хий’’д̇иаад̣̇и вуд̇д̇ам̣. адтагат̇ааяам̣ бана вуд̇д̇ам̣ – ‘‘на гзвалам̣ суд̇д̇анд̇арасам̣санд̣̇анамзва буб̣б̣аабарасанд̇хи, ат̇а ко ан̃н̃оби ад̇т̇ийд̇и д̣̇ассзд̇ум̣ ‘со жааяа’нд̇иаад̣̇и вуд̇д̇а’’нд̇и (нзд̇д̇и. адта. 28). д̇ад̇т̇а ад̇т̇асанд̇хийд̇и гирияаагаарагаад̣̇ивасзна ад̇т̇асса ад̇т̇зна санд̇хи. бад̣̇асанд̇хийд̇и наамабад̣̇аад̣̇игасса наамабад̣̇аад̣̇иганд̇арзна санд̇хи. д̣̇зсанаасанд̇хийд̇и вуд̇д̇аббагаарасса д̣̇зсананд̇арасса вуд̇д̇аббагаарзна д̣̇зсананд̇арзна санд̇хи. нид̣̇д̣̇зсасанд̇хийд̇и нид̣̇д̣̇зсанд̇арасса нид̣̇д̣̇зсанд̇арзна санд̇хи.
‘‘Yoyaṃ pubbāparasandhi ācariyena vibhatto, soyaṃ katividho’’ti pucchitabbattā ‘‘so cāyaṃ pubbāparo sandhī’’tiādi vuttaṃ. Aṭṭhakathāyaṃ pana vuttaṃ – ‘‘na kevalaṃ suttantarasaṃsandanameva pubbāparasandhi, atha kho aññopi atthīti dassetuṃ ‘so cāya’ntiādi vutta’’nti (netti. aṭṭha. 28). Tattha atthasandhīti kiriyākārakādivasena atthassa atthena sandhi. Padasandhīti nāmapadādikassa nāmapadādikantarena sandhi. Desanāsandhīti vuttappakārassa desanantarassa vuttappakārena desanantarena sandhi. Niddesasandhīti niddesantarassa niddesantarena sandhi.
санд̇хи жа наама ад̇т̇аад̣̇аяо мун̃жид̇ваа ан̃н̃о сабхаавад̇хаммо наама над̇т̇и, ад̇т̇аад̣̇ийнан̃жа чаад̇т̇абад̣̇аад̣̇ийсу аварод̇ханад̇о ‘‘ад̇т̇асанд̇хи чаббад̣̇ааний’’д̇иаад̣̇и вуд̇д̇ам̣.
Sandhi ca nāma atthādayo muñcitvā añño sabhāvadhammo nāma natthi, atthādīnañca chaatthapadādīsu avarodhanato ‘‘atthasandhi chappadānī’’tiādi vuttaṃ.
ад̇т̇асанд̇хиб̣яан̃ж̇анасанд̇хаяо аажариязна вибхад̇д̇аа, амхзхи жа н̃аад̇аа, ‘‘гад̇амаа д̣̇зсанаасанд̇хий’’д̇и бужчид̇аб̣б̣ад̇д̇аа ‘‘д̣̇зсанаасанд̇хи на жа бат̇ави’’нд̇иаад̣̇и вуд̇д̇ам̣. д̇ад̇т̇а на жа бат̇авим̣ ниссааяа жхааяад̇и жхааяий жхааяад̇и жаад̇и зд̇т̇а жхааяий жхаанасаман̇г̇ий буг̇г̇ало бат̇авим̣ ниссааяа ааламб̣ид̇ваа на жа жхааяад̇и, саб̣б̣асан̇каараниссадам̣ бана ниб̣б̣аанам̣ ниссааяа ааламб̣ид̇ваа паласамаабад̇д̇им̣ жхааяад̇и самаабаж̇ж̇ад̇и зваад̇и ад̇т̇о д̣̇адтаб̣б̣о. на жа аабанд̇иаад̣̇ийсуби зса наяо яож̇зд̇аб̣б̣о. паласамаабад̇д̇исаман̇г̇ий буг̇г̇ало хи бат̇авийаад̣̇аяо мун̃жид̇ваа ниб̣б̣аанамзва аараб̣бха паласамаабад̇д̇им̣ самаабаж̇ж̇ад̇ийд̇и. зд̇т̇а жа бат̇авийаад̣̇ийхи махаабхууд̇зхи гаамабхаваруубабхаваа г̇ахид̇аа руубабадиб̣ад̣̇д̇хавуд̇д̇ид̇ааяа. аагаасаанан̃жааяад̇анаад̣̇ийхиби аруубабхаво г̇ахид̇о, бхавад̇д̇аяам̣ важ̇ж̇зд̇ваа жа жхааяад̇ийд̇и ад̇хиббааяо. яад̣̇и бат̇авийаад̣̇аяо ниссааяа на жхааяий жхааяад̇и жа, звам̣ сад̇и ид̇халогасан̇каад̇ам̣ сад̇д̇асанд̇аанам̣ ваа баралогасан̇каад̇ам̣ сад̇д̇асанд̇аанам̣ ваа анинд̣̇рияасанд̇аанам̣ ваа ниссааяа жхааяий жхааяад̇ийд̇и аасан̇ганийяад̇д̇аа д̇ам̣ барихаранд̇о ‘‘на жа имам̣ лога’’нд̇иаад̣̇имааха. д̇ад̇т̇а имам̣ логанд̇и ид̇халогасан̇каад̇о д̣̇идто ад̇д̇абхааво сад̇д̇асанд̇аано вуд̇д̇о, д̇асмим̣ ниссааяа на жхааяад̇и жхааяий жхааяад̇и жа. баралоганд̇и ид̇халогад̇о ан̃н̃о бхаванд̇арасан̇каад̇о сад̇д̇асанд̇аано вуд̇д̇о, д̇асмим̣ ниссааяа на жа жхааяад̇и жхааяий жхааяад̇и жа.
Atthasandhibyañjanasandhayo ācariyena vibhattā, amhehi ca ñātā, ‘‘katamā desanāsandhī’’ti pucchitabbattā ‘‘desanāsandhi na ca pathavi’’ntiādi vuttaṃ. Tattha na ca pathaviṃ nissāya jhāyati jhāyī jhāyati cāti ettha jhāyī jhānasamaṅgī puggalo pathaviṃ nissāya ālambitvā na ca jhāyati, sabbasaṅkhāranissaṭaṃ pana nibbānaṃ nissāya ālambitvā phalasamāpattiṃ jhāyati samāpajjati evāti attho daṭṭhabbo. Na ca āpantiādīsupi esa nayo yojetabbo. Phalasamāpattisamaṅgī puggalo hi pathavīādayo muñcitvā nibbānameva ārabbha phalasamāpattiṃ samāpajjatīti. Ettha ca pathavīādīhi mahābhūtehi kāmabhavarūpabhavā gahitā rūpapaṭibaddhavuttitāya. Ākāsānañcāyatanādīhipi arūpabhavo gahito, bhavattayaṃ vajjetvā ca jhāyatīti adhippāyo. Yadi pathavīādayo nissāya na jhāyī jhāyati ca, evaṃ sati idhalokasaṅkhātaṃ sattasantānaṃ vā paralokasaṅkhātaṃ sattasantānaṃ vā anindriyasantānaṃ vā nissāya jhāyī jhāyatīti āsaṅkanīyattā taṃ pariharanto ‘‘na ca imaṃ loka’’ntiādimāha. Tattha imaṃ lokanti idhalokasaṅkhāto diṭṭho attabhāvo sattasantāno vutto, tasmiṃ nissāya na jhāyati jhāyī jhāyati ca. Paralokanti idhalokato añño bhavantarasaṅkhāto sattasantāno vutto, tasmiṃ nissāya na ca jhāyati jhāyī jhāyati ca.
яамид̣̇ам̣ убхаяанд̇иаад̣̇ийсу ид̣̇ам̣ убхаяам̣ ид̇халогабаралогад̣̇ваяам̣ анд̇арзна важ̇ж̇зд̇ваа яам̣ руубааяад̇анам̣ д̣̇идтам̣, д̇ам̣ руубааяад̇анамби. яам̣ сад̣̇д̣̇ааяад̇анам̣ суд̇ам̣, д̇ам̣ сад̣̇д̣̇ааяад̇анамби. яам̣ г̇анд̇хааяад̇анарасааяад̇анаподтаб̣б̣ааяад̇анам̣ муд̇ам̣, д̇ам̣ г̇анд̇хааяад̇анарасааяад̇анаподтаб̣б̣ааяад̇анамби. яам̣ аабод̇хаад̇у аагаасад̇хаад̇у лагкан̣аруубам̣ ож̇аасан̇каад̇ам̣ д̇хаммааяад̇анзгад̣̇зсаруубам̣ вин̃н̃аад̇ам̣, д̇ам̣ аабод̇хаад̇аад̣̇игам̣ д̇хаммааяад̇анзгад̣̇зсаруубамби. яам̣ вад̇т̇у бариязсид̇ам̣ ваа абариязсид̇ам̣ ваа санд̇игз бад̇д̇ам̣, д̇ам̣ вад̇т̇умби. яам̣ вад̇т̇у бад̇д̇ам̣ ваа аббад̇д̇ам̣ ваа бариязсид̇ам̣ бариязсанаарахам̣ сунд̣̇арам̣, д̇ам̣ вад̇т̇умби. яам̣ вад̇т̇у вид̇аггид̇ам̣ вид̇агганавасзна ааламб̣ид̇аб̣б̣ам̣, д̇ам̣ вад̇т̇умби. яам̣ вад̇т̇у вижаарид̇ам̣ анумаж̇ж̇анавасзна ааламб̣ид̇аб̣б̣ам̣, д̇ам̣ вад̇т̇умби. яам̣ вад̇т̇у манасаа жид̇д̇знзва анужинд̇ид̇ам̣ анужинд̇анавасзна ааламб̣ид̇аб̣б̣ам̣, д̇ам̣ вад̇т̇умби ниссааяа на жхааяад̇и жхааяий жхааяад̇и жаад̇и яож̇анаа гаад̇аб̣б̣аа.
Yamidaṃ ubhayantiādīsu idaṃ ubhayaṃ idhalokaparalokadvayaṃ antarena vajjetvā yaṃ rūpāyatanaṃ diṭṭhaṃ, taṃ rūpāyatanampi. Yaṃ saddāyatanaṃ sutaṃ, taṃ saddāyatanampi. Yaṃ gandhāyatanarasāyatanaphoṭṭhabbāyatanaṃ mutaṃ, taṃ gandhāyatanarasāyatanaphoṭṭhabbāyatanampi. Yaṃ āpodhātu ākāsadhātu lakkhaṇarūpaṃ ojāsaṅkhātaṃ dhammāyatanekadesarūpaṃ viññātaṃ, taṃ āpodhātādikaṃ dhammāyatanekadesarūpampi. Yaṃ vatthu pariyesitaṃ vā apariyesitaṃ vā santike pattaṃ, taṃ vatthumpi. Yaṃ vatthu pattaṃ vā appattaṃ vā pariyesitaṃ pariyesanārahaṃ sundaraṃ, taṃ vatthumpi. Yaṃ vatthu vitakkitaṃ vitakkanavasena ālambitabbaṃ, taṃ vatthumpi. Yaṃ vatthu vicāritaṃ anumajjanavasena ālambitabbaṃ, taṃ vatthumpi. Yaṃ vatthu manasā citteneva anucintitaṃ anucintanavasena ālambitabbaṃ, taṃ vatthumpi nissāya na jhāyati jhāyī jhāyati cāti yojanā kātabbā.
зд̇т̇а д̣̇идтаад̣̇игам̣ б̣ахид̣̇д̇хааруубамзва г̇ахзд̇аб̣б̣ам̣ анинд̣̇рияаб̣ад̣̇д̇харуубасса ад̇хиббзд̇ад̇д̇аа. д̇знааха адтагат̇аажарияо – ‘‘д̇ад̣̇убхаяавинимуд̇д̇о анинд̣̇рияаб̣ад̣̇д̇хо руубасанд̇аано’’д̇и (нзд̇д̇и. адта. 28). ‘‘яад̣̇и жхааяий буг̇г̇ало яат̇аавуд̇д̇з бат̇авийаад̣̇аяо ниссааяа на жхааяад̇и жхааяий жхааяад̇и жа, звам̣ сад̇и аяам̣ жхааяий буг̇г̇ало ид̣̇ам̣ наама ниссааяа жхааяад̇ийд̇и логз гзнажи н̃ааяад̇и гим̣, уд̣̇ааху на н̃ааяад̇ий’’д̇и бужчид̇аб̣б̣ад̇д̇аа на н̃ааяад̇ийд̇и д̣̇ассзд̇ум̣ ‘‘аяам̣ сад̣̇звагз логз’’д̇иаад̣̇имааха. д̇ад̇т̇а паласамаабад̇д̇ижхаанзна жхааяанд̇о аяам̣ кийн̣аасавабуг̇г̇ало сад̣̇звагз логз…бз… сад̣̇звамануссааяа баж̇ааяа яад̇т̇а гад̇т̇ажиби аниссид̇зна жид̇д̇зна жхааяад̇ийд̇и сад̣̇звагз логз…бз… сад̣̇звамануссааяа баж̇ааяа гзнажи на н̃ааяад̇ийд̇и ад̇т̇о г̇ахзд̇аб̣б̣о. д̇зна вуд̇д̇ам̣ –
Ettha diṭṭhādikaṃ bahiddhārūpameva gahetabbaṃ anindriyabaddharūpassa adhippetattā. Tenāha aṭṭhakathācariyo – ‘‘tadubhayavinimutto anindriyabaddho rūpasantāno’’ti (netti. aṭṭha. 28). ‘‘Yadi jhāyī puggalo yathāvutte pathavīādayo nissāya na jhāyati jhāyī jhāyati ca, evaṃ sati ayaṃ jhāyī puggalo idaṃ nāma nissāya jhāyatīti loke kenaci ñāyati kiṃ, udāhu na ñāyatī’’ti pucchitabbattā na ñāyatīti dassetuṃ ‘‘ayaṃ sadevake loke’’tiādimāha. Tattha phalasamāpattijhānena jhāyanto ayaṃ khīṇāsavapuggalo sadevake loke…pe… sadevamanussāya pajāya yattha katthacipi anissitena cittena jhāyatīti sadevake loke…pe… sadevamanussāya pajāya kenaci na ñāyatīti attho gahetabbo. Tena vuttaṃ –
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
яасса д̇з наабхиж̇аанаама, гим̣ д̇вам̣ ниссааяа жхааяасий’’д̇и. (сам̣. ни. 3.79; нзд̇д̇и. 104);
Yassa te nābhijānāma, kiṃ tvaṃ nissāya jhāyasī’’ti. (saṃ. ni. 3.79; netti. 104);
‘‘гзнажи авин̃н̃ааяабхааво гзна суд̇д̇зна вибхаавзд̇аб̣б̣о’’д̇и бужчид̇аб̣б̣ад̇д̇аа иминаа г̇од̇хигасуд̇д̇зна (сам̣. ни. 1.159) вибхаавзд̇аб̣б̣од̇и д̣̇ассзд̇ум̣ ‘‘яат̇аа мааро баабимаа’’д̇иаад̣̇и вуд̇д̇ам̣. адтагат̇ааяам̣ бана ‘‘ид̣̇аани кийн̣аасаважид̇д̇асса гад̇т̇ажиби аниссид̇абхаавам̣ г̇од̇хигасуд̇д̇зна (сам̣. ни. 1.159) ваггалисуд̇д̇зна (сам̣. ни. 3.87) жа вибхаавзд̇ум̣ ‘яат̇аа мааро’д̇иаад̣̇и вуд̇д̇а’’нд̇и (нзд̇д̇и. адта. 28) вуд̇д̇ам̣. д̇ад̇т̇а д̣̇аанаад̣̇ибун̃н̃агаарагз, бун̃н̃з ваа маарзд̇и ниваарзд̇ийд̇и мааро, ад̇д̇ахид̇абарахид̇з маарзд̇ийд̇и ваа мааро. баабажид̇д̇уббаад̣̇аванд̇ад̇ааяа баабимаа. буб̣б̣ад̇д̇абхаавз г̇од̇хасса гхаад̇агад̇д̇аа ‘‘г̇од̇хиго’’д̇и лад̣̇д̇ханаамасса бариниб̣б̣ааяанд̇асса гулабуд̇д̇асса бариниб̣б̣аанад̇о уд̣̇д̇хам̣ бадисанд̇хаад̣̇и вин̃н̃аан̣ам̣ саманвзсанд̇о на ж̇аанаад̇и на бассад̇и. ‘‘баражид̇д̇аж̇аананаго мааро гасмаа на ж̇аанаад̇ий’’д̇и вад̇д̇аб̣б̣ад̇д̇аа ‘‘со хий’’д̇иаад̣̇и вуд̇д̇ам̣. со г̇од̇хиго хи яасмаа бабан̃жаад̇ийд̇о, д̇асмаа д̇ан̣хаабахаанзна д̣̇идтиниссаяоби асса г̇од̇хигасса яасмаа над̇т̇и, д̇асмаа жа на ж̇аанаад̇ийд̇и.
‘‘Kenaci aviññāyabhāvo kena suttena vibhāvetabbo’’ti pucchitabbattā iminā godhikasuttena (saṃ. ni. 1.159) vibhāvetabboti dassetuṃ ‘‘yathā māro pāpimā’’tiādi vuttaṃ. Aṭṭhakathāyaṃ pana ‘‘idāni khīṇāsavacittassa katthacipi anissitabhāvaṃ godhikasuttena (saṃ. ni. 1.159) vakkalisuttena (saṃ. ni. 3.87) ca vibhāvetuṃ ‘yathā māro’tiādi vutta’’nti (netti. aṭṭha. 28) vuttaṃ. Tattha dānādipuññakārake, puññe vā māreti nivāretīti māro, attahitaparahite māretīti vā māro. Pāpacittuppādavantatāya pāpimā. Pubbattabhāve godhassa ghātakattā ‘‘godhiko’’ti laddhanāmassa parinibbāyantassa kulaputtassa parinibbānato uddhaṃ paṭisandhādi viññāṇaṃ samanvesanto na jānāti na passati. ‘‘Paracittajānanako māro kasmā na jānātī’’ti vattabbattā ‘‘so hī’’tiādi vuttaṃ. So godhiko hi yasmā papañcātīto, tasmā taṇhāpahānena diṭṭhinissayopi assa godhikassa yasmā natthi, tasmā ca na jānātīti.
‘‘г̇од̇хигасуд̇д̇знзва вибхаавзд̇аб̣б̣о’’д̇и бужчид̇аб̣б̣ад̇д̇аа ‘‘яат̇аа жаа’’д̇иаад̣̇и вуд̇д̇ам̣. ‘‘г̇од̇хигасуд̇д̇аваггалисуд̇д̇зхи анубаад̣̇исзсааяа ниб̣б̣аанад̇хаад̇уяаа аниссид̇абхааво вибхаавид̇о, звам̣ сад̇и саубаад̣̇исзсаниб̣б̣аанад̇хаад̇уяаа аниссид̇абхааво гзна вин̃н̃ааяад̇ийд̇и ад̇т̇о бхавзяяаа’’д̇и вад̇д̇аб̣б̣ад̇д̇аа д̇ад̣̇ааби на вин̃н̃ааяад̇иязваад̇и д̣̇ассзд̇ум̣ ‘‘сад̣̇звагзна логзнаа’’д̇иаад̣̇и вуд̇д̇ам̣. д̇ад̇т̇а саубаад̣̇исзсааяа ниб̣б̣аанад̇хаад̇уяаа паласамаабад̇д̇ижхаанзна жхааяамаанаа имз кийн̣аасаваа гад̇т̇ажи аниссид̇ажид̇д̇аа жхааяанд̇ийд̇и сад̣̇звагзна логзна на н̃ааяанд̇и самаарагзна…бз… сад̣̇звамануссааяа на н̃ааяанд̇ийд̇и яож̇анаа гаад̇аб̣б̣аа. аниссид̇ажид̇д̇аа на н̃ааяанд̇ийд̇и зд̇т̇а хи на-гааро жа ‘‘жхааяамаанаа’’д̇и бад̣̇з на самб̣анд̇хид̇аб̣б̣о ‘‘на жхааяамаанаа’’д̇и ад̇т̇асса самбхавад̇о. ‘‘на н̃ааяанд̇ий’’д̇и бана самб̣анд̇хид̇аб̣б̣о хздтаа адтагат̇ааяам̣ зва ‘‘логз гзнажиби на н̃ааяад̇ий’’д̇и вуд̇д̇ад̇д̇аа. аяам̣ д̣̇зсанаасанд̇хийд̇и г̇од̇хигасуд̇д̇аваггалисуд̇д̇аанам̣ ан̃н̃аман̃н̃ам̣ ад̇т̇авасзна сам̣санд̣̇анаа нид̣̇д̇хаарид̇аа вияа ‘‘на жа бат̇авим̣ ниссааяаа’’д̇иаад̣̇ид̣̇зсанааяа жа ‘‘на жа имам̣ лога’’нд̇иаад̣̇ид̣̇зсанааяа жа яааяа д̣̇зсанааяа ад̇т̇авасзна сам̣санд̣̇анаа нид̣̇д̇хаарид̇аа, д̇ааяа д̣̇зсанааяа яад̇т̇а гад̇т̇ажи яам̣ гин̃жи ниссааяа жхааяий на жхааяад̇и, ниб̣б̣аанам̣ ниссааяа жхааяий жхааяад̇ийд̇и ад̇т̇авасзна нид̣̇д̇хаарид̇аа, аяам̣ сам̣санд̣̇анаа д̣̇зсанаасанд̇хи наамаад̇и ад̇т̇о г̇ахзд̇аб̣б̣о.
‘‘Godhikasutteneva vibhāvetabbo’’ti pucchitabbattā ‘‘yathā cā’’tiādi vuttaṃ. ‘‘Godhikasuttavakkalisuttehi anupādisesāya nibbānadhātuyā anissitabhāvo vibhāvito, evaṃ sati saupādisesanibbānadhātuyā anissitabhāvo kena viññāyatīti attho bhaveyyā’’ti vattabbattā tadāpi na viññāyatiyevāti dassetuṃ ‘‘sadevakena lokenā’’tiādi vuttaṃ. Tattha saupādisesāya nibbānadhātuyā phalasamāpattijhānena jhāyamānā ime khīṇāsavā katthaci anissitacittā jhāyantīti sadevakena lokena na ñāyanti samārakena…pe… sadevamanussāya na ñāyantīti yojanā kātabbā. Anissitacittā na ñāyantīti ettha hi na-kāro ca ‘‘jhāyamānā’’ti pade na sambandhitabbo ‘‘na jhāyamānā’’ti atthassa sambhavato. ‘‘Na ñāyantī’’ti pana sambandhitabbo heṭṭhā aṭṭhakathāyaṃ eva ‘‘loke kenacipi na ñāyatī’’ti vuttattā. Ayaṃ desanāsandhīti godhikasuttavakkalisuttānaṃ aññamaññaṃ atthavasena saṃsandanā niddhāritā viya ‘‘na ca pathaviṃ nissāyā’’tiādidesanāya ca ‘‘na ca imaṃ loka’’ntiādidesanāya ca yāya desanāya atthavasena saṃsandanā niddhāritā, tāya desanāya yattha katthaci yaṃ kiñci nissāya jhāyī na jhāyati, nibbānaṃ nissāya jhāyī jhāyatīti atthavasena niddhāritā, ayaṃ saṃsandanā desanāsandhi nāmāti attho gahetabbo.
д̣̇зсанаасанд̇хи аажариязна вибхад̇д̇аа, амхзхи жа н̃аад̇аа, ‘‘гад̇амаа нид̣̇д̣̇зсасанд̇хий’’д̇и бужчид̇аб̣б̣ад̇д̇аа ‘‘д̇ад̇т̇а гад̇амаа нид̣̇д̣̇зсасанд̇хийд̇и ниссид̇ажид̇д̇аа’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу жад̇уусу ад̇т̇асанд̇хиб̣яан̃ж̇анасанд̇хид̣̇зсанаасанд̇хинид̣̇д̣̇зсасанд̇хийсу яаа санд̇хи ‘‘нид̣̇д̣̇зсасанд̇хий’’д̇и уд̣̇д̣̇идтаа, саа нид̣̇д̣̇зсад̇о гад̇амаад̇и бужчад̇ийд̇и ад̇т̇о. ниссид̇ажид̇д̇аад̇и д̇ан̣хаад̣̇идтисахаж̇аад̇авасзна ваа убаниссаяавасзна ваа ниссид̇ам̣ жид̇д̇ам̣ язсам̣ бут̇уж̇ж̇анаананд̇и ниссид̇ажид̇д̇аа, бут̇уж̇ж̇анаа буг̇г̇алаа нид̣̇д̣̇исид̇аб̣б̣аа имааяа д̣̇зсанааяа буг̇г̇алаад̇хидтаанад̇д̇аа. яад̣̇и д̣̇зсанаа д̇хаммаад̇хидтаанаа, звам̣ сад̇и ниссид̇ам̣ жид̇д̇ам̣ зд̇т̇а суд̇д̇аббад̣̇зсзсу д̣̇зсид̇анд̇и ниссид̇ажид̇д̇аа ниссид̇ажид̇д̇аж̇аананад̇т̇ааяа д̣̇зсид̇аа суд̇д̇аббад̣̇зсаа. аниссид̇ам̣ жид̇д̇ам̣ язсам̣ арияабуг̇г̇алаананд̇и аниссид̇ажид̇д̇аа, арияабуг̇г̇алаа нид̣̇д̣̇исид̇аб̣б̣аа имааяа д̣̇зсанааяа буг̇г̇алаад̇хидтаанад̇д̇аа. д̇хаммаад̇хидтаанааяа бана аниссид̇ам̣ жид̇д̇ам̣ яад̇т̇а суд̇д̇аббад̣̇зсзсу д̣̇зсид̇анд̇и аниссид̇ажид̇д̇аа, аниссид̇ажид̇д̇аж̇аананад̇т̇ааяа д̣̇зсид̇аа суд̇д̇аббад̣̇зсаа.
Desanāsandhi ācariyena vibhattā, amhehi ca ñātā, ‘‘katamā niddesasandhī’’ti pucchitabbattā ‘‘tattha katamā niddesasandhīti nissitacittā’’tiādi vuttaṃ. Tattha tatthāti tesu catūsu atthasandhibyañjanasandhidesanāsandhiniddesasandhīsu yā sandhi ‘‘niddesasandhī’’ti uddiṭṭhā, sā niddesato katamāti pucchatīti attho. Nissitacittāti taṇhādiṭṭhisahajātavasena vā upanissayavasena vā nissitaṃ cittaṃ yesaṃ puthujjanānanti nissitacittā, puthujjanā puggalā niddisitabbā imāya desanāya puggalādhiṭṭhānattā. Yadi desanā dhammādhiṭṭhānā, evaṃ sati nissitaṃ cittaṃ ettha suttappadesesu desitanti nissitacittā nissitacittajānanatthāya desitā suttappadesā. Anissitaṃ cittaṃ yesaṃ ariyapuggalānanti anissitacittā, ariyapuggalā niddisitabbā imāya desanāya puggalādhiṭṭhānattā. Dhammādhiṭṭhānāya pana anissitaṃ cittaṃ yattha suttappadesesu desitanti anissitacittā, anissitacittajānanatthāya desitā suttappadesā.
‘‘ниссид̇ажид̇д̇аа гзна нид̣̇д̣̇зсзна нид̣̇д̣̇исид̇аб̣б̣аа, аниссид̇ажид̇д̇аа гзна нид̣̇д̣̇зсзна нид̣̇д̣̇исид̇аб̣б̣аа’’д̇и бужчид̇аб̣б̣ад̇д̇аа ‘‘ниссид̇ажид̇д̇аа агусалабагкзна нид̣̇д̣̇исид̇аб̣б̣аа’’д̇иаад̣̇и вуд̇д̇ам̣. агусалабагкзна нид̣̇д̣̇зсзна нид̣̇д̣̇исид̇аб̣б̣аа. гусалабагкзнаад̇иаад̣̇ийсуби зса наяо яож̇зд̇аб̣б̣о. агусалабагкасааман̃н̃агусалабагкасааман̃н̃зхи д̣̇ассзд̇ваа агусалависзсагусалависзсзхи д̣̇ассзд̇ум̣ ‘‘ниссид̇ажид̇д̇аа сам̣гилзсзнаа’’д̇иаад̣̇и вуд̇д̇ам̣. аяам̣ нид̣̇д̣̇зсасанд̇хийд̇и агусалабагкаад̣̇игасса буриманид̣̇д̣̇зсасса сам̣гилзсаад̣̇игзна бажчимзна нид̣̇д̣̇зсзна ниссид̇ажид̇д̇авасзна аяам̣ сам̣санд̣̇анаа жа нид̣̇д̣̇зсасанд̇хи наама. гусалабагкаад̣̇игасса буримасса нид̣̇д̣̇зсасса вод̣̇аанаад̣̇игзна бажчимзна нид̣̇д̣̇зсзна аниссид̇ажид̇д̇авасзна аяам̣ сам̣санд̣̇анаа жа нид̣̇д̣̇зсасанд̇хи наамаад̇и вибхаж̇ид̇ваа взд̣̇ид̇аб̣б̣аа.
‘‘Nissitacittā kena niddesena niddisitabbā, anissitacittā kena niddesena niddisitabbā’’ti pucchitabbattā ‘‘nissitacittā akusalapakkhena niddisitabbā’’tiādi vuttaṃ. Akusalapakkhena niddesena niddisitabbā. Kusalapakkhenātiādīsupi esa nayo yojetabbo. Akusalapakkhasāmaññakusalapakkhasāmaññehi dassetvā akusalavisesakusalavisesehi dassetuṃ ‘‘nissitacittā saṃkilesenā’’tiādi vuttaṃ. Ayaṃ niddesasandhīti akusalapakkhādikassa purimaniddesassa saṃkilesādikena pacchimena niddesena nissitacittavasena ayaṃ saṃsandanā ca niddesasandhi nāma. Kusalapakkhādikassa purimassa niddesassa vodānādikena pacchimena niddesena anissitacittavasena ayaṃ saṃsandanā ca niddesasandhi nāmāti vibhajitvā veditabbā.
‘‘жад̇уб̣яуухахаарасса нзруд̇д̇амад̇хиббааяанид̣̇аанабуб̣б̣аабарасанд̇хиббабхзд̣̇зна жзва ад̇т̇аб̣яан̃ж̇анасанд̇хинид̣̇д̣̇зсасанд̇хид̣̇зсанаасанд̇хиббабхзд̣̇зна жа вибхаж̇ид̇аб̣б̣абхааво гзна амхзхи ж̇аанид̇аб̣б̣о сад̣̇д̣̇ахид̇аб̣б̣о’’д̇и вад̇д̇аб̣б̣абхаавад̇о ‘‘д̇знаахаа’’д̇иаад̣̇и вуд̇д̇ам̣. д̇ад̇т̇а д̇зна д̇ат̇аа вибхаж̇ид̇аб̣б̣абхаавзна ааяасмаа махаагажжаано ‘‘нзруд̇д̇амад̇хиббааяо’’д̇иаад̣̇игам̣ (нзд̇д̇и. 4 хаарасан̇кзба) яам̣ важанам̣ ааха, д̇зна важанзна д̇умхзхи жад̇уб̣яуухахаарасса д̇ат̇аа вибхаж̇ид̇аб̣б̣абхааво ж̇аанид̇аб̣б̣о сад̣̇д̣̇ахид̇аб̣б̣од̇и вуд̇д̇ам̣ ход̇и.
‘‘Catubyūhahārassa neruttamadhippāyanidānapubbāparasandhippabhedena ceva atthabyañjanasandhiniddesasandhidesanāsandhippabhedena ca vibhajitabbabhāvo kena amhehi jānitabbo saddahitabbo’’ti vattabbabhāvato ‘‘tenāhā’’tiādi vuttaṃ. Tattha tena tathā vibhajitabbabhāvena āyasmā mahākaccāno ‘‘neruttamadhippāyo’’tiādikaṃ (netti. 4 hārasaṅkhepa) yaṃ vacanaṃ āha, tena vacanena tumhehi catubyūhahārassa tathā vibhajitabbabhāvo jānitabbo saddahitabboti vuttaṃ hoti.
‘‘зд̇д̇аавад̇аа жа жад̇уб̣яуухахааро барибун̣н̣о, ан̃н̃о нияуд̇д̇о над̇т̇ий’’д̇и вад̇д̇аб̣б̣ад̇д̇аа ‘‘нияуд̇д̇о жад̇уб̣яуухо хааро’’д̇и вуд̇д̇ам̣. д̇ад̇т̇а яассам̣ яассам̣ баал̣ияам̣ яо яо жад̇уб̣б̣ид̇хо, со со жад̇уб̣яуухахааро жа яат̇аалаабхавасзна яож̇ид̇о, д̇ассам̣ д̇ассам̣ баал̣ияам̣ со со жад̇уб̣б̣ид̇хо жад̇уб̣яуухахааро д̇ат̇аа нид̣̇д̇хаарзд̇ваа яуд̇д̇о яож̇ид̇од̇и ад̇т̇о д̣̇адтаб̣б̣о.
‘‘Ettāvatā ca catubyūhahāro paripuṇṇo, añño niyutto natthī’’ti vattabbattā ‘‘niyutto catubyūho hāro’’ti vuttaṃ. Tattha yassaṃ yassaṃ pāḷiyaṃ yo yo catubbidho, so so catubyūhahāro ca yathālābhavasena yojito, tassaṃ tassaṃ pāḷiyaṃ so so catubbidho catubyūhahāro tathā niddhāretvā yutto yojitoti attho daṭṭhabbo.
ид̇и жад̇уб̣яуухахааравибхан̇г̇з сад̇д̇иб̣алаануруубаа ражид̇аа
Iti catubyūhahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 6. жад̇уб̣яуухахааравибхан̇г̇о • 6. Catubyūhahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 6. жад̇уб̣яуухахааравибхан̇г̇аван̣н̣анаа • 6. Catubyūhahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 6. жад̇уб̣яуухахааравибхан̇г̇аван̣н̣анаа • 6. Catubyūhahāravibhaṅgavaṇṇanā
