| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
చతుగిహిసహాయపబ్బజ్జాకథావణ్ణనా
Catugihisahāyapabbajjākathāvaṇṇanā
౩౦. ఇదాని తస్స సహాయానం పబ్బజ్జం దస్సేన్తో ‘‘అస్సోసుం ఖో’’తిఆదిమాహ. తత్రాయం అనుత్తానపదవణ్ణనా – సేట్ఠినో చ అనుసేట్ఠినో చ యేసం కులానం తాని సేట్ఠానుసేట్ఠీని కులాని, తేసం సేట్ఠానుసేట్ఠీనం కులానం, పవేణివసేన ఆగతేహి సేట్ఠీహి చ అనుసేట్ఠీహి చ సమన్నాగతానం కులానన్తి అత్థో. విమలోతిఆదీని తేసం పుత్తానం నామాని. కేసమస్సుం ఓహారేత్వాతి కేసఞ్చ మస్సుఞ్చ ఓరోపేత్వా. కాసాయాని వత్థానీతి కసాయరసపీతాని బ్రహ్మచరియం చరన్తానం అనుచ్ఛవికాని వత్థాని. ఓరకోతి ఊనకో లామకో. సేసమేత్థ వుత్తనయమేవ.
30. Idāni tassa sahāyānaṃ pabbajjaṃ dassento ‘‘assosuṃ kho’’tiādimāha. Tatrāyaṃ anuttānapadavaṇṇanā – seṭṭhino ca anuseṭṭhino ca yesaṃ kulānaṃ tāni seṭṭhānuseṭṭhīni kulāni, tesaṃ seṭṭhānuseṭṭhīnaṃ kulānaṃ, paveṇivasena āgatehi seṭṭhīhi ca anuseṭṭhīhi ca samannāgatānaṃ kulānanti attho. Vimalotiādīni tesaṃ puttānaṃ nāmāni. Kesamassuṃ ohāretvāti kesañca massuñca oropetvā. Kāsāyāni vatthānīti kasāyarasapītāni brahmacariyaṃ carantānaṃ anucchavikāni vatthāni. Orakoti ūnako lāmako. Sesamettha vuttanayameva.
చతుగిహిసహాయపబ్బజ్జాకథావణ్ణనా నిట్ఠితా.
Catugihisahāyapabbajjākathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౭. పబ్బజ్జాకథా • 7. Pabbajjākathā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / పబ్బజ్జాకథావణ్ణనా • Pabbajjākathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / పబ్బజ్జాకథావణ్ణనా • Pabbajjākathāvaṇṇanā
