| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
சதுகி³ஹிஸஹாயபப்³ப³ஜ்ஜாகதா²வண்ணனா
Catugihisahāyapabbajjākathāvaṇṇanā
30. இதா³னி தஸ்ஸ ஸஹாயானங் பப்³ப³ஜ்ஜங் த³ஸ்ஸெந்தோ ‘‘அஸ்ஸோஸுங் கோ²’’திஆதி³மாஹ. தத்ராயங் அனுத்தானபத³வண்ணனா – ஸெட்டி²னோ ச அனுஸெட்டி²னோ ச யேஸங் குலானங் தானி ஸெட்டா²னுஸெட்டீ²னி குலானி, தேஸங் ஸெட்டா²னுஸெட்டீ²னங் குலானங், பவேணிவஸேன ஆக³தேஹி ஸெட்டீ²ஹி ச அனுஸெட்டீ²ஹி ச ஸமன்னாக³தானங் குலானந்தி அத்தோ². விமலோதிஆதீ³னி தேஸங் புத்தானங் நாமானி. கேஸமஸ்ஸுங் ஓஹாரெத்வாதி கேஸஞ்ச மஸ்ஸுஞ்ச ஓரோபெத்வா. காஸாயானி வத்தா²னீதி கஸாயரஸபீதானி ப்³ரஹ்மசரியங் சரந்தானங் அனுச்ச²விகானி வத்தா²னி. ஓரகோதி ஊனகோ லாமகோ. ஸேஸமெத்த² வுத்தனயமேவ.
30. Idāni tassa sahāyānaṃ pabbajjaṃ dassento ‘‘assosuṃ kho’’tiādimāha. Tatrāyaṃ anuttānapadavaṇṇanā – seṭṭhino ca anuseṭṭhino ca yesaṃ kulānaṃ tāni seṭṭhānuseṭṭhīni kulāni, tesaṃ seṭṭhānuseṭṭhīnaṃ kulānaṃ, paveṇivasena āgatehi seṭṭhīhi ca anuseṭṭhīhi ca samannāgatānaṃ kulānanti attho. Vimalotiādīni tesaṃ puttānaṃ nāmāni. Kesamassuṃ ohāretvāti kesañca massuñca oropetvā. Kāsāyāni vatthānīti kasāyarasapītāni brahmacariyaṃ carantānaṃ anucchavikāni vatthāni. Orakoti ūnako lāmako. Sesamettha vuttanayameva.
சதுகி³ஹிஸஹாயபப்³ப³ஜ்ஜாகதா²வண்ணனா நிட்டி²தா.
Catugihisahāyapabbajjākathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 7. பப்³ப³ஜ்ஜாகதா² • 7. Pabbajjākathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பப்³ப³ஜ்ஜாகதா²வண்ணனா • Pabbajjākathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பப்³ப³ஜ்ஜாகதா²வண்ணனா • Pabbajjākathāvaṇṇanā
