| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
10. දසකනිපාතො
10. Dasakanipāto
439. චතුද්‌වාරජාතකං (1)
439. Catudvārajātakaṃ (1)
1.
1.
චතුද්‌වාරමිදං නගරං, ආයසං දළ්‌හපාකාරං;
Catudvāramidaṃ nagaraṃ, āyasaṃ daḷhapākāraṃ;
ඔරුද්‌ධපටිරුද්‌ධොස්‌මි, කිං පාපං පකතං මයා.
Oruddhapaṭiruddhosmi, kiṃ pāpaṃ pakataṃ mayā.
2.
2.
සබ්‌බෙ අපිහිතා ද්‌වාරා, ඔරුද්‌ධොස්‌මි යථා දිජො;
Sabbe apihitā dvārā, oruddhosmi yathā dijo;
කිමාධිකරණං යක්‌ඛ, චක්‌කාභිනිහතො අහං.
Kimādhikaraṇaṃ yakkha, cakkābhinihato ahaṃ.
3.
3.
ලද්‌ධා සතසහස්‌සානි, අතිරෙකානි වීසති;
Laddhā satasahassāni, atirekāni vīsati;
අනුකම්‌පකානං ඤාතීනං, වචනං සම්‌ම නාකරි.
Anukampakānaṃ ñātīnaṃ, vacanaṃ samma nākari.
4.
4.
ලඞ්‌ඝිං සමුද්‌දං පක්‌ඛන්‌දි, සාගරං අප්‌පසිද්‌ධිකං;
Laṅghiṃ samuddaṃ pakkhandi, sāgaraṃ appasiddhikaṃ;
චතුබ්‌භි අට්‌ඨජ්‌ඣගමා, අට්‌ඨාහිපි ච සොළස.
Catubbhi aṭṭhajjhagamā, aṭṭhāhipi ca soḷasa.
5.
5.
සොළසාහි ච බාත්‌තිංස, අත්‍රිච්‌ඡං චක්‌කමාසදො;
Soḷasāhi ca bāttiṃsa, atricchaṃ cakkamāsado;
ඉච්‌ඡාහතස්‌ස පොසස්‌ස, චක්‌කං භමති මත්‌ථකෙ.
Icchāhatassa posassa, cakkaṃ bhamati matthake.
6.
6.
යෙ ච තං අනුගිජ්‌ඣන්‌ති, තෙ හොන්‌ති චක්‌කධාරිනො.
Ye ca taṃ anugijjhanti, te honti cakkadhārino.
7.
7.
යෙසඤ්‌චෙතං අසඞ්‌ඛාතං, තෙ හොන්‌ති චක්‌කධාරිනො.
Yesañcetaṃ asaṅkhātaṃ, te honti cakkadhārino.
8.
8.
කම්‌මං සමෙක්‌ඛෙ විපුලඤ්‌ච භොගං, ඉච්‌ඡං න සෙවෙය්‍ය අනත්‌ථසංහිතං;
Kammaṃ samekkhe vipulañca bhogaṃ, icchaṃ na seveyya anatthasaṃhitaṃ;
කරෙය්‍ය වාක්‍යං අනුකම්‌පකානං, තං තාදිසං නාතිවත්‌තෙය්‍ය චක්‌කං.
Kareyya vākyaṃ anukampakānaṃ, taṃ tādisaṃ nātivatteyya cakkaṃ.
9.
9.
කීවචිරං නු මෙ යක්‌ඛ, චක්‌කං සිරසි ඨස්‌සති;
Kīvaciraṃ nu me yakkha, cakkaṃ sirasi ṭhassati;
කති වස්‌සසහස්‌සානි, තං මෙ අක්‌ඛාහි පුච්‌ඡිතො.
Kati vassasahassāni, taṃ me akkhāhi pucchito.
10.
10.
චක්‌කං තෙ සිරසි 7 මාවිද්‌ධං, න තං ජීවං පමොක්‌ඛසීති.
Cakkaṃ te sirasi 8 māviddhaṃ, na taṃ jīvaṃ pamokkhasīti.
චතුද්‌වාරජාතකං පඨමං.
Catudvārajātakaṃ paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [439] 1. චතුද්‌වාරජාතකවණ්‌ණනා • [439] 1. Catudvārajātakavaṇṇanā
