| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. жаад̇уд̣̇д̣̇исасуд̇д̇ам̣
9. Cātuddisasuttaṃ
109. ‘‘бан̃жахи , бхигкавз, д̇хаммзхи саманнааг̇ад̇о бхигку жаад̇уд̣̇д̣̇исо ход̇и. гад̇амзхи бан̃жахи? ид̇ха, бхигкавз, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу; б̣ахуссуд̇о ход̇и суд̇ад̇харо суд̇асаннижаяо , яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа; санд̇удто ход̇и ид̇арийд̇аражийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна; жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий; аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. имзхи, ко, бхигкавз, бан̃жахи д̇хаммзхи саманнааг̇ад̇о бхигку жаад̇уд̣̇д̣̇исо ход̇ий’’д̇и. навамам̣.
109. ‘‘Pañcahi , bhikkhave, dhammehi samannāgato bhikkhu cātuddiso hoti. Katamehi pañcahi? Idha, bhikkhave, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu; bahussuto hoti sutadharo sutasannicayo , ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā; santuṭṭho hoti itarītaracīvarapiṇḍapātasenāsanagilānappaccayabhesajjaparikkhārena; catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī; āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Imehi, kho, bhikkhave, pañcahi dhammehi samannāgato bhikkhu cātuddiso hotī’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9-10. жаад̇уд̣̇д̣̇исасуд̇д̇аад̣̇иван̣н̣анаа • 9-10. Cātuddisasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-10. аананд̣̇асуд̇д̇аад̣̇иван̣н̣анаа • 6-10. Ānandasuttādivaṇṇanā
