| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. жад̇ужаггасуд̇д̇аван̣н̣анаа
9. Catucakkasuttavaṇṇanā
29. навамз жад̇ужагганд̇и жад̇уирияаабат̇ам̣. ирияаабат̇о хи ид̇ха жагганд̇и ад̇хиббзд̇о. навад̣̇вааранд̇и навахи ван̣амукзхи навад̣̇ваарам̣. бун̣н̣анд̇и асужибуурам̣. лобхзна сам̣яуд̇анд̇и д̇ан̣хааяа сам̣яуд̇д̇ам̣. гат̇ам̣ яаад̇раа бхависсад̇ийд̇и зд̇асса зваруубасса сарийрасса гат̇ам̣ ниг̇г̇аманам̣ бхависсад̇и, гат̇ам̣ муд̇д̇и баримуд̇д̇и самад̇иггамо бхависсад̇ийд̇и бужчад̇и. над̣̇д̇хинд̇и убанаахам̣, буб̣б̣агаалз год̇хо, абарагаалз убанааход̇и звам̣ бавад̇д̇ам̣ б̣алавагод̇ханд̇и ад̇т̇о. варад̇д̇анд̇и ‘‘чзд̇ваа над̣̇д̇хи варад̇д̇ан̃жа, санд̣̇аанам̣ сахануггама’’нд̇и г̇аат̇ааяа (д̇ха. ба. 398; су. ни. 627) д̇ан̣хаа варад̇д̇аа, д̣̇идти санд̣̇аанам̣ наама ж̇аад̇ам̣. ид̇ха бана баал̣инид̣̇д̣̇идтз гилзсз табзд̇ваа авасзсаа ‘‘варад̇д̇аа’’д̇и взд̣̇ид̇аб̣б̣аа, ид̇и гилзсаварад̇д̇ан̃жа чзд̇ваад̇и ад̇т̇о. ижчаа лобханд̇и згоязва д̇хаммо ижчанадтзна ижчаа, луб̣бханадтзна лобход̇и вуд̇д̇о. батамуббад̇д̇игаа ваа д̣̇уб̣б̣алаа ижчаа, абараабаруббад̇д̇иго б̣алаваа лобхо. алад̣̇д̇хабад̇т̇анаа ваа ижчаа, бадилад̣̇д̇хавад̇т̇умхи лобхо. самуулам̣ д̇ан̣ханд̇и авиж̇ж̇аамуулзна самуулагам̣ д̇ан̣хам̣. аб̣б̣уяхаад̇и аг̇г̇амаг̇г̇зна уббаадзд̇ваа. сзсам̣ уд̇д̇аанамзваад̇и. навамам̣.
29. Navame catucakkanti catuiriyāpathaṃ. Iriyāpatho hi idha cakkanti adhippeto. Navadvāranti navahi vaṇamukhehi navadvāraṃ. Puṇṇanti asucipūraṃ. Lobhena saṃyutanti taṇhāya saṃyuttaṃ. Kathaṃ yātrā bhavissatīti etassa evarūpassa sarīrassa kathaṃ niggamanaṃ bhavissati, kathaṃ mutti parimutti samatikkamo bhavissatīti pucchati. Naddhinti upanāhaṃ, pubbakāle kodho, aparakāle upanāhoti evaṃ pavattaṃ balavakodhanti attho. Varattanti ‘‘chetvā naddhi varattañca, sandānaṃ sahanukkama’’nti gāthāya (dha. pa. 398; su. ni. 627) taṇhā varattā, diṭṭhi sandānaṃ nāma jātaṃ. Idha pana pāḷiniddiṭṭhe kilese ṭhapetvā avasesā ‘‘varattā’’ti veditabbā, iti kilesavarattañca chetvāti attho. Icchā lobhanti ekoyeva dhammo icchanaṭṭhena icchā, lubbhanaṭṭhena lobhoti vutto. Paṭhamuppattikā vā dubbalā icchā, aparāparuppattiko balavā lobho. Aladdhapatthanā vā icchā, paṭiladdhavatthumhi lobho. Samūlaṃ taṇhanti avijjāmūlena samūlakaṃ taṇhaṃ. Abbuyhāti aggamaggena uppāṭetvā. Sesaṃ uttānamevāti. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. жад̇ужаггасуд̇д̇ам̣ • 9. Catucakkasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. жад̇ужаггасуд̇д̇аван̣н̣анаа • 9. Catucakkasuttavaṇṇanā
