| Library / Tipiṭaka / तिपिटक • Tipiṭaka / जातकपाळि • Jātakapāḷi |
१०. दसकनिपातो
10. Dasakanipāto
४३९. चतुद्वारजातकं (१)
439. Catudvārajātakaṃ (1)
१.
1.
चतुद्वारमिदं नगरं, आयसं दळ्हपाकारं।
Catudvāramidaṃ nagaraṃ, āyasaṃ daḷhapākāraṃ;
ओरुद्धपटिरुद्धोस्मि, किं पापं पकतं मया॥
Oruddhapaṭiruddhosmi, kiṃ pāpaṃ pakataṃ mayā.
२.
2.
सब्बे अपिहिता द्वारा, ओरुद्धोस्मि यथा दिजो।
Sabbe apihitā dvārā, oruddhosmi yathā dijo;
किमाधिकरणं यक्ख, चक्काभिनिहतो अहं॥
Kimādhikaraṇaṃ yakkha, cakkābhinihato ahaṃ.
३.
3.
लद्धा सतसहस्सानि, अतिरेकानि वीसति।
Laddhā satasahassāni, atirekāni vīsati;
अनुकम्पकानं ञातीनं, वचनं सम्म नाकरि॥
Anukampakānaṃ ñātīnaṃ, vacanaṃ samma nākari.
४.
4.
लङ्घिं समुद्दं पक्खन्दि, सागरं अप्पसिद्धिकं।
Laṅghiṃ samuddaṃ pakkhandi, sāgaraṃ appasiddhikaṃ;
चतुब्भि अट्ठज्झगमा, अट्ठाहिपि च सोळस॥
Catubbhi aṭṭhajjhagamā, aṭṭhāhipi ca soḷasa.
५.
5.
सोळसाहि च बात्तिंस, अत्रिच्छं चक्कमासदो।
Soḷasāhi ca bāttiṃsa, atricchaṃ cakkamāsado;
इच्छाहतस्स पोसस्स, चक्कं भमति मत्थके॥
Icchāhatassa posassa, cakkaṃ bhamati matthake.
६.
6.
ये च तं अनुगिज्झन्ति, ते होन्ति चक्कधारिनो॥
Ye ca taṃ anugijjhanti, te honti cakkadhārino.
७.
7.
येसञ्चेतं असङ्खातं, ते होन्ति चक्कधारिनो॥
Yesañcetaṃ asaṅkhātaṃ, te honti cakkadhārino.
८.
8.
कम्मं समेक्खे विपुलञ्च भोगं, इच्छं न सेवेय्य अनत्थसंहितं।
Kammaṃ samekkhe vipulañca bhogaṃ, icchaṃ na seveyya anatthasaṃhitaṃ;
करेय्य वाक्यं अनुकम्पकानं, तं तादिसं नातिवत्तेय्य चक्कं॥
Kareyya vākyaṃ anukampakānaṃ, taṃ tādisaṃ nātivatteyya cakkaṃ.
९.
9.
कीवचिरं नु मे यक्ख, चक्कं सिरसि ठस्सति।
Kīvaciraṃ nu me yakkha, cakkaṃ sirasi ṭhassati;
कति वस्ससहस्सानि, तं मे अक्खाहि पुच्छितो॥
Kati vassasahassāni, taṃ me akkhāhi pucchito.
१०.
10.
चक्कं ते सिरसि 7 माविद्धं, न तं जीवं पमोक्खसीति॥
Cakkaṃ te sirasi 8 māviddhaṃ, na taṃ jīvaṃ pamokkhasīti.
चतुद्वारजातकं पठमं।
Catudvārajātakaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४३९] १. चतुद्वारजातकवण्णना • [439] 1. Catudvārajātakavaṇṇanā
