| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
চতুগিহিসহাযপব্বজ্জাকথাৰণ্ণনা
Catugihisahāyapabbajjākathāvaṇṇanā
৩০. ইদানি তস্স সহাযানং পব্বজ্জং দস্সেন্তো ‘‘অস্সোসুং খো’’তিআদিমাহ। তত্রাযং অনুত্তানপদৰণ্ণনা – সেট্ঠিনো চ অনুসেট্ঠিনো চ যেসং কুলানং তানি সেট্ঠানুসেট্ঠীনি কুলানি, তেসং সেট্ঠানুসেট্ঠীনং কুলানং, পৰেণিৰসেন আগতেহি সেট্ঠীহি চ অনুসেট্ঠীহি চ সমন্নাগতানং কুলানন্তি অত্থো। ৰিমলোতিআদীনি তেসং পুত্তানং নামানি। কেসমস্সুং ওহারেত্ৰাতি কেসঞ্চ মস্সুঞ্চ ওরোপেত্ৰা। কাসাযানি ৰত্থানীতি কসাযরসপীতানি ব্রহ্মচরিযং চরন্তানং অনুচ্ছৰিকানি ৰত্থানি। ওরকোতি ঊনকো লামকো। সেসমেত্থ ৰুত্তনযমেৰ।
30. Idāni tassa sahāyānaṃ pabbajjaṃ dassento ‘‘assosuṃ kho’’tiādimāha. Tatrāyaṃ anuttānapadavaṇṇanā – seṭṭhino ca anuseṭṭhino ca yesaṃ kulānaṃ tāni seṭṭhānuseṭṭhīni kulāni, tesaṃ seṭṭhānuseṭṭhīnaṃ kulānaṃ, paveṇivasena āgatehi seṭṭhīhi ca anuseṭṭhīhi ca samannāgatānaṃ kulānanti attho. Vimalotiādīni tesaṃ puttānaṃ nāmāni. Kesamassuṃ ohāretvāti kesañca massuñca oropetvā. Kāsāyāni vatthānīti kasāyarasapītāni brahmacariyaṃ carantānaṃ anucchavikāni vatthāni. Orakoti ūnako lāmako. Sesamettha vuttanayameva.
চতুগিহিসহাযপব্বজ্জাকথাৰণ্ণনা নিট্ঠিতা।
Catugihisahāyapabbajjākathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ৭. পব্বজ্জাকথা • 7. Pabbajjākathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / পব্বজ্জাকথাৰণ্ণনা • Pabbajjākathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পব্বজ্জাকথাৰণ্ণনা • Pabbajjākathāvaṇṇanā
